|
Posted: 14 Apr 2012 12:14 AM PDT
 Photo Creator..ငြိမ်း စု  |
|
Posted: 14 Apr 2012 12:01 AM PDT
ရွှေးကောက်ပွဲတွင် ကော့မှုးမြို့နယ် ကျေးရွာအုပ်စုများမှ မဲပေးခဲ့သည့် အသက် အကြီးဆုံးမဲဆန္ဒရှင်(၆၂) ဦးကို မြန်မာနှစ်ဆန်း
တစ်ရက်နေ့တွင် ဖိတ်ကြားကာ ဒေါ်အောင်ဆန်းစုကြည်မှ ဂါရ၀ပြုကန်တော့မည်ဟု သိ ရသည်။ ကော့မှုးမြို့နယ်တွင် ကျေးရွာ အုပ်စု(၆၂)စုရှိရာ အုပ်စုတစ်စုစီမှ မဲပေးခဲ့သူ အသက် အကြီးဆုံး ပုဂ္ဂိုလ် တစ်ဦး စီကို ဖိတ်ကြားမည် ဟု ကော့မှုးမဲအောင်နိုင်ရေးအဖွဲ့ မှ ဦးလှမြင့်က ပြော သည်။ " NLD (အမျိုးသားဒီမိုကရေစီအဖွဲ့ချုပ်) ကိုမဲပေးမှမဟုတ်ဘူး၊ဘယ်ပါတီပဲ မဲထည်ခဲ့ထည်ခဲ့ အုပ်စုတစ်စုစီက အသက်အကြီးဆုံး မဲထည့်ခဲ့သူ၊ ကော့မှုး ကိုလည်းလာနိုင် လောက်တဲ့လူ က်ိုပြောတာပါ " ဟု ၎င်းက ရှင်းပြသည်။ သက်ကြီး ပုဂ္ဂိုလ်များကို ကော့မှုးသို့ ဖိတ်ကြား၍ ဂါရ၀ပြုကန်တော့ပြီးပါက ၎င်းတို့ ထဲမှ ပထမဆု၊ဒုတိယဆု၊တတ်ိယဆု သုံးဆုကို မဲနှိုက်ရွေးချယ်ကာ ရပ်ရွာအကျိုးပြု ရန်ပုံငွေများ ပေးအပ်ချီးမြုင့်မည်ဟု သိရသည်။ ရန်ပုံငွေအနေဖြင့် ပထမဆု (၁၇၅)သိန်း၊ ဒုတ်ိယဆု(၇၅)သိန်း၊ တတိယဆု သိန်း(၅၀) ချီးမြုင့်မည်ဖြစ်သည်။ " မဲပေါက်တဲ့ ဘိုးဘွားရဲ့  ရွာတွေက ဒီငွေတွေကို ရပ်ရွာအကျိုးအတွက် ဘယ်နေရာတွေမှာသုံးမလဲဆိုတာ စီမံချက် ဆွဲပြီး ပြန်တင်ပေးရမယ်။ ကျေးရွာရန်ပုံငွေသဘောပေါ့။ "ဟု ကော့မှုးမဲအောင်နိုင်ရေး အဖွဲ့ ၀င် ကိုလင်းဇော်က ပြောသည်။ မြန်မာနှစ်ဆန်းတစ်ရက်နေ့ တွင် ပြုလုပ်မည့် အဆိုပါ ဂါရ၀ပြုကန်တော့ပွဲသို့ ရန်ကုန် မှ အနုပညာရှင်များလည်း လာရောက် ကာအနာပညာ ဖျော်ဖြေရေးအစီအစဉ်များတင်ဆက်ကြမည်ဟု သိရသည်။ ကျော်ရဲလင်း Popular Myanmar News Journal  |
|
Posted: 13 Apr 2012 10:37 PM PDT
 သူများတွေ ပျော်ရွှင်ကြည်နူးတဲ့ မြန်မာသင်္ကြန်နှစ်သစ် အခါသမယမှာ ကိုယ်တို့မိသားစုက မျက်ရည်ရွဲလဲနဲ့ အနာဂတ်အတွက် ပူပန်မှုများစွာနဲ့ နှစ်သစ်ကို ကြိုလင့်ကြရလေပြီ။ ထောင်ဒဏ်နှစ်(၂၀)တဲ့။ အခုအသက်(၃၈)ဆိုတော့ အသက်(၅၈)နှစ်ထိ ထောင်ထဲမှာနေရမယ်ပေါ့။ လွတ်ငြိမ်းချမ်းသာခွင့်ဆိုတာလည်း ပေးချင်တဲ့သူကိုပဲ ရွေးပေးတာမျိုးဆိုပဲ။ လျော့ရက်တော့ ရှိမပေါ့။ သားက (၁၂နှစ်)၊ သမီးက (၃နှစ်)။ အဖေမရှိတော့သလို သူတို့လေးတွေ နှစ်(၂၀)လောက် နေကြရတော့မယ်။ ၀က်ဘ်ဆိုက်မှာ သတင်းတွေရေးလို့တဲ့။ တပ်မိသားစုတိုင်း လက်ဘက်ရည်ဆိုင်၊ အရက်ဆိုင်မှာ ပြောနေကြစကားတွေ၊ ရင်တွင်းခံစားချက်တွေကို သတင်းဆောင်းပါးတွေ အနေ...နဲ့ ရေးမိလို့တဲ့။ မှန်တာတွေ ရေးထားတာကို နာလိုခံခက်ဖြစ်ကြလို့ပဲလား။ စွဲချက်တင်လိုက်တဲ့ ပုဒ်မတွေကလည်း နှစ်ခု၊ သုံးခုဆိုလား။ အဓိက က အီလက်ထရောနစ်ဥပဒေ ပုဒ်မ ၃၃(က)ဆိုလား၊ ၃၅(က)ဆိုလား။ နှိပ်စက်ညှင်းပန်းပြီး အပြစ်ရှိပါတယ်လို့ ၀န်ခံခိုင်းလို့ပဲလား။ ဘာပဲဖြစ်ဖြစ် အရပ်သားအဖြစ် ပြောင်းလဲပစ်လိုက်ပြီး အရပ်ဖက်ထောင်ကိုတော့ ကျန်းကျန်းမာမာနဲ့ စိတ်ထိခိုက်ပင်ပန်းစွာနဲ့ ရောက်ရှိသွားလေပြီ။ သူများတွေ ပျော်ရွှင်ကြည်နူးတဲ့ မြန်မာသင်္ကြန်နှစ်သစ် အခါသမယမှာ ကိုယ်တို့မိသားစုက မျက်ရည်ရွဲလဲနဲ့ အနာဂတ်အတွက် ပူပန်မှုများစွာနဲ့ နှစ်သစ်ကို ကြိုလင့်ကြရလေပြီ။ တစ်ချို့မိသားစုတွေကတော့ အမျိုးထဲ ထောင်ကျနေတာ မပြောဝံ့ဘူး။ ကိုယ်တို့ကတော့ မရှက်ဘူး။ မေးလာတဲ့သူတွေကို ဒီလိုပဲ ဖြေမှာပါ။ ရာထူးတိုးသင့်တဲ့အချိန်မှာ တိုးမပေးပဲ ညစ်ထားခြင်း ခံရတဲ့သူတွေကိုယ်စား ရေးမိတာ ပြောမိတာ ပုထုဇဉ်သဘာဝပါ။ အရှိအရှိအတိုင်း၊ ဖြစ်နေတာဖြစ်နေတဲ့အတိုင်း မှန်ရာ ရေးမိ၊ ပြောမိလို့ တပ်စည်းကမ်းဖေါက်တယ်၊ ဥပဒေချိုးဖေါက်တယ်ဆိုပြီး ထောင်ချခံရတာပါ။ နံမည်ပေါက်နဲ့ ၁၅ သိန်းကျော်သွင်းထားရတဲ့ ဖုန်းလည်း မိသားစုကိုပြန်မပေးပါဘူး။ ပင်စင်ဆိုတာ့ ဝေးရော့။ ဘာပဲဖြစ်ဖြစ်ပါလေ။ ကျွန်တော်တို့ မိသားစုက ပြီးပြည့်စုံတဲ့ သည်းခံခြင်းမဟုတ်ပေမယ့်လည်း အရင်ဘ၀က ကြွေးဟောင်းရှိလို့ ဆပ်ရတယ်ပဲ သဘောထားပြီး ကိုယ့်ကိုယ်ကို နှစ်သိမ့်ကြပါတယ်။ ဘယ်နိုင်ငံတကာ၊ ဘယ်ပါတီ၊ အဖွဲ့အစည်း၊ အင်ဂျီအိုကိုမှလည်း အကူအညီမတောင်းပါဘူး။ ဘယ်မီဒီယာကိုမှလည်း မပြောနေပါဘူး။ ပြည်တွင်းရေး ပြည်တွင်းမှာသာ ဆိုတာကိုလည်း လက်ခံပါတယ်။ ဒါကြောင့်မို့ နိုင်ငံသားတစ်ယောက်အနေနဲ့ ရသင့်တဲ့ အခွင့်အရေးအဖြစ် နိုင်ငံရဲ့ အမြင့်ဆုံး အာဏာပိုင်အဖွဲ့ကိုတော့ဖြင့် မိသားစုက ပြစ်ဒဏ်လျော့ပေါ့ပေးဖို့ တောင်းဆိုသွားမှာပါ။ ရှေ့နေငှားခွင့်မရှိပဲ၊ ထုချေခွင့်မရှိပဲ၊ အများပြည်သူရှေ့မှာ ချခဲ့တာ မဟုတ်တဲ့ စီရင်ချက်မျိုးကို ကာလုံ ဥက္ကဌနဲ့ သမ္မတကြီးက လွဲရင် ဘယ်သူကများ ပြင်ပေးနိုင်မှာမို့လဲ။ ဒီ စာကို ဖတ်ရတဲ့ လက်ရှိ ဒီလိုအရှုပ်အထွေးထဲပါနေဆဲ၊ ပါရန်ပြင်ဆင်နေဆဲ တပ်မတော်သားများခင်ဗျား။ ကျွန်တော့အစ်ကို (ဗိုလ်ကြီးနေလင်းဒွေး၊ လေ ၂၂၈၂၊ DSA ၃၇ ဆင်း) ကတော့ ရှေ့ဆောင်စံပြ ထောင်နှစ်ဆယ် ကျသွားခဲ့ပါပြီ။ ဆင်ခြင်နိုင်ကြဖို့ပါ။ မိသားစုကို ငှဲ့ညှာကြဖို့ပါ။ စစ်ကြောရေးစခန်းမှာ စစ်ကြောမယ့် နည်းလမ်းတွေကို ကြိုတွေးထားကြဖို့ပါ။ ဒုတိယအရွယ်ကနေ တတိယအရွယ်ကို ၁၀ ပေ ပတ်လည်အခန်းကျဉ်းလေးထဲမှာ အစား၊ အနေဆင်းရဲစွာနဲ့ ကျော်ဖြတ်ရမှာကို စဉ်းစားထားဖို့ပါ။ ခင်ဗျားတို့ အကြီးအကဲကတော့ ဥပဒေအထက်တွင် မည်သူမျှ မရှိစေရပါတဲ့ခင်ဗျာ။ အဲဒီစကား အမြဲမှန်နေရင်တော့ နိုင်ငံအတွက် လွှတ်ကောင်းပေါ့ဗျာ။ အဲ.. ကျွန်တော့ အီးမေးလ်နဲ့ ဒီဖေ့ဘွတ်ကိုလည်း စောင့်ကြည့် ထောက်လှမ်းနေပါတယ်တဲ့ခင်ဗျာ။ ကွန်မင့်ပေးရင် ကြည့်ပေးကြပေါ့ခင်ဗျာ။ ခင်ဗျားတို့ နောက်ကျောမှာ ကင်မရာတွေ တပ်ပြီး zoom ဆွဲကြည့်နိုင်တာ၊ ခင်ဗျားတို့ ဖုန်းတွေအားလုံးကို ကြားဖြတ်ဖမ်းယူပြီး digital format နဲ့ Hard disk တွေထဲ သိုမှီးထားတာ၊ အင်တာနက်ဆိုင် ကောင်တာကနေ ခင်ဗျားတို့ ကြည့်နေတဲ့ ၀က်ဆိုက်စာမျက်နှာတွေကို ခင်ဗျားတို့ မြင်ရတဲ့အတိုင်း မြင်နေနိုင်တာတွေကို သတိရကြပါ။ ဒီအကြောင်းအရာနဲ့ပတ်သက်ပြီး သတင်း ဝေဖန်ချက် ပြောချင်ရင် ၀၉၄၉၃၂၈၅၅၉ ကို ဆက်ပေးပါ ကိုနေမျိုးဇင်  |
|
Posted: 13 Apr 2012 11:51 AM PDT
 |
|
Posted: 13 Apr 2012 11:45 AM PDT
 အိပ်ခန်းထဲ၌ စလောင်းတီဗီမှ အင်တာဗျူးတစ်ခု လာနေသည်။ ၄င်းအင်တာဗျူးကို စိတ်ဝင်တစား နားထောင်မိခဲ့သည်။ သဘောကျသည်။ ယင်းအင်တာဗျူးတွင် မူကြိုကျောင်းမှ ဆရာမငယ်တစ်ယောက်ကို မေးမြန်းခြင်းဖြစ်သည်။ ပြထားသော နောက်ခံလှုပ်ရှားမှုတွင် ကလေးငယ်များက မြက်ခင်းပေါ်တွင် ဆော့ကစားနေကြသည်။ '' ဆရာမ တာဝန်ထမ်းတာ ကြာပြီလား '' '' (၃) နှစ်လောက်ရှိပြီ '' '' ဘာတာဝန်ယူရသလဲ '' '' ကလေးတွေရဲ့ စရိုက်သဘာဝကို သူတို့စရိုက်အမှန်အတိုင်း မိဘတွေသိဖို့၊ ကလေးတွေကိုယ်တိုင်သိဖို့ တာဝန်ကို ယူရတယ် '' '' မူကြိုဆရာမအလုပ်ကို ဘာကြောင့်ရွေးချယ်ဖြစ်တာလဲ '' '' နောင်တစ်ချိန်မှာ တန်ဖိုးအရှိဆုံး လူသားတွေဖြစ်လာမဲ့ ကလေးငယ်တွေကို အသေအချာ လေ့လာခွင့်၊ ထိတွေ့ခွင့်ရတဲ့ အလုပ်ဆိုတာ မူကြိုဆရာမ အလုပ်ပဲရှိတာလေ။ ဒါကြောင့် မူကြိုဆရာမ အလုပ်ကို ကျွန်မရွေးချယ်တာ '' '' ဒီထက်ပိုပြီး ရှင်းပြလို့ရမလား '' '' ကလေးဆိုတာ ချစ်စရာကောင်းတယ်။ အားကိုးစရာ ကောင်းတယ်။ ကြောက်စရာလည်း ကောင်းတယ်ရှင့် '' '' ဘာကြောင့်လဲ '' '' ရိုးသားလို့ ချစ်စရာကောင်းတာလေ။ အနာဂတ်အတွက် ပညာတက်တွေ၊ ပညာရှင်တွေဖြစ်လာမှာမို့ အားကိုးစရာလည်း ကောင်းတယ် '' '' ဒါဖြစ်ရင် ဘာလို့ ကြောက်စရာကောင်းတာလဲ '' '' ဒီကလေးတွေ ယဉ်ကျေးလိမ္မာခြင်းမရှိပဲ ကြီးလာခဲ့ရင် အားလုံးအတွက် ရန်သူဖြစ်နိုင်လို့ပဲ။ အရှေ့တိုင်းစာပေမှာ အမွေခံ သားဆိုးသမီးဆိုး ကို ရန်သူထဲမှာ ထည့်ထားတာဖတ်ဖူးတယ်။ ဒီတော့ ကလေးဆိုတာ ကျွန်မတို့ ပညာရေးပေါ်လစီမှားရင် ရန်သူဖြစ်လာနိုင်တယ်။ ဒါကြောင့် ကြောက်တာ '' '' ဟုတ်တယ်နော်...ဆက်ပြောပါဦး '' '' ကျွန်မက ဒါ့ကြောင့် ဆရာမအလုပ်ကို နှစ်သက်တာ။ ရောက်စတုန်းကတော့ စိတ်ညစ်တာပေါ့ရှင်။ မျောက်တွေ၊ ကျားတွေကို ထိန်းနေရတဲ့အတိုင်းပဲ။ တဖြည်းဖြည်းနဲ့ သူတို့ရဲ့ ချစ်စရာအမူအကျင့်တွေကြောင့် ချစ်တက်လာတယ်။ ဒီလိုပဲ ကိုယ့်ရဲ့ တာဝန်ကို ကိုယ်ကိုယ်တိုင် ကျေနပ်လာတဲ့အတွက် ပျော်လာတယ် '' '' ပညာရေးရဲ့ အဓိကရည်မှန်းချက်က ဘာလဲဗျ။ ခင်ဗျားနားလည်သလို ပြောပြစမ်းပါ '' '' ကျွန်မ အယူအဆကို ပြောပြမယ်နော်၊ ပညာရေးရဲ့ အဓိက ရည်မှန်းချက်ဆိုတာ ဧကရာဇ်ဘုရင်ကြီးတွေ မွေးဖွားပေးဖို့လည်း မဟုတ်ဘူး၊ မဟာသူဋ္ဌေးမင်းကြီးတွေ ပေါ်ပေါက်လာဖို့လည်း မဟုတ်ဘူး၊ မဟာပညာကျော်ကြီးတွေဖြစ်လာဖို့လည်း မဟုတ်ဘူး၊ ပညာရေးရဲ့ အဓိကရည်မှန်းချက်ဟာ တိုင်းပြည်အနေနဲ့ ပြောရမယ်ဆိုရင် နိုင်ငံသူ နိုင်ငံသားကောင်းတွေ မွေးထုတ်ပေးဖို့ပဲ။ လူတွေကို ချစ်တက်လာအောင် သင်ပေးဖို့ပဲ။ အိမ်တစ်အိမ်အနေနဲ့ ပြောရမယ်ဆိုရင် သားကောင်းသမီးကောင်း၊ မိသားစုကောင်းဖြစ်အောင် သင်ပေးခြင်းဟာ အခြေခံပညာရေးရဲ့ ရည်မှန်းချက်ပဲ'' '' ခင်ဗျားဖြေတာ တော်တော်ကောင်းတာပဲ။ ဆက်ပြီး မေးခွင့်ပြုပါ '' '' ရပါတယ် '' '' လစာ ဘယ်လောက်ရပါသလဲ '' '' ဒီမေးခွန်းကတော့ မမေးသင့်ဘူးထင်တယ် '' '' ဒီလိုပါ...၀န်ထမ်းတစ်ယောက်ဟာ လာစာလုံလောက်စွာ မရရင် အကျင့်ပျက်နိုင်တယ်။ အကျင့်ပျက်ဝန်ထမ်းဆိုတာ သူ့အလိုလို ဖြစ်လာတာ မဟုတ်ဘူး။ ခေတ်အခြေအနေနဲ့ လာစာ ညီမျှမှုမရှိခြင်းဟာ အကျင့်ပျက်ဝန်ထမ်းကို မွေးဖွားပေးတက်တယ်။ ဒါကြောင့်မေးတာပါ '' '' လာစာက လုံလောက်ပါတယ်၊ ခံစားခွင့်တွေလည်း အပြည့်အ၀ ပေးထားတယ်လေ။ ဒီတော့ ကျွန်မတို့ဘက်က ကိုယ်လုပ်တဲ့အလုပ်အပေါ်မှာ စေတနာလည်း ပါသင့်တယ်။ ၀ါသနာလည်း ပါသင့်တယ်။ ကိုယ့်အလုပ်ကို ကိုယ်တန်ဖိုးထားတက်ဖို့လည်း လိုတယ်၊ ဒါမှ ၀န်ထမ်းကောင်းဖြစ်မှာရှင့် '' '' ဆက်ပြီးမေးပါရစေ '' '' ကောင်းပါပြီ ...မေးပါရှင် '' '' ကလေးတွေက ဥာဏ်ရည်ဘယ်လိုနေသလဲ '' '' ပြန်ပြီးမေးပါ၊ မေးခွန်းကို နားမလည်လို့ပါ '' '' ကလေးတွေက တော်သလား၊ ညံသလားလို့ ဆိုလိုတာပါ '' ဒါဆိုရင် ရှင့်ကို ကျွန်မ မေးခွန်းတစ်ခု ပြန်မေးမယ်။ နှင်းဆီပန်းနဲ့ စံပယ်ပန်း ဘယ်ပန်းက ပိုလှသလဲ '' '' ဘာဆိုင်လို့လဲ '' '' ဖြေကြည့်ပါ '' '' နှင်းဆီပန်းက လှတာပေါ့ '' '' ကျွန်မမေးတာက နှင်းဆီပန်းနဲ့ စံပယ်ပန်း။ ဘယ်ပန်း ပိုလှသလဲလို့ မေးတာလေ '' '' ဖြေပြီးပြီလေ။ နှင်းဆီပန်းက လှတယ်လို့ '' '' ကျွန်မမေးတာ ဘယ်ပန်းကို ပိုကြိုက်သလဲလို့ မေးတာမဟုတ်ဘူး။ ရှင်က...ရှင်ကြိုက်တဲ့ နှင်းဆီပန်းကိုပဲ လှတယ်လို့ ပြောနေတယ် '' '' ဟုတ်သားပဲ။ ကျုပ်က နှင်းဆီပန်းကို ကြိုက်တာဗျ၊ ဒါ့ကြောင့် နှင်းဆီပန်းကို လှတယ်လို့ ဖြေလိုက်မိတာပဲ '' '' တကယ်တော့ နှင်းဆီပန်းလည်း လှသလို စံပယ်ပန်းလည်း လှတာပါပဲရှင်၊ ကလေးတွေကို တော်သလား၊ ညံသလားဆိုတဲ့ မေးခွန်းဟာ လူကြီးတွေ ဘယ်တော့မှ မမေးသင့်တဲ့ မေးခွန်းပဲ။ သူ့အလှနဲ့သူ အားလုံးလှကြပါတယ်။ ကျွန်မတို့လူကြီးတွေကသာ လူငယ်တွေကို တန်ဖိုးထားတက်ကြဖို့ ပိုပြီးလိုအပ်တယ်။ ဘာပဲပြောပြော ကလေးတွေအားလုံး မညံကြပါဘူး။ သူတို့မှာ ကျွန်မတို့နဲ့ မတူတဲ့ စိတ်ကူးစိတ်သန်းတွေ ရှိနေကြပါတယ်။ လူငယ်တွေရဲ့ စိတ်ကူးစိတ်သန်းဆိုတာ တိုင်းပြည်တစ်ပြည်ရဲ့ သယံဇာတ တစ်ခုပါပဲရှင့်။ အဲဒီ စိတ်ကူးစိတ်သန်းတွေကို ဖျက်ဆီးမပစ်ဖို့ပဲ လိုတယ်။ လူငယ်တွေရဲ့ အိပ်မက်တွေကို တည်ဆောက်ပေးရခြင်းဟာ နိုင်ငံတစ်ခုရဲ့ တာဝန်ပဲရှင့် '' '' ခင်ဗျားက ဆရာမလုပ်သက် အနည်းငယ်သာ ရှိပေမယ့် မေးခွန်းတွေရဲ့ အဖြေကို စနစ်တကျ ဖြေတက်တယ်နော် '' '' စာဖတ်လို့ပါ '' '' ဘာစာတွေ ဖတ်သလဲ '' '' အစုံဖတ်တယ်၊ အားရင် ကျွန်မက စာဖတ်တယ် '' '' ဒါနဲ့ မေးရအုံးမယ်၊ အိုဘားမားကို နှစ်သက်သလား '' '' နှစ်သက်ခဲ့ပါတယ် '' '' နောက်ထပ်တစ်ကြိမ်အတွက် ထပ်ပြီှး နှစ်သက်နိုင်ပါဦးမလား '' '' ဒါကတော့ မပြောနိုင်ဘူးရှင့်၊ သူ့အပြောနဲ့ သူ့အလုပ်ကို စောင့်ကြည့်ရမှာပဲ၊ အပြောနဲ့ အလုပ်ညီရင်တော့ တစ်မျိုးပေါ့၊ အပြောတစ်ခြား၊ အလုပ်တစ်ခြား ဆိုရင်လည်း တစ်မျိုးပေါ့လေ '' '' သမ္မတကြီးနဲ့ ခင်ဗျားနဲ့ တိုင်းပြည်အတွက် ဘယ်သူက ပိုအရေးကြီးသလဲ '' '' တိုင်းပြည်အတွက်ဆိုရင်တော့ သူရော၊ ကျွန်မရော၊ ရှင်ရော၊ ဒီနိုင်ငံမှာ ရှိတဲ့ လူတွေအားလုံး အတူတူပဲ အရေးကြီးတယ်။ ရှင့်မေးခွန်းက တစ်ခုခု လိုနေသလိုပဲ။ ဒီနိုင်ငံမှာနေ၊ ဒီမြေ၊ ဒီရေ၊ ဒီလေနဲ့ အသက်ရှင်ကြသူအချင်းအချင်း အားလုံးအတွက် အားလုံးအရေးကြီးတယ်။ အားလုံး အရေးကြီးတယ်။ အားလုံးအရေးပါတယ်။ အားလုံးကောင်းမှ အားလုံးကောင်းမှာပေါ့။ တစ်ဦးတစ်ယောက်၊ တစ်သင်းတစ်ဖွဲ့ ကောင်းရုံနဲ့ အားလုံးမကောင်းနိုင်ပါဘူး '' '' အောရိုက်စ်။ ကောင်းလိုက်တဲ့ အဖြေဗျာ။ နောက်ဆုံးမေးခွန်းတစ်ခု မေးပါရစေ '' '' မေးပါ '' '' သမ္မတကြီးနဲ့ ခင်ဗျား တိုင်းပြည်အတွက် ဘယ်သူကပိုပြီး တာဝန်ရှိသလဲ '' '' ဒါကလည်း ရှင်းရှင်းလေးပါ၊ ကျွန်မကပိုပြီး တာဝန်ရှိတာပေါ့ '' '' ဘာကြောင့်လဲဗျ၊ ခင်ဗျားအဖြေက တစ်မျိုးကြီးပါလား '' '' ဟုတ်တယ်ရှင့်၊ သမ္မတတို့၊ ၀န်ကြီးချုပ်တို့၊ အမတ်တို့ဆိုတာ ပါတီနောက်ခံတစ်ခုနဲ့ ရွေးချယ်ခြင်းခံရပြီး တာဝန်အပ်နှင်း ခံရတဲ့သူတွေလေ။ (၄)နှစ်သက်တမ်းအတွင်းမှာကို တာဝန်က ရပ်စဲခြင်းခံရနိုင်တာပဲ။ နောက်ထပ်(၄)နှစ်ဆိုတာ ဘာမှမသေချာဘူးလေ။ ကျွန်မတို့က နိုင်ငံဝန်ထမ်းတွေရှင့်။ ပင်စင်မယူမချင်း အလုပ်လုပ်ကြရမှာ။ တိုင်းပြည်အတွက် ကျွန်မတို့ဝန်ထမ်းတွေက ပိုပြီး တာဝန်ရှိတာပေါ့ရှင့်။ ၀န်ထမ်းကောင်းမှ တိုင်းပြည်ကောင်းမှာရှင့် '' '' ကျေးဇူးတင်ပါတယ်၊ ခင်ဗျားအဖြေကို သဘောကျပါတယ် '' '' ကျွန်မကလည်း ဖြေဆိုခွင့်ရလို့ ကျေးဇူးတင်ပါတယ် '' .........................ပြီး........................... တစ်ခါတစ်ရံတွင် လူတို့သည် ကိုယ့်တန်ဖိုးကို ကိုယ်မသိကြ။ ကိုယ့်နေရာကိုယ် တန်ဖိုးမထားကြ။ ကိုယ့်တာဝန်ကို ကိုယ်မသိကြ။ သားငယ်လေး (မူလ စာရေးသူ) Ko Ko Zaw ၏ စာမျက်နှာ မှ ရရှိသည်။(ထို့အတွက် ကျေးဇူးတင်ရှိပါကြောင်း ဆိုအပ်ပါသည်...) ကိုဝိုင်ဝိုင်ကေ  |
| You are subscribed to email updates from dawnmanhon To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
No comments:
Post a Comment