|
Posted: 31 Jul 2012 09:34 AM PDT
 
MOSA အဖွဲ့ ၏ တတိယအကြိမ်မြောက် သင်တန်း ပြည်မြို့ တွင် ဖွင့်လှစ်..
MOSA (Myanmar open eye social Actions ) အဖွဲ့ သည် 2012 ခုနှစ် 7လပိုင်း 13, 14,15 ရက်နေ့များတွင် ဟင်္သာတမြို့ တွင် စတင်သင်တန်းများ ပေးခဲ့ပြီး.. ရန်ကုန်မြို့ နာရေးကူညီမှုအသင်းတွင်လဲ 2012 7 20,21.22 များတွင် ၃ရက်တိုင်အောင် သင်တန်းများ ဒုတိယအကြိမ် အဖြစ်ပြုလုပ် ပေးခဲ့သည်။ 2012 .7.28 ရက်နေတွင် ပြည်မြို့နယ်. ရတနာမာန်အောင် ကျောင်းဝင်းအတွင်း (မိုးမေတ္တာ ပရဟိတလူငယ် သွေးလှုရှင်များ အသင်းမှ) ဖိတ်ကြားသဖြင့် လာရောက် သင်တန်းပေးရသည်ဟု MOSA အဖွဲ့သားများမှ ပြောကြားပါသည်။ သင်တန်းပို့ချသည့် ဘာသာရပ်မှာ(၅)ခုဖြစ်သည်ဟု အဖွဲ့ ဝင်များက ပြောပါသည်။
 
(Journalism & Citizen Journalism ) (Human Right & Internet Freedom ) (International Relation & Political Science) (Civil Society) (Information Technology) ဘာသာရပ်များကို သင်ကြားမည် ဖြစ်သည်ဟု MOSA အဖွဲ့ ၏ ဆရာတစ်ဦးဖြစ်သူ ကိုအလင်းဆက်မှ ပြောကြားခဲ့သည်။ ယခုသင်တန်းသို့ ကိုအလင်းအဆက်.(IR) ကိုအောင်နီဦး(IR) ကိုမင်းမင်း(IT) တို့မှ လာရောက် သင်ကြား ပို့ချခြင်းဖြစ်ကြောင်း ကိုအလင်းဆက်မှ ထပ်မံပြောကြားသွားပါသည်။ ယခုသင်တန်းသို့ သင်တန်းသား ၃၀ခန့်တက်ရောက် လေ့လာသင်ယူခဲ့ကြသည်..။
(မှတ်ချက်.......MOSA အဖွဲ့အား ဆက်သွယ်လို ပါက.. Email...... mosa.education.2012@gmail.com phone ...... 09421116065 phone........ 0943041787 တို့ အားဆက်သွယ်မေးမြန်းနိုင်ပါသည် )
သတင်းဓါတ်ပုံ ...နှင့်သတင်း ( သားစိုးလေး)
  |
|
Posted: 31 Jul 2012 09:12 AM PDT
"စာရေးသူ၏ အာဘော်သာ ဖြစ်ပါသည်" (အပိုင်း-၃)
ကိုမျိုး(မြန်မာစာ)
"Reformလုပ်သည် ဆိုရာတွင် Political Reform, Administration Reform, Economic Reform, Social Reform စသည်တို့အနက် ပြုပြင်ပြောင်းလဲရန် လိုအပ်သည်ကို ... မြန်မြန်ထက်ထက်ပြုပြင် သွားကြရမည် ဖြစ်ပါကြောင်း၊ မိမိတို့၏ Mind Setများလည်း ပြုပြင်ပြောင်းလဲရန် လိုအပ် ပါကြောင်း"(မေလ၁၃ရက်နေ့က နိုင်ငံတော် သမ္မတရုံး၌ ကျင်းပသည့် ReformStrategy ရှင်းလင်း ဆွေးနွေးညှိနှိုင်းခြင်းနှင့် ရင်းနှီးမြှပ်နှံမှုဆိုင်ရာ ညှိနှိုင်းအစည်းအဝေးမှာ နိုင်ငံတော် ဒုတိယသမ္မတ ဒေါက်တာစိုင်းမောက်ခမ်း ပြောကြားချက်မှ)၊။
ယင်းသို့ မှတ်မှတ်ရရ ရှိခဲ့ရသော စကားနှင့်အတူ ""လုပ်ငန်း လုပ်ဆောင်ရာတွင် ဝေဖန်ခံနိုင်မှ အမှန်ကို မြင်ရမည်ဖြစ်၍ ဝေဖန်ခံနိုင်ရန်လည်း လိုအပ်"" ဟူသည့် ခေါင်းစီးကြီးဖြင့် နိုင်ငံတော် သမ္မတကြီး၏ "ဒုတိယအဆင့် ပြုပြင်ပြောင်းလဲရေး"လမ်းညွှန်ချက်အရ နိုင်ငံတော်အဆင့် Reform Strategyအများ ပြုပြင်ပြောင်းလဲရန် အဓိကထားညှိနှိုင်း ဆွေးနွေးနေခြင်း ဖြစ်ကြောင်း သတင်းစာမျက်နှာ မျက်နှာဖုံးမှာ ထုတ်နှုတ်ဖော်ပြထားသည်ကိုလည်းသတိပြုမိခဲ့ဖူး၏။
"ကိုယ့်စိတ်နှင့် နှိုင်းရိုင်းနေမိသူ"
မိမိတို့၏ Mind Setများလည်း ပြုပြင်ပြောင်းလဲရန် လိုအပ် ပါကြောင်း (စာဖြင့်မပြောနှင့် နှုတ်ဖြင့်ပင် မမြင်ရစဖူး) စကားမျိုးတွေကို အကြားရ ထူးနေသည့်အတွက် ကျွန်တော်တို့ ပြည်သူတွေ သဘောခွေ့ သွားခဲ့ကြရသည်မှာ မဆန်းလှ။ ထိုနည်းတူ မီဒီယာသမားတွေလည်း နိုင်ငံ့ အကြီးအကဲများ၏ ဤသို့ သော မိန့်ခွန်းမျိုးတွေကို သဘောခွေ့ကြကြောင်း ဂျာနယ်၊ စာစောင်အသီးသီးမှ စာမျက်နှာတွေက သက်သေခံနေပါ၏။ အဆိုပါမိန့်ခွန်း တွေကို တစ်ခဲနက် ကောက်နုတ် သတင်းလုပ် လိုက်ကြ ပုံများက တကယ်ပင် မြိန်ရေယှက်ရည် နိုင်လွန်းလှသည် မဟုတ်ပါလော။
မေ၁၁ရက်နေ့က နိုင်ငံတော် သမ္မတ၏ မိန့်ခွန်းထဲမှာ ပါရှိသော "မူတွေ မကောင်းရင် လူတွေ မကောင်းနိုင်ပါဘူး။ တိုးတက်လိုတဲ့ အမြင်မရှိတဲ့ ရှေးရိုးစွဲတွေ၊ ခေတ်နောက်မှာ ချန်ထားခဲ့ရပါမယ်" ဟူသည့် စကားဆိုလျှင် စာမျက်နှာတွေ ထက်မှာပေါ်ပြူလာ ဖြစ်လွန်းတာ တစ်ဘက်ကမ်းတောင် လွန်သည်ဆိုနိုင်သည်။ သို့သော်ထိုသို့ စာမျက်နှာတွေထက် မိန့်ခွန်း ကောက်နှုတ်ချက်တွေ ပလူပျံနေခိုက်မှာ
ကျွန်တော်ကတော့ သိပ်မပျော်ပါ။ "တိုးတက်လိုတဲ့ အမြင်မရှိတဲ့ ရှေးရိုးစွဲတွေ၊ ခေတ်နောက်မှာ ချန်ထားခဲ့ရပါမယ်" ဆိုသောစကားတို့" မိမိတို့၏ Mind Setများ လည်း ပြုပြင်ပြောင်းလဲရန် လိုအပ် ပါကြောင်း"ဆိုသောစကားတို့နှင့် "ဝေဖန်ခံနိုင်မှ အမှန်ကို မြင်ရမည်ဖြစ်၍ ဝေဖန်ခံနိုင်ရန်လည်း လိုအပ်"ဆိုသော စကားတို့ အတွက သိပ်တော့ ၀မ်းမြောက်ဝမ်းသာ မဖြစ်ရဲခဲ့၍ဖြစ်ပါ၏။ အကြောင်းကတော့ Facebook စာမျက်နှာထက်မှာပင်..
"သူငယ်ချင်း အချင်းချင်းဝေဖန်၍ မကျေမနပ်ဖြစ်သူ"၊
"မကျေနပ်ဖြစ်၍ သူငယ်ချင်းစာရင်းက ဖြုတ်ချသူ"၊
"သူငယ်ချင်းအဖြစ်က ဖြုတ်ချခံရ၍ မကျေမနပ် ပြန်ဝေဖန်သူ" စသည်ဖြင့်
နိစ္စဓူဝ တွေ့မြင်နေရ၍လည်း ဖြစ်မည်။ ကျွန်တော့်မှာတော့ ကိုယ့်စိတ်နှင့်နှိုင်း၍ ရိုင်းနေသူ ဆိုရလောက်အောင်ကို "မည်သူက ဝေဖန်ခံနိုင်မှာလဲ" "မည်သူက အချန်ခံချင်ပါ့မလဲ"၊ "မည်သူက မိမိတို့Mind Setကို ပြုပြင်ပြောင်းလဲရန် လိုအပ်သည်ဟု ခံယူမှာလဲ" ဟုသာ လူသဘော သဘာဝတွေအား ပုံသေထား ယုံကြည်ထားခဲ့မိသည့် အဖြစ်နှင့်ပေကိုး။
ဆက်လက်ဖော်ပြပါမည်
ကိုမျိုး(မြန်မာစာ)
  |
|
Posted: 31 Jul 2012 08:56 AM PDT
 
လူဟုခေါ်သည့် ပုံရိပ်များ
နာရေးကူညီမှုအသင်း(ရန်ကုန်)၏ အလှူရှင်များအား မေတ္တာလက်ဆောင် (ကန့်သတ်)အဖြစ် ပြန်လည်ပေးအပ်သည့် "လူမှုရေးဂီတသူရဲကောင်းများ" MTV Vol:2 အခွေအတွက် ၃ဝ.၇.၂ဝ၁၂ ရက်နေ့ နံနက် (၉းဝဝ) နာရီအချိန်တွင် နာရေးကူညီမှုအသင်း(ရန်ကုန်) တည်ရှိရာ မြောက်ဒဂုံမြို့နယ် အဆောက် အဦး အနောက်ဖက်တွင် စီးဆင်းနေသော ငမိုးရိပ်ချောင်းအတွင်း၌ MTV ရိုက်ကူးမှု အစီအစဉ်အား ပြုလုပ် ခဲ့သည်။ ယင်းရိုက်ကူးမှုတွင် တေးသံရှင် လင်းလင်းနှင့် နာရေးကူညီမှုအသင်း(ရန်ကုန်) အသင်းသားများမှ ခဲရာခဲဆစ် ကြိုးစားပမ်းစား ရိုက်ကူးခဲ့ကြသည်။
  
တေးသံရှင် လင်းလင်းသည် နာရေးကူညီမှုအသင်း(ရန်ကုန်)တွင် လူမှုရေးသင်တန်းအား တက်ရောက်ခဲ့သူ တစ်ဦးလည်းဖြစ်သည်။ လင်းလင်း၏ လူမှုရေးစိတ်ဓါတ်၊ လူသားချင်းစာနာသော စိတ်ဓါတ်တို့ကြောင့် ယခုကဲ့သို့ နာရေးကူညီမှုအသင်း(ရန်ကုန်)တွင် သင်တန်းတက်ရောက်ခြင်းနှင့် ဂီတ သံစဉ်များဖြင့် "လူဟုခေါ်သည်" ဆိုသည့် လူမှုရေးသီချင်းအား ရေးစပ်သီဆို၍ နာရေးကူညီမှုအသင်း (ရန်ကုန်)အား ကူညီပံ့ပိုးခြင်းဖြစ်သည်။ တစ်နည်းအားဖြင့် မိမိတတ်စွမ်းသော ဂီတပညာရပ်ဖြင့် အများ ပြည်သူတို့အား ပေးဆပ်ခြင်းဖြစ်သည်။
ယင်းရိုက်ကူးမှုအစီအစဉ်အား ဝဋ်ကြွေးတော်ပြေ ဆရာတော်ကြီး၏ စက်လှေတစ်စီး၊ အင်ဂျင်နီယာ ကိုခင်မောင်အေး၏ ပံ့ပိုးကူညီသော စက်လှေကြီးတစ်စီး၊ ရိုက်ကူးရေးအ တွက် လိုအပ်သော ကင်မရာအား KNZ ခင်လတ်အဖွဲ့မှ ကူညီပေးခဲ့ပြီး ရိုက်ကူးရေးအဖွဲ့တွင် ရုပ်ရှင်စက်မှု လုပ်သား ကိုထူးလူ၊ နာရေးကူညီမှုအသင်း(ရန်ကုန်) အသင်းသားများဖြစ်ကြသော ကင်မရာမင်း ဦးလုံး၊ ဖြိုးကိုကို၊ ကိုစိုင်း၊ ဇာနည်ထက်၊ ဦးပြောင်ကြီး၊ ရုပ်ငြိမ်ဓါတ်ပုံ ဦးရောဘတ်၊ ကင်မရာမင်း ဦးကျော်ဟိန်းနှင့် အတူ နာရေးကူညီမှုအသင်း(ရန်ကုန်) ဥက္ကဋ္ဌ ဦးကျော်သူတို့မှ ကင်မရာမင်းများအဖြစ် ပါဝင်ရိုက်ကူး ပုံဖော် ခဲ့ကြသည်။
လူဟုခေါ်သည်
ရေး/ဆို - လင်းလင်း
ကမ္ဘာလည်နေတာ ခဏရပ်ပြီး
အချိန်တွေပြန် နောက်ဆုတ်လိုက်
အို …. မင်းမရှက်တတ်ရင်လေ
လူဆိုတာဟာ ကိုယ့်လိပ်ပြာနဲ့ကွယ်
လူဆိုတာဟာ ကိုယ့်သိက္ခာနဲ့ပေါ့ကွယ်
ပြန်ဆန်းစစ်ကြည့်ပါလေ
CHO: ဘာမှငါ သေသေချာချာ မသိ
ဘာမှငါ ရေရေရာရာ မရှိ
မြင်သမျှ အရာရာ အိုး …. No ... အို …. No …
မာန်မာနတွေ စောင်လိုငါ အရေခြုံပြီး ….
အာဃသတွေ အလိုလိုငါ မွှန်ထူပြီး ….
လိုချင် ရမ္မက်တွေရယ် အိုး …. No … အို …. No …
ဒီခန္ဓာ ငရဲမှာကွယ် …
အာဏာတွေကို တပ်မက်သူရှိတယ်
နေရာတွေကို ရူးကြသူများလဲရှိတယ်
မင်းသေသွားလဲ နောက်မှာမပါ
ထင်ပေါ်တာတွေနောက် လိုက်သူရှိတယ်
အပေါ်ယံ မျက်နှာဖုံးနဲ့ လူများလဲရှိတယ်
မင်းသေသွားလဲ နောက်မှမပါ ….
x x x x x x
  |
| You are subscribed to email updates from ဒီမိုဝေယံ To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
No comments:
Post a Comment