Posted: 28 Nov 2012 11:24 PM PST
ဝမ်ပေါင် ကြေးနီ စက်ရုံ ၀င်ပေါက်မှ ပုသိမ်မုံရွာလမ်းဆုံ ထိ ကို သံဆူးကြိုးများ ပိတ်ပြီး ရဲလက်နက်ကိုင်များ အပိတ်ဆို့ထားသည်။ ယဉ်ကျေးမှု ကင်းမဲ့သော တုန့်ပြန်ဆက်ဆံတတ်သူ ရဲ တပွင့် နှင့် ကျနော် ပြသနာ တက်သည်။ ပြည်သူ လူထုကို ၇ိုင်းပြစွာ ဆက်ဆံသောကြောင့် ကျနော်က ယဉ်ကျေးစွာပြောဆိုရန် ပြောပြီး ကျနော် ကိုယ်တိုင် တပ်မတော် အရာရှိဟောင်း ဖြစ်ကြောင်း ပြည်သူ့လစာကို စားပြီး ပြည်သူကို ယဉ်ကျေးစွာဆက်ဆံဖို့ လိုကြောင်း ပြောသော အခါ ထို လ
၂၄၇၆၅၉ ဒုရဲအုပ် မျိုးမင်းနိုင် ( တန့်ဆည်စခန်း မုံရွာခရိုင်) က စစ်ဗိုလ်ဟောင်းလည်း ဖင်ခံ လိုက်ကွာ ဟု ဆိုသည် အထိ ရိုင်းစိုင်း စွာ တုန့်ပြန်သည်ကို ၀မ်းနည်းစွာ တွေ့ရှိရသည်။ ရဲတပ်ဖွဲ့ဝင်များ မျက်နှာသည် လွန်စွာမှပင် ၀မ်းနည်းစဖွယ်ကောင်းလောက်အောင် ယဉ်ကျေးမှု ကင်းမဲ့နေသည်ကို တွေ့ရှိရသည်။ ထို ဒုရဲအုပ်မှာ တိုင်းရင်းသား တဦးဖြစ်နေသည်ကို လည်း သတိပြုလိုက်မိသည်။ ရဟန်း သံဃာ လူ ပရိသတ် စုစုပေါင်း ၇၀ ခန့် ထိခိုက် ဒါဏ်ရာ ရခဲ့ပြီး၊ သံဃာတော် တပါး ပျံလွန်တော်မူသွားသည်ဟု တွေ့မြင်လိုက်ရသော ရွာသားများက ပြောပြ သော်လည်း အခြေအနေမှ စစ်မြေပြင် အတွင်း ညဖက် စိနင်း သတ်ဖြတ်တိုက်ခိုက်သကဲ့သို့ အလစ်အငိုက် အမိုက်ထု ကို အကာကွယ်ယူပြီး လက်နက်များ၊ မီးခိုးဗုံးများ၊ မီးလောင်ဗုံးဟု ယူဆ ရသော မီးလောင်စေတတ်သည့် ပေါက်ကွဲမှုများဖြင့် အလစ်အငိုက် တိုက်ခိုက် စီးနင်းခြင်း ဖြစ်ရာ ဖြစ်စဉ် အသေးစိတ်ကို အတိအကျ မရနိုင်ပေ။ ပြောင်းခင်းများ အတွင်း ပုန်းအောင်းနေသေးသော ရွာသားများစွာ တို့ ယခုထက်တိုင် အဆက်သွယ် မရသေး။ ပျောက်ဆုံးနေ ဆဲဖြစ်သည်။ မိုးကြိုးပစ် ရွာနှင့် ၀မ်ပေါင် ဂိတ်ကြား တွင်လည်း သံဆူးကြိုးတာား လက်နက်ကိုင်များ ပိတ်ဆို့ ထားသောကြောင့် ရွာသား သုံးရာ ခန့်မှာ ပိတ်မိနေသည်။ ကျနော်တို့ အဖွဲ့ ထိုရွာသားများကို သွားရောက် ခေါ်ယူကာ ပိတ်ဆို့ထားသော ရဲများအား အဘယ်ကြောင့် အများသူငှာလမ်း အား ပိတ်ထားလဲဟု မေးပြီး အတင်းဖြတ်ရန် ကြိုးစားမှ ငါးဦးစီ ဖြတ်သန်းခွင့် ပေးသည်။ ထို လူပေါင်း ၂၀၀ ခန့်ကို ခေါ်ထုတ် လာခဲ့ပြီး ကျန်ရစ်နေသေးသော ရွာသားများကို ဆက်လက် ခေါ်ယူနေဆဲဖြစ်သည်။ မကြာမှီ ယခု ဖြစ်စဉ်များနှင့် မနီးမဝေး ကွင်းပြင်ကျယ် ထဲတွင် ဒေါ်အောင်ဆန်းစုကြည် စကားပြောမည့် စင်မြင့် အနိးတွင် လူပရိတ်သတ် ရာပေါင်းမျာါးစွာ နှင့်အတူ ကျနော်တို့ စောင့်ဆိုင်းနေသည်။ ဓါတ်ပုံပင် တင်မရအောင် ကွန်နက်ရှင်က နှေးကွေးလွန်းသဖြင့် စာ အရင် တင်ပြလိုက်သည် မကြာခင် ပုံများတင်ပြပါမည်။ ကိုနေမျိုးဇင်  |
|
Posted: 28 Nov 2012 11:18 PM PST
 နိုဝင်ဘာလ (၂၉)ရက်နေ့ နံနက် ၃နာရီ ကျော်မှ စ၍ လက်ပံတောင်းတောင် ကြေးနီစီမံကိန်းမှ သပိတ်စခန်းများအား ဖြိုခွင်းရာ တွင် ဓါတုလက်နက် ပါဝင်ခြင်းမရှိကြောင်း နိုင်ငံတော် သမ္မတရုံး ညွှန်ကြားရေးမှူး ဦးဇော်ဌေးက Eleven Media Group သို့ ပြောကြားခဲ့သည်။ "ကျွန်တော်ပြောနိုင်တာက ဓာတု လက်နက်လုံးဝ မပါဘူး။ ၁။ မီး သတ်ပိုက်သုံးတယ်။ ၂။ မျက်ရည် ယိုဗုံးသုံးတယ်။ ၃။ မီးခိုးဗုံး။ တဲတွေမှာ မီးလောင်တာက မီးခိုးဗုံး (Smoke Bomb) ကြောင့်ပါ။ ဓာတုပစ္စည်းမပါ ပါဘူး။" ဟု ဦးဇော်ဌေးက ပြောကြားပါသည်။ ထို့အပြင် အမှတ်(၂) စစ်လက်နက်ပစ္စည်းစက်ရုံတွင် တာဝန်ထမ်းဆောင်ခဲ့ပြီး ယခုအခါ ပြည်ပတွင် တိမ်းရှောင်နေရသူ ဗိုလ်မှုးဟောင်း စိုင်းသိန်းဝင်းက ၄င်း၏ Facebook စာမျက်နှာတွင် ဖေါ်ပြထားချက်မှာလည်း မတိကျ မခိုင်လုံကြောင်း ပြောကြားခဲ့ပါသည်။ "ကျွန်တော်တို့ ရှေ့တန်းစစ်မျက်နှာမှာ တပ်မတော်သုံး မှိုင်းကာချတဲ့ဟာ မဟုတ်ဘူး။ နောက် နပမ်းဗုံးတွေလည်း မဟုတ်ဘူး။ " ဟု ဦးဇော်ဌေးက ပြောပါသည်။ ယခုဖြစ်စဉ်တွင် မီးခိုးဗုံးသာ အသုံးပြုခဲ့သည်ဟု ဆိုလျှင် မည်သည့် အတွက်ကြောင့် မီးလောင်ကြွမ်းမှုများ ဖြစ်ပွားရကြောင်း၊ ယခုမီးလောင်သည့် သပိတ်စခန်းများမှာ မိုရေကာဖျဉ်များဖြင့် တည်ဆောက်ထားခြင်း ဖြစ်ကြောင်း Eleven Media Group မှ မေးမြန်းမှုအပေါ် "ကျွန်တော်တို့ ပြည်ထဲရေးကို မေးတော့ မီးခိုးဗုံးလို့ ပဲပြောတယ်။ အဓိကရုဏ်း နှိမ် နင်းတဲ့နေရာမှာသုံးတယ်။ နိုင်ငံတကာမှာလည်း သုံးတယ်။ စစ် မြေပြင်သုံး မီးခိုးဗုံး မဟုတ်ဘူး။ သုံးခုစလုံးက အဓိကရုဏ်းနှိမ်နင်းတဲ့ဟာတွေ ချည်းပဲ။" ဟု ဦးဇော်ဌေးက ရှင်းပြပါသည်။ ထို့နောက် "အဓိကကတော့ စိုင်းသိန်းဝင်းဟာကြီးကတော့ မတိ ကျဘူး၊ မခိုင်လုံ ဘူး" ဟု ဆက်လက် ပြောကြားခဲ့ပါသည်။ ထို့ပြင် ယခုဖြစ်စဉ်နှင့်ပတ်သက်၍ တရားဝင်ထုတ်ပြန်ရန်နှင့် ပတ်သက်၍မေးမြန်းမှုအပေါ် လုပ် ဆောင်နေပြီဖြစ်ကြောင်း ၄င်းက ဆက်လက်ပြောကြားခဲ့ပါသည်။ "မနက် ၃နာရီကျော် လောက်မှာတော့ မီးသတ်ကားနှစ်စီးက ပိုက်တွေနဲ့လေး၊ငါးကြိမ်လောက်ထိုးပြီး လူစုခွဲခဲ့ပါတယ်။ ဒါပေမယ့် လူစုက ကွဲမသွားတဲ့အတွက် နောက်ပိုင်းကျတော့ မီးကျည်ဗုံးလို့ခေါ်မလား၊ မီးလောင်ဗုံးလို့ခေါ်မလား။ အဲဒီဗုံးတွေနဲ့ လူအုပ်စုရှိ တဲ့ အပေါ်ကို ပစ်ကုန်ရော။ အဲဒီဗုံးတွေက ပစ်လိုက်တဲ့အခါ လေပေါ်မှာပေါက်ပြီး မီးကျည်တွေ ပြန်ကျဲပြီး ကျလာပါတယ်။ အဲဒီမီးကျည်ကျတဲ့ နေရာတွေအကုန်လုံး မီးလောင်တာတွေ ဖြစ်ကုန်တယ်။ အဲဒီမီးကျည်ထိတဲ့ သူတွေအကုန်လုံး မီးလောင်ပြီးတော့ အရေပြားတွေ လန်ကုန်တယ်။ အဲဒီဗုံးက မျက်ရည်ယိုဗုံးမဟုတ်ဘူး။ ဗုံးကျလာတဲ့အချိန်မှာ မျက်ရည်ကျ တာမျိုးတွေ မရှိဘူး။ မီးကျည်ကျတဲ့နေရာ၊ ထိမှန်တဲ့သူတွေ အကုန်လုံး မီးလောင်ကုန်တယ်။ မီးကျည်ရဲ့ အစနဲ့ ထိတာနဲ့ အရေပြားတွေ လောင်ကုန်တယ်။ တစ်ချို့ကြတော့ အရေခွံမလန်ဘဲ အသားချိုင့်သွားတာလည်း တွေ့ရတယ်။ သပိတ်စခန်းတွေ က ၀ါးလုံးတိုင်တွေနဲ့ ပလပ်စတစ်မိုးကာတွေအုပ်မိုးထားတာ။ " ဟု ယင်းဖြစ်စဉ်အား မျက်မြင် သတင်းရယူနေသူ Eleven Media Group သတင်းထောက် ကိုအောင်သူက ပြောကြားခဲ့သည်။ ယခုဖြစ်စဉ်တွင် မီးလောင်ဒဏ်ရာရသူများ၏ ဒဏ်ရာအခြေအနေနှင့် ပတ်သက်၍ သာမန်မီးလောင်နာနှင့် မတူဘဲ ဓါတုပစ္စည်း တစ်ခုခုကြောင့် ယခုကဲ့သို့ ဒဏ်ရာများကို ဖြစ်ပေါ်စေသည်ဟု ယူဆကြောင်း အမည် မဖေါ်လိုသူ ဆရာဝန်တစ်ဦးက ပြောကြား ခဲ့ပါသည်။ "ကျွန်တော်သိရသလောက် မီးလောင် ဒဏ်ရာတွေက သာမန် မီးလောင်ဒဏ်ရာပုံမျိုး မပေါက်ဘူး။ ဓါတုပစ္စည်း တစ်ခုခုနဲ့ ထိထားတဲ့ ပုံမျိုးတွေ့ရတယ်။ သာမန် အဓိကရုဏ်း လက်နက်မျိုးမဟုတ်တဲ့ အတွက် အစိုးရအနေနဲ့က လုံလောက်တဲ့ ဖြေရှင်း မှုမျိုး လိုပါတယ်။ အစိုးရအနေနဲ့ ဒီဖြစ်စဉ်ကို အသေးစိတ် စုံစမ်းပြီး ပြည်သူကို ရှင်းလင်းပေးဖို့ လိုအပ်ပါတယ်။ လုံလောက်တဲ့ စုံစမ်းစစ်ဆေးမှုတွေမရှိဘူးဆိုရင် နိုင်ငံတကာက စုံစမ်းစစ်ဆေးမှုမျိုး ပြုလုပ်ဖို့ တောင်းဆိုရလိမ့်မယ်။" ဟု Eleven Media Group ၏ CEO ဒေါက်တာသန်းထွဋ်အောင်က ပြောကြားပါသည်။ Eleven Media Group  |
|
ကုသနေသော သံဃာတော်များ...
Posted: 28 Nov 2012 11:06 PM PST
 စဉ်။ သတင်းဓာတ်ပုံ- သလ္လာဝတီတိုင်မ်း    ရာများ အရေပြားလောင်ကြွမ်းဒဏ်ရာများသည် ဖော့စဖား၏ အာနိသင်ကြောင့်ဟုယူဆနိုင်သည်။ သို့သော် ဖော့စဖားကို ဗုံးသီးများတွင် အထူးသဖြင့် လူစုခွဲရန်နှင့်အထိကရုန်းနှိမ်နင်းရာတွင်အသုံးပြုသော ဗုံးသီးများနှင့် လက်ပစ်ဗုံးများတွင် အသုံးပြုခြင်းမရှိတော့ပေ။ ထို့ကြောင့်မြန်မာ့ရဲတပ်ဖွဲ့ဝင်များ အသုံးပြုခဲ့သည် ဖော့စဖား ဘယ်ကလာသ နည်း ဆိုသည့်မေးခွန်းအတွက် သက်ဆိုင်သူများတွင်သာအဖြေရှိမည်ဟုမျှော်လင့်ရသည်။ ထို့အပြင် ထိုမီးလောင်ဗုံးတွင် ဖော့စဖား ကို သုံးထားပါက ဖော့စဖားနှင့် ရေတို့ဓာတ်ပြုရာမှ ထွက်လာသည့်အဖြူရောင် အက်စစ်ငွေ့ သက်ရောက်မှု ခံရသူ တိုင်း တစ်ချိန်တွင် အမြင်အာရုံဆုံးရှုံးခြင်း ဒုက္ခနှင့် ရင်ဆိုင်ရဖွယ်ရှိသဖြင့် ကျွမ်းကျင်သူကျန်းမာရေးဝန်ထမ်းများဖြင့် အထူးဂရုပြုစစ်ဆေးသင့်ကြောင်း အကြံပြုအပ်ပါသည်။ ယခုအခါ ပြည်ပတွင် တိမ်းရှောင်နေရသူ ဗိုလ်မှုးဟောင်း စိုင်းသိန်းဝင်းက ၄င်း၏ Facebook စာမျက်နှာတွင် ဖော်ပြထားချက် ............................................................... စစ်လက်နက်ပစ္စည်းတွေထဲမှာ မီးသေနတ် Flame Thrower ဆိုတာ ရှိတယ်။ ပေနှစ်ဆယ်လောက်ထိ မီးညွှန့်ပန်းထွက်တဲ့ သေနတ် မျိုးပေါ့။ ဒါပေမယ့် အဲဒီလက်နက် အမျိုးအစားက စစ်မြေပြင် မှာတောင် သာမာန်လက်နက်နဲ့ ပစ်ခတ်ဖြိုခွင်းလို့ မရတဲ့ (ဥပမာ- ဘန်ကာ၊ ကတုက်ကျင်း ဒါမှမဟုတ် အဆောက်အဦးတွင်းမှာ နေရာယူထားတဲ့) ရန်သူ့တပ်ဖွဲ့ဝင်တွေကို ချေမှုန်းရာမှာသာ အသုံးပြုပိုင်ခွင့်ရှိပြီး ကွင်းပြင်မှာ ချီတက် လာတဲ့ တပ်ဖွဲ့တွေကို ရင်ဆိုင်ရာမှာ အသုံးပြုပိုင်ခွင့် မရှိဘူး။ လူမဆန်တဲ့ လက်နက်မို့လို့ ဂျီနီဗာကွန်ဗင်းရှင်းအရ တားမြစ်ထားတယ်။ ပစ်မှတ်တွေကို မီးလောင်ပျက်စီးစေတဲ့ နောက်ထပ်ဗုံး တမျိုးက မီးစုံးဗုံး Incendiary rounds တွေပဲ။ Napalm နပမ်းဗုံးလို့လဲ ခေါ်တယ်။ အထဲမှာဓါတုဆေးရည် ဒါမှမဟုတ် အမှုန်တွေထည့်ထားပြီး ပစ်မှတ်ပေါ်မှာ စွဲကပ်နေတဲ့ အဲဒီ ဓါတုပစ္စည်းတွေ မကုန်မချင်း မီးလောင် စေတယ်။ ဘာနဲ့မှ ငြိမ်းလို့ မရဘူး။ တစ်ကိုယ်လုံး မီးစွဲနေတဲ့ ခလေးမလေး လမ်းတလျှောက် ငိုယိုပြေးထွက်လာတာကို သတင်းထောက်တွေ ဗီဒီယိုမှတ်တမ်းတင်လိုက်နိုင်လို့ ဗီယက်နမ်စစ်မှာ ယန်းကီးတွေ ရှုံးပိုင်းပိုင်း လိုက်ရတာလည်း မှတ်မိကြ မှာပေါ့။ အခု ဆန္ဒပြသံဃာတော်တွေကို အစိုးရက မျက်ရည်ယိုဗုံးတွေနဲ့ ပစ်ခတ်နှိမ်နင်းတဲ့ နေရာမှာလည်း မီးလောင်ပြီး ဒဏ်ရာရကြ တယ်လို့ သတင်းတွေ ကြားနေရတယ်။ မျက်ရည်ယို ဗုံးဆိုတာက မီးလောင်ဗုံးမှ မဟုတ်ပဲ။ ဆန္ဒပြအရပ်သားတွေကို ထိခိုက်အနာတရမဖြစ်စေပဲနဲ့လူစုခွဲနိုင်ရုံ ရည်ရွယ် တီထွင်ထားတဲ့ မီးခိုးဗုံးအမျိုးအစားသာဖြစ်တယ်။အခု အစိုးရ ရဲတပ်ဖွဲ့ကသာ ဆန္ဒပြလူထုကို မီးလောင်စေတဲ့ လက်နက်နဲ့ တိုက်ခိုက်ခဲ့ကြောင်းမှန်ရင် နိုင်ငံတကာ ရာဇ၀တ်မှုအကြီး ကြီးတစ်ခု ကျူးလွန်လိုက်ပြီလို့ပဲ ပြောရမယ်။  |
|
Posted: 28 Nov 2012 03:48 PM PST
 ပြုလုပ်နေပုံ စိမ်းလန်းငြိမ်းချမ်းတဲ့ တောင်လုံးတွေကြားကို မြေထိုးစက်၊ မြေတူးစက်၊မြေသယ်ယာဉ်တွေ ၀င်လာတယ်။ လက်ပံတောင်းတောင်ကြီးရဲ့ အသားကိုလှီးကြ ဖဲ့ကြ ခုတ်ကြ ထစ်ကြ ထိုးကြ ဖောက်ကြ လုပ်ပြီး လက်ပံတောင်း တောင်ရဲ့  အူ အသည်းတွေကို နုတ်ယူကြတယ်။ တောင်ကြီးရဲ့ အသားထဲကိုထွင်းဖောက်၊ မိုင်းမြှုပ်ပြီး ဖောက်ခွဲကြတယ်။ လက်ပံတောင်းတောင်ပေါ်ကမိုင်းခွဲသံဟာ မုံရွာတစ်မြို့ လုံး သိမ့်သိမ့်တုန်တယ်။ မိုင် ဆယ်နဲ့ ရာနဲ့ ချီပြီး အသံဆိုးလှိုင်းကြီး ခုန်သွားတယ်။ မီးခိုးလုံးကြီးတွေ တောင်ပေါ်ကိုဝေ့တက်သွားတယ်။ ငြိမ်းချမ်းတဲ့လက်ပံတောင်းတောင်ကြီးဟာ မီးတောင်ကြီးညဖစ်လာပါကလား။ လူဖောက်ခွဲဖန်တီးတဲ့မီးတောင်။ လက်ပံတောင်းရဲ့  ရင်ထဲကကြေးနီကို လိုချင်လို့ ဖောက်ခွဲ ဖျက်ဆီး အသေသတ်နေတာ။ဆဒ္ဒန်ဆင်မင်းကို သောနုတ္ထရမုဆိုး မြားနဲ့ ပစ်ခွင်းပြီး သတ်နေသလိုပါဘဲ။ သူတို့ က လက်ပံတောင်းတောင်ကို ဖောက်ခွဲခုတ်ဖြတ်နေရုံသာမကအဲဒီတောင်ထဲက ထွက်လာတဲ့မြေစာတွေကို ပတ်ဝန်းကျင်မြေယာစိုက်ခင်းတွေထဲ သွားပုံတယ်။ စိုက်ခင်းမြေယာတွေ ပျက်စီးကုန်တာပေါ့။ ဒီလောက် မကသေးဘူး။ ပတ်ဝန်းကျင် ရွာတွေပေါ်မှာလည်း ဒီမြေစာတွေပုံမယ်၊ကြေးနီလုပ်ငန်းမျိုးစုံကို လုပ်မယ်၊ မြေကြီးတူးပြီး တွင်းကြီးတွေ လုပ်ချင်လည်းလုပ်မယ်။ ဒီတော့ ဒီရွာတွေ ဒီနားမနေနဲ့ ၊ ဝေးရာသွားလို့ နှင်ထုတ်တယ်။ ဘုန်းတော်ကြီးတွေလည်း ဒီနားမနေနဲ့ ၊ ဝေးရာသွားလို့ နှင်ထုတ်တယ်။လယ်တီဆရာတော်ကြီးရဲ့  ကကျောင်းတွေ၊ သ်ိမ်တွေ၊ ဘုရားတွေလည်းပျက်အောင်လုပ်ကြမလို့ ။ ညောင်ပင်အိုင်ဆရာတော်ကြီး ပြုပြင်ထားတဲ့အဏုမြူကပ်ကျော်စေတီလည်း ဖျက်မှာဘဲ။ ကြေးနီကိုလိုချင်တဲ့သူတွေဟာဘုရားမှန်းလည်း မသိတော့ဘူး။ ကျောင်းမှန်လည်း မသိတော့ဘူး။ ရွာသားတွေကို လူတွေရယ်လို့ လည်း အသိအမှတ်မပြုတော့ဘူး။ဘနဖူး သိုက်တူးဆိုတဲ့ ဗမာစကားအတိုင်းပါဘဲ။ တစ်ပြားနဲ့ ဘုရားကိုလဲကြမ လို့ ။ ဒီတော့ ရပ်သူရွာသားတွေကလည်း မခံနိုင်ကြဘူး။ သေချင်သေပေစေဆိုတဲ့စိတ်ဓာတ်နဲ့ ကန့် ကွက်ကြတာပေါ့။ လက်ပံတောင်းတောင်ပတ်ဝန်းကျင်ထန်းပင်ထန်းတောတွေကြား၊ နှမ်းခင်းပဲခင်းတွေတ၀ိုက် ရွာသူရွာသားတွေရဲ့  ကန့် ကွက်သံ ပွက်ပွက်ညံနေပါတယ်။ ကိုယ့်အိမ်ဆုံးရှုံးရမှာမို့ ၊ ကိုယ့်ယာပျက်စီးဆုံးရှုံးရမှာမို့ ၊ ကိုယ့်ကိုစားစရာတွေအမြဲပေး အလှတွေအပေးနေတဲ့တောင်ကြီး ပျက်စီးဆုံးရှုံးရမှာမို့  ရွာသူရွာသားတွေဟာ အဖမ်းခံရမယ့်အန္တရယ်ကိုလည်း မကြောက်၊ အသက်တောင် သေချင်သေပေစေဆိုတဲ့သန္နိဌာန်နဲ့  ဆန္ဒပြကြတာပါ။ ဘေးပယောဂကြောင့်ဆိုတဲ့ အတွေးအခေါ် ကတော့ ချော်လွန်းလှပါတယ်။ ပြည်သူ့ အကျိုးကို လျစ်လျူရှုရာ ရောက်လွန်းပါတယ်။ ဒီလက်ပံတောင်းတောင်လူထု ဆန္ဒပြကြတာကတော့ သူတို့ ဘ၀၊သူတို့ အဖြစ်ကို လက်မခံနိုင်လို့  အသက်စွန့် ဆန္ဒပြကြတာပါ။ ဘ၀အနာက လူတွေကို သတ္တိပေးတယ်၊ အသိအလင်းပေးတယ်။ အဲဒီ သတ္တိမျိုးကငွေပေးဝယ်လို့ လည်း မရဘူး။ မြှောက်ပင့်လှည့်စား မြှူဆွယ်လို့  လည်းမရပါဘူး။ ဒီ အသိအလင်းက သူတို့ ဘ၀က ပေးနေတာ။ ဘ၀အခြေအနေကြောင့် ပညာမျက်စိပွင့်လာကြတာ။ အသိပွင့်လာကြတာ။ သတ္တိပွင့်လာကြတာ။လူထုရဲ့ ဆန္ဒပြပွဲကြီးဟာ ကမ္ဘာမြေတုန်လောက်ခမန်းပါဘဲ။ တစ်ရက်တည်း၊ တစ်ခါတည်း ဆန္ဒပြနေတာ မဟုတ်ဘူး။ ရက်ပေါင်းများစွာ၊ အကြိမ်ပေါင်းအထပ်ထပ်၊ သံဃာတော်တွေပါ။ ဒီဒေသလူထုတွေက ဒီတောင်ကြီးကို လုံးဝ မပျောက်မပျက်စေချင်တာပါ။ တောင်ပျောက်မခံနိုင်ဘူး။ ဒါကို မစေ့စပ်နိုင်ဘူး။ လက်ပံတောင်းတောင်ကြီးဟာ မုံရွာဘက်ကမ်းက ကြည့်ရင်လည်း အလွန်လှတယ်။ မုံရွာမြို့ က ချင်းတွင်းမြစ်ရဲ့ အရှေ့ ဘက် ကမ်းပေါ် မှာ၊ လက်ပံတောင်းတောင်ကြီးက အနောက်ဘက်ကမ်းပေါ်မှာ မျက်နှာချင်းဆိုင်ဆိုတော့လက်ပံတောင်းတောင်ကြိး ဟာ မုံရွာမြို့ ရဲ့ အလှကျက်သရေဖြစ်ပါတယ်။ ဒီအလှကျက်သရေမျိုးကို ရန်ကုန်မြို့ တောင် မရပါဘူး။ မြစ်နဲ့  တောင်နဲ့  မြို့ နဲ့ အလွန်ရှားတဲ့ အလှပါ။ အခု ကြေးနီလုပ်ငန်းလုပ် ရင် ဒီတောင်ကြီး လုံးဝပျက်စီးပျောက်ကွယ်သွားမှာပါ။ ဒီလိုလှတဲ့တောင်ကြီးဖြစ်လာအောင် ဘယ်ကုမ္ဖဏီကပြန်လုပ်ပေးနိုင်မှာ တုန်း။ ဒါ့ကြောင့် မုံရွာမြို့ သူမြို့ သားတွေကတော့ ကိုယ့်မြို့ ရဲ့ သဘာဝ အလှကြီးကို ဖျက်ဆီးပစ်မခံနိုင်ပါဘူး။ ဒီတော့ လက်ပံတောင်းတောင်ဖြိုမယ့်ကိစ္စကို မုံရွာသားတွေက ဘယ်လိုမှမခံနိုင်ပါဘူး။ လက်ပံတောင်းတောင်ကြေးနီလုပ်ငန်းကြီးကို လုံး (လုံးဝ)ဖျက်သိမ်းပါလို့  တောင်းဆိုလိုက်ပါတယ်။"ဒီမြေဟာ ငါတို့ မြေ တို့ ရောင်းစားရမလေ" လို့  သီချင်းမဆိုချင်ပါဘူး။ အံ့မောင် မုံရွာ ၁၉၊ ၁၁၊ ၂၀၁၂  |
|
Posted: 28 Nov 2012 09:07 AM PST
"ဒါဘယ်သူ့မြေလဲ…ဒို့မြေ" "ဒါဘယ်သူ့မြေလဲ..ဒို့မြေ" "ဒါဘယ်သူ့နိုင်ငံ..ဒို့နိုင်ငံ" "ဒါဘယ်သူ့နိုင်ငံ..ဒို့နိုင်ငံ" "တရုတ်ကျေးကျွန်၊ အဖြစ်မခံဘူး"။ နေပူကြဲကြဲအောက် ၀မ်ပေါင်ကုမ္ပ္ပဏီရှေ့၊ ဖျင်ကြမ်းလုံခြည်၊ ရာဘာဖိနပ်ပါးနဲ့ ချည်ထည် တပတ်နွမ်း အင်္ကျီတွေ
ဝတ်ပြီး ခမောက်ဆောင်း ထားတဲ့ အသားညိုညို၊ ပိန်ပိန်ပါးပါး အမျိုးသမီးတွေ…။ လက်သီးလက်မောင်းတန်း ကြွေးကြော်သံတွေ ကို အသံကုန်ဟစ်နေတဲ့မြင်ကွင်း။ အဲဒီ ကင်မရာ ရိုက်ချက်တွေက "နိုင်ငံတော်၊ ၀က်မှေး၊ ၀မ်ပေါင်၊ ကြေးနီ" သတင်းမှတ်တမ်းရဲ့ ဇာတ်ရှိန် အမြင့်ဆုံးအပိုင်းလို့ ဆိုရမယ်။ လူတယောက် ဒါမှမဟုတ် သတ္တ၀ါတကောင်ရဲ့ အဓိက အသက်ရှင်သန်မှုမှာ စားရေး၊ လုံခြုံအောင်နေရေးဆိုတဲ့ အခြေခံအချက် ၂ ခုပဲ ရှိတယ်။အခု ကိစ္စဟာ အဲဒီ ၂ ချက်လုံးကို ထိပါးလာတဲ့ သေရေးရှင်ရေး တိုက်ပွဲနဲ့ တူနေတယ်။ ရွာပေါင်း ၄ ရွာနဲ့ လယ်ဧ ကပေါင်း ၇၀၀ ကျော် အပါအ၀င် ရွာဦးက ဘုန်းကြီးကျောင်းလေးက အစ လွန်ခဲ့တဲ့ ၂ နှစ်လောက်ကတည်းက လူသူမသိ ဖျက်ဆီးခံလိုက်ရာက ဒီဇာတ်လမ်းတွေ စလာတာပဲ။ အခုလို မီဒီယာတွေနဲ့ ထိစပ်မှုမရသေးခင် တောင် ၃၃ လုံးဖြိုချ၊ လယ်ဧက ၅ ထောင်ကျော် ဖျက်ဆီးပြီး၊ ရွာပေါင်း ၄၀ ကျော် ရွှေ့ပေးရမယ့် စီမံကိန်းဆိုတာ သူတို့ ကြိုတင် မသိခဲ့ကြဘူး။ သိလိုက်တဲ့ အချိန်မှာတော့ ပေါက်ဆိန်နဲ့ ထွင်းရတော့မယ့် အခြေဆိုက်နေပြီ။ လက်ပံတောင်းတောင် ကြေးနီသတ္တုစီမံကိန်း အကျိုးဆက်ကြောင့် ဇီးတော၊ ဆည်တည်း၊ ၀က်မှေး၊ ကံတော ရွာ ၄ ရွာက တောင်သူ လယ်သမားတွေ ကြုံတွေ့နေရတဲ့ ဒုက္ခတွေကို လွန်ခဲ့တဲ့ ၂ နှစ်လောက်ကတည်းက ဒါရိုက်တာ လွင်မှိုင်းနဲ့အဖွဲ့တွေ ကင်မရာ ၆ လုံး ကိုင်ပြီး အဲဒီဒေသမှာ အချိန်ပြည့် နေထိုင် မှတ်တမ်းတင် ရိုက်ကူးခဲ့တာလို့ House of Media and Entertainment (HOME) ကုမ္ပဏီရဲ့ ထုတ်လုပ်သူလည်းဖြစ် ရုပ်သံမဂ္ဂဇင်း တာဝန်ခံလည်းဖြစ်တဲ့ လူရွှင်တော် ကိုဇာဂနာက ပြောပြတယ်။ "အခုမှ လက်ပံတောင်းတောင်၊ လက်ပံတောင်းတောင်နဲ့ ဖြစ်နေကြတာ။ တကယ့်တကယ် ဒီကိစ္စဖြစ်နေတဲ့ ၂ နှစ်လောက်က တည်းက ရှိတဲ့ ကင်မရာလေးတွေ၊ ဟန်းဖုံးလေးတွေနဲ့ ရသမျှ မှတ်တမ်းတင်တာတွေ လုပ်ပြီး စခဲ့ရတာ၊ သူတို့ (စီမံကိန်း အလုပ်သမားတွေ) က ညမှ အလုပ်လုပ်တာ။ ဒါကို ကျနော်တို့ လူတွေလည်း လက်နှိပ်ဓာတ်မီးတွေထိုးပြီး ညပိုင်း သူတို့ အလုပ်လုပ်တဲ့အချိန် ခက်ခက်ခဲခဲ မှတ်တမ်းတင်ရိုက်ခဲ့ရတာ" လို့ ကိုဇာဂနာက ဆိုတယ်။ ပြသချိန် ၁ နာရီခွဲကျော်တဲ့ အဲဒီ ဗီဒီယို မဂ္ဂဇင်းမှာ ကဗျာ၊ ဇာတ်လမ်းတို၊ ဟာသ၊ ကာတွန်း၊ အင်တာဗျူး စတာတွေ ပါတယ်။ တခွေလုံးက အကောင်းချည်းမဟုတ်၊ ခပ်ညံ့ညံ့ရိုက်ချက်၊ တည်းဖြတ်မှုနဲ့ ခပ်ပေါ့ပေါ့ အင်တာဗျူးတို့လည်း ပါသေးတယ်။ တခွေလုံးခြုံကြည့်ရင် အဆိုးကြီး မဟုတ်သလို အကောင်းစားကြီးလည်း မဟုတ်။ ၀က်မှေး ၀မ်ပေါင် ကြေးစင်တောင် မှတ်တမ်း ဟာ ရိုက်ကူးသူတွေရဲ့ အပင်ပမ်းခံ ရိုက်ချက်တွေ၊ စိတ်စေတနာနဲ့ တင်ပြမှုတွေ၊ အားကောင်းတဲ့ အင်တာဗျူးတွေကြောင့် ရုပ်လုံးကြွခဲ့ပေမယ့် တည်းဖြတ်မှုညံ့တယ်။ ပြီးတော့ သတင်းမှတ်တမ်း (News Documentary) အဆင့်ပဲ ရှိတယ်။ မှတ်တမ်း တင် သတင်းရုပ်ရှင် (Documentary Film) ဆိုတဲ့ အဆင့်တော့ မရှိသေးဘူး။ Documentary Film လက္ခဏာပြည့်ဖို့ဆိုရင် သမိုင်းနောက်ခံနဲ့ မှတ်တမ်းမှတ်ရာ အချက်အလက်တွေ လိုတယ်၊ ဘက်စုံ ထောင့်စုံက အင်တာဗျူးတွေ ပါရမယ်။ တောင်သူတွေ အပြင် သက်ဆိုင်ရာ တရုတ်ကုမ္ပဏီ အရာရှိတွေ၊ မြန်မာ အာဏာပိုင်တွေ၊ သဘာဝ ပတ်ဝန်းကျင် ထိန်းသိမ်းရေးသမားတွေ၊ သံဃာတော်တွေနဲ့ သုတေသီတွေ ပါသင့်တယ်။ အစိုးရ စီမံကိန်းတွေ၊ လူမှုရေး ကျန်းမာရေး ကလေးသူငယ်နဲ့ အမျိုးသမီးရေးရာ အလုပ်သမားပြဿနာ စတဲ့ အကြောင်းအရာတွေကို နောက်ခံသမိုင်း အချက်အလက်စုံ ရှုထောင့်စုံ၊ အကျိုးနဲ့အပြစ် အကောင်းနဲ့အဆိုးကို အချိန်တိုတိုလေးမှာ ကြည့်ရှုသူတွေ သေချာသိသွားဖို့ Documentary သတင်းမှတ်တမ်းတွေ လိုပါတယ်။ စစ်အာဏာရှင်ခေတ် တလျှောက်လုံး အစိုးရ ၀ါဒဖြန့်မှတ်တမ်းတွေ၊ စေတီပုထိုးနဲ့ ကမ္ဘာလှည့် ခရီးသွားတွေအတွက် ရည်ရွယ်တဲ့ ရုပ်သံမှတ်တမ်း စတာတွေပဲ တွေ့ခဲ့ရတယ်။ နောက်တော့ ၁၉၈၈ အရေးခင်းအပြီး Barefoot Students Army (ဖိနပ်မဲ့ကျောင်းသားစစ်သည်) လို မှတ်တမ်းခွေတွေ ပေါ်လာတယ်။ နောက်ပိုင်း ဘီဘီစီ၊ စီအင်န်အင်န်နဲ့ အယ်လ်ဂျားဇီးယား တို့လို မီဒီယာတွေက ဒီမိုကရေစီနဲ့ လူ့အခွင့်အရေးကင်းမဲ့မှုတွေ၊ ၂၀၀၇ ရွှေဝါရောင်မှာ ဘားမား VJ လို မှတ်တမ်းရုပ်ရှင်တွေအထိ နိုင်ငံတကာအာရုံကို ဖမ်းစားနိုင်ခဲ့တဲ့ မှတ်တမ်းတင်ရုပ်သံတွေ ပေါ်လာခဲ့တယ်။ ဒါပေမယ့် အများအားဖြင့် နိုင်ငံခြားသားတွေ လုပ်ကြတာဖြစ်တယ်။ နိုင်ငံတကာက နယ်စပ်က ပြည်သူတွေ၊ ဒုက္ခသည်တွေ၊ ခလေး ငယ်တွေ၊ ဒုက္ခသည်စခန်းတွေ၊ အမျိုးသမီးတွေဘ၀ကို ပိုသိနိုင်အောင် အားထုတ်တဲ့ မှတ်တမ်းခွေတွေ ဖြစ်တယ်။ အခြေခံလူတန်းစား ဘ၀သရုပ်ဖော် မှတ်တမ်းခွေတွေ၊ ဇာတ်လမ်းတိုတွေ လည်း ပြည်တွင်းမှာ ပေါ်ခဲ့ဖူးတယ်။ "ထူးထူးခြားခြား သတိထားမိတာက ၁၉၈၅ ခုနှစ်က ဆရာဦးဝင်းတင်ဝင်း T&T က ရိုက်တဲ့ မြန်မာ့ယဉ်ကျေးမှု ဆိုင်ရာတွေ၊ ခရီးသွား လှည့်လည်မှု အစီအစဉ်တွေ၊ ပုဂံနဲ့ နိုင်ငံတ၀ှမ်းစေတီပုထိုး သမိုင်းတွေ၊ AV မီဒီယာ (Audio-Vitual Media) ဆိုပြီး လုပ်တာ တော်တော်ကောင်းတယ်။ ခက်တာက အဆင့်ဆင့်သော ဆင်ဆာများရဲ့ ဒုက္ခပေးမှုကြောင့် အရင်းတောင် ပြန်မရနိုင်ဘဲ အညွန့်ကျိုးသွားတယ်" လို့ ကိုဇာဂနာက ရှင်းပြတယ်။ အခု နောက်ပိုင်း ရန်ကုန်ဖလင် ကျောင်းဆင်းတွေအပါအဝင် လူသစ်တန်းတွေက အခြေခံလူတန်းစား ဘ၀တွေကို ရိုက်ကူး တင်ပြတာ သိပ်ကောင်းတယ်။ တင်ပြပုံ၊ ရိုက်ချက်၊ တည်းဖြတ်ပုံ၊ နောက်ခံအသံတွေ အဆင့်အတန်းရှိတယ်။ ခက်တာက အဲဒီလို မှတ်တမ်းခွေတွေဟာ ၀ါသနာပါသူ၊ အားပေးသူ အသိုင်းအ၀ိုင်း သေးသေးလေး ကြားထဲကနေ ကျယ်ကျယ်ပြန့်ပြန့် ထွက်မလာနိုင်သေးဘူး။ အားပေးအားမြှောက်ပြုပေးမယ့် နယ်ပယ် မရှိသေးဘူး။ အခု တပြည်လုံး အုံးအုံးကြွက်ကြွက် ဖြစ်နေတဲ့ လက်ပံတောင်းတောင်လို၊ ဧရာဝတီမြစ်ဆုံလို၊ အစိုးရစီမံကိန်းတွေ အကျိုး ဆက်တွေကို Documentary Film တွေက ထိရောက်တဲ့ ကဏ္ဍကနေ ဆောင်ရွက်နိုင်တဲ့ အခြေအနေတွေရှိပါတယ်။ ကျနော်တို့ အိမ်နီးချင်း အိန္ဒိယနိုင်ငံက လှုပ်ရှားမှုပုံစံကို သတိရမိတယ်။ အိန္ဒိယရဲ့ ပြည်နယ်ကြီး၂ခုဖြစ်တဲ့ Madhya Pradesh နဲ့ Maharashtra ပြည်နယ်တွေကို ဖြတ်သန်းစီးဆင်းနေတဲ့ နာမာဒါးမြစ် (Narmada River) နဲ့ နာမာဒါးဆည် စီမံကိန်း အကြောင်းပါ။ အိန္ဒိယရဲ့ မြစ်ကြီး ၅ သွယ်မှာ ပဉ္စမမြောက် အရှည်ဆုံးမြစ် မိုင် ၈၀၀ ကျော်ရှည်ပြီး အိန္ဒိယတောင်နဲ့မြောက် နယ်စည်းခြားထား တယ်။ ဟိမ၀န္တာတောင်ကို မြစ်ဖြားခံ စီးဆင်းလာတဲ့ နာမာဒါးမြစ်နဲ့ ထိစပ်တဲ့ လွင်ပြင်ဧရိယာက စတုရမ်းမိုင် ၆ သောင်းခွဲကျော် တယ်။ ကျယ်ပြန့်တဲ့ လယ်ယာတွေ၊ တောင်တွေ၊ တောတွေ၊ သစ်ကြီးဝါးကြီး၊ရေတံခွန်တွေ၊ တောရိုင်းတိရိစ္ဆာန် မျိုးစိတ်ထောင် နဲ့ချီ ကျက်စားတဲ့အရပ်ကို အစိုးရက ရေကာတာဆောက်တယ်။ ကြီးမားတဲ့ ရေအားလျှပ်စစ် စီမံကိန်းကြီးပါ။ ကမ္ဘာ့ဘဏ်က ဒေါ်လာသန်း ၄၅၀ ချေးပြီး ဆောက်တယ်။ အကျိုးဆက်က သစ်တောတွေနဲ့ လယ်မြေဧက သန်းနဲ့ချီ ပျက်ဆီးခဲ့တယ်။ လယ်သမား ၃ သိန်းကျော် အိုးအိမ်မဲ့ ဖြစ်ကုန်တယ်။ စီမံကိန်းဦးဆောင်တဲ့ အစိုးရနဲ့ ပြည်နယ်အစိုးရ အဖွဲ့တွေရဲ့ အလွဲသုံးစားမှု ၊ လာဘ်စားမှုတွေက ဒုနဲ့ဒေး။ ၁၉၈၀ လောက်စလို့ အငြင်းပွားနေတာ အခုထိ မပြီးသေးဘူး။ ရေကာတာကြီး ပြီးသွားပေမယ့် မူလစီမံကိန်း အတိုင်း ပြည်နယ် ၄ ခုအတွက် ရေအား လျှပ်စစ်က မလုံလောက်။ သောက်သုံးရေ ပြဿနာက မပြေလည်။ ဆင်းရဲမှုပြဿနာ၊ ကျန်းမာရေးပြဿနာ၊ အလုပ်လက်မဲ့ ပြဿနာတွေလည်း မပြတ်။ နောက်ပိုင်း အစိုးရ၀န်ကြီးတွေက အဖြစ်အပျက်ရဲ့ သမိုင်းတောင် မသိတော့ဘူး။ ဒါတွေကို လွန်ခဲ့တဲ့ နှစ် ၂၀ ကျော်ကတည်းက လူထုလူတန်းစားတွေရဲ့ လက်ရှိအခြေအနေတွေ၊ သမိုင်းကြောင်းတွေနဲ့ နစ်နာမှုတွေ ဘေးထွက်ဆိုးကျိုးတွေကို မှတ်တမ်းခွေတွေ ရိုက်ကူးတယ်။ လူထုအခြေပြုအဖွဲ့အစည်း NGO တွေ၊ လူထုလှုပ်ရှားမှု မှတ်တမ်းတင် အဖွဲ့တွေ၊ လှုပ်ရှားမှုဖော်ဆောင်ရေး အဖွဲ့တွေ၊ မီဒီယာတွေ၊ အစိုးရ အတိုက်အခံ နိုင်ငံရေးအဖွဲ့တွေ၊ ပါတီနဲ့အ မတ်တွေ ပူးပေါင်းပြီး လှုပ်ရှားတယ်။ Video Press Show သတင်းစာရှင်းလင်းပွဲတွေ လုပ်တယ်။ ပါလီမန်အမတ်တွေကို ချဉ်းကပ်စည်းရုံးတယ်။ ပါလီမန်တွင်း အခြေအတင် ဆွေးနွေးပွဲတွေ၊ ဆုံးဖြတ်ချက်တွေ ပေါ်လာအောင် ၀ိုင်းဝန်းကြတယ်။ အဲလို ပြည်သူ၊ မီဒီယာနဲ့ နိုင်ငံရေးသမားတွေ ဟန်ချက်ညီညီ ပူးပေါင်းလှုပ်ရှားတော့ အစိုးရက ပြသနာကို မဖြစ်မနေ ဖြေရှင်းပေးရတော့တယ်။ ကျနော်တို့ မြန်မာတွေ ဗီဒီယိုတို့၊ ရုပ်ရှင်တို့ဆိုရင် စိတ်အပမ်းဖြေစရာ၊ ပျော်စရာ ဇာတ်လမ်း ဇာတ်ကွက်တွေနဲ့၊ မင်းသမီး၊ မင်းသားချောချော၊ အ၀တ်အစား လှလှ တောက်တောက် ပြောင်ပြောင်တွေကိုပဲ သဘောကျ တတ်တာကလည်း မဆန်းပါဘူး။ စိတ်ထွက်ပေါက်ကလည်း ဒါပဲရှိတာကိုး။ နုံချာချို့တဲ့ပြီး ထမင်းကြမ်းကို ဇီးထုတ်လေးနဲ့ ဟင်းလုပ်စားနေရပေမယ့် ကိုရီးယား မင်းသမီး မင်းသား ချောချောတွေနဲ့ ထည်ဝါတဲ့ လူနေမှုပုံစံတွေကို ကြည့်ပြီး စိတ်ကူးယဉ်ကြရတဲ့ ဘဝ။ ကိုယ့်ဘ၀ ဆင်းရဲမွဲတေ မှုကို စိတ်ဆင်းရဲခံပြီး ပြန်ကြည့်မှာလည်း မဟုတ်။ ဘယ်လိုပဲဖြစ်ဖြစ် မျှော်လင့်စရာ အကောင်းတခုက မနှစ်က ကိုဇာဂနာတို့ ဦးဆောင်ပြီး ဒေါ်အောင်ဆန်းစုကြည် သိဒ္ဓိတင်ပေး လိုက်တဲ့ "လွတ်လပ်ခြင်း အနုပညာ ရုပ်ရှင်ပွဲတော်" အပြီး ရွက်ပုန်းမှတ်တမ်းခွေတွေနဲ့ ဇာတ်လမ်းတိုတွေ အလျှိုလျှိုပေါ်လာ တာပါ။ ဒီအတွက် ကိုဇာဂနာနဲ့ အားထုတ်နေသူတွေကို ကျေးဇူးတင်ရမယ်။ အဲဒီ လှုပ်ရှားမှုဟာ မြန်မာပြည်ရဲ့ Documentary Film နဲ့ Short Film တသစ်ဆန်း ဦးမော့စေဖို့ နိဒါန်းဖြစ်လိမ့်မယ်။ "လုပ်စရာရှိတာက အများကြီး တပြိုင်နက်တည်း မျိုးဆက်သစ်တွေပါ မွေးထုတ်ရင်း အလုပ်တွဲလုပ်ကြတယ်။ ကျနော်တို့ထက် တော်တဲ့သူတွေတောင် ရှိနေပြီ။ ဒါဟာ တိုင်းပြည်အတွက် ၀မ်းသာစရာပေါ့" လို့ ကိုဇာဂနာကလည်း ပြောတယ်။ Documentary ပါဝါနဲ့ ဒီမိုကရေစီလမ်းကြောင်းပေါ်က ပြဿနာတွေကို ဒီနေ့မီဒီယာလောကက လူငယ်တွေ ထိထိရောက်ရောက် မီးမောင်းထိုးနိင်မယ်လို့ မျှော်လင့်မိပါတယ်။ Ko Nyo  |
|
Posted: 28 Nov 2012 08:18 AM PST
 မုံရွာခရိုင် ဆားလင်းကြီးမြို့နယ်ရှိ လက်ပံတောင်းတောင် ကြေးနီစီမံကိန်းအတွင်း ဖွင့်လှစ်ထားသော သပိတ်စခန်းများကို ဖယ်ရှားရန် အတွက် ဒေသခံရဲတပ်ဖွဲ့ဝင်များက ပြင်ဆင်လျက်ရှိကြောင်း ထိုဒေသသို့ ရောက်ရှိနေကြောင်း မုံရွာမြို့ဒေသခံ သတင်းထောက် ကိုတိုး(ချင်းတွင်း)က ပြောကြားသည်။ "၀မ်ပေါင် ကုမ္ပဏီရှေ့က အထွေထွေသပိတ်စခန်းကို ဖယ်ရှားဖို့ ရဲတပ်ဖွဲ့ဝင်တွေက ဒိုင်းတွေကို နံပါတ်တုတ် တွေနဲ့ ရိုက်ပြီး အချက်ပေးနေတယ်၊ လုံခြုံရေးစင်မြင့် တစ်ခုလည်း ဆောက်ထားတာ တွေ့ရတယ်" ဟု ဆား လင်းကြီး အထွေထွေသပိတ်စခန်းသို့ ရောက်ရှိနေသော ထိုသတင်းထောက် က ဆိုသည်။ အဆိုပါ အထွေထွေသပိတ်စခန်းသည် မုံရွာ-ပုသိမ်လမ်းမ မိုင်တိုင် ၄၄၃/၅ရှိ ၀မ်ပေါင် ကုမ္ပဏီရှေ့တွင် တည် ရှိပြီး သပိတ်စခန်း အတွင်း၌ သံဃာအပါး ၃၀၀နှင့် ဒေသခံ ၂၀၀ခန့်ရှိကြောင်း၊ ၄င်းတို့အနီး၌ ယူနီဖောင်း အပြည့်အစုံ ၀တ်ဆင်ထားသော လုံခြုံရေးရဲတပ်ဖွဲ့ဝင် ၁၀၀ခန့်သည် လက်နက်အပြည့်အစုံ ကိုင်ဆောင်ထား ကြောင်း ၄င်းကဆိုသည်။ "ည ၈နာရီ သတင်းမှာ သပိတ်စခန်းတွေ အားလုံးကို ည ၁၂နာရီ နောက်ဆုံးထားပြီး ဖယ်ရှားပေးဖို့ အစိုးရက ကြေညာသွားတယ်။ ဒါပေမယ့် ဒေသခံတွေက ညတွင်းချင်း ရွှေ့ပေးဖို့ဆိုတာ မဖြစ်နိုင်ဘူး။ နောက်ပြီး သူတို့တောင်းဆိုထားတာတွေ တစ်စုံတစ်ရာ အဖြေမရဘဲ ဒီလိုအမိန့်နဲ့ ရွှေ့ခိုင်းတာက အာဏာရှင်ပုံစံမျိုး ဖြစ်နေတယ်လို့ ဒေသခံတွေက ပြောကြတယ်"ဟု ကိုတိုး(ချင်းတွင်း) က သတင်းပေးပို့သည်။ လက်ရှိအချိန်တွင် လက်ပံတောင်းတောင် စီမံကိန်းဝန်းကျင်တွင် သပိတ်စခန်း ခြောက်ခု ဖွင့်လှစ်ထားပြီး လက်ပံတောင်းတောင်ပေါ်တွင် လေးခုနှင့် ၀မ်ပေါင်ကုမ္ပဏီ အနီးတွင် နှစ်ခု ဖွင့်လှစ်ထားကြောင်းသိရသည်။ ယခုနှစ် နိုဝင်ဘာ ၂၉ရက်နေ့တွင် မြန်မာ့ဒီမိုကရေစီ ခေါင်းဆောင် အမျိုးသားဒီမိုကရေစီ အဖွဲ့ချုပ် ဥက္ကဌ ဒေါ်အောင်ဆန်းစုကြည် သည် လက်ပံတောင်းတောင်သို့ သွားရောက်မည်ဖြစ်သည်။ ကိုတိုး(ချင်းတွင်း) Venus News Weekly  |
|
Posted: 28 Nov 2012 08:11 AM PST
ကာကွယ်ရေး ဦးစီးချုပ်ဟောင်း ဗိုလ်ချုပ်မှူးကြီးသန်းရွှေအပါအ၀င် အငြိမ်းစားပုဂ်္ဂိုလ် ၆၉ ဦး၊ နိုင်ငံတော်တာဝန် ထမ်းဆောင်ခဲ့ဖူး
သူများနှင့် အစိုးရသစ် ပြည်ထောင်စုအဆင့် တာဝန်ရှိသူ ၁၀၂ ဦးတို့၏ အိမ်အကူ၊ ထမင်းချက် နှင့် ဥယျာဉ်လုပ်သားများအတွက် ထောက်ပံ့ငွေအဖြစ် ကျပ်သန်းပေါင်း ၃၅၀ ကျော်ကို ပြည်ထောင်စု လွှတ် တော်မှ ခွင့်ပြုထားကြောင်း လွှတ်တော်ကိုယ်စားလှယ်အချို့က ပြောကြားသည်။ "ခွင့်ပြုပြီးသား ငွေက ကျပ်သန်းပေါင်း ၃၅၁ ဒသမ ၀၁၀ သန်းပါ၊ ထပ်မံတောင်းခံတာက အငြိမ်းစား ပုဂ္ဂိုလ်ကြီး တွေအတွက် ၁၆၉ဒသမ ၅၆ သန်းနဲ့ တိုင်းရင်းသားရေးရာ ၀န်ကြီးတွေအတွက် ၂၇ ဒသမ ၄၉၂ သန်းဆိုတော့ စုစုပေါင်း ၁၉၇ ဒသမ ၀၅၂ သန်းပါ"ဟု ပြည်သူ့လွှတ်တော် ကိုယ်စားလှယ် ဦးမင်းသူက ပြောသည်။ ၂၀၁၂ - ၂၀၁၃ ခုနှစ် ဖြည့်စွက်ရန်ပုံငွေ တောင်းခံရာတွင် အငြိမ်းစားပုဂ္ဂိုလ်ကြီးများနှင့် နိုင်ငံ့တာဝန်ထမ်းဆောင် လျက်ရှိသည့် ပုဂ္ဂိုလ်ကြီးများ၏ အိမ်အကူ၊ ထမင်းချက်နှင့် ဥယျာဉ်လုပ်သား ၄၁၇ ဦးအတွက် ထောက်ပံ့ငွေကို ဘဏ္ဍာရေးနှင့် အခွန်ဝန်ကြီးဌာန က အိမ်လုပ်သားတစ်ဦးလျှင် ကျပ်သုံးသောင်း ခံစားခွင့်ပြုထားသဖြင့် ဆောက် လုပ်ရေး ၀န်ကြီးဌာနမြို့ရွာနှင့် အိုးအိမ်ဦးစီး ဌာနမှ ပြည်ထောင်စုလွှတ်တော်သို့ တောင်းခံခဲ့ခြင်းဖြစ်သည်။ ထောက်ပံ့ငွေရရှိသူများမှာ နိုင်ငံတော်အကြီးအကဲဟောင်း နှစ်ဦး၊ ပြည်ထောင်စုအဆင့် ပုဂ္ဂိုလ် (၁၀၂) ဦး၊ နေ ပြည်တော် ကောင်စီဝင် ၁၁ ဦး၊ နိုင်ငံတာဝန် ထမ်းဆောင်ခဲ့ဖူးသူ ၆၇ ဦးတို့ဖြစ်ကြောင်း လွှတ်တော်သို့ တောင်းခံ သော စာရင်းတွင် ဖော်ပြထားသည်။ နိုင်ငံတော် အကြီးအကဲဟောင်း အငြိမ်းစားဗိုလ်ချုပ်မှူးကြီး သန်းရွှေ၏ အိမ်တွင် ထမင်းချက်ငါးဦး၊ အိမ်အကူ ငါး ဦး နှင့် ဥယျာဉ်လုပ်သား ငါးဦးတို့ကို တစ်လကျပ် သုံးသောင်းနှုန်းဖြင့် စုစုပေါင်း လေးသိန်းခွဲ၊ တစ်နှစ်စာ ၅၄ သိန်း တောင်းခံထားပြီး အငြိမ်းစား ဒုတိယဗိုလ်ချုပ်မှူးကြီး မောင်အေးအိမ်တွင် အိမ်လုပ်သား ၄ ဦးစီဖြင့် တစ် နှစ်စာ ၄၃ သိန်းနှစ်သောင်း တောင်းခံထားသည်။ နိုင်ငံတော် ၀န်ကြီးချုပ်ဟောင်း ဗိုလ်ချုပ်ကြီးဟောင်းဖြစ်သူ ဦးခင်ညွန့်မှာမူ ယခုထုတ်ပြန်သော စာရင်းတွင် ထည့်သွင်း ဖော်ပြထားခြင်း မရှိသလို ဒုတိယဗိုလ်ချုပ်ကြီး ၀င်းမြင့်လည်း မပါဝင်ကြောင်း ပြည်သူ့လွှတ်တော် ကိုယ်စားလှယ်တစ်ဦးက ပြောသည်။ ပြည်ထောင်စုအဆင့် ပုဂ္ဂိုလ် ၁၀၂ ဦးမှာ လွှတ်တော်နှစ်ရပ်မှ ဥက္ကဋ္ဌနှင့် ဒုဥက္ကဋ္ဌများ၊ ပြည်ထောင်စုဝန်ကြီး ၃၁ ဦး၊ ခုံရုံး ဥက္ကဋ္ဌ၊ ကော်မရှင်ဥက္ကဋ္ဌ၊ တရားလွှတ်တော်ချုပ်တရားသူကြီး ခြောက်ဦး၊ ခုံရုံးအဖွဲ့ဝင် ရှစ်ဦး၊ ကော်မရှင် အဖွဲ့ဝင် ခြောက်ဦး၊ ဒုတိယ၀န်ကြီး ၄၁ ဦးနှင့် ပြည်ထောင်စုရာထူးဝန်အဖွဲ့ဝင် ငါးဦးတို့ဖြစ်သည်။ နိုင်ငံတာဝန်ထမ်းဆောင်ခဲ့ဖူးသူ ၆၇ ဦးမှာ တရားသူကြီးချုပ် ဦးအောင်တိုး၊ ရှေ့နေချုပ် ဦးအေးမောင်၊ ၀န်ကြီး ဦးသောင်း (သိပ္ပံနှင့် နည်းပညာ)၊ ဦးဌေးဦး(လယ်/ဆည်)၊ ဦးတင်ထွဋ်(သမ)၊ ဦးအောင်သောင်း(စက်မှု)၊ အပါ အ၀င် ဦးမောင်ဦး၊ ဦးစိုးသာ၊ ဦးသိန်းဆွေ၊ ဦးလွန်းသီ၊ သူရဦးအေးမြင့်၊ ဦးသိန်းဇော်၊ ဦးမောင်မောင်သိန်း၊ ဦးစိုး သာ၊ ဒေါက်တာ ကျော်မြင့်၊ဒေါက်တာချမ်းငြိ မ်းနှင့် ဦးအောင်သိန်းလင်းတို့ ဖြစ်ကြပြီး အများစုမှာ လက်ရှိအချိန်၌ လွှတ်တော်ထဲတွင် ရောက်ရှိနေကြသည်။ အခြားပုဂ္ဂိုလ်များမှာ ယခင်နိုင်ငံတော်ကောင်စီ အတွင်းရေးမှူး တာဝန်ထမ်းခဲ့သည့်ပုဂ်္ဂိုလ်တစ်ဦး၊ ဒုတိယ ဗိုလ် ချုပ်ကြီး တင်ဦး၏ ဇနီး၊ ရန်ကုန်မြို့ တော်ဝန်ဟောင်း ဦးကိုလေး၊ ဒုတိယဗိုလ်ချုပ်ကြီး (ငြိမ်း)များဖြစ်ကြသည့် ဦးခင်မောင်သန်း၊ ဦးရဲမြင့်၊ ဦးအောင်ထွေး၊ ဦးကျော်ဝင်း၊ ဦးသိန်းထွန်းနှင့် ဗိုလ်မှူးချုပ်အေဘယ်၊ ၀န်ထမ်းရွေး ချယ်ရေး အဖွဲ့ဥက္ကဋ္ဌ၊ ဗိုလ်ချုပ်စောထွန်း၊ ဗိုလ်ချုပ်စောလွင်၊ ဒုတိယ ဗိုလ်ချုပ်ကြီးမောင်ရှိန်၊ ဦးသောင်းညွန့်နှင့် ယခင်န၀တအဖွဲ့ဝင်ဟောင်း ဦးမျိုးညွှန့်၊ ဦးကျော်ဘ၊ ဦးသိန်းဝင်း၊ ၀န်ကြီးဦးသန်းညွန့်၊ ဦးသောင်းညွန့်၊ ဦးခင် မောင်ရင်၊ ဦးအုန်းကျော်နှင့် ဦးအောင်ရဲကျော်၊ ဗိုလ်မှူးချုပ်လွန်းမောင်၏ ဇနီးနှင့် ဒုတိယ၀န်ကြီးချုပ်ဟောင်း ဦးမောင်မောင်ခင်နှင့် ဦးတင်ထွန်းတို့ဖြစ်ကြသည်။ ၎င်းတို့မှာ အိမ်အကူနှင့် ဥယျာဉ်လုပ်သား တစ်ဦးစီ ရရှိကြသည်။ အငြိမ်းစား ပုဂ္ဂိုလ်ကြီးများအတွက် သာမန် အသုံးစရိတ်အဖြစ် ဖြည့်စွက်တောင်းခံငွေ ၁၆၉ ဒသမ ၅၆ သန်းကို လွှတ်တော်မှ အတည်ပြုပေးခဲ့သည်။ "အငြိမ်းစား ဗိုလ်ချုပ်ကြီး သီဟသူရဦးတင်အောင်မြင့်ဦးကို ရှစ်လစာနေအိမ်စရိတ် ကျပ် ၁၆သန်းနဲ့ တိုင်းရင်း သားလူမျိုးရေးရာ ၀န်ကြီးတွေအတွက် နေအိမ်ငှားရမ်းခ ၇ ဒသမ ၈၃၀ သန်းလည်းပါ, ပါတယ်"ဟု ဦးမင်းသူက ဆိုသည်။ ထောက်ပံ့ကြေး တောင်းခံသောစာရင်းတွင်သမ္မတနှင့် ဒုတိယသမ္မတများ မပါဝင်ရခြင်းမှာ ၂၀၀၈အခြေခံ ဥပဒေ အရ သီးခြားခံစား ပိုင်ခွင့် ရပိုင်ခွင့်များ ရရှိထားသောကြောင့်ဖြစ်ကြောင်း လွှတ်တော်ကိုယ်စားလှယ်တစ်ဦးက ပြောသည်။ အငြိမ်းစား ၀န်ထမ်းများကို အငြိမ်းစားပင်စင်လစာငွေ အကျိုးခံစားခွင့် ပေးသင့်သော်လည်း "နှစ်သီးစားတွေ ကိုတော့ ထိထိရောက် ရောက်စိစစ်သင့်တယ်၊ နိုင်ငံတော်ရဲ့ အကျိုးခံစားခွင့်တွေကို အမျိုးမျိုးရယူနေတဲ့ အခြေ အနေမျိုးကတော့ မဖြစ်သင့်ဘူး၊ နိုင်ငံတကာမှာက ဂုဏ်သိက္ခာအတွက် အလုပ်လုပ်ကြတာ၊ ကိုယ် ဆောင်ရွက် တဲ့ အပေါ်မှာ အကျိုးခံစားခွင့်ယူတယ်၊ နိုင်ငံတော်ရဲ့ဘတ်ဂျက်ကို ဘယ်တော့မှ အလွယ်မသုံးဘူးဆိုတဲ့ စိတ် တွေ ရှိတယ်"ဟု ပြည်သူ့လွှတ်တော်ကိုယ်စားလှယ် ဦးဖြိုးမင်းသိန်းကပြောသည်။ လွှတ်တော်ကိုယ်စားလှယ်များ အနေဖြင့် ဘတ်ဂျက်ကျွမ်းကျင်မှု နည်းပါးခြင်း၊ သက်ဆိုင်ရာဝန်ကြီးဌာနများကို လွှတ်တော်ကော်မတီအလိုက် စောင့်ကြည့်လျက်ရှိသောကြောင့် စွက်ဖက်၍မရခြင်း၊ သုံးသင့်သုံးထိုက်သည်ဟု ယူဆ၍ လွှတ်ပေးကြခြင်း၊ ၂၀၁၃- ၂၀၁၄ ဘဏ္ဍာနှစ်တွင်မှ ငွေလုံးငွေရင်း၊ သာမန်အသုံးစရိတ်များကို စိစစ် ရမည်ဟု ဆုံးဖြတ်ခြင်း၊ ဒီမိုကရေစီအသွင်ကူးပြောင်းရေးကို နှောင့်နှေးစေမည့် အနေအထားမျိုး မလုပ်ဆောင်လို သောကြောင့် မတင်ပြကြခြင်းများ ရှိနေကြောင်း ပြည်သူ့လွှတ်တော် ကိုယ်စားလှယ်ဦးမင်းသူကပြောသည်။ "တစ်ခါတလေကိုယ်မလုပ် လိုက်နိုင်တဲ့အပေါ်မှာ ပြည်သူ့အပေါ်တာဝန်မကျေသလိုခံစားရတယ်" ဟု ၎င်းကဆို သည်။ အငြိမ်းစား ပုဂ္ဂိုလ်များကို ပင်စင်လစာငွေ၊ အပိုထောက်ပံ့ကြေးများ ပေးရာတွင် အပိုင်းနှစ်ပိုင်းခွဲခြား၍ ပြောရမည် ဟု ရန်ကုန်တိုင်းဒေသကြီးမှ အမည်မဖော်လိုသော တိုင်းအဆင့်အရာရှိတစ်ဦးကပြောသည်။ "နှစ်ပေါင်း ၃၀ လောက် တာဝန်ထမ်းဆောင်ပြီး လစာနဲ့ပဲ ရပ်တည်ခဲ့တဲ့သူတွေရဲ့ ဘ၀က အင်မတန်မှ စုတ်ပြတ် သတ်ပါတယ်၊ အဲဒီလိုအငြိမ်းစားတွေကိုပေးသင့်တယ်၊ တချို့ကျတော့ အငြိမ်းစားသာယူသွားတာ ထားစရာမရှိ အောင်ဖြစ်နေတဲ့ သူတွေလည်း ရှိတယ်၊ ကျွန်တော်တို့ ဖြတ်သန်းခဲ့ရတဲ့ဆိုးမွေတွေလေ" ဟု အမည်မဖော်လို သော ၎င်းအစိုးရအရာရှိက ဆိုသည်။ Venus News Weekly  |
|
Posted: 28 Nov 2012 07:23 AM PST
လက်ပံတောင်းတောင် ကြေးနီစီမံကိန်းနေရာရှိ သပိတ်စခန်းများ၌ စုဝေးနေသူများအား ယနေ့(နိုဝင်ဘာလ ၂၈ရက်နေ့)ည
၁၂နာရီတွင် လူစုမခွဲပါက ရဲလုပ်ထုံးလုပ်နည်း ဥပဒေများနှင့်အညီ အရေးယူ ဆောင်ရွက်သွားမည်ဖြစ်ကြောင်း ယနေ့(နိုဝင်ဘာ လ ၂၈ရက်နေ့)ည ၇နာရီခွဲ တွင် တစ်ကြိမ်၊၈ နာရီ ၁၀ မိနစ်တစ်ကြိမ်၊ ၈နာရီ ၅၀ မိနစ်တွင် တစ်ကြိမ် ထပ်မံ၍ ကြောငြာခဲ့ကြောင်း သိရသည်။(EMG)  ထား ဖယ်ရှားပေးကြရန် ရဲတပ်ဖွဲ့ဝင်တစ်ဦးက ၂၈ ရက်နေ့ည ၈ နာရီ ၅၀ မိနစ်အချိန်က အသိပေးပြောကြားနေစဉ် (Photo.EMG)  နံနက် ၁၀း၀၅ အချိန်က တွေ့ရစဉ်။ (ဓာတ်ပုံ-ဟိန်းထက်၊ မဇ္ဈိမ)    လက်ပန်တောင်းတောင် ကြေးနီစီမံကိန်း တည်ရှိရာ ကျော်ရွာရှေ့ လက်ပန်တောင်း တောင်ထိပ်ကြားတွင် ဖွင့်လှစ်ထားသည့် လက်ပန်တောင်းတောင် ကြေးနီစီမံကိန်း ဖျက်သိမ်းရေး ၂၄ နာရီ အမြဲတမ်းသပိတ်စခန်းကို အကြမ်းဖက် ဖြိုခွဲရန် လုံခြုံရေးရဲတပ် ဖွဲ့ဝင် အင်အား ၁၀၀ ခန့်မှ အသင့် အနေအထားဖြင့် ပြင်ဆင်နေကြောင်း သတင်းရရှိပါသည်။ သံဃာတော် အပါး ၃၀ ခန့်မှ လုံခြုံရေးတာဝန်ယူထားသည့် အဆိုပါ သပိတ်စခန်းကို အကြမ်းဖက်ဖြိုခွဲရန် အတွက် နေ့လည် ၃ နာရီ အချိန်မှ စတင်ကာ ဒုတ်၊ ဒိုင်း၊ သေနတ် လက်နက် ကိရိယာ အပြည့်အစုံ ကိုင်ဆောင်ထားသည့် လုံခြုံရေး ရဲတပ်ဖွဲ့ဝင်များ ရောက်ရှိလာခဲ့ခြင်း ဖြစ်ကြောင်း သိရှိရပါသည်။ လုံခြုံရေး ရဲတပ်ဖွဲ့ဝင်များက ၎င်းနေရာကို စတင် ဖြိုခွဲရန် ပြင်ဆင်နေသည်ဟု သိရှိရကြောင်း၊ ၎င်းနေရာတွင် သံဃာအင်အားမှာ အနည်းငယ်သာရှိကြောင်း၊ ၎င်းနေရာကို ဖြိုခွဲနိုင်လျှင် လယ်တီ ဆရာတော် ဘုရားကြီး သီတင်းသုံး နေထိုင်ခဲ့သည့် နေရာဖြစ်သည့်စီမံကိန်းလုပ်ငန်းခွင်၏အဓိက နေရာကိုအလွယ်တကူ ရောက်ရှိသွားမှာ ဖြစ်ကြောင်း မြန်မာနိုင်ငံ ၀ိဇ္ဖာ၊ သိပ္ပံ တက္ကသိုလ် ကျောင်းသားများ ကွန်ယက်မှ တာဝန်ခံ ကိုသောင်းထိုက်က ပြောပြခဲ့သည်။ လက်ပန်တောင်းတောင် ကြေးနီစီမံကိန်းကြောင့် ဖျက်သိမ်းခြင်း ခံထားရသည့် ဇီးတောကျေးရွာ စမ်းမြ၀တီ ကျောင်းတိုက်မှ ဆရာတော် ဦးအာလောကမှ " အကြမ်းဖက် နှိမ်နင်းတာကို ဆရာတော် အနေနဲ့ လုံးဝ လက်မခံနိုင်ဖူး၊ ဗုဒ္ဓဘာသာဝင် အများစု နေထိုင်တဲ့ ဒီလိုနိုင်ငံမျိုးမှာ ဘုရားရဲ့ သားတော်တွေကို ဒီလို အပြုအမူမျိုးတွေနဲ့ ဆက်ဆံလာခဲ့ မယ်ဆိုရင် အရမ်းကို အရုပ်ဆိုး အကျဉ်းတန်သွားမှာ ဖြစ်တယ်။ စစ်အစိုးရလက်ထက်ကလည်း တစ်ခါ ဖြစ်ခဲ့တယ်။ သံဃာသွေးတွေ မြေမကျအောင် မြန်မာပြည် တ၀ှမ်းက ဆရာတော် သံဃာတော်တွေ တပည့်တော်တို့နဲ့ အတူ ပူးပေါင်းပြီး လယ်တီ ဘူမိနက်သန်ကို ကာကွယ်ကြပါလို့ လျောက်ထားပါတယ် ဘုရား " ဟု သတင်းထောက်များကို ပြောပြခဲ့သည်။ သီမောင် (မြန်မာ့ခေတ်)  |
| You are subscribed to email updates from dawnmanhon To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
--
http://www.burmaburo.blogspot.com
No comments:
Post a Comment