သတင်းများ

1. နော်ဝေအကြမ်းဖက်မှု လူ ၉၀ ကျော်သေဆုံး
   
2. နော်ဝေ ၀န်ကြီးချုပ်ရုံး တိုက်ခိုက်ခံရ၊ ၉၁ ဦး သေဆုံး  ၊
3.  ဆိုမာလီယာ တောင်ပိုင်းတွင် အငတ်ဘေး ကြုံနေရကြောင်း ကုလသမဂ္ဂ ကြေညာ ၊
   
4. ဘင်လာဒင်မိသားစုကို တိုင်းပြည်မှ ထွက်ခွာခွင့် မပြုသေး ၊ 
   
5. ဗြိတိန်ရဲတပ်ဖွဲ့အကြီးအကဲ ဖုန်းခိုးနားထောင်မှုကြောင့် ရာထူးမှနှုတ်ထွက်  ၊
6. ဖုန်းအချက်အလက် ခိုးယူမှု အရှုပ်တော်ပုံ၏ ဖော်ကောင် ရုတ်တရက် သေဆုံး ၊
7.  တရုတ် ကျည်ဆံရထား ၂ စီးတိုက်မှု လူ ၃၀ ကျော် သေဆုံး ၊
8.  ထိုင်းအိမ်ရှေ့မင်းသား လေယာဉ် ဂျာမနီတရားရုံးမှ ပြန်လွှတ်ပေး  ၊
9. ၂၀၃၀ ခုနှစ် ပင်လယ် ရေအောက် ရောက်တော့မည့် ဘန်ကောက်မြို့
   
10.  နျူကလီးယား လျှို့ဝှက်ချက်များအတွက် မြောက်ကိုရီးယားက ပါကစ္စတန်ကို လာဘ်ပေးခဲ့ ၊
11.  ၃ စီးမြောက် ထိုင်းစစ်ရဟတ်ယာဉ် ပျက်ကျ ၊
    
12. ၂၀၂၂ ခုနှစ်တွင် နျူကလီးယား စွမ်းအင်စက်ရုံများ အားလုံး ပိတ်သိမ်းရန် ဂျာမနီ စီစဉ် ၊
13. ၄၂ နှစ်လုံး​​လုံး​​ ဓာတ်ဆီ​​သောက်ခဲ့​​သည့်​​ တရုတ်နိုင်ငံမှ အမျိုး​​သား​​ကြီး​​  ၊
    
14. အ​​ပြေး​​ပြိုင်ပွဲဝင်​​ခွေး​​အား​​ ဗီယာဂရာ​​ဆေး​​ တိုက်​​ကျွေး​​  ၊
    
15. သုတေသနပြုလုပ်နေသည့် လှေပေါ်သို့ ငါးမန်းဖြူ ခုန်တက်လာ  ၊
    
16. ကမ္ဘာ့အကြီးဆုံး နေရောင်ခြည် စွမ်းအင်သုံး သင်္ဘော သြစတေးလျ နိုင်ငံကို ဆိုက်ကပ် ၊
    

နော်ဝေအကြမ်းဖက်မှု လူ ၉၀ ကျော်သေဆုံး

ဓာတ်ပုံ Reuters

အော်စလိုမြို့က ဗုံးပေါက်ကွဲရာနေရာ (ဇူလိုင်လ ၂၂၊ ၂၀၁၁)

သောကြာနေ့က နွေရာသီလူငယ်စခန်းတခုကို တိုက်ခိုက်မှုမှာ ပတ်သက်တယ်လို့ သံသယရှိခံရတဲ့ ဒုတိယ သေနတ်သမားတယောက်ကို နော်ဝေရဲအဖွဲ့က စုံစမ်းစစ်ဆေးနေကြပါတယ်။ နော်ဝေနိုင်ငံသား ပထမ သေနတ်သမားကို ရဲတပ်ဖွဲ့ဝင်တွေက စုံစမ်းစစ်ဆေးမှုတွေ လုပ်ဆောင်နေကြပါတယ်။ အကြမ်းဖက်မှု ဖြစ်ပွားရာ Utoeya ကျွန်းပေါ်မှာ တိုက်ခိုက်မှုကို မျက်မြင်ကြုံတွေ့ရသူတွေက ဒီကိစ္စမှာ လူ ၂ ဦး ပါဝင်ပတ်သက်တယ်လို့ ပြောကြကြောင်း နိုင်ငံရဲ့သတင်းဌာန NTB ကဖော်ပြပါတယ်။
ဖမ်းဆီးခံထားရသူ ပထမသေနတ်သမားဟာ ရဲတပ်ဖွဲ့ဝင်လို ရဲတပ်ဖွဲ့ အမှတ်တံဆိပ်ပါတဲ့ ဆွယ်တာကို ၀တ်ဆင်ထားတယ်ပေမဲ့ ဒုတိယ သေနတ်သမားကတော့ ရဲတပ်ဖွဲ့ဝင်လို ၀တ်ဆင်မထားပါဘူး။
နော်ဝေနိုင်ငံမှာ အာဏာရ လေဘာပါတီ ရဲ့ နွေရာသီလူငယ်စခန်းမှာ စခန်းဝင်နေတဲ့ ဆယ်ကျော်သက် ရာပေါင်းများစွာထဲက ၈၄ ဦးဟာ သေနတ်သမားတွေရဲ့ တိုက်ခိုက်မှုကြောင့် သေဆုံးသွားခဲ့ပါတယ်။ အဲဒီအကြမ်းဖက်မှုဟာ အော်စလိုမြို့ ဗဟိုအစိုးရအဆောက်အဦးမှာ ဗုံးပေါက်ကွဲမှု ဖြစ်ပြီး နာရီအနည်းငယ် အကြာမှာ ဖြစ်ခဲ့တာပါ။ အော်စလို ပေါက်ကွဲမှုကြောင့် လူ ၇ ဦး သေဆုံးပြီး သေနတ်သမား တိုက်ခိုက်မှု အပါအ၀င် အကြမ်းဖက် ဖြစ်ရပ်နှစ်ခုကြောင့် စုစုပေါင်း လူ ၉၁ ယောက် သေဆုံးခဲ့ပါတယ်။
ဒုတိယကမ္ဘာစစ်ပြီးကတည်းက နော်ဝေနိုင်ငံမှာ ဒီတိုက်ခိုက်မှုဟာ အဆိုးဆုံးတိုက်ခိုက်မှုတခုဖြစ်ပြီး တမျိုးသားလုံး စိတ်ထိခိုက်ကြေကွဲရတဲ့ ဖြစ်ရပ်ဖြစ်တယ်လို့ ၀န်ကြီးချုပ်ကပြောပါတယ်။
အော်စလိုမြောက်ဘက် ၁၈ မိုင်အကွာမှာရှိတဲ့ ကျွန်းငယ်ကို ၀န်းရံထားတဲ့ရေကန်ထဲမှာ ပျောက်ဆုံးနေတဲ့ အလောင်းတွေကို ထပ်ပြီးရှာနေပါတယ်။ ဗဟိုအစိုးရ အဆောက်အဦးတွေကို ဗုံးခွဲ တိုက်ခိုက်ခဲ့တယ်လို့ သံသယ ရှိသူအဖြစ် ၃၂ နှစ်အရွယ် Anders Behring Breivik ကို သတင်းဌာနတွေက ဖော်ပြကြတယ်လို့ ရဲတပ်ဖွဲ့ဝင်တွေက ပြောပါတယ်။ ဆယ်ကျော်သက်တွေအပေါ် လူမဆန်တဲ့ တိုက်ခိုက်မှုဟာ နော်ဝေပြည်သူတွေရဲ့ စိတ်လုံခြုံမှုကို ပျက်ပြားအောင် မလုပ်နိုင်ပါဘူးလို့ ၀န်ကြီးချုပ်က ပြောဆိုပါတယ်။ လုံခြုံရေးဟာ နော်ဝေ လူ့အဖွဲ့အစည်းရဲ့ အဓိက ဒေါက်တိုင်တခုဖြစ်ပြီး သဘာဝကပေးထားတဲ့ လက်ဆောင်အဖြစ် မှတ်ယူခဲ့ကြတယ်လို့ ၀န်ကြီးချုပ်က ပြောဆိုပါတယ်။ တိုက်ခိုက်မှုခံခဲ့ရသူတွေရဲ့ အသက်နဲ့ဘ၀ကို ကယ်တင်ဖို့ အဓိကထား လုပ်သွားမယ်လို့ ၀န်ကြီးချုပ်က အလေးအနက် ပြောပါတယ်။ တိုက်ခိုက်ရတဲ့အကြောင်းရင်းကိုတော့ တာဝန်ရှိသူတွေက ခုထက်ထိ မဆုံးဖြတ်နိုင်ကြသေးဘူးလို့ ဆိုပါတယ်။

နော်ဝေ ၀န်ကြီးချုပ်ရုံး တိုက်ခိုက်ခံရ၊ ၉၁ ဦး သေဆုံး

Friday, 22 July 2011 19:26 မောက္ခ နိုင်ငံတကာသတင်း

သောကြာနေ့ ညနေ၊ နော်ဝေနိုင်ငံ အိုရှလိုမြို့တော် (listen) ရှိ ၀န်ကြီးချုပ်ရုံး အပါအ၀င် အစိုးရ အဆောက်ဦများနှင့် လေဘာပါတီမှ ကျင်းပသော လူငယ်ကမ့် နှစ်နေရာတို့တွင်
အကြီးအကျယ် ဗုံးပေါက်ကွဲမှုနှင့် အပစ်ခတ်ခံရမှုများ ဖြစ်ခဲ့သည်။ ၉၁ ဦး သေဆုံးပြီး၊ လူ အများအပြား ဒဏ်ရာရခဲ့သည်။
ပထမ ဗုံးခွဲတိုက်ခိုက်ခံရသော အိုရှလိုမြို့လယ်ကောင်ရှိ ၀န်ကြီးချုပ် ဂျန်းစ် စတိုလ်တန်ဘဂ် (Jens Stoltenberg) ရဲ့ ၁၇ ထပ်မြင့် ရုံးခန်းအဆောက်ဦနှင့် အခြားဝန်ကြီးဌာနရုံးခန်းများတွင် မီးစွဲလောင်ပြီး လူ ၇ ဦး သေဆုံးခဲ့သည်။
ဒုတိယတိုက်ခိုက်မှုမှာ အိုရှလိုမြို့နှင့် ၂၀ ကီလိုမီတာ ဝေးသော အူတိုယားကျွန်းပေါ်တွင် ဖြစ်သည်။ အာဏာရ လေဘာပါတီမှ ဆယ်ကျော်လူငယ် ၇၀၀ နှင့်အခမ်းအနားတစ်ခု ကျင်းပပေးနေသော နေရာတွင် ပေါက်ကွဲခဲ့ပြီး၊ အသက် ၁၆ နှင့် ၁၇ နှစ်လူငယ် ၁၀ ဦး ပွဲချင်းပြီး သေဆုံးခဲ့သည်။ အပြင်းအထန် ဒဏ်ရာရရှိသူ ၁၀၀ ကျော်ကို အရေးပေါ် ဆေးရုံပို့ထားခဲ့ပြီးနောက်၊ စုစုပေါင်း သေဆုံးသူ ၉၁ ဦး အထိ ဖြစ်လာခဲ့သည်။
လူငယ်ကမ့်ကို ရော့ကက်ဖြင့် ၀င်ရောက်ပစ်ခတ်ခဲ့သော အသက် ၃၂ နှစ် ရှိ ရဲအရာရှိ ယောင်ဆောင်ထားသူ နော်ဝေနိုင်ငံသား Anders Behring Breivik ကို ဖမ်းဆီးမိခဲ့သည်။ ၄င်းနောက်ကွယ်တွင် အစ္စလာမ် အကြမ်းဖက်များနှင့် ပတ်သက်ဆက်နွယ်မှုရှိမရှိ စုံစမ်းစစ်ဆေးမှုများ ပြုလုပ်နေကြသည်။











မောက္ခ နိုင်ငံတကာသတင်း
Source: AFP & Time

ဆိုမာလီယာ တောင်ပိုင်းတွင် အငတ်ဘေး ကြုံနေရကြောင်း ကုလသမဂ္ဂ ကြေညာ

ဆိုမာလီယာ တောင်ပိုင်းဒေသများတွင် အငတ်ဘေး ကြုံနေရကြောင်း ကုလသမဂ္ဂက ဇူလိုင်လ ၂၀ ရက်နေ့တွင် ထုတ်ပြန် ကြေညာခဲ့သည်။ အနှစ် ၆၀ အတွင်း အဆိုးရွားဆုံး မိုးခေါင် ရေရှားမှုနှင့် ရင်ဆိုင်နေရသော ဆိုမာလီယာ နိုင်ငံသား သန်းပေါင်းများစွာသည် အစာရေစာ ရရှိရန် အိမ်နီးချင်း နိုင်ငံများသို့ ရက်နှင့်ချီ လမ်းလျှောက် ထွက်ခွာနေရသည့် အခြေအနေမျိုး ရောက်ရှိနေချိန်တွင် ကုလက ယခုကဲ့သို့ ကြေညာခဲ့ခြင်း ဖြစ်သည်။ စစ်ပွဲဒဏ်ကြောင့် ပျက်စီးနေသော နိုင်ငံလူဦးရေ၏ ထက်ဝက်နီးပါး၊ လူ ၃ ဒသမ ၇ သန်းခန့်သည် စားနပ်ရိက္ခာ အကျပ်အတည်း ရင်ဆိုင်နေရကြောင်း ကုလသမဂ္ဂက ပြောကြားခဲ့သည်။ ချက်ချင်း အရေးယူ မဆောင်ရွက်ပါက အငတ်ဘေးသည် နှစ်လ အတွင်း တောင်ပိုင်းဒေသ ၈ နေရာလုံးသို့ ပျံ့နှံ့သွားမည် ဖြစ်ကြောင်း ဆိုမာလီယာဆိုင်ရာ ကုလသမဂ္ဂ လူသားချင်း စာနာထောက်ထားမှု လုပ်ငန်းများ ပူးပေါင်း ဆောင်ရွက်သူ မာ့ဘောင်ဒင် က ပြောကြားခဲ့သည်။ ကုလသမဂ္ဂက တောင်ပိုင်း ဘာကူလ်(Bakool)နှင့် ရှာဘယ်လီအောက်ပိုင်း(Lower Shabelle) ဒေသ တို့ကို အငတ်ဘေး ကြုံနေရသောဒေသ အဖြစ် ကြေညာခဲ့ခြင်း ဖြစ်သည်။ ထုတ်ပြန်ခဲ့ပြီး မကြာမီပင် အမေရိကန် နိုင်ငံခြားရေး ၀န်ကြီး ဟီလာရီကလင်တန်က ဆိုမာလီယာနှင့် ကင်ညာရှိ ဆိုမာလီ ဒုက္ခသည်များ အတွက် ထပ်တိုး အလှူငွေ အမေရိကန် ဒေါ်လာ ၂၈ သန်း ထပ်မံ ပေးအပ်သွားမည် ဖြစ်ကြောင်း ကြေညာသည်။ ယခုနှစ်အတွင်း ဆိုမာလီ အတွက် အကူအညီ ၄၃၁ သန်း ပေးခဲ့ပြီး ဖြစ်သည်ဟု သိရသည်။ မိုးခေါင်ရေရှားမှု ဆိုးရွားစွာ ကြုံတွေ့ရခြင်း၊ သီးနှံပျက်ခြင်း၊ မွေးမြူရေး တိရစ္ဆာန်များ သေဆုံးခြင်း၊ ကုန်ဈေးနှုန်းတက်ခြင်း၊ ပြည်တွင်းစစ်နှင့် ပဋိပက္ခများကြောင့် အရှေ့အာဖရိကရှိ နိုင်ငံအချို့တွင် ပြည်သူ သန်းပေါင်းများစွာမှာ အိုးအိမ်စွန့်ခွာ ထွက်ပြေးနေရသည်။ ကင်ညာ၊ အီသီယိုးပီးယား၊ ဂျီဘောင်တီ၊ ယူဂန္ဓာ၊ ဆိုမာလီယာ နိုင်ငံတို့မှ လူ ၁၁ သန်းခန့်မှာ အငတ်ဘေးဒုက္ခ ကြုံနိုင်ကြောင်း ကုလက ပြောကြားခဲ့သည်။

ဘင်လာဒင်မိသားစုကို တိုင်းပြည်မှ ထွက်ခွာခွင့် မပြုသေး

(အေအက်ဖ်ပီ)
တီအေ ဘာသာပြန်သည်။
အတွဲ ၂၇ ၊ အမှတ် ၅၂၇ ( ၂၂ - ၂၈ ၊ ၇ ၊ ၂၀၁၁)

အစ္စလမ္မာဘတ်- အိုစမာဘင်လာဒင် သည် ပါကစ္စတန်နိုင်ငံထဲ နှစ်ပေါင်း များစွာ လူမသိသူမသိ မည်ကဲ့သို့ နေထိုင်ခဲ့သည်ကို စုံစမ်း စစ်ဆေးမည့် ပါကစ္စတန် ကော်မရှင်အဖွဲ့တစ်ဖွဲ့က အိုစမာဘင်လာဒင်၏ ကျန်ရစ်သူ မိသားစုကို ၎င်းတို့မသိဘဲ တိုင်းပြည်မှ ထွက်ခွာ သွားခြင်းမပြုရန် အစိုးရအဖွဲ့ကို အကြောင်းကြားထားသည်။
အမေရိကန်ရေတပ် ဆီးလ်ကွန်မန်ဒို များသည် မေလ ၂ ရက်နေ့က အဘော့တာဘတ် စစ်တပ်မြို့ရှိ ဘင်လာဒင်အိမ်ကို ၀င်စီးပြီး ဘင်လာဒင် ၏ ရုပ်အလောင်းကို သယ်ဆောင်သွား ပြီးနောက် ဘင်လာဒင်၏ ဆော်ဒီဇနီး နှစ်ယောက်နှင့် ယီမင်ဇနီးတစ်ယောက် အပါအ၀င် ၎င်းတို့၏ ကလေး ၁၀ ယောက်ခန့်ကို ပါကစ္စတန်နိုင်ငံက ထိန်းသိမ်းထားသည်။
ပါကစ္စတန်နိုင်ငံက စီအိုင်အေ စုံထောက် များကို ဘင်လာဒင်၏ဇနီးများ နှင့် တွေ့ဆုံမေးမြန်းခွင့်ပြုခဲ့သော်လည်း ယခု ကော်မရှင်က ဘင်လာဒင်မိသားစု ၀င်များအား ပါကစ္စတန် နိုင်ငံမှ ထွက်ခွာ သွားခွင့်ကို တားမြစ်ခဲ့၍ ထိုမိသားစုများ ထွက်ခွာ သွားရေး နှောင့်နှေး ကြန့်ကြာ သွားဖွယ်ရာရှိသည်။
ဘင်လာဒင်၏ဇနီးအငယ်ဆုံး မုဆိုးမအေမယ်အဗ္ဗဒူဖာတာသည်ရက်အနည်းငယ်အတွင်း ယီမင်နိုင်ငံသို့ ပြန်သွားနိုင်သည်ဟု ပါကစ္စ တန် အရာရှိ တစ်ယောက်က အေအက်ဖ်ပီကို မကြာမီ က အတည်ပြု ပြောကြားပြီး ယခုလို တားမြစ်လိုက်ခြင်း ဖြစ်သည်။ မိမိတို့ စုံစမ်းစစ်ဆေးပြီးပါက ထိုမိသားစုအဖွဲ့ဝင်များသည် မိမိတို့ နိုင်ငံသို့ ပြန်သွားနိုင်ကြောင်ဖြင့်လည်း အမည်မဖော်လိုသူ အရာရှိတစ်ဦးက အေအက်ဖ်ပီကို ပြောကြားသည်။ ကော်မရှင်အဖွဲ့ဥက္ကဋ္ဌမှာ တရားရုံး ချုပ် တရားသူကြီး ဂျာဗက် အက်ဘယ် ဖြစ်ပြီး အဖွဲ့ဝင်များမှာ ရဲမင်းကြီးဟောင်း အက်ဘတ်စ်ခန်၊ ကုလသမဂ္ဂသံတမန် ဟောင်း အက်ရ်ှရပ်ဖ် ဂျီဟန်ဂါကာဇီ၊အငြိမ်းစားဗိုလ်ချုပ်ကြီး နာဒင်းအာမက် တို့ဖြစ်သည်။

ဗြိတိန်ရဲတပ်ဖွဲ့အကြီးအကဲ ဖုန်းခိုးနားထောင်မှုကြောင့် ရာထူးမှနှုတ်ထွက်

ပြီးခဲ့သည့် သီတင်းပတ်က ဖုန်းကြားဖြတ် ခိုးနားထောင်မှုများကြောင့် နာမည်ပျက်ခဲ့ရပြီး ပိတ်သိမ်းလိုက်ရသည့် News of the World သတင်းဌာနနှင့် ရဲတပ်ဖွဲ့ အကြီးအကဲ ပေါလ် စတီဖန်ဆန်တို့ကြား ဆက်စပ်မှုများ ရှိနေ

Posted on Jul 18 11 - 03:25 PM | Hits : 685

ဗြိတိန်နိုင်ငံ မက်ထရို ပိုလီတန် ရဲတပ်ဖွဲ့ အကြီးအကဲသည် အခြားသူများ၏ ဖုန်းခေါ်ဆိုမှုများကို ခိုးဝှက် နားထောင်ခဲ့သည့် အမှုအခင်းတွင် ပါဝင်ကြောင်း စွပ်စွဲခံရပြီးနောက် ရာထူးမှ နှုတ်ထွက်သွားခဲ့သည်။ ပြီးခဲ့သည့် သီတင်းပတ်က ဖုန်းကြားဖြတ် ခိုးနားထောင်မှုများကြောင့် နာမည်ပျက်ခဲ့ရပြီး ပိတ်သိမ်းလိုက်ရသည့် News of the World သတင်းဌာနနှင့် ရဲတပ်ဖွဲ့ အကြီးအကဲ ပေါလ် စတီဖန်ဆန်တို့ကြား ဆက်စပ်မှုများ ရှိနေကြောင်း ဖော်ထုတ်နိုင်ခဲ့ပြီးနောက် ပေါလ်က ရာထူးမှ နှုတ်ထွက်ရန် ဆုံးဖြတ်ခဲ့သည်။ "တော်ဝင်နန်းတော်၊ ပြည်တွင်းလုံခြုံရေးဌာနနဲ့ လန်ဒန် မြို့တော်ဝန်တို့ဆီ အကြောင်းကြားပြီးပါပြီ။ ကျွန်တော့်အနေနဲ့ မက်ထရိုပိုလီတန် ရဲတပ်ဖွဲ့ ကော်မရှင် အကြီးအကဲ အဖြစ်က နှုတ်ထွက်လိုက်ပါပြီ"ဟု ပေါလ်က တရားဝင် ကြေညာခဲ့သည်။



ပေါလ်သည် News of the Worldမှ လက်ထောက် အယ်ဒီတာ နီးဝဲလစ်နှင့် ပတ်သက် ယှက်နွယ်မှုများကြောင့် ဝေဖန် ပြစ်တင် ခံနေရသည်။ ၀ဲလစ်သည် အခြားသူများ၏ ပုဂ္ဂိုလ်ရေး ဖုန်းခေါ်ဆိုမှုများကို ခိုးဝှက် နားထောင်ခဲ့သည့်အတွက် ရဲတပ်ဖွဲ့၏ စုံစမ်း မေးမြန်းမှုကို ခံနေရသည်။ ပေါလ်က မိမိသည် ယင်းကိစ္စများနှင့် မပတ်သက်ကြောင်း ငြင်းဆိုထားပြီး ယခုကဲ့သို့ လွဲချော်မှုမှ သင်ခန်းစာ ယူသွားမည်ဟု သတင်းထောက်များအား ပြောကြားခဲ့သည်။ ပြည်တွင်း လုံခြုံရေးဌာန ၀န်ကြီး သီရေဆာမေက News of the Worldနှင့် ရဲတပ်ဖွဲ့ကြား ပတ်သက်မှု အတိုင်းအတာအတွက် စိုးရိမ်ပြီး ယင်းကို စုံစမ်းမှုများ ပြုလုပ်သွားမည်ဟု ပြောဆိုထားသည်။ News Corpက ပိုင်ဆိုင်သော News of the Worldသည် ဗြိတိန်တွင် ရောင်းအားအကောင်းဆုံး အတင်းအဖျင်း သတင်းစာ တစ်စောင်အဖြစ် ရပ်တည်နေသော်လည်း ယခုအခါ အရှုပ်အထွေးများကြောင့် ပိတ်သိမ်းထားလိုက်ပြီဖြစ်သည်။

Source: Xinhua

ဖုန်းအချက်အလက် ခိုးယူမှု အရှုပ်တော်ပုံ၏ ဖော်ကောင် ရုတ်တရက် သေဆုံး

ဗြိတိန်တွင် ဖုန်းအချက်အလက် ခိုးယူမှု အရှုပ်တော်ပုံ၏ ဖော်ကောင် ဖြစ်သော News of the World သတင်းထောက်ဟောင်း တစ်ဦး ဖြစ်သည့် ရှောင်ဟိုရေးမှာ ၎င်း၏အိမ်၌ ဇူလိုင် ၁၈ ရက်၌ သေဆုံးနေသည်ကို တွေ့ရှိခဲ့ရကြောင်း၊ သို့သော် သံသယဖြစ်ဖွယ် အခြေအနေများကို မတွေ့ရှိခဲ့ကြောင်း ရဲတပ်ဖွဲ့က ထုတ်ပြန်သည်။ ဟိုရေးသည် ပြီးခဲ့သောနှစ်တွင် နယူးယောက်တိုင်းမ်သတင်းစာ၊ ဘီဘီစီသတင်းဌာနနှင့် အင်တာဗျူးများ ပြုလုပ်ခဲ့ပြီး ၀န်ကြီးချုပ် ဒေးဗစ်ကင်မရွန်၏ ဆက်သွယ်ရေး အရာရှိချုပ် ဖြစ်ခဲ့သည့် News of the World သတင်းစာ အယ်ဒီတာဟောင်း အန်ဒီကော်လ်ဆင်သည် ဖုန်းအချက်အလက် ခိုးယူသည့် ကိစ္စကို သိရှိနေကြောင်း ဖွင့်ချခဲ့သည်။ လန်ဒန်မြောက်ပိုင်း၊ ၀တ်ဖို့ဒ်ရှိ ဟိုရေး နေအိမ်တွင် လူတစ်ဦး သေဆုံးနေကြောင်း အကြောင်းကြားသဖြင့် ရဲကားများ၊ လူနာတင်ကားများ သွားရောက်ခဲ့ရာ ရောက်ရှိပြီး မကြာမီပင် ဟိုရေးမှာ သေဆုံးခဲ့ခြင်း ဖြစ်ကြောင်း သိရသည်။ ဟိုရေး သေဆုံးရသည့် အကြောင်းရင်းကို အတိအကျ မသိရသေးကြောင်း၊ သို့သော် သံသယဖြစ်စရာ မရှိသေးကြောင်း၊ ကိုယ့်ကိုယ်ကို သတ်သေခြင်း ဟုတ်၊ မဟုတ် စစ်ဆေးနေကြောင်း ရဲတပ်ဖွဲ့က ထုတ်ပြန်သည်။ ဟိုရေးမှာ မကြာသေးမီ သီတင်းပတ်များ အတွင်း တစ်ကိုယ်တည်းနေပြီး အများကို ထိတ်လန့်နေသည်ဟု ၎င်း၏သူငယ်ချင်းနှင့် အိမ်နီးချင်း တစ်ဦးက ပြောကြားသည်။

တရုတ် ကျည်ဆံရထား ၂ စီးတိုက်မှု လူ ၃၀ ကျော် သေဆုံး

တရုတ်နိုင်ငံက ကျည်ဆံရထား ၂ စီး မနေ့ညတုန်းက တိုက်ခဲ့ကြလို့ သေဆုံးသူဦးရေဟာ ၃၅ ဦးထက်မနည်း ရှိသွားပါပြီ။ ဒဏ်ရာရသူတွေလည်း ၂၀၀ ကျော် ရှိနေပါတယ်။ ဟန်ကျိုးမြို့ (Hangzhou) ကနေ ဇေဂျန်းပြည်နယ် (Zhejiang) ၀မ်ကျိုးမြို့ (Wenzhou) ကို ထွက်လာတဲ့လမ်းမှာ ရထားတိုက်မှု ဖြစ်ခဲ့တာပါ။
တိုက်ခိုက်မှုဖြစ်ပြီး ၂၁ နာရီအကြာမှာ ရထားတွဲတွေထဲက ၄ နှစ်အရွယ် ယောက်ျားလေးတဦးကို ကယ်ဆယ်ရေး လုပ်သားတွေက ကယ်ထုတ်နိုင်ခဲ့ပါတယ်။
တရုတ်နိုင်ငံ ရုပ်မြင်သံကြားတွေမှာ ပြသနေတာက လူစီးရထားတွဲတခုက တံတားပေါ်ကနေ တွဲလောင်းကျနေပြီး နောက်တတွဲက မြေကြီးပေါ်မှာ ရောက်နေပါတယ်။
ရထားကို မိုးကြိုးပစ်ခံရပြီး လျှပ်စစ်ဓာတ်အား ပြတ်တောက်လို့ ရပ်နေတဲ့ အချိန်မှာ နောက်ထပ် ကျည်ဆံရထား တစီးက ၀င်တိုက်ခဲ့တာပါ။ အရေးပေါ် ကူညီကယ်ဆယ်ရေး လုပ်သားတွေကတော့ ရထားတိုက်မှုနေရာမှာ ကူညီနေကြပါတယ်။
တရုတ် ဒု-၀န်ကြီးချုပ် ဇန်ဒီဂျင်းကလည်း ကယ်ဆယ်ရေး လုပ်ငန်းတွေကို သွားပြီး ကြည့်နေပါတယ်။ တရုတ် မီးရထား ၀န်ကြီးဌာနကတော့ အခုအဖြစ်အပျက်နဲ့ ပတ်သက်ပြီး တောင်းပန်ထားပါတယ်။ မီးရထား အဆင့်မြင့် အရာရှိ ၃ ဦးကိုလည်း အလုပ်ဖြုတ်တဲ့အကြောင်း တရုတ်အစိုးရပိုင် သတင်းမီဒီယာတွေမှာ ဖော်ပြထားပါတယ်။
အခုလဆန်းတုန်းကလည်း ဘေဂျင်း (Beijing) နဲ့ ရှန်ဟိုင်း (Shanghai) ပြေးဆွဲနေတဲ့ တရုတ် ကျည်ဆံရထား မုန်တိုင်းမိလို့ ပျက်ခဲ့ရပြီး တနာရီခွဲလောက် မထွက်နိုင်ဘဲ ဖြစ်ခဲ့ရပါတယ်။
တရုတ်အစိုးရဟာ နိုင်ငံတွင်းက မြို့ကြီးတွေကို ကျည်ဆံရထားတွေနဲ့ ဆက်သွယ် ပြေးဆွဲရေးအတွက် အမေရိကန်ဒေါ်လာ ဘီလျံနဲ့ချီ သုံးစွဲခဲ့တာပါ။

ထိုင်းအိမ်ရှေ့မင်းသား လေယာဉ် ဂျာမနီတရားရုံးမှ ပြန်လွှတ်ပေး

(အေအက်ဖ်ပီ) ကိုကို ဘာသာပြန်သည်။
အတွဲ ၂၇ ၊ အမှတ် ၅၂၇ ( ၂၂ - ၂၈ ၊ ၇ ၊ ၂၀၁၁)

ဂျာမနီနိုင်ငံ မြူးနစ်မြို့လေဆိပ်၌ ဂျာမနီတရားရုံး အာဏာပိုင်တို့က သိမ်းဆည်းချိပ်ပိတ်ထားလိုက်သည့် ထိုင်းအိမ်ရှေ့မင်းသား မဟာဝိဇိယ လောင်ကွန် ကိုယ်တိုင် မကြာမကြာ မောင်းနှင်လေ့ရှိ သော ဘိုးရင်း-၇၃၇ အမျိုးအစားလေယာဉ်အား အာမခံငွေ ဒေါ်လာ ၂၈ ဒသမ ၂ ၊သန်းဖြင့် ပြန်လွှတ်ပေးလိုက်ပြီဖြစ်သည်။
ဓာတ်ပုံ - အေအက်ဖ်ပီ

ဘာလင်- ကြွေးပိနေသော ဂျာမနီ ဆောက်လုပ်ရေး ကုမ္ပဏီတစ်ခုနှင့် ထိုင်း အစိုးရတို့ အကြား ငွေကြေး ဆိုင်ရာ အငြင်းပွားမှုကြောင့် ထိုင်း အိမ်ရှေ့ မင်းသားစီးနင်းလိုက်ပါလာသော လေယာဉ်ကိုမြူးနစ်မြို့လေ ဆိပ်တွင် ဂျာမနီတရားရုံးအာဏာပိုင်တို့က သိမ်းဆည်းချိပ်ပိတ်ထားရာ မှဇူလိုင်လ ၂၀ ရက် ဗုဒ္ဓဟူးနေ့တွင် ဂျာမနီတရားရုံးတစ်ရုံးမှအာမခံငွေ ဒေါ်လာ ၂၈ ဒသမ ၂သန်းဖြင့်ပြန်လွှတ်ပေးလိုက်ကြောင်း သတင်းရရှိ သည်။
ထိုင်းအိမ်ရှေ့မင်းသား မဟာဝိဇိယလောင်ကွန်ကိုယ်တိုင် မကြာမကြာ မောင်းနှင်လေ့ရှိသော ဘိုးရင်း-၇၃၇အမျိုးအစား လေယာဉ်အားမြူးနစ် လေဆိပ်တွင်ချိပ်ပိတ်ထားလိုက်ပြီး လေယာဉ်တံခါးများကို ဖွင့်ခွင့်မပြု၊ လေဆိပ်မှလည်း ထွက်ခွာခွင့်မပြုဟု စောစောပိုင်း သတင်းများကဆို သည်။
Walter Bauဆောက်လုပ်ရေး ကုမ္ပဏီဒေ၀ါလီခံရေး ကြီးကြပ်ဆောင် ရွက်ပေးသူ ၀ါနာရှနိုက်ဒါက ထိုင်းအစိုးရ သည် ၎င်းတို့ပေးရန်ရှိသော ငွေကို ထပ်တလဲလဲ ငြင်းဆန်နေသဖြင့် ယခုကဲ့သို့ လေယာဉ် အား သိမ်းဆည်းလိုက်ရခြင်းဖြစ်သည်ဟုဆိုသည်။
"ကျွန်တော်တို့ တရားဝင်ရသင့် ရထိုက်တဲ့ငွေ ဒေါ်လာ ၄၂ သန်းကျော် ရဖို့ ကျွန်တော် တို့ကြိုးပမ်းနေခဲ့တာ နှစ်ပေါင်းများစွာကြာခဲ့ပြီ။ ဒါပေမယ့် မရခဲ့လို့ အခုလို အကြမ်းနည်းသုံးလိုက် ရတာပဲ"ဟု ၎င်းကဆိုသည်။
ဤ အငြင်းပွားမှုကိစ္စမှာ နှစ်ပေါင်း ၂၀ ကျော် ကြာခဲ့ပြီ။ ထိုအချိန်က ဘန်ကောက်မြို့နှင့် ဒွန်မောင်းလေဆိပ် ဆက်သွယ်သည့် အမြန် လမ်းမကြီး ဆောက်လုပ်နေသော DYWIDAG ကုမ္ပဏီ (၂၀၀၁ ခုနှစ်တွင် Walter Bau ကုမ္ပဏီနှင့် ပူးပေါင်းလိုက်သည်) နှင့် ထိုင်း အစိုးရအကြား အငြင်းပွားခဲ့သည်။
ထိုင်းအစိုးရက ကန်ထရိုက်စာချုပ်ပါ စည်းကမ်းချက်များကို ချိုးဖောက်ခဲ့ရာ ၂၀၀၇ တွင် Walter Bau ကုမ္ပဏီမှာ ကြွေးမဆပ်နိုင်ဘဲ ဒေ၀ါလီခံခဲ့ရသည်။ "ဒီ အိမ်ရှေ့မင်းသားက မြူးနစ်မြို့ကို ပုံမှန် လာရောက် လည်ပတ်လေ့ရှိပါ တယ်။ အခု သူ မြူးနစ်မြို့ ဟိုတယ် တစ်ခု ခုမှာရှိနေမှာပါ"ဟု ဂျာမနီတောင်ပိုင်း လေဆိပ်ပြောခွင့်ရသူက ပြောသည်။
ထိုင်းအိမ်ရှေ့မင်းသားလေယာဉ်အား ဖမ်းဆီးထားခြင်း ကိစ္စနှင့်ပတ်သက်၍ဆွေးနွေးပြောဆိုရန် ထိုင်းနိုင်ငံခြားရေး ၀န်ကြီးသည် ၁၅ ရက်နေ့တွင် ဘာလင် မြို့သို့ ထွက်ခွာသွားသည်။ ထိုင်းနိုင်ငံခြားရေးဝန်ကြီး ကဆစ် ပီရိုမြသည် ဂျာမနီ လက်ထောက် နိုင်ငံခြားရေး ဝန်ကြီး ကော်နဲလီယာပိုင်း ပါနှင့် တွေ့ဆုံခဲ့သည်။
ဂျာမနီနိုင်ငံခြား ရေးဝန်ကြီး ဂွီဒိုဝက်စတာဝဲသည် လောလောဆယ် မက္ကဆီကိုသို့ အလည် အပတ်ရောက်ရှိနေသည်။ သို့သော် ထိုင်း နိုင်ငံခြားရေးဝန်ကြီး ရောက်မလာခင်၎င်းက ပြောကြားရာ၌ဤကိစ္စကို ဂျာမနီအစိုးရအနေဖြင့် ဝေဖန်ပြောကြားခြင်းမပြုနိုင်ကြောင်း၊ အကြောင်းမှာ တရားရေးဆိုင်ရာ အာဏာပိုင်များ၏ လွတ်လပ်ခွင့်ကို ကျွန်ုပ်တို့ လေးစားရ မည်ဖြစ်ကြောင်း ၀န်ကြီးကပြောသည်။
ဂျာမနီ လက်ထောက်နိုင်ငံခြားရေး ၀န်ကြီးကမူ လေယာဉ်သိမ်းမှုကြောင့် ထိုင်းအိမ်ရှေ့မင်းသား၏ ခရီးစဉ် ကသိကအောက်ဖြစ်ခဲ့ရ သည့်အတွက် စိတ် မကောင်းဖြစ်ရပါသည်ဟု ဆိုခဲ့သည်။ ထိုင်းနိုင်ငံခြားရေးဝန်ကြီးက ဘန်ကောက် လေဆိပ်တွင်ပြောကြားရာ၌ ဤလုပ်ရပ် သည် တရားရေးလမ်းကြောင်းအရ ကြီးကျယ်သော အမှားကြီးတစ်ခုဖြစ် သည်ဟု ပြောသည်။
ထိုင်းနိုင်ငံတွင် ဘုရင်နှင့်မိသားစုကိုထိုင်းတို့ကအလွန်ကြည်ညိုလေးစားမှုရှိကြသည်။ထိုင်းနိုင်ငံခြားရေးဝန်ကြီးကဆစ်ကဘန်ကောက် လေဆိပ်၌ ပြောကြားရာ တွင် "ဂျာမနီတရားရုံးက လေယာဉ် သိမ်းဆီးမှုကိစ္စ အမြန် ဆောင်ရွက်သင့် တယ်။ ဒီကိစ္စကြာသွားရင် ထိုင်း လူထုတွေက ဂျာမန်လူထုတွေအပေါ် ငြိုငြင်မှုတွေဖြစ်လာနိုင်တယ်။ဘာကြောင့်လဲဆိုတော့ သူတို့လေးစားကြည်ညိုတဲ့ထိုင်းဦးသျှောင် မိသားစုနဲ့သက်ဆိုင်နေ လို့ပါပဲ"ဟု ဆိုသည်။

၂၀၃၀ ခုနှစ် ပင်လယ် ရေအောက် ရောက်တော့မည့် ဘန်ကောက်မြို့

တစ်နေ့ထက် တစ်နေ့ ဘန်ကောက်မြို့ကြီး ရေအောက် ရောက်ဖို့ ရှိလာသည်။ အဆိုးမြင်ပညာရှင် အများစုက ၂၀၃၀ ခုနှစ်တွင် ထိုင်းနိုင်ငံရဲ့ မြို့တော် အစိတ်အပိုင်းအချို့
ပင်လယ်ရေအောက် နစ်မြှုပ်သွားဖွယ် ရှိသည်ဟု အပြတ်ဟောကိန်းထုတ်နေကြသည်။ ကျွမ်းကျင်သူများက ဖြစ်လာမယ့် ဘေးအန္တရာယ်ဆိုးကို ကာကွယ်ဖို့ မည်သည့်ပေါ်လစီမှ ပြင်ဆင်မှုမရှိသေးသည့်အတွက် အစိုးရကို အပြစ်တင်နေကြသည်။
ကျရောက်မည့် သဘာဝဘေးအန္တရာယ်ကပ်ဆိုးကြီးက၊ ပြည်ပြေး သက်ဆင်ရဲ့ နှမလေး၊  ဇူလိုင် ၃ ရက်နေ့မှာ ရွေးကောက်ပွဲအနိုင်ရရှိခဲ့တဲ့ ခွန်ယင်လပ် အစိုးရသစ်အတွက် စိန်ခေါ်မှုတွေ ဖြစ်လာမည်။ ကလေးတစ်ယောက် လက်ပ်တော့ ကွန်ပျူတာတစ်လုံး ပေးမယ့် ခွန်ယင်လပ် အတွက်၊ ဘန်ကောက် ရေအောက်မရောက်အောင်  ကြိုတင်လုပ်ဖို့က အဓိက အရေးပေါ်တာဝန် ဖြစ်လာမည်။
ရာသီဥတု ပြောင်းလဲမှု၊ ပင်လယ်ရေ မြင့်တက်မှု၊ ပင်လယ်ကမ်းရိုးတမ်းများ တိုက်စားပြိုကျမှု စတဲ့ ပေါင်းစု ပျက်စီးမှုများကြောင့် ကျောက်ဖရား မြစ်ဝကျွန်းပေါ်ရှိ ဘန်ကောက်မြို့ကြီးရဲ့ နိဂုံးကံကြမ္မာမှာ မတွေးဝံ့စရာ ဖြစ်သည်။
အယုဒ္ဓယမြို့တော် မြန်မာများရဲ့ ဖျက်ဆီးခံရပြီးနောက်၊ ၁၇၈၂ ခုနှစ် ဧပြီ ၂၁ ရက်နေ့တွင် ချာကရီမင်းဆက်က ဘန်ကောက်မြို့တော်ကို စတင်တည်ထောင်အုပ်စိုးခဲ့သည်မှာ ယနေ့ထိတိုင် ဖြစ်သည်။
မိုးမျှော်တိုက်ကြီးများ ထိုးထိုးထောင်ထာင် ၀ိုင်းပတ်ထားသည့် ဘန်ကောက်မြို့တွင် လက်ရှိ လူ ၁၀ သန်းကျော် နေထိုင်လျက်ရှိသည်။ တစ်နှစ်ထက်တစ်နှစ် အပေါ်ယံမြေဆီလွှာ ၁.၅ မှ ၅.၃ စင်တီမီတာ လျော့ပါးကျဆင်းလျက် ရှိပြီး၊ လူအများအပြားနေထိုင်သည့် နေရာများကို ပင်လယ်ရေ လွှမ်းသွားဖို့ ရှိနေသည်။

တက်လာမည့် ပင်လယ်ရေက အဆောက်အဦ အိမ်ခြေ ၁ သန်းကျော်ကို အနှေးနှင့် အမြန် အန္တရာယ်ပေးမည့် အနေအထား ရှိသည်။ ဘန်ကောက်မှ ၁၅ ကီလိုမီတာဝေးသော ဆာမောင့် ဖရာခန် ဆိပ်ကမ်း ရပ်ကွက်ကြီးရှိ လူနေအိမ်များမှာ နှစ်စဉ် မြစ်ရေလွှမ်းမှုခံနေရသည်။
ကမ္ဘာ့ဘဏ်နှင့် အာရှဖွံ့ဖြိုးရေးဘဏ် တို့မှ ထုတ်တဲ့ ရီပို့များတွင် ရာသီဥတု အပြောင်းအလဲကြောင့် ဘေးအန္တရာယ်ကျရောက်မည့် ကမ္ဘာ့မြို့ကြီးများစာရင်းမှာ ဘန်ကောက်က ထိပ်ဆုံးက ပြေးနေသည်။ ဘန်ကောက်မှ ကမ္ဘာ့ဘဏ်အရာရှိ Jan Bojo က 'ဘန်ကောက် ရေနစ်တော့မည့် အဓိကအကြောင်း တစ်ခုမှာ မြေအောက်ရေများကို အလွဲသုံး စုတ်ထုတ်ခြင်းကြောင့် ဖြစ်သည်' ဟု ဆိုသည်။
လာမယ့် နှစ်အနည်းငယ်အတွင်း အခြေအနေဆိုးဆိုက်ဖွယ် ရှိမရှိဆိုသည်ကို ပညာရှင်များကြား အငြင်းအခုန် ဖြစ်နေကြသည်။ သို့သော် သေချာတာက '၂၁၀၀ ခုနှစ်တွင် ဘန်ကောက်သည် အတ္တလန်တစ် အသစ် ဖြစ်သွားတော့မည်' ဟု ပညာရှင်အားလုံးက သဘောတူသလောက် ရှိသည်။
အကယ်၍ မည်သည့် တင်ကြိုပြင်ဆင် ဆောင်ရွက်မှုမှ မလုပ်ခဲ့ရင်တော့၊ ၂၀၃၀ ခုနှစ်မှာတင် ဘန်ကောက် ကိစ္စတုံးသွားနိုင်သည်ဟု ထိုင်းနိုင်ငံ သဘာဝ ဘေးအန္တရာယ် ကြိုတင်ကာကွယ်ရေး ဌာန အကြီးအကဲ Smith Dharmasaroja ခန့်မှန်းထားသည်။
တစ်ခုထဲသော ဖြေရှင်းနည်းမှာ ကြီးမားသော ပင်လယ်ရေကာ တံတိုင်းကြီးများ ကမ်းခြေတလျှောက် တည်ဆောက်ဖို့ ဖြစ်သည်။ ၄င်း ပရော့ဂျက်အတွက် ယူရို ၂ ဘီလီယံခန့် ကုန်ကျမည်ဟု ဆိုသည်။
သို့သော် အရှေ့တောင်အာရှ ပင်လယ်ရေကြောင်းပညာရှင် Anond Snidyongs က 'ပင်လယ်ရေကာ တံတိုင်းကြီးများ တည်ဆောက်မှုကလည်း အသုံးမ၀င်နိုင်ကြောင်း၊ တစ်နှစ်ထက်တစ်နှစ် ပင်လယ် ကမ်းရိုးတမ်း တိုက်စားခံရမှု များလာတာကြောင့် ကာကွယ်ဖို့ ကြိုစားလည်း မရတော့ကြောင်း၊ စကတည်းက ဘန်ကောက်ကို ရွှံ့မြေပေါ်တည်ထားတာဖြစ်ပြီး၊ မြို့က ပင်လယ်ရေ အထက် ၁.၅ မီတာ အမြင့်သာရှိကြောင်း' မျှော်လင့်ချက်မဲ့ စကားကို ပြောဆိုသည်။
ဘန်ကောက်၏ အနာဂတ်မှာ အနှေးနှင့် အမြန် အတ္တလန်တစ်ပင်လယ်သစ် ဖြစ်ဖို့သာရှိကြောင်း ပညာရှင်များ ရင်ထိတ်နေကြသည်။
မောက္ခ နိုင်ငံတကာသတင်း
Source: Reuters & Time

နျူကလီးယား လျှို့ဝှက်ချက်များအတွက် မြောက်ကိုရီးယားက ပါကစ္စတန်ကို လာဘ်ပေးခဲ့

(အေအက်ဖ်ပီ)
ကိုကို ဘာသာပြန်သည်။
အတွဲ ၂၇ ၊ အမှတ် ၅၂၆ ( ၁၅ - ၂၁ ၊ ၇ ၊ ၂၀၁၁)

ဝါရှင်တန်- မြောက်ကိုရီးယားနိုင်ငံ သည် နျူကလီးယားလျှို့ဝှက်ချက်များရရန် ၁၉၉၀ ပြည့်လွန်နှစ်များက ပါကစ္စတန်အထက်တန်း စစ်အရာရှိ များအား လာဘ်ထိုးခဲ့သည်ဟု ပါကစ္စတန် နျူကလီးယား လက်နက်အစီအစဉ် ဗိသုကာဖြစ်သူ နျူကလီးယား သိပ္ပံပညာ ရှင်က ဖွင့်ချလိုက်သည်ဟု ၀ါရှင်တန် ပို့စ် သတင်းစာက ဇူလိုင်လ ၆ ရက် နေ့တွင် ဖော်ပြသည်။
နျူကလီးယား သိပ္ပံပညာရှင် အဗ္ဗဒူ ကာဒီးခန် ထုတ်ပေးသော စာရွက် စာတမ်းများအရ နျူကလီးယား နည်း ပညာလျှို့ဝှက်ချက်များ ကို မြောက်ကိုရီး ယားသို့ လက်လွှဲပေးရန် သဘောတူ ခွင့်ပြုရေးအတွက် ပါကစ္စတန် အထက်တန်း စစ်ဘက်ပုဂ္ဂိုလ်များအား ဒေါ်လာ သုံးသန်း လွှဲပြောင်းပေးရာတွင် ခန်က ကူညီခဲ့ရသည်ဟုဆိုသည်။
၁၉၉၈ ခုနှစ်တွင် မြောက်ကိုရီးယား က အဗ္ဗဒူခန်ကို ပေးခဲ့သောစာ မိတ္တူကို ခန်က ဗြိတိသျှသတင်းစာ ဆရာဟောင်း ဆိုင်မွန် ဟန်ဒါ ဆင်အား ပေးခဲ့ရာ ဟန်ဒါဆင်က ၀ါရှင်တန်ပို့စ်သို့ သတင်း မျှဝေခဲ့ခြင်းဖြစ်သည်။ ထိုစာတွင် လာဘ်ငွေပေးချေမှု အသေးစိတ် အချက် အလက်များ ပါဝင် သည်ဟုဆိုသည်။ အဗ္ဗဒူခန် ဖွင့်ချ လိုက်သော စာကို ပါကစ္စတန် အရာရှိ များက အတုအယောင် လုပ်ကြံဖန်တီး မှုသာဖြစ်သည်ဟု ငြင်းဆိုသော်လည်း အနောက်ကမ္ဘာမှ ထောက်လှမ်းရေး ကျွမ်းကျင်သူ အရာရှိများကမူ အစစ်အမှန်ဟု ယုံကြည်ကြ ကြောင်း ၀ါရှင်တန် ပို့စ်က ပြောသည်။
ပါကစ္စတန်နိုင်ငံကို မွတ်စလင်ကမ္ဘာတွင် ပထမဆုံးနျူကလီးယားလက်နက်ပိုင်ရှင်ဖြစ်လာအောင်ဖန်တီးပေးခဲ့သူဖြစ်သဖြင့် အမျိုးသား သူရဲကောင်းအဖြစ် တစ်နိုင်ငံလုံးက တန်ဖိုးထားချီးမြှောက်ခြင်းခံရသူ အဗ္ဗဒူကာဒီးခန်သည် ပါကစ္စတန်စစ်ဘက်နှင့်အစိုးရပိုင်းမှပုဂ္ဂိုလ် များနှင့် ကာလကြာမြင့်စွာကပင် မသင့်မတင့် သဘောကွဲနေခဲ့သည်။
အစိုးရနှင့် စစ်ဘက်အရာရှိများက ခန်တစ်ဦးတည်း ရောင်းစားခဲ့ခြင်းဖြစ် သည်ဟု ပြောသည်။ အဗ္ဗဒူခန်သည် ၂၀၀၄ ခုနှစ်က နိုင်ငံ ရုပ်သံမှနေ၍ မိမိသည် မြောက်ကိုရီး ယား၊ အီရန်နှင့် လစ်ဗျားနိုင်ငံတို့ထံ အဏုမြူဆိုင်ရာ လျှို့ဝှက်ချက်များကို ပေးခဲ့ကြောင်းဝန်ခံ ခဲ့ပြီးမှ နောက်ပိုင်း တွင် သူ့စကားကို ပြန်ရုပ်သိမ်းခဲ့သည်။ ခန်ကို နေအိမ်အကျယ်ချုပ်ဖြင့် ထားခဲ့ ရာ ၂၀၀၉ ခုနှစ်တွင် ပြန်၍ သွားလာ ခွင့်ပြုလိုက်သော်လည်း သိုသိုသိပ်သိပ် နေရန် သတိပေးထားသည်။
ယခု ဖွင့်ချလိုက်သောစာတွင် ၁၉၉၈ ခုနှစ်၊ဇူလိုင်လ ၁၅ ရက်နေ့ရက်စွဲတပ်ထားပြီး မြောက်ကိုရီးယားအလုပ်သမားပါတီအတွင်းရေးမှူး ဂျွန်ဗြုံးဟိုက လက်မှတ် ရေးထိုးထားသည်။ ဒေါ်လာသုံးသန်းကို ပါကစ္စတန် စစ်ဘက်အရာရှိ တစ်ဦးအား ပေးရပြီး နောက်တစ်ဦးကို ဒေါ်လာ ငါးသိန်းနှင့် ကျောက်မျက်ရတနာအချို့ ပေးရသည်ဟု စာတွင်ဖော်ပြထားသည်။
ဒေါ်လာသုံးသန်းလက်ခံယူသူမှာ ယခင်စစ်တပ်အကြီးအကဲဟောင်း ဂျလင်ဂါ- ကရမတ်ဖြစ်ပြီး ဒေါ်လာငါးသိန်းနှင့် ရတနာများလက်ခံ ယူသူမှာ ဒုတိယ ဗိုလ်ချုပ်ကြီး ဇူဖီဂါခန် ဖြစ်သည်ဟု ပါရှိရာ နှစ်ဦးစလုံးက ဤစာမှာ အတု အယောင်သာဖြစ်သည်ဟု ငြင်းဆို သည်။ ၀ါရှင်တန်ပို့မှယခုသတင်းကြောင့် ပါကစ္စတန်နိုင်ငံနျူကလီးယားလက်နက်တိုက်၏ လုံခြုံမှုအတွက် စိတ်ပူနေသော'ကန်'နှင့် ပါကစ္စတန် နိုင်ငံတို့အကြား ရှိနေ သော တင်းမာမှုမှာ ပိုမို ဆိုးရွားသွားစေ နိုင်သည်ဟု ယူဆရသည်။
အစ္စလမ္မာဘတ်မြို့အနီး ခြံဝင်းကြီး တွင် နှစ်ပေါင်းများစွာ နေထိုင်လာခဲ့ သော အယ်လ်ကေဒါခေါင်းဆောင် အိုစမာဘင်လာဒင်ကို အမေရိကန် ကွန်မန်ဒိုများက ၀င်ရောက်စီးနင်း သတ်ဖြတ်ခဲ့ပြီးနောက် အကြမ်းဖက် နှိမ်နင်းရေးမဟာမိတ်နှစ်ဦး ဖြစ်သော အမေရိ ကန်နှင့် ပါကစ္စတန်အကြား ကွဲလွဲမှုများ ကြီးမားလာခဲ့သည်။

၃ စီးမြောက် ထိုင်းစစ်ရဟတ်ယာဉ် ပျက်ကျ

ထိုင်း၊ မြန်မာ နယ်စပ်နားမှာ ထိုင်းစစ်ရဟတ်ယာဉ်တစီး ဒီကနေ့ ပျက်ကျခဲ့လို့ ထိုင်းစစ်သား ၃ ဦး သေဆုံးပြီး တဦး ဒဏ်ရာရခဲ့တယ်လို့ ထိုင်းအရာရှိတွေက ပြောပါတယ်။ အခုတလော ထိုင်း၊ မြန်မာ နယ်စပ်နားမှာပဲ ထိုင်းစစ်ရဟတ်ယာဉ်တွေ ပျက်ကျတာ ၃ စီး ရှိသွားပါပြီ။
ပြီးခဲ့တဲ့ အင်္ဂါနေ့က ပျက်ကျခဲ့တဲ့ ရဟတ်ယာဉ်မှာ ပါသွားသူတွေရဲ့ အလောင်းတွေကို သယ်ဆောင်ဖို့ ထပ်သွားတဲ့တစီး ဒီကနေ့ ပျက်ကျတာပါ။ အဲဒီရဟတ်ယာဉ်ပေါ်မှာ စစ်ရဟတ်ယာဉ်မှူး ၂ ဦးနဲ့ စက်ပြင် ၂ ဦး ပါသွားပြီး တဦးပဲ အသက်ရှင်တယ်လို့ ဆိုပါတယ်။ ဒါနဲ့ပါဆိုရင် ပျက်ကျခဲ့တဲ့ ရဟတ်ယာဉ် ၃ စီးမှာ ပါဝင်ခဲ့သူတွေ သေဆုံးတာ ၁၇ ဦး ရှိသွားပါပြီ။
ဒီကနေ့ပျက်ကျတာက Bell 212 အမျိုးအစား စစ်ရဟတ်ယာဉ် ဖြစ်ပါတယ်။ ထိုင်း၊ မြန်မာ နယ်စပ်အနီးက ထိုင်းဘေးမဲ့ကြိုးဝိုင်း သစ်တောအတွင်းမှာ မီးလောင်နေတဲ့ ရဟတ်ယာဉ်ရဲ့ ပုံကို ထိုင်းနိုင်ငံ ရုပ်မြင်သံကြားတွေမှာ ပြသခဲ့ပါတယ်။ ဒီကနေ့ ပျက်ကျခဲ့တဲ့ အချိန်မှာ ရာသီဥတုက ပုံမှန်အခြေအနေပဲလို့ ဆိုပါတယ်။
ပြီးခဲ့တဲ့ ဇူလိုင်လ ၁၆ ရက်နေ့တုန်းက ပျက်ကျခဲ့တဲ့ စစ်ရဟတ်ယာဉ်မှာ ထိုင်းစစ်သား ၅ ဦး သေဆုံးခဲ့ပြီး အဲဒီလူတွေရဲ့ အလောင်းတွေကို သယ်ဖို့သွားတဲ့ နောက်ရဟတ်ယာဉ် တစီးက ပြီးခဲ့တဲ့ အင်္ဂါနေ့မှာ တခါပျက်ကျတော့ အဲဒီမှာ ထိုင်းစစ်သား ၈ ဦးနဲ့ ရုပ်မြင်သံကြား ကင်မရာသမားတဦး သေဆုံးခဲ့ပါတယ်။

---

၂၀၂၂ ခုနှစ်တွင် နျူကလီးယား စွမ်းအင်စက်ရုံများ အားလုံး ပိတ်သိမ်းရန် ဂျာမနီ စီစဉ် ဘာလင်-May 30, 2011 ဂျာမန်အစိုးရသည် အစိုးရအဖွဲ့အတွင်း ၁၂ နာရီအကြာ ဆွေးနွေးပြီးနောက် ဂျာမနီ နိုင်ငံတွင်းရှိ နျူကလီးယား စွမ်းအင်စက်ရုံ (၁၇) ရုံးစလုံးအား လာမည့် ၂၀၂၂ ခုနှစ်တွင် အပြီးတိုင် ပိတ်သိမ်းရန် စီစဉ်နေကြောင်း မေလ ၃၀ ရက် တနင်္လာနေ့ နံနက်ပိုင်းက ကြေငြာခဲ့သည်။ သဘာဝပါဝန်းကျင် ထိန်းသိမ်းရေးဆိုင်ရာ ဝန်ကြီး Norbert Roettgen ကပြောကြားရာတွင် ဂျပန်နိုင်ငံ၏ ဖူကူရှိးမား အနုမြူ ဓါတ်ပေါင်းဖို ဘေးအန္တရယ် ကျရောက်ခဲ့သော မတ်လအတွင်းကပင် သက်တမ်းကြာနေပြီးဖြစ်သော နျူကလီးယား စွမ်းအင်စက်ရုံ (၇) ခုကို ရပ်တန့်ထားပြီး ဖြစ်ကာ ၎င်းတို့အနက် Kruemmel နျူကလီးယား စွမ်းအင်စက်ရုံ ကို အပြီးတိုင် ပိတ်သိမ်းလိုက်ပြီ ဖြစ်ကြောင်းသိရသည်။ ကျန် နျူကလီးယား စွမ်းအင်စက်ရုံ (၆) ခုကို လာမည့် ၂၀၂၁ ခုနှစ်တွင် ပိတ်သိမ်းသွားမည် ဖြစ်ပြီး နိုင်ငံ၏ အသုံးပြုသော စုစုပေါင်းစွမ်းအင် ပမာဏ၏ ၂၃ ရာခိုင်နှုန်းဖြစ်သော နျူကလီးယား စွမ်းအင်စက်ရုံများ ပိတ်သိမ်းပြီးနောက် ပေါ်ပေါက်လာနိုင်သော လျှပ်စစ်ဓါတ်အား ပြတ်တောက်မှုများအတွက် အရန်အဖြစ် နောက်ဆုံး တည်ဆောက်ထားသော စက်ရုံ (၃)ရုံကို ၂၀၂၂ ခုနှစ်အထိ လည်ပါတ်ထားမည်ဖြစ်ကြောင်း သိရသည်။ "အခုဆုံးဖြတ်လိုက်တဲ့ ဆုံးဖြတ်ချက်က တိကျပြတ်သားပြီး ခိုင်မာပါတယ်။ ဆုံးဖြတ်ချက်ကို ပြန်လည် ပြောင်းလဲစရာ အကြောင်းလည်း မရှိပါဘူး" ဟု သဘာဝပါဝန်းကျင် ထိန်းသိမ်းရေးဆိုင်ရာ ဝန်ကြီး Norbert Roettgen က ပြောကြားပါသည်။ ယခုဆုံးဖြတ်ချက်သည် ပြီးခဲ့သော နှစ်က ဂျမန်အစိုးရက ၂၀၃၅ ဟု သတ်မှတ်ခဲ့သည့် နျူကလီယား စွမ်းအင်စက်ရုံများ ပိတ်သိမ်းမည့် အချိန်ကို ရှေ့သို့တိုးကာ ၂၀၂၂ အဖြစ် ပြန်လည်ဆွေးနွေး ဆုံးဖြတ်ခဲ့ခြင်းဖြစ်ကြောင်း သိရသည်။ ၄၂ နှစ်လုံး​​လုံး​​ ဓာတ်ဆီ​​သောက်ခဲ့​​သည့်​​ တရုတ်နိုင်ငံမှ အမျိုး​​သား​​ကြီး​​ ဘယ်လောက်သောက်သောက် မမူးတဲ့ဓာတ်ဆီ© dailymail တရုတ်နိုင်ငံတွင် အသက် ၇၁ နှစ်အရွယ် အမျိုး​​သား​​ကြီး​​ တစ်ဦး​​သည် ၄၂ နှစ်လုံး​​လုံး​​ ဓာတ်ဆီကို စွဲလန်း​​စွာ ​​သောက်​​နေခဲ့​​​ကြောင်း​​ သိရှိရသည်။ ချန်ဒီဂျန်က အဆက်မပြတ် ​​ချောင်း​​ဆိုး​​ပြီး​​ ရင်ဘတ်တွင် နာကျင်မှု ​​ဝေဒနာ ခံစား​​ရခြင်း​​ကို ဓာတ်ဆီ​​သောက်ခြင်း​​ဖြင့်​​ ကုစား​​နိုင်မည်ဟု ယုံကြည်ရာမှ ယခုလို စွဲစွဲမြဲမြဲ ဓာတ်ဆီ​​သောက်​​နေခြင်း​​ဟု ​​ပြောကြား​​ခဲ့​​သည်။ ချန်သည် တစ်လလျင် ဓာတ်ဆီ ၃ လီတာမျှထိ ​​သောက်​​လေ့​​ရှိပြီး​​ ယခုအခါ ဓာတ်ဆီ စွဲ​​နေပြီဖြစ်သည်။ ချုံကင်း ​​တွင် ​​နေထိုင်သည့်​​ ချန်သည် ၁၉၆၉ ခုနှစ်မှ စတင်ပြီး​​ ဓာတ်ဆီ​​သောက်လာခြင်း​​ဖြစ်သည်။ အလွန် ပြင်း​​ပြင်း​​ထန်ထန် ​​ချောင်း​​ဆိုး​​ပြီး​​ မခံမရပ်နိုင်​​အောင် ရင်ဘတ် နာကျင်လာသည့်​​အတွက် ချန်က ယခုလို ဓာတ်ဆီ ​​သောက်ခဲ့​​ခြင်း​​ဖြစ်သည်။ ချုံကင်း​​ ည​​နေခင်း​​ သတင်း​​စာက ချန်၏ ထူး​​ဆန်း​​​သော အ​​လေ့​​အထကို ​​ဖော်ပြခဲ့​​ပြီး​​ ချန် စုစု​​ပေါင်း​​ ​​သောက်ခဲ့​​သည့်​​ ဓာတ်ဆီပမာဏသည် လီတာ​​ပေါင်း​​ ၁၅၀၀ မျှ ရှိ​​နေပြီဟု ခန့်​​မျန်း​​ ​​ဖော်ပြခဲ့​​သည်။ ချုံကင်း ​​ ​​ဆေး​​တက္ကသိုလ်မှ ​​ဒေါက်တာ ဖန်ဖူး​​က ချန်အား​​ ​​လေ့​​လာမှုများ​​ ပြုလုပ်ပြီး​​​နောက် ချန်၏ ခန္ဓာကိုယ်အတွင်း​​ ဓာတ်ဆီ၏ အဆိပ်အ​​တောက် ဖြစ်​​စေနိုင်​​သော အာနိသင်ကို ဟန့်​​တား​​​ပေး​​သည့်​​ ကိုယ်ခံစွမ်း​​ရည်တစ်မျိုး​​ ​​ပေါ်​​ပေါက်​​နေ​​ကြောင်း​​ ​​ပြောကြား​​ခဲ့​​သည်။ ထိုသို့​​ မဟုတ်ပါက ချန်အ​​နေနှင့်​​ အသက်ရှင်နိုင်ရန် မဖြစ်နိုင်​​တော့​​ဟုလည်း​​ ​​ဒေါက်တာဖန်က မှတ်ချက်ပြုသွား​​သည်။ ချန်က ဓာတ်ဆီ​​သောက်ခြင်း​​သည် ရင်ဘတ်နာကျင်မှုနှင့်​​ ပတ်သက်ပြီး​​ စိတ်​​ပြေ​​ပျောက်စရာ တစ်ခုတည်း​​​သော နည်း​​လမ်း​​ဟု ​​ပြောဆိုခဲ့​​​သော်လည်း​​ အမှန်တကယ် ​​ဝေဒနာ သက်သာ ​​ပျောက်ကင်း​​မှု မရှိ​​ကြောင်း​​ ဝန်ခံသွား​​သည်။ အ​​ပြေး​​ပြိုင်ပွဲဝင်​​ခွေး​​အား​​ ဗီယာဂရာ​​ဆေး​​ တိုက်​​ကျွေး​​ အပြေးပြိုင်ပွဲဝင်သော ခွေးများ​​© dailymail ဗြိတိန်နိုင်ငံမှ အ​​ပြေး​​ပြိုင်ပွဲဝင်​​ခွေး​​ ​​လေ့​​ကျင့်​​သူ တစ်ဦး​​သည် ​​ခွေး​​တစ်​​ကောင်အား​​ ဗီယာဂရာ ​​ဆေး​​ဝါး​​များ​​ တိုက်​​ကျွေး​​ခဲ့​​​​ကြောင်း​​ သိရသည်။ အဆိုပါ ​​ခွေး​​ဖက်မှ ​​လောင်း​​​​ ကြေး​​မထပ်ခင် လိင်စိတ်ကြွ​​စေသည့်​​ ​​ဆေး​​ဝါး​​များ​​ကို အသက် ၆၁ နှစ်ရှိ အန်တိုနီ ​​ဖောင်လာက တိုက်​​ကျွေး​​ခဲ့​​ခြင်း​​ဖြစ်သည်။ အစိုး​​ရ​​ရှေ့​​​​နေ ဂျွန်အယ်ဝုဒ်က ​​ခွေး​​များ​​အား​​ ရှုံး​​​​ စေချင်သည့်​​အခါ ​​ဆေး​​​​ခြောက်များ​​ ​​ကျွေး​​​​လေ့​​ရှိပြီး​​ နိုင်​​စေချင်သည့်​​အခါ ဗီယာဂရာနှင့်​​ အာနိသင် တူညီသည့်​​ စတီး​​ရွိုက် နန်ဒရိုလုန်း​​များ​​ ထိုး​​သွင်း​​​​ကြောင်း​​ ​​ပြောကြား​​ခဲ့​​သည်။ နန်ဒရိုလုန်း ​​သည် အဖိုဟိုမုန်း​​များ​​ကို တက်ကြွ ထက်သန်လာ​​စေသည်။ ​​လေ့​​လာမှုများ​​အရ ဗီယာဂရာသည် ခွေး​​များ​​၏ ​​သွေး​​​​ကြောများ​​ကို ပန့်​​ကား​​လာ​​စေတတ်ပြီး​​ ​​ဆေး​​​​ခြောက်ကမူ မူး​​ယစ်ထိုင်း​​မှိုင်း​​သွား​​​​စေ​​ကြောင်း​​ သိရှိခဲ့​​ရသည်။ ​​ဖောင်လာ၏ ​​ဆေး​​ဝါး​​သုံး​​စွဲပြီး​​ ​​ခွေး​​များ​​၏ ခန္ဓာကိုယ်အ​​ပေါ် အမျိုး​​မျိုး​​ သက်​​ရောက်​​စေမှုအား​​ ​​ဖော်ထုတ် ​​တွေ့​​ရှိပြီး​​​​နောက် ရဲများ​​က ဖမ်း​​ဆီး​​ခဲ့​​ခြင်း​​ဖြစ်သည်။ ​​ ဖောင်လာက ယခုလို လုပ်ရခြင်း​​မှာ တိရစ္ဆာန်​​ဆေး​​ကု ဆရာဝန် စရိတ်များ​​ ကြီး​​မြင့်​​လွန်း​​၍ဖြစ်​​ကြောင်း​​ ​​ပြောဆိုခဲ့​​သည်။ ၎င်း​​အား​​ ဇူလိုင် ၂၆ ရက်​​နေ့​​တွင် စီရင်ချက် ချမှတ်မည် ဖြစ်သည်။ သုတေသနပြုလုပ်နေသည့် လှေပေါ်သို့ ငါးမန်းဖြူ ခုန်တက်လာ (၁၀)ပေမျှ အရှည်ရှိသော အသားစား အန္တရာယ်ကောင်ကြီးသည် လှေပေါ်ရှိ ဓာတ်ဆီနှင့် ငါးစာ သိုလှောင်ခန်းထဲသို့ ဦးတည်ပြီး ခုန်တက်ခဲ့ခြင်းဖြစ် အာဖရိကတိုက် ကမ်းလွန်ရေပြင်တွင် အဏ္ဏ၀ါဗေဒဆိုင်ရာ သုတေသနပြု လေ့လာမှုများ ပြုလုပ်နေသည့် လှေတစ်စင်းပေါ်သို့ ငါးမန်းဖြူတစ်ကောင် ခုန်တက်လာခဲ့ကြောင်း သိရသည်။ (၁၀)ပေမျှ အရှည်ရှိသော အသားစား အန္တရာယ်ကောင်ကြီးသည် လှေပေါ်ရှိ ဓာတ်ဆီနှင့် ငါးစာ သိုလှောင်ခန်းထဲသို့ ဦးတည်ပြီး ခုန်တက်ခဲ့ခြင်းဖြစ်သည်။ လှေပေါ်အရောက် လူးလွန့် ရုန်းကန်နေသည့် ကီလိုဂရမ် (၅၀၀) အလေးချိန်ရှိသော ငါးမန်းကြီးကြောင့် ဓာတ်ဆီပိုက်လိုင်း အချို့ ပြတ်တောက်ခဲ့ရသည်။ ထိတ်လန့်နေသော သုတေသန ပညာရှင်များသည် ငါးမန်းကြီး အသက်ရှင်ရေးအတွက် ကြိုးစားခဲ့ကြပြီး ၎င်း၏ ပါးဟက်ပေါ်သို့ ရေများ လောင်းချခဲ့သလို သမုဒ္ဒရာထဲ ဆွဲချရန်လည်း အားထုတ်ခဲ့ကြသည်။ သို့သော်လည်း သိပ္ပံပညာရှင်များ၏ လုပ်ဆောင်ချက်များသည် အရာမထင် ဖြစ်နေခဲ့ရာ လှေကို ဆိပ်ကမ်းသို့ ပြန်လည် ခုတ်မောင်းလာရလေသည်။ ထို့နောက် ကရိန်းတစ်ခုဖြင့် ငါးမန်းကြီးအား ဆွဲတင်ကာ ရေထဲသို့ ချပေးလိုက်ရသည်။ သို့တိုင်အောင် ထိုငါးမန်းဖြူကြီးသည် ဆိပ်ကမ်းဧရိယာတ၀ိုက်တွင် မျက်စိလည်နေဟန်ရှိပြီး နောက်ထပ် နာရီဝက် အကြာတွင် ဆိပ်ကမ်းအနီး သောင်တင်လျက်ရှိသည်ကို လူအများ တွေ့ရှိခဲ့ရသည်။ ပြီးခဲ့သည့် သီတင်းပတ်ကုန်က ပညာရှင်များအား အကြီးအကျယ် အလုပ်ရှုပ်စေခဲ့သော ငါးမန်း၏ ဆူးတောင်နှင့် အမြီးတို့ကို ကြိုးများဖြင့် တုပ်ချည်ကာ သမုဒ္ဒရာ ရေနက်ပိုင်းသို့ ဆွဲယူသွားခဲ့ရသည်။ ထို့နောက်တွင်မှ ပြန်လွှတ်ပေးလိုက်သည့်အခါ ငါးမန်းဖြူကြီးသည် မြူးထူးပျော်ရွှင်စွာဖြင့် ကူးခတ်ထွက်ပြေး ပျောက်ကွယ်သွားကြောင်း သိရသည်။ သိပ္ပံပညာရှင် တစ်ဦးက ငါးမန်းများသည် အမြင်အာရုံ မကောင်းသဖြင့် လှေ၏ ပုံရိပ်ကို သားကောင်အဖြစ် အမြင်မှားတတ်သလို အခြားငါးမန်း တစ်ကောင်က လာရောက် နှောင့်ယှက်သည်ဟု ထင်မြင်တတ်ကြောင်း ရှင်းပြခဲ့သည်။ "တခြား ငါးမန်းတစ်ကောင် သူတို့နား ရောက်နေပြီလို့ ထင်တဲ့အခါ ငါးမန်းတွေဟာ ရေမျက်နှာပြင်ပေါ် တက်လာပြီး မီတာ တော်တော်များများထိ ရောက်သွားအောင် ခုန်ပေါက် ထွက်ပြေးတတ်ပါတယ်"ဟု ယင်း သိပ္ပံ ပညာရှင်က ပြောဆိုသွားသည်။ Source: DailyChilli

ကမ္ဘာ့အကြီးဆုံး နေရောင်ခြည် စွမ်းအင်သုံး သင်္ဘော သြစတေးလျ နိုင်ငံကို ဆိုက်ကပ် Brisbane-May 29, 2011 နေရောင်ခြည်စွမ်းအင် အသုံးပြု၍ ရေကြောင်းဖြင့် ကမ္ဘာပါတ်မည့် ခရီးစဉ်အဖြစ် Turanor PlanetSolar ဟု အမည်ရသော ကမ္ဘာ့အကြီးဆုံး နေရောင်ခြည် စွမ်းအင်သုံး သင်္ဘောသည် မနားမား တူးမြောင်းမှ စတင်ထွက်ခွာလာရာ ပစိဖိတ်သမုဒ္ဒရာကို ဖြတ်လျက် သြစတေးလျနိုင်ငံ Brisbane မြို့တော် သို့ မေလ ၂၉ ရက်နေ့က ဆိုက်ရောက်လာခဲ့သည်။ ကုန်းပါတ်ပေါ်တွင် ၅၀၀ စတုရန်းမီတာ အကျယ်ရှိ ဆိုလာပြားများ တပ်ဆင်ထားသော အာကာသယဉ် ဆန်ဆန် ဒီဇိုင်းမျိုးဖြင့် သဘောကျဖွယ်ရာ ဂျာမနီနိုင်ငံလုပ် Turanor PlanetSolar သင်္ဘောသည် ၃၁ မီတာ ရှည်လျားပြီး သြစတေးလျသို့ ရောက်ရှိရန် ၁၀ရက်ကြာ မောင်းနှင်ခဲ့ခြင်း ဖြစ်သည်။

(ရရှိသောမေးလ်ကိုထပ်မံဖေါ်ပြပါသည်)