ဒေါ်အောင်ဆန်းစုကြည်နှင့် ဒုတိယအကြိမ် တွေ့ဆုံမေးမြန်းခန်း
မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ကို လူစည်ကားလှသော သူ၏ ပါတီ အမျိုးသား ဒီမိုကရေစီ အဖွဲ့ချုပ်ရုံးခန်းတွင် မဇ္ဈိမသတင်းထောက် Thea Forbes က နိုဝင်ဘာ ၂၉ ၊ ၂ဝ၁ဝ ပြည့်နှစ်တွင် လူချင်း တွေ့ဆုံမေးမြန်းခဲ့သည်။
၂၁ ရာစု ပင်လုံညီလာခံ၊ အမျိုးသား ပြန်လည်သင့်မြတ်ရေး၊ ဒေါ်အောင်ဆန်းစုကြည်နှင့် ပါတီ ရှေ့လုပ်ငန်းစဉ်၊ ပိတ်ဆို့ အရေးယူမှုမှသည် စစ်အစိုးရ စီမံကိန်းများပေါ်အမြင်တို့ကို မေးမြန်းထားသည်။
နိုဝင်ဘာလ ၁၃ ရက်က နေအိမ်အကျယ်ချုပ်မှ လွတ်မြောက်လာခဲ့ပြီးနောက် မဇ္ဈိမက ဒုတိယအကြိမ် မေးမြန်းခြင်း ဖြစ်သည်။ မူရင်း အင်္ဂလိပ်ဘာသာဖြင့် မေးဖြေထားသည်ကို ဘာသာပြန်ထားပါသည်။
မေး- နိုဝင်ဘာ ၁၄ ရက်က လူထုကို မိန့်ခွန်းပြောတဲ့နေရာမှာ ရှင့်အဖေရဲ့ ဆိုင်းဘုတ်အကြီးကြီး ချိတ်ထားတာ တွေ့ပါတယ်။ ဒီတော့ လွတ်လပ်ရေးသူရဲကောင်း ရှင့်အဖေနဲ့ မျိုးရိုးဆက်နွယ်မှု ရှိနေတာဟာ ရှင့်အတွက် ဘယ်လောက်အရေးပါတယ်လို့ ထင်ပါသလဲ။
ဖြေ - ဒါသိပ်အရေးကြီးပါတယ်၊ ဒါကျမနဲ့ ကျမအဖေ မျိုးရိုးဆက်နွယ်မှုရှိလို့ မဟုတ်ပါဘူး။ ဒီလိုမစဉ်းစားပါနဲ့၊ ဒါအဖေနဲ့ပဲ ဆိုင်ပါတယ်။ ယုံကြည်စိတ်ချရတဲ့ နိုင်ငံရေးသမား ရှားပါးနေတဲ့ ခုအချိန်မှာ လူတွေက သူ့အပေါ် ယုံကြည်မှုရှိနေကြတာက အဓိကပါ။ ဒါကြောင့်လူတွေက ကျမအဖေကို သိပ်ချစ်ခင်ကြတယ်။ သူသာ အသက်ရှင်နေရင် သူတို့မှီခိုအားထားနိုင်တဲ့ ခေါင်းဆောင်လို့ ထင်ကြတယ်။
| ဒေါ်အောင်ဆန်းစုကြည်နှင့် တွေ့ဆုံမေးမြန်းခန်း - အပိုင်း ၁ | ဒေါ်အောင်ဆန်းစုကြည်နှင့် တွေ့ဆုံမေးမြန်းခန်း |
မေး - ရှင်နဲ့ရှင်ရဲ့ပါတီက ဒုတိယ ပင်လုံညီလာခံခေါ်ဖို့ ပြောထားတယ်နော်။
ဖြေ - မဟုတ်ပါဘူး၊ ကျမတို့က ဒါကိုလုပ်ဖို့ တာဝန်ယူလိုက်တာပါ။ ဒါကိုစပြီး ဆောင်ရွက်တာ တိုင်းရင်းသား ပါတီတွေပါ။ အမျိုးသား ဒီမိုကရေစီ အဖွဲ့ချုပ်ရဲ့ ခြေလှမ်းမဟုတ်ပါဘူး။ ကျမတို့ပါတီက ဒါကိုထောက်ခံခဲ့တာသာ ဖြစ်ပါတယ်။
မေး - ဒီလို ဒုတိယ ပင်လုံညီလာခံ ကျင်းပရေးမှာ စစ်တပ်ပါဝင်မှု ဘယ်လောက် အရေးကြီးတယ်လို့ ထင်ပါသလဲ။
| မြန်မာပြည်လို တိုင်းရင်းသား လူမျိုးပေါင်းစုံ စုစည်းနေထိုင်တဲ့ နိုင်ငံမျိုးမှာ အထူးသဖြင့် အာဏာရှိနေတဲ့သူတွေ အနေနဲ့ သူတို့ အသံတွေကို နားထောင်ဖို့လိုတယ်။ |
မေး - ဒီလိုဆို တိုင်းရင်းသား လူမျိုးစုအားလုံး တန်းတူညီမျှမှုရနိုင်မယ့် အနာဂတ် မြန်မာပြည် ထူထောင်နိုင်မယ့် အချိန်ကို မျှော်မှန်းကြည့်နိုင်ပါသလား။
ဖြေ - မျှော်မှန်းနိုင်တာပေါ့၊ ဒါကျမတို့ သွားနေတဲ့ ရည်မှန်းချက်ပဲ။
မေး - ပထမပင်လုံညီလာခံကို စစ်တပ်က တိုင်းပြည်ပြိုကွဲရေးအတွက် ပထမခြေလှမ်းလို့ ယူဆခဲ့တယ်မဟုတ်လား။
ဖြေ - ပထမပင်လုံညီလာခံဟာ တိုင်းပြည်ပြိုကွဲရေးအတွက် ပထမခြေလှမ်းလို့ စစ်တပ်က ပြောခဲ့ဖူးတယ်လို့ ကျမမထင်ပါဘူး။ ရှင်ဘာလို့ ဒီလိုမေးခွန်းမျိုးမေးတယ်ဆိုတာ ကျမသိချင်လိုက်တာ။ မေး - ကျမထင်တာ တိုင်းရင်းသားလူမျိုးစုတွေက ကိုယ်ပိုင်အုပ်ချုပ်ခွင့် အခွင့်အရေးအတွက် သန္နိဋ္ဌာန် ချထားကြတာ၊ ဒီတော့ နိုင်ငံတော်က သူတို့ကိုမြင်လာတာက -
ဖြေ - ပထမ ပင်လုံညီလာခံရဲ့ ရည်ရွယ်ချက်က တိုင်းပြည် လွတ်လပ်ရေးရဖို့အတွက် တိုင်းရင်းသား လူမျိုးစုအားလုံး အတူတကွ လက်တွဲ လုပ်ဆောင်ရေး ဖြစ်ပါတယ်။ ဒီအပေါ်မှာ ဘယ်သူမှ သဘောထား ကွဲပြားမှု မရှိခဲ့ပါဘူး။
မေး - ခုလို ဒုတိယ ပင်လုံညီလာခံ ကျင်းပပြီး ညီညွတ်ရေးရအောင်လုပ်တဲ့အခါ စစ်တပ်က ပါဝင် ဆောင်ရွက်လိမ့်မယ်လို့ ထင်ပါသလား။
ဖြေ - ညီညွတ်ရေးအတွက်ပထမခြေလှမ်းက သူများပြောတာ နားထောင်ဖို့ပါ။ မြန်မာပြည်လို တိုင်းရင်းသား လူမျိုးပေါင်းစုံ စုစည်းနေထိုင်တဲ့ နိုင်ငံမျိုးမှာ အထူးသဖြင့် အာဏာရှိနေတဲ့သူတွေ အနေနဲ့ သူတို့အသံတွေကို နားထောင်ဖို့လိုတယ်။ ဒီလိုနားထောင်မှ သူတို့ဘာလိုချင်တယ်၊ သူတို့မျှော်မှန်းချက်တွေကဘာ၊ သူတို့မျှော်လင့် ချက်တွေကဘာ၊ သူတို့ဘာကို စိုးရိမ်ကြတယ် ဆိုတာတွေ သိလာမှာဖြစ်ပါတယ်။ ဒီလိုနားလည်လာမှ မတူကွဲပြားခြင်းတွေရဲ့ ညီညွတ်ရေး ဆိုတာအတွက် အခြေခံ အုတ်မြစ်ကိုချနိုင်မှာဖြစ်ပါတယ်။
မေး - ဒီလဆန်းက ကျင်းပခဲ့တဲ့ ရွေးကောက်ပွဲတွေကို ရှင်နဲ့ရှင်ရဲ့ပါတီက အပြင်းအထန် ရှုတ်ချ ကန့်ကွက်ခဲ့တယ်နော်။ ဒီရွေးကောက်ပွဲမှာဝင်ပြိုင်ခဲ့ပြီး စစ်အစိုးရနဲ့ ဆက်သွယ်မှုမရှိဘဲ အနိုင်ရခဲ့တဲ့ ပါတီတွေနဲ့ ပါတီဝင်တွေကို ရှင်ဘာများ ပြောချင်ပါသလဲ။ ဒီချုပ်က `အတုအယောင် ရွေးကောက်ပွဲ´ လို့ပြောထားတဲ့ ရွေးကောက်ပွဲမှာ သူတို့အနိုင်ရထားတဲ့ အမတ်နေရာအချို့ဟာ အလုပ်ဖြစ်မယ့် အလားအလာရှိမယ်လို့ ရှင်ထင်ပါသလား။
ဖြေ - ဒါကတော့ သူတို့ရဲ့ ရွေးချယ်မှုပါပဲ၊ ရွေးကောက်ပွဲမှာ အနိုင်ရခဲ့တဲ့ ပါတီတွေလို့ ရှင်ပြောတော့ ဒီလိုပါတီတွေက အများကြီးပါ၊ ဒီတော့သူတို့မှာလဲ ရွေးကောက်ပွဲနဲ့ ပတ်သက်လို့ မတူညီတဲ့ သဘောထားတွေ ရှိကြမှာပါ။ ဒါကိုတော့ ရှင်သူတို့ကိုပဲ မေးရမယ်လို့ ကျမထင်ပါတယ်။ ကျမတို့ ရွေးကောက်ပွဲကို သပိတ်မှောက်ခဲ့တာက ၂ဝဝ၈ ဖွဲ့စည်းပုံ အခြေခံဥပဒေကို အယုံအကြည် မရှိလို့ပါ။ ရွေးကောက်ပွဲ ဥပဒေတွေဟာ လွတ်လပ်မျှတတယ်လို့ ကျမတို့မထင်လို့ပါ။ ထောင်ထဲမှာရှိနေတဲ့ ကျမတို့ရဲ့ ရဲဘော်တွေကို မျက်ကွယ်ပြုပြီး ရွေးကောက်ပွဲ ဝင်ရတယ် ဆိုတာမျိုး ကျမတို့ မလုပ်နိုင်ပါဘူး။ ဒါကြောင့်ရွေးကောက်ပွဲမှာ ဝင်မပြိုင်ဖို့ ကျမတို့ ဆုံးဖြတ်ခဲ့တာပါ။ သူတို့မှာလဲ သူတို့အကြောင်းနဲ့ သူတို့ ရှိမှာပေါ့။ ကျမတို့ကလဲ ဒါတွေကြောင့်ပဲ ရွေးကောက်ပွဲမှာ ဝင်မပြိုင်ဖို့ ဆုံးဖြတ်ခဲ့တာပါ။ ရွေးကောက်ပွဲမှာ ဝင်ပြိုင်ခဲ့တဲ့သူတွေ အတွက်တော့ ဒီပွဲမှာ သူတို့အောင်မြင်တယ် မအောင်မြင်ဘူးဆိုတာ သူတို့ဖာသာပဲ ထုတ်ဖော်ပြောရမှာ ဖြစ်ပါတယ်။
မေး - နောက်တကြိမ်ရွေးကောက်ပွဲ ပြန်လည် ကျင်းပပေးဖို့ တောင်းဆိုနိုင်မယ့် အခွင့်အရေး ဒီချုပ် ရလိမ့်မယ်လို့ ထင်ပါသလား။
ဖြေ - ကျမတို့က နောက်တကြိမ် ရွေးကောက်ပွဲအသစ် ပြန်လည်ကျင်းပပေးဖို့ တောင်းဆိုနေတာ မဟုတ်ပါဘူး။ ဒီလို ရွေးကောက်ပွဲအသစ် ပြန်လည် ကျင်းပပေးဖို့အတွက် တောင်းဆိုဖို့ စိတ်ဝင်စားတယ် ဆိုတာလဲ ကျမတို့ဘယ်တုံးကမှ မပြောခဲ့ပါဘူး။ ဒီမေးခွန်းကတော့ တော်တော့်ကို အချိန်မတန်သေးတဲ့ မေးခွန်းပဲလို့ ကျမထင်ပါတယ်။ မေး - ပညာရေးဟာ မြန်မာနိုင်ငံ ပြုပြင်ပြောင်းလဲရေး လုပ်ငန်းအတွက် အလွန် အဓိကကျတဲ့ လုပ်ငန်းလို့ နိုဝင်ဘာ ၁၄ က လူထုကို မိန့်ခွန်းပြောတဲ့နေရာမှာ ရှင် ထည့်ပြောသွားတယ်။ ဒီပညာရေးလို လုပ်ငန်းမျိုးဟာ ရှင်နဲ့ရှင်တို့ပါတီအတွက် အစိုးရနဲ့ပူးပေါင်း လုပ်နိုင်မယ့် စင်မြင့်တရပ်လို့ ရှင်ထင်ပါသလား။
ဖြေ - လူထုအတွက် တကယ်ကိုအကျိုးရှိမယ့် ပညာရေး၊ ကျန်းမာရေး တခြားဘာဘဲဖြစ်ဖြစ် ကျမတို့ ဘယ်သူမဆို လူတိုင်းနဲ့ ဝမ်းမြောက်ဝမ်းသာ ပူးပေါင်း ဆောင်ရွက်လိုပါတယ်။
မေး - စစ်အစိုးရက ဒီချုပ်နဲ့အတူ လက်တွဲလုပ်ဆောင်ဖို့ အဆင်သင့်ဖြစ်မယ့် အချိန်ကို ရှင်မျှော်မှန်းကြည့်လို့ ရပါသလား။
ဖြေ - ပြည်သူလူထုကို ကိုယ်စားပြုတဲ့ အင်အားစုတွေနဲ့ ပူးပေါင်းဆောင်ရွက်ဖို့ စစ်အစိုးရ ဆုံးဖြတ်ရမယ့်အချိန် မုချ ရောက်လာလိမ့်မယ်လို့ ကျမထင်ပါတယ်။
မေး - မြန်မာနိုင်ငံကို လာရောက်လေ့လာခဲ့တဲ့ ကုလသမဂ္ဂ အထူးကိုယ်စားလှယ်က မြန်မာနိုင်ငံက လူ့အခွင့်အရေး ချိုးဖောက်မှုတွေကို စုံစမ်းစစ်ဆေးရေး စုံစမ်းရေး ကော်မရှင်တရပ် ဖွဲ့စည်းဖို့ တောင်းဆို တင်ပြခဲ့ပါတယ်။ ဒီကိစ္စနဲ့ ပတ်သက်ပြီး ရှင့်ရဲ့ ရပ်တည်ချက်အပေါ်မှာ ကျမတို့ သိပ်မရှင်းဘူး။ ဒီလိုစုံစမ်းရေး ကော်မရှင်တရပ်ဖွဲ့ဖို့ ရှင်က မလိုလားဘူးလို့ပြောတာဟာ မျှတမှု ရှိပါ့မလား။
ဖြေ - ကျမဒါမျိုးတခုမှ မပြောခဲ့ပါဘူး။ နယူးယောက်တိုင်းမ် သတင်းစာမှာပါတဲ့ ဆောင်းပါးကို ရှင်ပြောနေတာ ထင်ပါတယ်။ ကျမအဲဒီမှာ ပြောခဲ့တာက ဗိုလ်ချုပ်ကြီးတွေကို ရုံးတင်စစ်ဆေးဖို့ ကျမတခါမှ မတောင်းဆိုခဲ့ဖူးဘူးလို့ ပြောခဲ့တာပါ။ ဒါဟာ ဟိုဆေးကင်တားနားရဲ့ အဆိုပြု တင်ပြချက်တွေနဲ့ ဘာမှ မပတ်သက်ပါဘူး။ ဒါလုံးလုံးကွဲပြားခြားနားတဲ့ သီးသန့်ကိစ္စ နှစ်ခုပါ။
မေး - အနာဂတ်မြန်မာပြည်မှာ တာဝန်ခံတဲ့စနစ်ကို ဘယ်လို သွတ်သွင်းနိုင်မယ်လို့ ရှင်ထင်ပါသလဲ။
ဖြေ - အစိုးရ အုပ်ချုပ်ရေးစနစ်မှာ ပွင့်လင်းမှုရှိဖို့နဲ့ တာဝန်ခံမှုရှိဖို့ကို ကျမတို့ အမြဲတမ်းပြောနေ တောင်းဆိုနေခဲ့တာပါ။ အစိုးရအုပ်ချုပ်မှု စနစ်ကောင်းဆိုတာ ပွင့်လင်းမြင်သာမှုရှိဖို့နဲ့ တာဝန်ခံမှုရှိဖို့ လိုပါတယ်။ ဒါကျမတို့ ဆွေးနွေးရမယ့်ကိစ္စတချို့ပါ။ ဒီမိုကရေစီ အစိုးရတရပ် တက်လာရင် သူတို့ကို အရေးယူမှာလားလို့ စစ်တပ်က စိုးရိမ်နေတဲ့အကြောင်း လူတွေက ပြောကြပါတယ်။ သူတို့ လုပ်ခဲ့တာတွေအတွက် ပေးဆပ်ရမှာပေါ့ ဆိုတာမျိုးတွေလဲ ပြောကြပါတယ်။ ဒါပေမဲ့ ဒါတွေက ရော်ရမ်းမှန်းဆ ပြောတာတွေပါ။ ခုလိုစိုးရိမ်မှုတွေ ရှိနေတာကြောင့်ပဲ တယောက်နဲ့တယောက် တွေ့ပြီး စကားပြောဖို့ လိုတာပေါ့။ ကျမတို့တိုင်းပြည်အတွက် တကယ်တမ်း ဘာတွေလိုချင်တယ် ဆိုတာ တွေ့ဆုံ ရှာဖွေဖို့ လိုတာပေါ့။
မေး - ဒီလိုဆို စစ်တပ်နဲ့ ဒီချုပ်ကြားမှာ အပြန်အလှန် တွေ့ဆုံဆွေးနွေးရေးဟာ ဒီအချိန်မှာ အရေးအကြီးဆုံးလို့ ရှင်ပြောချင်တာလား။
ဖြေ - ဟုတ်တာပေါ့၊ အတူတကွ လက်တွဲလုပ်ဆောင်ချင်တဲ့ ဘက်နှစ်ဘက်အနေနဲ့ တယောက်နဲ့တယောက် တဖက်ဖက်ကစပြီး စကားပြောဖို့ဟာ အရေးအကြီးဆုံးကိစ္စ မဖြစ်သင့်ဘူးလား။
မေး - ဟုတ်ကဲ့ပါ၊ ဒါကိုကော တကယ်လက်တွေ့ ကျတယ်လို့ ရှင်ထင်ပါသလား။
ဖြေ - ဘာလို့ လက်တွေ့မကျရမှာလဲ၊ လူတွေက ပြောကြတယ်၊ ရှင်တို့ဘက်က တွေ့ဆုံဆွေးနွေးရေး လုပ်ဖို့ ပြောလာတာကြာပြီ။ နအဖ ဘက်ကဘာမှ မတုံ့ပြန်ဘူး။ ဒါကို ခုအထိ ပြောနေတုန်းပဲလားလို့ ပြောကြတယ်။ လူသားမျိုးနွယ် တရပ်အနေနဲ့ ဘာမှတိုးတက်မှုမရှိဘူးလို့ လူတွေစိတ်ထဲ ခံစားမိပါသလား။ ဒါဆို လူသားရဲ့ အစကို ကျမတို့ ပြန်သွားကြရလိမ့်မယ်။ ဒီတုန်းက လူဝံတွေက ပြောမှာပေါ့။ မင်းတို့က ဘာလို့ ခြေနှစ်ချောင်းပေါ် မတ်မတ်ရပ်ပြီး လမ်းလျှောက်ဖို့ ကြိုးစားနေရတာလဲလို့။ မင်းတို့ဘယ်တော့မှ ဒီလိုဖြစ်မှာ မဟုတ်ဘူးလို့ ပြောမှာပေါ့။ ခုကြည့် ကျမတို့လူသားတွေ မတ်မတ် ရပ်နိုင်နေပြီလေ။
မေး- ဟုတ်ကဲ့၊ ကျေးဇူးတင်ပါတယ်ရှင့်၊ ဒီနေ့ကာလမှာ မြန်မာလူငယ်တွေ ဒီချုပ်နဲ့ နိုင်ငံရေးကို ချဉ်းကပ်ပုံအပေါ် ရှင်ဘယ်လိုခံစားရပါသလဲ။
ဖြေ - လွန်ခဲ့တဲ့ ၇ နှစ်ကထက်စာရင် လူငယ်တွေ နိုင်ငံရေးလှုပ်ရှားမှုတွေမှာ အင်တိုက်အားတိုက် ပါဝင်လာတာကို ကျမကိုယ်တိုင် တွေ့မြင်ရပါတယ်။ အပြောင်းအလဲအတွက် လုပ်ကိုင်တဲ့နေရာမှာ သူတို့ကိုယ်တိုင် ပါဝင်လုပ်ဆောင်ဖို့လိုတယ် ဆိုတာ ဒီလူငယ်တွေကောင်းကောင်း သဘောပေါက်နေတယ်လို့ ကျမတော့ ထင်ပါတယ်။ သူတို့ကိုယ်တိုင် မပါဘဲ ဘေးကနေ အသာထိုင်စောင့်ကြည့်နေပြီး အပြောင်းအလဲ တရပ် ပေါ်ပေါက်လာလိမ့်မယ်လို့ သူတို့ မထင်တော့ပါဘူး။ ဒါသိပ်ကို ကောင်းတဲ့အချက်ပါ။ သိပ်ကောင်းတဲ့ အပြောင်းအလဲပါ။
မေး - မီဒီယာ လွတ်လပ်ခွင့်အတွက်၊ အင်တာနက် လွတ်လပ်ခွင့်အတွက် ကြိုးပမ်းမှုတွေ တိုးမြှင့် ဆောင်ရွက်လာလိမ့်မယ်လို့ကော ရှင်ထင်ပါသလား။
| ရွေးကောက်ပွဲအသစ် ပြန်လည် ကျင်းပ ပေးဖို့အတွက် တောင်းဆိုဖို့ စိတ်ဝင်စား တယ် ဆိုတာလဲ ကျမတို့ဘယ်တုံးကမှ မပြောခဲ့ပါဘူး။ |
မေး - ဒီချုပ်ထဲကို လူငယ်အဖွဲ့ဝင်တွေ များများဝင်လာဖို့၊ အရေးပါတဲ့ သြဇာရှိတဲ့နေရာတွေမှာ ဝင်ယူဖို့ လှုံ့ဆော်တဲ့ လှုပ်ရှားမှုတွေ ရှိလာလိမ့်မယ်လို့ကော ရှင်ထင်ပါသလား။
ဖြေ - အို ရှိတာပေါ့၊ ဒါကိုကျမတို့ ခုကိုပဲ စလုပ်နေပါပြီ။ တာဝန်ရှိတဲ့ ရာထူးတာဝန်တွေမှာ လူငယ် အများအပြား ဝင်လုပ်နေပါပြီ။ ဖြူဖြူသင်း အကြောင်း ရှင်ကြားပြီးပြီ ထင်ပါတယ်။ သူကငယ်ပါသေးတယ် ဒါပေမဲ့ ကျမတို့ ပါတီရဲ့ ဗဟိုကော်မတီဝင်ပါ။ HIV ဝေဒနာရှင်တွေအတွက် ဂေဟာကို သူလုံးဝ တာဝန်ယူထားတာပါ။ ကျမတို့က ကျမတို့တတ်နိုင်တဲ့ အကူအညီကိုပဲ ပေးတာပါ။ ဒီဂေဟာမှာ ဖြစ်ပျက်သမျှနဲ့ ပတ်သက်ပြီး အရာရာဆုံးဖြတ်ခွင့်ကို သူ့ကိုပဲပေးထားတာပါ။
မေး - ရှင်အကျယ်ချုပ် ကျခံနေရတုန်းမှာ ကမ္ဘာ့မီဒီယာတွေကို ရှင်တစုံတရာ ပြောနိုင်ခဲ့ပါတယ်။ ဒါပေမဲ့ မြန်မာ့ လူ့အဖွဲ့အစည်းနဲ့ တွေ့ဆုံ စကားပြောဖို့ကျတော့ အများကြီးအကန့်အသတ်တွေ ရှိနေပါတယ်။ ဒီအခက်အခဲကို ကျော်လွှားဖို့ ရှင့်တဦးချင်းအနေနဲ့ ဘာများပြောချင်ပါသလဲ။ အခုရှင်က လူထုရဲ့မြင်ကွင်းမှာ ရောက်နေပြီလေ။ အာရုံစိုက်ခံရသူတယောက် ဖြစ်နေပြီဆိုတော့။
ဖြေ - ဟုတ်ကဲ့၊ ပထမဆုံး ကျမပြောချင်တာက လူတော်တော်များများနဲ့ ကျမ မျက်နှာချင်းဆိုင် တွေ့ဆုံ စကားပြောနိုင်ခဲ့ပါတယ်။ မြန်မာပြည်မှာ ရှိသမျှလူတိုင်းနဲ့တော့ မဟုတ်ဘူးပေါ့။ ဒါပေမဲ့ လူပုဂ္ဂိုလ်တချို့နဲ့ ပါတီတချို့ကိုတော့ တွေ့နိုင်ခဲ့ပါတယ်။ ဒီမနက်ဆို ကျမ နိုင်ငံရေးအကျဉ်းသား မိသားစုတွေနဲ့ တွေ့တယ်။ ပြီးတော့ မီဒီယာက တဆင့်လဲ လူထုနဲ့ထိတွေ့ခွင့်ရပါတယ်။
မေး - နိုင်ငံခြား အစိုးရတွေ၊ ကုမ္ပဏီတွေနဲ့ စစ်အစိုးရကြားက စီးပွားရေး အဆက်အဆံတွေ သဘောတူညီချက်တွေ အပေါ်မှာ ရှင်ရဲ့ ရပ်တည်ချက်က ဘယ်လိုပါလဲ။
ဖြေ - ဒါကတော့ ရှိနေတဲ့ ကန်ထရိုက်စာချုပ် တခုချင်းအပေါ်မှာ တည်နေတယ်လို့ ကျမ ထင်ပါတယ်၊ မဟုတ်ဘူးလား။ ကျမတို့က ဥပဒေစိုးမိုးမှုကို ယုံကြည်ပါတယ်။ ကျမတို့ ဘာဘဲလုပ်လုပ် ဥပဒေစိုးမိုးမှုကို လေးစား လိုက်နာဆောင်ရွက်သွားမှာပါ။
မေး - သဘာဝ သယံဇာတ ရောင်းချမှုက ရလာတဲ့ ဝင်ငွေတွေကို တိုင်းပြည် ဖွံ့ဖြိုးတိုးတက်မှု လုပ်ငန်းတွေမှာ ပြည်လည် အသုံးချနိုင်ဖို့အတွက် ဘာအပြောင်းအလဲတွေ လုပ်နိုင်လိမ့်မယ်လို့ ရှင်ထင်ပါသလဲ။
ဖြေ - တကယ်တမ်းရှိနေတဲ့ စီးပွားရေး စာချုပ်တွေထက် စာရင် ဒီကိစ္စက တာဝန်ခံမှုနဲ့ ပွင့်လင်းမြင်သာမှုဆိုတဲ့ ကိစ္စတွေနဲ့ ပိုဆိုင်တယ်လို့ ထင်ပါတယ်။ ဒါကြောင့် အစိုးရစနစ်တရပ်မှာ ပွင့်လင်းမြင်သာမှုရှိဖို့၊ တာဝန်ခံမှုရှိဖို့ ကျမတို့ ပြောနေတာပေါ့။ ဒီလိုမရှိလို့ပဲ ဒီငွေတွေ ဘာလုပ်ပစ်လိုက်တယ်ဆိုတာ လူထုက မသိရတာပေါ့။ ဒါကြောင့် ဒီငွေတွေကို တိုင်းပြည်တခုလုံးနဲ့ ခြုံပြီး ပိုအကျိုးရှိရှိသုံးဖို့ကို ကျမတို့ ဘာမှမလုပ်နိုင်တာပေါ့။
မေး - ဒါဆိုရင် စစ်အစိုးရနဲ့နိုင်ငံတကာ ကုမ္ပဏီတွေအကြား ချုပ်ဆိုထားတဲ့ သဘောတူညီချက်တွေကို ရပ်ဆိုင်းထားဖို့ ရှင်က အကြံပြုမှာလား။ ဒါမှမဟုတ် လုံးလုံး ရပ်ဆိုင်းပစ်လိုက်ဖို့ ပြောမှာလား။
ဖြေ - မဟုတ်ပါဘူး၊ စာချုပ်တွေကို ရပ်ဆိုင်းထားဖို့တို့၊ ရပ်တန့်ပစ်လိုက်ဖို့တို့ဆိုတာ ကျမတို့ တခါမှ မပြောဖူးပါဘူး။ ကျမတို့အမြဲပြောခဲ့တာက ဘာစာချုပ်တွေပဲချုပ်ချုပ် ပြည်သူလူထုအတွက် အကျိုးကျေးဇူးရှိဖို့၊ လုပ်ငန်းမှာ အကျိုးအမြတ်ရဖို့၊ ပြီးတော့ ပွင့်လင်းမြင်သာမှုရှိဖို့နဲ့ တာဝန်ခံမှုရှိဖို့ ကိုပါ။
မေး - ဒါဆို ဒီလိုဖြစ်နိုင်ဖို့အတွက် လက်တွေ့ကျတဲ့ အပြောင်းအလဲတွေ ဘယ်လိုမျိုး လုပ်ဖို့လိုတယ်လို့ ရှင်ထင်ပါသလဲ။
ဖြေ - ဒါက ပိုမိုကောင်းမွန်တဲ့ အစိုးရတရပ် ပေါ်ပေါက်ရေး လှုပ်ရှားမှုကြီး တခုလုံးနဲ့ ဆိုင်ပါတယ်။ မဟုတ်ဘူးလား။ ဒါတွေကို တခုချင်း ခွဲထုတ်ပြီး စဉ်းစားလို့မရဘူး။ တိုင်းပြည်တခုလုံးနဲ့ဆိုင်တဲ့ အခြေအနေတရပ်ကို ဓာတ်ငွေ့စာချုပ်လို ဟာလေးတခုထဲနဲ့ ကွက်ပြီး ပြောလို့မရဘူး။
မေး - ဟုတ်ကဲ့ရှင့် ဒါဆို ဥပမာအားဖြင့်ပြောရရင် မြန်မာနိုင်ငံမှာရှိနေတဲ့ မြေယာသိမ်းယူမှု ကိစ္စတွေကိုရောရှင့်။ အနာဂတ် မြန်မာပြည်မှာ မြေယာ၊ အိမ်ယာ၊ ပစ္စည်းဥစ္စာ ပိုင်ဆိုင်ခွင့်တွေနဲ့ ပတ်သက်လို့ ပြင်ဆင်ပြောင်းလဲမှုတွေ လုပ်နိုင်လိမ့်မယ်လို့ကော ရှင်ထင်ပါသလား။
ဖြေ - ဟုတ်တာပေါ့၊ ဒါ ဥပဒေစိုးမိုးမှုနဲ့ မဆိုင်ဘူးလား၊ ဘာလို့လဲဆို တချို့မြေသိမ်းတဲ့ ကိစ္စတွေက တည်ဆဲ ဥပဒေတွေနဲ့ ဆန့်ကျင်ပြီး သိမ်းတာ။ ဒါတွေကြောင့်ဘဲ ကျမတို့က ဥပဒေစိုးမိုးမှုကိစ္စတွေကို ရေးကြီးခွင်ကျယ်လုပ် ပြောနေရတာ။ တရားဥပဒေ စိုးမိုးမှုကိစ္စကို အလေးထား ပြောနေရတာ။ ဒီလို မြေသိမ်းခံရတဲ့ သူတွေအတွက် လက်တွေ့ ကူညီနိုင်တာ မှန်သမျှကို ကျမတို့ အမျိုးသား ဒီမိုကရေစီအဖွဲ့ချုပ်က လုပ်ပေးသွားမှာပါ။ အခမဲ့ ဥပဒေ အကျိုးဆောင်မှုတွေ ပေးသွားမှာပါ။
မေး - အိုဘားမားအစိုးရက မြန်မာနိုင်ငံကို အရေးယူဒဏ်ခတ်တာနဲ့ ထိတွေ့ဆက်ဆံတာ နှစ်ခုလုံးကို အတူလုပ်သွားမယ်လို့ ပြောလိုက်တော့ ရှင့်ကို ထောက်ခံသူ အများအပြားက ဝိုင်းဝန်း ရှုတ်ချခဲ့ကြတယ်။ ဒီတော့ အရင်ထက်စာရင် ဒီချုပ်နဲ့ဝါရှင်တန် အစိုးရတို့အကြား ဆက်ဆံရေးက ပိုမိုတင်းမာလာတယ်လို့ ရှင်မထင်ဘူးလား။
ဖြေ - ကျမ တဦးချင်းအနေနဲ့တော့ ဒီလိုမခံစားရပါဘူး၊ ဘာလို့လဲဆို ကျမက ထိတွေ့ ဆက်ဆံမှု မူဝါဒကို ယုံကြည်တာကိုး။ လူတိုင်းနဲ့ ထိတွေ့ဆက်ဆံသင့်တယ်လို့ ကျမထင်ပါတယ်။ အိုဘားမားအစိုးရက စစ်အစိုးရနဲ့ ဆက်ဆံတဲ့နေရာမှာ ဒီလို ပိတ်ဆို့ဒဏ်ခတ်မှုနဲ့ ထိတွေ့ဆက်ဆံမှုကို အတူတကွ ကျင့်သုံးသွားမယ်လို့ စပြောကတည်းက ကျမဒါကို လုံးလုံးသဘောတူပါတယ် ပြောခဲ့တာဘဲ။ ဒါပေမဲ့ ကျမတို့ကိုလဲ တန်းတူရည်တူ ထိတွေ့ ဆက်ဆံရမယ်လို့ ပြောခဲ့တာဘဲ။ မေး - ဟုတ်ကဲ့၊ ဒါဆို အခုလို အမေရိကန်နိုင်ငံက သူတို့အမေရိကန် ကုမ္ပဏီတွေအတွက် အခွင့်အလမ်းတွေ ဖွင့်ပေးလာတာကိုရော ရှင်ဘယ်လိုခံစားရပါသလဲ။
ဖြေ - ဟာ ဒါကတော့ ပိတ်ဆို့ဒဏ်ခတ်မှုနဲ့ပဲ ဆိုင်တာပေါ့။ ထိတွေ့ဆက်ဆံရေးနဲ့ ဆိုင်မှမဆိုင်ဘဲ။
မေး - ဒါဆို သေသေချာချာ သုတေသနလုပ်၊ ပစ်မှတ်ထား ဒဏ်ခတ်ပိတ်ဆို့တာမျိုးကို ရှင်ထောက်ခံမှာလား။
ဖြေ - ကျမတို့ပြောပြီးပါပြီ၊ ပိတ်ဆို့ဒဏ်ခတ်မှု ကိစ္စရပ်ကြီး တခုလုံးကို ကျမတို့ ပြန်သုံးသပ်မှာပါ။ ဒဏ်ခတ် ပိတ်ဆို့မှုတွေဟာ ပြည်သူလူထုကို တကယ်တမ်း ထိခိုက်မှု ရှိ မရှိ၊ ဒဏ်ခတ် ပိတ်ဆို့မှုရဲ့ အကျိုးတွေက ဘာတွေလဲ၊ ဒဏ်ခတ်ပိတ်ဆို့မှုပေါ် စီးပွားရေး အမြင်နဲ့ နိုင်ငံရေးအမြင် ဒါတွေရှိပါတယ် ပြန်သုံးသပ်သွားမှာပါ။ ကျမတို့ အခါအားလျော်စွာ လုပ်ခဲ့တဲ့အတိုင်းဘဲ ဒဏ်ခတ်ပိတ်ဆို့မှု အခြေအနေ တရပ်လုံးကိုလဲ ပြန်လည် သုံးသပ်သွားမှာပါ။ ပြည်သူလူထုကို ထိခိုက်စေတဲ့ ဒဏ်ခတ် ပိတ်ဆို့မှုတွေရှိရင် ဒါတွေကိုဖယ်ရှားရေးအတွက် ပူးပေါင်း ဆောင်ရွက်လိုတယ်လို့ နအဖကို ကျမတို့ လွန်ခဲ့တဲ့ တနှစ်လောက်က ကမ်းလှမ်း ပြောဆိုခဲ့ဖူးတာလဲ ရှင်သတိထားမိမှာပါ။ ဒီတော့ဒါဟာ မူဝါဒအသစ် မဟုတ်ပါဘူး။ ဒီလိုမူဝါဒတွေ၊ ဒဏ်ခတ် ပိတ်ဆို့မှုတွေကို အခါအားလျော်စွာ ပြန်လည် သုံးသပ်သင့်တယ်ဆိုတဲ့ ဟာက ကျမတို့ အမြဲတမ်း ကိုင်စွဲထားတဲ့ မူဝါဒပါ။ ဒါကိုကျမတို့လုပ်မှာပါ။
မေး - မကြာသေးခင်ကပေါ်ပေါက်ခဲ့တဲ့ စစ်အစိုးရရဲ့ အနုမြူ ရည်မှန်းချက်တွေကြောင့် စိုးရိမ်ပူပန်မှုတွေ ဖြစ်ပေါ်ခဲ့ပါသေးတယ်။ အနာဂတ် မြန်မာ့လူ့အဖွဲ့အစည်းမှာရှိမယ့် အနုမြူစွမ်းအင်နဲ့ အနုမြူ ဓာတ်အား ထုတ်လုပ်မှုအပေါ် ရှင်ရဲ့ရပ် တည်ချက်က ဘယ်လိုပါလဲ။
ဖြေ - အနုမြူအပြောင်းအလဲလို ကိစ္စမျိုးတွေကို ကျမတို့စပြီး မကိုင်တွယ်ခင် အခုထက်ပိုပြီး ကျမတို့မှာ စွမ်းဆောင်ရည် မြင့်မြင့်မားမား ရှိဘို့လိုတယ်လို့ ကျမထင်ပါတယ်။ ဘာလို့လဲဆို ဒီလိုကိစ္စမျိုးက လုံခြုံမှုရှိဖို့တို့၊ လုံခြုံရေးအရ ကြိုတင်သတိပြုရမယ့် အချက်တို့၊ စွမ်းဆောင်ရည် မြင့်မားဖို့တို့ အများကြီးလိုတာကိုး။ ဒါကြောင့် ပွင့်လင်းမှုရှိဖို့နဲ့ တာဝန်ခံမှုရှိဖို့ဆိုတဲ့ ဘူတာပဲ ပြန်ဆိုက်တာဘဲ။ ပွင့်လင်းမြင်သာမှုသာ မရှိရင် ဘာတွေ ဖြစ်နေတယ်ဆိုတာ ကျမတို့တကယ်ပဲ သိမှာမဟုတ်ဘူး။ အနုမြူ ဓာတ်အားပေး စက်ရုံအကြီးကြီးတခု ဆောက်နေသလား မဆောက်နေဘူးလား ဆိုတာလဲ ကျမတို့မသိရဘူး။ ကျမတို့ ဘာမှကိုမသိတာ၊ လူထုက ဘာမှကို မသိတာ။
မေး - ဒါဆို ပွင့်လင်းမြင်သာမှုနဲ့ တာဝန်ခံမှုရှိဖို့အတွက် ပွင့်လင်းမြင်သာတဲ့ တရားဥပဒေ စနစ်တရပ် လိုအပ်တယ်လို့ကော ရှင်ထင်ပါသလား။ ဒီလိုစနစ်တရပ် ထူထောင်ဖို့အတွက် စစ်အစိုးရဘက်က ပူးပေါင်းဆောင်ရွက်ဖို့ အသင့်ဖြစ်နေပြီလို့ကော ရှင်ထင်ပါသလား။
| ပြည်သူလူထုကို ထိခိုက်စေတဲ့ ဒဏ်ခတ် ပိတ်ဆို့မှုတွေရှိရင် ဒါတွေကို ဖယ်ရှားရေး အတွက် ပူးပေါင်းဆောင်ရွက်လိုတယ်လို့ နအဖကို ကျမတို့ လွန်ခဲ့တဲ့ တနှစ်လောက် က ကမ်းလှမ်း ပြောဆိုခဲ့ဖူးတာလဲ ရှင် သတိထား မိမှာပါ။ |
မေး - နိုဝင်ဘာလ ၁၄ ရက်နေ့က ရှင်ပြောခဲ့တဲ့မိန့်ခွန်းမှာ အခြားနိုင်ငံရေး အကျဉ်းသားများ လွတ်မြောက်ရေးအတွက်လဲ ထည့်သွင်း တောင်းဆိုသွားခဲ့ပါတယ်။ ခုလောလောဆယ် ဒီကိစ္စအတွက် ဒီချုပ်က စလုပ်နေပြီလား။
ဖြေ - နိုင်ငံရေး အကျဉ်းသားတွေ လွတ်မြောက်ရေးအတွက် ကျမတို့ဘက်က အမြဲတမ်း ကြိုးစားနေခဲ့တာပဲ။ ဒါပေမဲ့ ဒီအကျဉ်းသားတွေ လွတ်မြောက်ရေးအတွက် ဒီချုပ်ဘက်က ဘာတွေလုပ်နေပြီလဲ မေးလာရင်တော့ ဒီလူတွေကိုလွှတ်ဖို့ မလွှတ်ဖို့က ကျမတို့ဘက်က လုပ်ရမှာ မဟုတ်ပါဘူး။ ကျမတို့ဘက်ကလုပ်ရမှာက ဒီလူတွေ အမြန်ဆုံး လွတ်မြောက်လာဖို့ အာဏာပိုင်တွေကို ဖျောင်းဖျ သိမ်းသွင်းနိုင်မယ့် အခြေအနေ တရပ်ကို ဖန်တီးပေးဖို့ပါပဲ။
မေး - ဒါဆို လက်တွေ့အနေနဲ့ပြောရရင် အာဏာပိုင်တွေနဲ့ ထိတွေ့ဆက်ဆံဖို့ကိစ္စ ဘယ်လိုဖြစ်လာမယ် ထင်ပါသလဲ။ သူတို့ဘက်က ပူးပေါင်းဆောင်ရွက်လိုစိတ် ရှိနေပြီ အဆင့်သင့်ဖြစ်နေပြီလို့ကော ရှင့်စိတ်ထဲထင်ပါသလား။
ဖြေ - ဟုတ်ကဲ့၊ အရင်တုန်းကတော့ သူတို့ဘက်က ပူးပေါင်း ဆောင်ရွက်လိုပါတယ် ဆိုတဲ့ အရိပ်လက္ခဏာ မပြခဲ့ဖူးပါဘူး။ ဒီလိုဆိုလို့ ဆက်မကြိုးစားသင့်ဘူးလို့လဲ မဟုတ်ပါဘူး။ ဆက်ကြိုးစားနေရမှာပဲ။ သူတို့ဘက်က စိတ်ဝင်စားမှုမရှိလို့ ကျမတို့ဘက်ကလဲ ထပ်မကြိုးစားသင့်ဘူးလို့ ပြောမယ်ဆိုရင်တော့ အစကထဲက ဘာမှ မကြိုးစားသင့်ခဲ့ဘူးလို့ဘဲ ပြောရမလို ဖြစ်နေမှာပေါ့။
No comments:
Post a Comment