|
Posted: 30 Mar 2012 12:12 PM PDT
အဖွဲ့ချုပ်ရဲ့ ရွေးကောက်ပွဲ လက်ကမ်း စာစောင်တွေကို ဝမ်းပန်းတသာ ရယူပြီး ပြန်လည် အသိအမှတ်ပြုနေကြတဲ့ ပြည်သူ့တပ်မတော်သားများ..
အမျိုးသားဒီမိုကရေစီအဖွဲ့ချုပ်ရဲ့ ရွေးကောက်ပွဲ အောင်နိုင်ရေး မဲဆွယ် စည်းရုံးရေး ခရီးစဉ်အတွင်း တပ်မတော်သားများမှ
အဖွဲ့ချုပ် လက်ကမ်းစာစောင်များအား ဝမ်းပန်းတသာ လက်ခံ ရယူပြီး အပြန်အလှန် အသိအမှတ်ပြုနေကြတဲ့ မြင်ကွင်း ဓာတ်ပုံတွေပါ...။ အကြောင်းကြောင်းကြောင့် မည်သည့်မြို့ မည်သည့်တပ်ဆိုတာကို ကာယကံရှင်များရဲ့ လုံခြုံရေးကြောင့် မဖော်ပြနိုင်တာကိုတော့ နားလည်စေချင်ပါတယ်..။
ပြီးခဲ့တဲ့ ၁၉၉၀ရွေးကောက်ပွဲတွေမှာ တပ်မြို့တွေဖြစ်တဲ့ မင်္ဂလာဒုံ၊ မှော်ဘီအစရှိတဲ့ နေရာတွေမှာ အဖွဲ့ချုပ်က
ပြတ်ပြတ်သားသား အနိုင်ရခဲ့တာ မှတ်မိကြဦးမှာပါ..။ လတ်တလော အမျိုးသားဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင် ဆန်းစုကြည်ရဲ့ စည်းရုံးရေး ခရီးစဉ်တွေမှာလည်း ယူနီဖောင်းကို ချွတ်ပြီး လာရောက်အားပေးကြတဲ့ သူတွေဒုနဲ့ဒေးပါ..။ ကလောမြို့က တပ်သားလေး ကျော်ဇင်ဝင်းတို့ အဖွဲ့ချုပ်ကို လာရောက်တိုင်ကြားတဲ့ ရေတပ်သားသူရိန်တို့ သတင်းတွေဟာလည်း အင်တာနက် သတင်းစာမျက်နှာတွေမှာြ မင်တွေ့နေရတာပါ..။ လူထုခေါင်းဆောင်မှလည်း မြန်မာပြည်ရဲ့ ပြုပြင်ပြောင်းလဲရေးတွေမှာ တပ်မတော်မှ ပူပေါင်းပါဝင် ဆောင်ရွက်ဖို့ ပြောဆိုနေတာလည်း အများသိပြီး ဖြစ်ပါတယ်..။ တကယ့် အရာခံ၊ အကြပ်၊ တပ်သားတွေရဲ့ ရင်ထဲမှာလည်း အမှန်တရားဆိုတာကို သိရှိနားလည် ပြီးသားပါ...။ တပ်မတော်နဲ့ ပြည်သူကို ရန်သူသဖွယ် ပိုင်းခြားခဲ့တဲ့ လူနည်းစု တဦး၊ တဖွဲ့ ကြောင့် အိမ်ကြက်အချင်းချင်း ပြန်ခွပ်နေရပြီး ပြည်သူနဲ့ အလှမ်းဝေးနေရတာပါ ...။ 
ကောင်းမွန်တဲ့ စံနစ်တခုအောက်ကို ပြန်လည်ရောက်ရှိမှသာ တပ်မတော်သားတွေရဲ့
ဘဝတွေ သာယာစိုပြေနိုင်မှာ ဖြစ်သလို ခေတ်မှီပြီး အင်အားတောင့်တင်းတဲ့ ပြည်သူ့ကို ကာကွယ်တဲ့ တပ်မတော်ဆိုတာ ဖြစ်လာမှာပါ...။ တိုင်းပြည် အင်းအားရှိမှ တပ်မတော်လည်း အင်အားရှိလာမှာ မလွဲမသေပါပဲ။ အနာဂတ်မှာ ဗိုလ်ချုပ်တည်ထောင်ခဲ့တဲ့ ပြည်သူချစ်တဲ့ ပြည်သူတပ်မတော်ဆိုတဲ့ ကောင်းမွေကို ပြန်လည် ဆက်ခံနိုင်ဖို့ အတွက် ပြည်သူ့ဘက်က ရပ်တည်ပေးကြပါလို့ တိုက်တွန်းလိုက် ရပါတယ် ပြည်သူ့တပ်မတော်သားများ ခင်ဗျာ..။
အထက်က ဖော်ပြပါ ဓာတ်ပုံတွေကို မည်သည့်တပ်၊ မည်သူဆိုတာ စုံစမ်းမနေပဲ တကယ့် အောက်ခြေမှ စစ်သည်တွေရဲ့
ရင်ထဲက ဆန္ဒတွေကို နားလည်ပေးဖို့ သက်ဆိုင်ရာ အာဏာပိုင်များအား မေတ္တာရပ်ခံ အပ်ပါတယ်..။
ဒီမိုဝေယံ
  |
|
Posted: 30 Mar 2012 11:17 AM PDT
၂၆-၃-၂၀၁၂ နေ့က သီလဝါ မီးလောင်မှု မြင်ကွင်း ဓာတ်ပုံ China News
မ ရှုပ်လို့ မီး ရှို့လိုက်ရတဲ့ မြန်မာ့သစ်လုပ်ငန်း
အရှုပ်တော်ပုံအပိုင်း (၁)
ပတ်ဝန်းကျင် ထိန်းသိမ်းရေးနှင့် သစ်တောရေးရာ ၀န်ကြီးဌာန ပြည်ထောင်စု ၀န်ကြီး ဦးဝင်းထွန်း၏
မ အရှုပ်တော်ပုံကြောင့် ပြည်သူ့ဘဏ္ဍာမှ ပံ့ပိုးထားတဲ့ စာရင်း ကွာဟမှုများကို ဖြေရှင်းရန်အတွက် ၂၆-၃-၂၀၁၂ နေ့ ညနေ ပိုင်း မှ ၂၇-၃-၂၀၁၂ နေ့ နံနက် စောစောအထိ ကျောက်တန်းမြို့နယ်၊ သီလ၀ါ အပြည်ပြည်ဆိုင်ရာ ဆိပ်ကမ်း တွင် ပြည်ပသို့တင်ပို့ရန် စုပုံထားသည့် ကျွန်းသစ်လုံးကြီးများ မီးလောင်ကျွမ်းမှု ဖြစ်ပွားခဲ့သည်။
သစ်ဆိပ်များတွင် မီးမကြာခဏ လောင်ကျွမ်းလေ့ရှိသော်လည်း ယခု လောင်ကျွမ်းမှုမှာ မြန်မာ
နိုင်ငံတွင် အကြီးမားဆုံး လောင်ကျွမ်းမှု ဖြစ်ပွားခဲ့သည်။ ကျွန်းသစ်တန်ချိန် ၈၁၀၀ လောင်ကျွမ်း ကြောင်း စာရင်းဖေါ်ပြခဲ့ပြီး ဆုံးရှုံးမှုတန်ဖိုးမှာ တစ်တန်လျှင် အမေရိကန်ဒေါ်လာ ၁၁၀၀ကျော်ခန့်နှင့် စုစုပေါင်း ဒေါ်လာ ကိုးသန်းနီးပါးခန့်  မီးလောင် ဆုံးရှုံးခဲ့ရကြောင်း သက်ဆိုင်ရာ တင်ပြခဲ့သည်။
ယင်းမီးလောင်မှုမှာ ဦးတေဇ ပိုင် ထူး Co ပိုင် သစ်များဟု ပြင်ပတွင် သတင်းဖြစ်ပေါ်နေသော် လည်း
အမှန်တကယ် နိုင်ငံတော်အစိုးရပိုင် သစ်များ ဖြစ်သည်ဟု သိရသည်။ အကြောင်းမှာ မြန်မာ နိုင်ငံမှ ပြည်ပသို့ သစ်ရောင်းချရာတွင် သဘောင်္တင်ရုံနှင့် စီးပွားရေးလုပ်ငန်းရှင် ပိုင်သစ်များဟု ပြောဆိုမရပဲ၊ြ ပည်ပသို့ သဘောင်္ထွက်ခွာပြီး မြန်မာ့ရေပိုင်နက် ၁၂ မိုင်ကျော်လွန်မှ သာ သစ်လုပ်ငန်းက ယင်း စီးပွားရေး လုပ်ငန်းရှင်ထံသို့ Invoice ထုတ်ပေးကြောင်း၊ Invoice ရမှ သာလျှင် လုပ်ငန်းရှင်ပိုင် ဖြစ်သွားကြောင်း သိရသည်။ သီလ၀ါ အပြည်ပြည်ဆိုင်ရာ ဆိပ်ကမ်းတွင် သစ်လုံးတန်ချိန် ၃၀၀၀၀ ကျော် စုပုံထားသည့် အနက်မှ ယခု လောင်ကျွမ်းမှု သည် တန် ၈၁၀၀ ဟု ပြသော်လည်း အမှန် တကယ် ၈၁၀၀ လောင်ကျွမ်းခြင်း မရှိပဲ စာရင်း ပိုပြခဲ့ခြင်း ဖြစ်သည်။
ယင်းမီးလောင်ကျွမ်းမှုတွင် သီလ၀ါ ဆိပ်ကမ်း သစ်လုံးရောင်းဌာန တာဝန် ခံ မန်နေဂျာ ဦးမြင့်သိန်း၊ ဒု အထွေထွေ
မန် နေဂျာ ဦးတင်ဦး ၊ အထွေထွေ မန်နေဂျာ ဦးအေးကျော် ဦးဆောင်ညွန်ကြားရေးမှူး ဦးခင်မောင်ရီ တို့တွင် အပြည့်အ၀ တာဝန်ရှိကြောင်း၊ ယင်း လူများမှာ လက်ရှိ ပြည်ထောင်စု ၀န် ကြီး ဦးဝင်းထွန်း ၏လူများဖြစ်နေကြသည့် အတွက် ယင်းမီးလောင်ဆုံးရှုံးမှုမှာ စာရင်းဖျောက်မှု သက်သက်သာ ဖြစ်သည် ။
လတ်တလော စစ်ဆေးချက်များအရ ပြည်ပသစ်လုံးအရောင်းဌာန ၁/၂/၃ ဟု ရှိရာ တွင် အရောင်းဌာန ၁ နှင့် ၂
မှာ ကျွန်းသစ်အရောင်းဌာနများဖြစ်ပြီး၊ အရောင်းဌာန ၃ မှာ ပျဉ်းကတိုး အရောင်းဌာန များဖြစ်သည်။ ပြည်ပ အရောင်းဌာန ၃ မှ ပျဉ်းကတိုး တန် ချိန် ၁၃၀၀၀ ကျော်နှင့် ပြည်ပအရောင်းဌာန ၁ / ၂ တို့မှ ကျွန်းတန်ချိန် ၇၀၀၀ စုစုပေါင်း တန် ချိန် ၂၀၀၀၀ ကျော် ကွာခြားနေပြီး အရေးယူနိုင်ခြင်း မရှိသေးသလို စစ်ဆေးရခြင်း မရှိသေးသော သစ်လုံးတန် ချိန် စုစုပေါင်း ၆၀၀၀၀၀ ကျော်ရှိနေသေးသည် ။
ပတ်ဝန်းကျင် ထိန်းသိမ်းရေးနှင့် သစ်တောရေးရာဝန်ကြီးဌာန တွင်ဖြစ်ပေါ်နေသော စာရင်းကွာဟ မှုများ နှင့်
နိုင်ငံတော်ဘဏ္ဍာ ဆုံးရှုံးမှုများမှာ ပြည်ထောင်စုအဆင့်ဝန်ကြီး နှင့် စီးပွားရေးဖက် Great Apex Co,Ltd မှ ချစ်တီးကုလား ဦးအေးမောင်တို့၏ အလွဲသုံးမှုများကြောင့် ဖြစ်ကြောင်း စီးပွားရေးလုပ်ငန်းရှင်များ အတွင်း ရေပန်းစား လျက်ရှိသည်။
ပြည်ထောင်စုဝန်ကြီး ဦးဝင်းထွန်းကို ပြည်ထောင်စုဝန်ကြိးအဖြစ် တာဝန်မပေးခင် ကတည်းက
မြန်မာ့သစ်လုပ်ငန်း ဦးဆောင်ညွှန်ကြားရေးမှူး လက်ထက်ကတည်းက တပ်မတော်ဂေါက်ကွင်း (ရန်ကုန် ) တွင် Golf Carry ကျောနံပတ် ၀၄၉ မသန်းသန်းညွန့် နှင့် ညှိစွန်းခဲ့ပြီး တိုက်ခန်း ရှစ် ခန်း ၊ အင်းစ်ိန်ဈေးတွင် ရွှေဆိုင်တစ်ဆိုင်၊ ၂၀၁၁ နှစ်ဆန်း ပိုင်းက ပဲခူးသစ် ထုတ်လုပ်ရေး - ရောင်း/ စက်သို့ မသန်းသန်းညွန့် နာမည်နှင့် သစ်ရောင်းချပေးရန်၊ ဦးဝင်းထွန်း၏ လက်မှတ်ဖြင့် မဖြစ်မနေရောင်း ချပေးရန် မှတ်ချက်ရေးထိုး ပေးခဲ့ကြောင်း၊ ယခု မသန်းသန်းညွန့် အင်းစိန် ဈေးမှ ရွှေဆိုင်ကို ရောင်းချပြီး ဦးဝင်းထွန်း နှင့် ညှိစွန်းနေသည့် အကြောင်း ဖေါ်ကောင်လုပ် နေသော သူမ၏ခင်ပွန်းကို Taxi ကားတစ်စီး ၀ယ်ပေးထားရကြောင်း သိရသည်။ ဂေါက်ကွင်းတွင်လည်း သန်းသန်းညွန့်ပိုင် ဆိုင်တစ်ဆိုင် ဖွင့်ပေးထားသည် ဟုသိရသည်။ 
လက်ရှိပြည်ထောင်စု ၀န်ကြီးဖြစ်လာသည့်အခါ ဦးဝင်းထွန်းသည် Golf Carry
မသန်းသန်းညွန့်နှင့် တင်းတိမ်ရောင့်ရဲ ခြင်းမရှိတော့ပဲ နိုင်ငံကျော် အဆိုတော် ရုပ်ရှင် မင်းသမီးများအတွက်ပါ ပံ့ပိုး ညှိစွန်းမှုများ ပြုလုပ်လာခဲ့ကြောင်း သိရသည်။ ၁၁-၁၀-၂၀၁၁ ရက်စွဲဖြင့် သစ်ကုန်သည် မဟုတ်သူ မင်းသမီး နန်းဆုရတီစိုးကို ပြည်ထောင်စုဝန်ကြီး ဦးဝင်းထွန်း က whole sale ဖြင့် ကျွန်းသစ် တန် ၅၀၀ ရောင်းချပေးခဲ့ကြောင်း၊ ယင်းရောင်းချခွင့် ပါမစ်အတွက် တစ်တန်လျှင် ဒေါ်လာ ၅၀၀ နှုန်းဖြင့် မင်းသမီး နန်းဆုရတီစိုး က အမြတ်ရခဲ့ပြီး မြန်မာကျပ်ငွေ သိန်းနှစ်ထောင် ရရှိအောင် ပံ့ပိုးပေးခဲ့ကြောင်း သိရသည်။ ယင်း သိန်းနှစ်ထောင်ဖြင့် ၃၀-၁၀-၂၀၁၁ နေ့တွင် နန်းဆုရတီစိုးက Hotel တစ်ခုတွင် ဂျာနယ် သတင်းထောက်များနှင့် မီဒီယာရှင်းလင်းပွဲပြုလုပ်ကာ ၂၀၀၈ ခုနှစ်ကတည်းက အသံစီးရီး ထွက်ခဲ့သည့် သူမ၏ မိုးမမြင်လေမမြင် တေးစီးရီးကို MTVနှင့် VCD ချပ်များထုတ်ရန် ကြေငြာခဲ့ကြောင်း သိရသည်။ သူမ၏ မိုးမမြင်လေမမြင် တေးစီးရီး VCD ချပ်များထုတ်ဝေရန် စီစဉ်ပြီးသည်နှင့် ပြည်ထောင်စုဝန်ကြီး ဦးဝင်းထွန်းနှင့် မင်းသမီး နန်းဆုရတီစိုးတို့ ထိုင်းနိုင်ငံတွင် ချိန်းဆို တွေ့ဆုံကာ အပန်းဖြေခဲ့ကြကြောင်း သိရသည် ။
လက်ရှိ အကယ်ဒမီ မင်းသမီး သက်မွန်မြင့်အား တစ်လလျှင် ဒေါ်လာ ငါးထောင်နှုန်းဖြင့် တစ်နှစ်စာ ဒေါ်လာ
ခြောက်သောင်း ပံ့ပိုးပေးလျှက်ရှိပြီး ပြည်ထောင်စုဝန်ကြီးနှင့် အထက်အဆင့် လူကြီးများနှင့် စီးပွားရေး လုပ်ငန်းရှင်ကြီးများအတွက် ပြုလုပ်သော ဦးဝင်းထွန်း၏ ပါတီပွဲများတွင် ပင်တိုင်ဧည့်ခံပေးရန် စီစဉ်ထားသည့်အတွက် မြန်မာ့သစ်လုပ်ငန်းကို စာရင်းစစ်မရှိပဲ ထင်တိုင်းကြဲ ခွင့်ရအောင် ဆောင်ရွက်ထားသည်။
အဆိုတော် ရုပ်ရှင်မင်းသမီးများနှင့် တွေ့ဆုံပေးခဲ့သော Great Apex Co,Ltd မှ
ချစ်တီးကုလား ဦးအေးမောင်အား မြန်မာ့သစ်လုပ်ငန်း၏ အစဉ်အလာဖြစ်သော သစ်ရောက်ငွေချေ စံနစ်အစား ဖားအံသစ် ထုတ်လုပ်ရေးမှ တဆင့် မြန်မာ့သစ်လုပ်ငန်း ဘဏ္ဍာရေးဌာန ရုံးချုပ်က ကျပ်သိန်း ၆၀၀၀ ကို စရံငွေအဖြစ် ပေးထားကြောင်း သိရသည်။
ယခုအခါ လွှတ်တော်အတွင်း ၀န်ကြိးဌာနများ၏ အလွဲသုံးစားမှုများကို အရေးယူရန် ပြည်သူ့လွှတ်တော် ဥက္ကဌ
သူရဦးရွှေမန်း ကလည်း ၀န်ကြီးဌာနများ၏ အကျင့်ပျက် ခြစားမှုများကို ဖေါ်ထုတ်ရန် ဆောင်ရွက်လျက်ရှိရာ ကွာခြားနေသော သစ်တန်ချိန် များအား စာရင်းဖျောက်ရန် အတွက် ပြည်ထောင်စုဝန်ကြီး ဦးဝင်းထွန်း၏ လူယုံ သီလ၀ါ သစ်ဆိပ် တာဝန်ခံ ပြည်ပသစ်လုံး ရောင်းဌာန မှ မန်နေဂျာ ဦးမြင့်သိန်းအား စာရင်းဖျောက်နိုင်ရေး စီစဉ်ညွှန်ကြားခဲ့ ကြောင်း သိရသည်။ ထပ်မံရရှိမည့် သတင်းများကို ဆက်လက်ဖေါ်ပြပါမည်။
သစ်လုပ်ငန်းရှင်များ
  |
|
Posted: 30 Mar 2012 10:22 AM PDT
   
မင်္ဂလာတောင်ညွန့်မြို့နယ်မှ ဝင်ရောက် အရွးခံမယ့် မဖြူဖြူသင်းနှင့် ထောက်ခံသူ ပြည်သူများ..
  
ကြံ့ခိုင်ဖွံ့ဖြိုးရေးပါတီမှ မဲဆွယ်စည်းရုံးစဉ် မြင်တွေ့ရတဲ့ မြင်ကွင်းနဲ့ ပြည်သူများ...
ကြံ့ခိုင်ဖွံ့ဖြိုးရေးပါတီမှ ဝါးသင်္ခရွာမဲဆွယ် စည်းရုံးရေးအဖွဲ့နဲ့ ဒေသခံ အဖွဲ့ချုပ်ကို ထောက်ခံသူပြည်သူတဦး
ဒဂုံဆိပ်ကမ်းမြို့နယ်မှာ သပြေပန်းနဲ့ ရေဖြန်းပြီး မဲဆွယ်စည်းရုံးနေတဲ့ ကြံ့ခိုင်ဖွံ့ဖြိုးရေးပါတီမှ အတွင်းရေးမှူးဦးဋ္ဌေးဦး
 
မင်္ဂလာတောင်ညွန့်မြို့နယ် ကြံ့ခိုင်ဖွံ့ဖြိုးရေးပါတီမှဒေါ်လဲ့လဲ့အေး မဲဆွယ်စည်းရုံးနေစဉ်..
ဓာတ်ပုံများ AP,Reuters, Getty Images
  |
| You are subscribed to email updates from ဒီမိုဝေယံ To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
No comments:
Post a Comment