| |
- သာသနာရေးရှုထောင့်နဲ့သာ ဆည်းကပ်သင့်သော ဆရာတော်ကြီး (ဆောင်းပါးရှင် သီတလ)
- အာဇာနည်နေ့အကြို အမေ့အိမ်(လှိုင်သာယာ)
- ၆၄ကြိမ်မြောက် အာဇာနည်နေ့ အထူးထုတ်...
- အနေဝေးပေမယ့် အဝေးနေမဟုတ်ပါ (Although we stay apart.......) (離れていても・・・)
| သာသနာရေးရှုထောင့်နဲ့သာ ဆည်းကပ်သင့်သော ဆရာတော်ကြီး (ဆောင်းပါးရှင် သီတလ) Posted: 18 Jul 2011 06:27 AM PDT  ဗန်းမော်ဆရာတော်ဘုရားကြီး ဂျပန်နိုင်ငံသို့ ရောက်ရှိစဉ် တိုကျိုမြို့ နီပိုရီသုဿန်သို့ မေတ္တာပို့ အမျှပေးဝေရန် ကြွရောက်လာစဉ်... (ဓာတ်ပုံ ဝိမုတ္တိသုခ) သာသနာရေးရှုထောင့်နဲ့သာ ဆည်းကပ်သင့်သော ဆရာတော်ကြီး (ဆောင်းပါးရှင် သီတလ) သာသနာရေးရှုထောင့်နဲ့သာ ဆည်းကပ်သင့်သော ဆရာတော်ကြီး နိုင်ငံတော်သံဃမဟာနာယကအဖွဲ့ ဥက္ကဋ္ဌ ဗန်းမော်ဆရာတော်ဘုရားကြီး အမေရိကားကို ရောက်တုန်း ရောက်ခိုက်မှာ ၀ါရှင်တန် မက်ထရို မြန်မာမိသားစုများက ဆရာတော်ဘုရားကြီးကို အိတ်ဖွင့်ပေးစာ ပေးပို့ဆက်ကပ်တယ် ဆိုတဲ့အကြောင်းမိုးမခ မီဒီယာမှာ ဖတ်ရပါတယ်။ http://moemaka.com/index.php?option=com_content&task=view&id=9425&Itemid=1စာထဲမှာ ရေးထားတာကတော့ နိုင်ငံရေးအကျဉ်းကျ သံဃာတော်များနဲ့ သီလရှင်ဆရာလေးများ လွတ်မြောက်ရေးအတွက် ဆရာတော်ဘုရားကြီးက အကူအညီပေးဖို့ လျှောက်ကြတာပါ။ ဒီမတိုင်မီ ရက်အနည်းငယ်ကလဲ အဲဒီမှာ သီတင်းသုံးနေကြတဲ့ ဆရာတော်အချို့က ဆရာတော်ဘုရားကြီးကို အလားတူ စာမျိုးပေးပို့ ဆက်ကပ်ကြကြောင်း ဖတ်ရပါသေးတယ်။ ကျွန်တော်တို့ရဲ့ ဗုဒ္ဓဘာသာမြန်မာ့လူ့အဆောက်အအုံကြီးကို ကြည့်လိုက်ရင် ဆရာတော်ကြီးတွေကို အလွန်ကို မြတ်မြတ်နိုးနိုးနဲ့ တလေးတစား အလေးထားကြတာ ကိုတွေ့မြင်ရမှာ ဖြစ်ပါတယ်။ ရှေးအခါကဆိုရင် ရပ်ထဲရွာထဲမှာ ကိုယ့်အချင်းချင်း ဖြေရှင်းလို့ မရတဲ့ ကိစ္စမျိုးပေါ်ပေါက်လာရင် ရွာဦးကျောင်းဆရာတော်ရဲ့ အဆုံးအဖြတ် ကိုပဲ ရယူခဲ့ကြပါတယ်။ ဆရာတော်ရဲ့ အဆုံးအဖြတ်ကိုပဲ တစ်ရပ်လုံး တစ်ရွာလုံးက လေးလေးစားစားနဲ့ လိုက်နာခဲ့ကြပါတယ်။ ဒါကြောင့်လည်း မဟာဂန္ဓာရုံဆရာတော် ဘုရားကြီး အရှင်ဇနကာဘိဝံသ က "ဘာသာသွေး"ဆိုတဲ့ စာအုပ်ကလေးထဲမှာ " တို့ မြေဌာနီ၊ ရှေးခါဆီဝယ်၊ မထေရ်အပေါင်း၊ စံရာကျောင်းမှာ၊ ငြိမ့်ငြောင်း သာယာ၊ မိန့်အာဏာကို၊ ရပ်ရွာလူများ၊ လွန်လေးစားခဲ့" လို့ ရေးသားခဲ့တာ မဟုတ်ပါလား။ အခုအချိန်ထိအောင် ကျွန်တော်တို့တွေဟာ ကိုယ့်မိသားစုထဲက တစ်ယောက်ယောက်က ပြောမရ ဆိုမရ ဖြစ်လာရင် ကိုယ်နဲ့ ဆရာ ဒကာလိုရော မိသားစုလိုပါ ရင်းနှီးနေတဲ့ ဘုန်းဘုန်းတွေနဲ့ တွေ့တဲ့အခါ "ဘုန်းဘုန်းဘုရား၊ ဘယ်သူတော့ဖြင့် ပြောမရ ဆိုမရနဲ့၊ ဘုန်းဘုန်း ဆုံးမပေးပါအုံး" ဆိုပြီး ကျွန်တော်တို့ နှုတ်က အလိုလို လျှောက်မိတတ်ကြပါတယ်။ အခုလည်းပဲ အမေရိကားက ဆရာတော်များနဲ့ မြန်မာမိသားစုများက ဗန်းမော် ဆရာတော်ကြီးကို အားကိုးတကြီးနဲ့ မိမိတို့ဆန္ဒကို ဖွင့်ဟလျှောက်ထားကြတာဟာ မြန်မာ့ စိတ်ရင်းကို ဖော်ပြကြတာဖြစ်လို့ အပြစ်ဆိုစရာတော့ မရှိပါဘူး။ ဒါပေမဲ့ ဒီနေရာမှာ တစ်ခု သတိပြုစေချင်တာက ဗန်းမော်ဆရာတော်ဘုရားကြီးဆိုတာဟာ ငယ်စဉ်ကာလ ကတည်းက စာပေပညာဘက်ကိုပဲ တစိုက်မတ်မတ်နဲ့ ကြိုးစားအားထုတ်ပြီး ပရိယတ် ပဋိပတ်တွေထဲမှာပဲ စိတ်ကို နှစ်မြုပ်ထားတဲ့ ဆရာတော်ကြီး ဖြစ်တယ်ဆိုတာပါ။ အခြား ထွေလီကာလီ ကိစ္စတွေမှာ စိတ်ပါဝင်စားခြင်း ရှိတော်မူတယ် လို့တော့ ကျွန်တော် မကြားမိပါဘူး။ ဒါကြောင့်လည်း ဆရာတော်ကြီးဟာ စာပေပရိယတ်အရာမှာ ထူးချွန်ပြောင်မြောက်တော်မူပြီး ပရိယတ် သာသနာတော်ဆိုင်ရာ ထိပ်တန်းတာဝန်ကြီးတွေကို ထမ်းဆောင်တော်မူနိုင်တာ ဖြစ်ပါတယ်။ ကျွန်တော်သိရသလောက် နိုင်ငံတော်သံဃမဟာနာယက ဥက္ကဋ္ဌဆိုတဲ့, စစ်အာဏာရှင်တွေနဲ့ ကင်းကင်း ရှင်းရှင်း နေလို့ မဖြစ်နိုင်တဲ့ တာဝန်ကို ဆရာတော်ကြီးက ယူတော်မမူချင်ပါဘူး။ အခြားဆရာတော်ကြီးတွေ အများစုက ၀ိုင်းဝန်းတိုက်တွန်းကြ လို့သာ "သံဃာအား ဘုရားမဆန်သာ" ဆိုတာလို မလွှဲသာမရှောင်သာ တာဝန်ယူတော်မူရတာ ဖြစ်ပါတယ်။ ဒီလိုမျိုး ပရိယတ် ပဋိပတ်အပေါ်မှာပဲ စိတ်ကို နှစ်မြုပ်ထားပြီး စာပေပရိယတ်အရာမှာ ထူးချွန်ပြောင်မြောက်တဲ့ ဆရာတော်မျိုး ဆိုတာဟာ သာသနာရေး ရှုထောင့်အရ ကြည့်မယ်ဆိုရင် သာသနာတော်မှာ ရတောင့်ရခဲ ဆရာတော်မျိုး ဖြစ်ပါတယ်။ ဒီလိုဆရာတော်ကြီးမျိုးကို နိုင်ငံရေးရှုထောင့်အရ ချဉ်းကပ်ပြီး အကူအညီတောင်းခံကြတာဟာ သင့်တော်ပါ့မလား တွေးစရာ ဖြစ်ရပါတယ်။ ဆရာတော်ကြီးကိုယ်တော်တိုင်က ကိုယ်ကျက်စားရာနယ်ပယ် မဟုတ်သော်လည်း အိပ်ဖွင့်ပေးစာ ဆက်ကပ်ကြတဲ့ ဆရာတော်တွေ၊ တပည့်ဒကာ ဒကာမတွေကို ငဲ့ညှာထောက်ထား, ထောင်ထဲမှာ နှစ်ရှည်လများ ဒုက္ခတွေကို ဆိုးဆိုးဝါးဝါး ခံစားနေကြရတဲ့ သံဃာတော်တွေ သီလရှင်ဆရာလေးတွေကို သနားလို့ စစ်အာဏာရှင်တွေကို လွှတ်ပေးဖို့ ပြောတယ် ဆိုလျှင်တောင် စစ်အာဏာရှင်တွေက လွှတ်ပေးပါ့မလား။ ကျွန်တော်တော့ နည်းနည်းလေးမှ မထင်ဘူးဗျာ။ ပြောနေကြအတိုင်း လိမ်နေကြ ညာနေကြအတိုင်း "နိုင်ငံရေးကြောင့် အကျဉ်းကျနေတာ မရှိပါဘူးဘုရား၊ ပြစ်မှု ကျူးလွန်လို့ ကျတာပါဘုရား"ဆိုပြီး ပလီပလာ ပြောမှာကိုပဲ မြင်နေမိပါတယ်။ ကျွန်တော်တို့နိုင်ငံရဲ့ စစ်အာဏာရှင်ဆိုတာက သူတို့ရဲ့ အာဏာကို ထိခိုက်လာမယ်ထင်ရင် ဗန်းမော်ဆရာတော်ဘုရားကြီး မပြောနဲ့ ၊ သက်တော်ထင်ရှား မြတ်စွာဘုရား ကိုယ်တော်တိုင် ကြွပြီး ပြောရင်တောင် ရမှာ မဟုတ်ပါဘူး။ လက်နက်ကို အင်အားအဖြစ်နဲ့ ကိုးကွယ်ဆည်းကပ်နေသူတွေအတွက် သူတော်ကောင်း ပုဂ္ဂိုလ်တွေရဲ့ မေတ္တာ ကရုဏာစကားတွေဟာ သဲထဲရေသွန် ဖြစ်နေမှာပါ။ ဒီလိုအခြေအနေမျိုးမှာ သက်တော်အရ ကြီးရင့်တော်မူပြီဖြစ်တဲ့, ကျန်မာရေးကောင်းလို့, ခရီးကြွနိုင်လို့သာ အမေရိကမှာ ရောက်နေကြတဲ့ ဒကာဒကာမတွေ ဖူးတွေ့ခွင့်ရတဲ့, သာသနာတော်မှာ ရတောင့်ရခဲ ဆရာတော်ဘုရားကြီးကို ဖူးတွေ့ရတုန်းမှာ နိုင်ငံရေးအရ အပူမကပ်ဘဲ သာသနာရေး ရှုထောင့် တစ်ခုတည်းကပဲ ချဉ်းကပ်ပြီး ကုသိုလ်ယူကြ စေချင်ပါတယ်။ ကျွန်တော်တို့နိုင်ငံမှာ စစ်တပ်က စစ်တပ်နေရာ မနေဘဲ နိုင်ငံရေးထဲ ၀င်ရှုပ်ပြီး တစ်နိုင်ငံလုံးကို ဂုတ်သွေးစုပ်နေသမျှ သာသနာရေးကိစ္စကိုသာ ဆောင်ရွက်ကြ ရမယ့်ဆရာတော် သံဃာတော်တွေရော, ပညာရေးကိုသာ တစိုက်မတ်မတ် လုပ်ကြရမယ့် ကျောင်းသား ကျောင်းသူတွေရော,ပြည်သူတစ်ရပ်လုံးကပါ စစ်တပ်ကို နိုင်ငံရေး နယ်ပယ်က မောင်းထုတ်ပြီး စစ်အာဏာရှင် စနစ်ကို အမြစ်ပါပြုတ်အောင် လုပ်နေကြရဦးမှာပါ။ ဒီလို စစ်အာဏာရှင်စနစ် အမြစ်ပြုတ်အောင် လုပ်ဆောင် ကြတဲ့နေရာမှာ နိုင်ငံအတွက် ရင်မအေးနိုင်လို့ ကိုယ်တတ်နိုင်ရာက ပါဝင်လှုပ်ရှား တော်မူကြတဲ့ ဆရာတော် သံဃာတော်တွေကို ကျွန်တော်တို့ ဗုဒ္ဓဘာသာဝင်တွေ အနေနဲ့ လေးစားကြည်ညိုကြရမှာ ဖြစ်သလို အလားတူ သာသနာရေး သက်သက်ကိုသာ စူးစူးစိုက်စိုက် ဆောင်ရွက်တော်မူကြတဲ့ ဆရာတော်ဘုရားကြီးများ ကိုလဲ သာသနာရေး ရှုထောင့်အရ လေးစားကြည်ညိုကြရမှာ ဖြစ်ကြောင်းပါခင်ဗျား။ သီတလ   |
| အာဇာနည်နေ့အကြို အမေ့အိမ်(လှိုင်သာယာ) Posted: 17 Jul 2011 11:19 AM PDT      အာဇာနည်နေ့အကြို အမေ့အိမ်(လှိုင်သာယာ) ဒီနေ့(17th July) အမေ့အိမ်(လှိုင်သာယာ) ပညာဒါနကျောင်းလေးမှာ (၆၄)နှစ်မြောက် အာဇာနည်နေ့ အကြိုအခမ်းအနားတစ်ခုကို အောင်မြင်စွာ ကျင်းပ ပြုလုပ်ခဲ့ကြပါတယ်။ မနက်(၁၀း၀၀)နာရီမှာ ကျဆုံးလေပြီးသော ဗိုလ်ချုပ်အောင်ဆန်းနှင့် တကွ အာဇာနည်ခေါင်းဆောင်ကြီးများအား ရည်စူး၍ သံဃာတော်(၅)ပါးအား ၀ါဆိုသင်္ကန်း (၇)စုံနှင့် တကွ ဆွမ်းဆက်ကပ် လှူဒါန်းပြီး အာဇာနည် ခေါင်းဆောင်ကြီးများအား ရေစက်သွန်းချ အမျှအတန်း ပေးဝေခဲ့ကြပါတယ်။ မနက်(၁၁း၃၀)မှာ အဖွဲ့ ချုပ်မှ လူကြီးများ ဖြစ်ကြသော ကဗျာဆရာ/ စာရေးဆရာ ဖျာပုံနီလုံဦးနှင့် မုံရွာအောင်ရှင်တို့ က အာဇာနည်နေ့၏ အဓိပ္ပါယ်ကို ကလေးများအား ဟောပြောရှင်းပြပြီး ဆရာဦးအေးဘိုနှင့် ဆရာမင်းမင်းတို့က ဗိုလ်ချုပ်အောင်ဆန်းရဲ့ ကလေးဘ၀မှ စ၍ နိုင်ငံခေါင်းဆောင် ဖြစ်လာသည့်အချိန်ထိ လေးစား အတုယူသင့်သည့် ရိုးသားဖြောင့်မတ်မူ၊ ဂတိသစ္စာတည်ကြည်မူ၊ ကိုယ်ကျိုးစွန့် အနစ်နာခံမူ များကို ရှင်းလင်းဟောပြော ခဲ့ကြပါတယ်။ ထိုနောက် ကလေးများရဲ့  အာဇာနည် ပုဂ္ဂိုလ်ကြီးများရဲ့ တစ်ဦးချင်း အတ္ထုပတ္တိဟောပြောခြင်း၊ ကလေးများရဲ့ အာဇာနည်နေ့ ကဗျာရွတ်ပြိုင်ပွဲနှင့် စာစီစာကုံးပြိုင်ပွဲ ဆုပေးပွဲအစီအစဉ်တို့ ဖြစ်ပါတယ်။ နောက်ဆုံးအနေနဲ့ အခမ်းအနား တက်ရောက်လာကြတဲ့ ကလေးများအားလုံးအား အာဇာနည် ခေါင်းဆောင်ကြီးများရဲ့ ဓါတ်ပုံ၊ ဗလာစာအုပ်၊ ခဲတံ နှင့်ကြာဆံကြော် တစ်ထုပ်စီကို လှူဒါန်းပေးအပ်ခဲ့ ကြပါတယ်။ အမေ့အိမ်ပညာဒါန ကျောင်းလေးရဲ့ ပထမအကြိမ် အာဇာနည်နေ့ အခမ်းအနားသည် ကလေးများအတွက်လည်း ပထမဆုံး ဘ၀အတွေအကြုံအဖြစ် အမှတ်တရ နဲ့သူတို့လေးတွေရဲ့ ရင်ထဲကိုအာဇာနည် စိတ်ဓါတ် မျိုးစေ့ချ ပေးနိုင်ခဲ့လိမ့်မည်ဟု ယုံကြည်မိပါကြောင်း။ လေးစားစွာဖြင့် ကိုငယ်( ၀၉၅၁၆၂၀၆၀)        သားအတွက် ဂုဏ်ယူနေတဲ့ မိခင်အပြုံး  အနာဂတ်ရဲ့ ခေါင်းဆောင်လေးများ....   |
| ၆၄ကြိမ်မြောက် အာဇာနည်နေ့ အထူးထုတ်... Posted: 17 Jul 2011 10:07 AM PDT |
| အနေဝေးပေမယ့် အဝေးနေမဟုတ်ပါ (Although we stay apart.......) (離れていても・・・) Posted: 17 Jul 2011 09:57 AM PDT အနေဝေးပေမယ့် အဝေးနေမဟုတ်ပါ (Although we stay apart.......) (離れていても・・・) အရှင်ဆန္ဒာဓိက ဆရာတော်နဲ့ တလောက ပုဂံကို ဘုရားဖူးသွားတဲ့ အမေစုတို့ Bagan River View ဟိုတယ်မှာ တွေ့ဆုံခဲ့စဉ်က ဓာတ်ပုံမှတ်တမ်းတွေနဲ့အတူ.. ဆရာတော်ရေးသားခဲ့တဲ့ မှတ်သားဖွယ်ရာ စကားစုဖြစ်တဲ့ အနေဝေးပေမယ့် အဝေးနေမဟုတ်ပါ ဆိုတဲ့ စာသားလေးအား ပိုစ့်မှာ ရေးသား ဖေါ်ပြခဲ့ပါတယ်...။ ခွဲခွါနေရသူ အားလုံးအတွက် ဆရာတော်ရဲ့ အနေဝေးပေမယ့် အဝေးနေမဟုတ်ပါ (စကားစုအား) ဝိမုတ္တိသုခရဲ့ အင်္ဂလိပ်လိုနဲ့ ဂျပန်ဘာသာပြန်အား ဖော်ပြပေးလိုက်ပါတယ်..။  အနေနီးတိုင်းလည်း အနီးနေမဟုတ်။ လောကမှာ ဘယ်သူမဆို ကိုယ်ချစ်ခင်မြတ်နိုးတဲ့သူ၊ ကိုယ်ကြည်ညို လေးစားတဲ့သူနဲ့ အနေနီးချင်ကြတဲ့ သူတွေချည်းပါပဲ။ ဘယ်သူမှ အနေမဝေးချင်ကြပါဘူး။ ဒါပေမဲ့ ကံတရားစတဲ့ အကြောင်းတရား အမျိုးမျိုးကြောင့် ကိုယ်ချစ်ခင်မြတ်နိုးတဲ့သူ၊ ကိုယ်ကြည်ညို လေးစားတဲ့သူတွေနဲ့ အနေဝေးရတဲ့ အဖြစ်မျိုးတွေလည်း ကြုံရတတ်ပါတယ်။ ခတ္တခဏ အနေ ဝေးတာမျိုးလည်းရှိတယ်။ အကြာကြီး အနေဝေးတာမျိုးလည်းရှိတယ်။ တစ်သက်တာလုံး ဘယ်တော့မှ ပြန်မဆုံနိုင်တော့တဲ့ ဝေးခြင်းမျိုးနဲ့ ထာဝရအနေ ဝေးတာမျိုးလည်းရှိပါတယ်။ လူချင်းအနေဝေးပေမယ့် စိတ်ချင်းအနေမဝေးရင် အဝေးနေတယ်လို့ မခေါ်နိုင်တော့ပါဘူး။ အရှင်ဆန္ဒာဓိက (ရွှေပါရမီတောရ) Quoted from: အနေဝေးပေမယ့် အဝေးနေမဟုတ်ပါ Although we stay apart....... Although people are in touch, they may not be intimate. Everyone in this world wishes to be close to someone they loved, adored and admired. No one wants apart from them. However, because of various reasons, there are many situations where we have to stay apart from those people we loved. Some are separated temporarily. Some are away from each other for a very long time. Some cannot meet each other till the end of our lives. Anyhow, as far as those minds of us are intimate, although we stay apart, no one can say that we are dispersed. Ashin Sandadika (Shwe Parami Tawya Vihara) 離れていても・・・ 触れるほど 近くにいても 心を 通わせていない 事もある。 世界中の誰もが 愛する人、尊敬する人、 すばらしいと思う人の そばに いたいと 思っている。 いったい 誰が そんな人たちと 離れたいと 願うだろうか？ でも、 さまざまな 理由や 状況のため 愛する人と 離れ離れに なってしまった 人も いる。 ある人は 短い間 ある人は 長い間、 また 生涯 そのねがいが 適わない人も いる。 でも、 心は 通い合って いる、 実際には 離れていても、私たちを 離れ離れだと 誰も 言えはしない。 アシンサンダーデカ （ シュエーパラミー ビハラ） ဆရာတော် အရှင်ဆန္ဒာဓိကရဲ့ ဒီ quotation လေးကို FB မှာတင်ထားတာ တော်တော်များများ သဘောကျကြတာ သတိထားမိပါတယ်။ စမ်းကြည့်ချင်တာနဲ့ အင်္ဂလိပ်လို ဘာသာပြန်ပြီး ကျွန်တော့်မိတ်ဆွေ ဂျပန်ဆရာမကို ပြကြည့်တော့ သူကလည်း သဘောတွေကျပြီး ကျွန်တော့်ကို ဂျပန်လို ဘာသာပြန်ပေးလိုက်ပါတယ်။ သူဘာသာပြန်ထားတာကို တခြား ဂျပန်တွေကိုပြကြည့်တော့ သူတို့တွေလည်း နှစ်သက်ကြတာတွေ့ရပါတယ်။ ဒါကြောင့် တကယ်လို့ တခြားနိုင်ငံခြားသားမိတ်ဆွေတွေကို မျှဝေချင်သူများအတွက် အသုံးတည့်မလားလို့ ဆရာတော့် Quotation ကို အင်္ဂလိပ် ဂျပန် တွဲပြီး ထပ်တင် ပေးလိုက်ပါတယ်ခင်ဗျား။ ဝိမုတ္တိသုခ....   |
| You are subscribed to email updates from ဒီမိုဝေယံ To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
No comments:
Post a Comment