ဧည့်စာရင်း ဟာ ပြည်သူကိုခတ်တဲ့ သံကြိုးလား ?
အောက်က သတင်းလေးကို ဖတ်လိုက်ရတော့ ကျနော် နေတဲ့ မြို့သစ်က ရပ်ကွက်ရုံးကို ပြေးသတိရမိတယ် ။ ကျနော်က အရင် က အင်းစိန်မှာနေတယ် ။ သန်ခေါင်စာရင်းနဲ့ နေတယ်ဆိုတော့ ဧည့်စာရင်း
တိုင်ကြားရတဲ့ ဒုက္ခကိုမသိဘူး ။ အဲ့ ဒီ မြို့သစ်ကိုရောက်တော့ ဧည့်စာရင်းတိုင်ရရော . . . အမယ် သူတို့က ဧည့်စာရင်းကို စာအုပ်နဲ့ဗျ ။ ကျနော်အရင်က မြင်ဖုးတဲ့ ဧည့်စာရင်းတွေက စာရွက်လေးနဲ့လေ ။
အခုက အိမ်ဌားပြီဆိုင် အိမ်ရှင် အိမ်ဌားချုပ်ထားတဲ့ စာချုပ် ကို ရပ်ကွက် အုပ်ချုပ်ရေးရုံးကို ယူလာပြရတယ် ။ သူတို့ က အဲ့ဒီစာချုပ်ကို ကြည့် ပြီး တံဆိပ်တုံးတွေ ဘာတွေထုပေးတယ်ပေါ့ ။ သူတို့ တံဆိပ်တုံး
ထုပေးမှ တရားဝင်ပါသတဲ့ ။ တံဆိပ်တုံး ထုခတော့ ၄၀၀၀ ပေးရတယ် ။ ဒါတင်မက ဧည့်စာရင်းစာအုပ်ခ ၅၀၀ ဆိုပြီးသပ်သပ်ပေးရတယ်ဗျ ။ အကုန်လုံးပေါင်းရင် ဧည့်စာရင်းစာအုပ်တစ်အုပ်ရဖို့ ပိုက်ဆံ အနည်း
ဆုံး ၅၀၀၀ လောက်ကုန်တယ် ။ ဒါက အစ ။
ဧည့်စာရင်းကိုတော့ တခါတိုင်ရင် ၁၅ ရက်စာလောက်ပေးတယ် ။ ဆိုးတော့မဆိုးဘူးလို့ ပြောရမှာပေါ့ ။ တချို့ ရပ်ကွက်တွေမှာ တပါတ်ဆယ်ရက်ပဲပေးတာကိုး ။ ကျနော်တို့ ရပ်ကွက်လေးက အဲ့ဒါတော့ကောင်းတယ် ။
ဒါပေမယ့် မကောင်းတာက ဧည့်စာရင်း တိုင်မဲ့ ရက်ကျော်သွားရင် တရက်ကို အုတ်နီခဲ၅ လုံးပေးရတယ်ဗျ ။ ကျနော်ဆို တခါက ခရီးသွားနေတော့ ဧည့်စာရင်းမတိုင်မိဘူး ။ တပါတ်လောက်ရက်ကျော်သွားတယ် ။
အုတ်ခဲ အလုံး လေးဆယ်လောက် လျှော်ပေးလိုက်ရပါရောလား ။ အဲ့ဒါ ဒဏ်ကြေးတဲ့ဗျာ ။ မရှိဆင်းရဲသားတွေ နေတဲ့ မြို့သစ်ပါဆိုမှ . . . အဲ့လိုကြီး တရက်ငါးလုံး ဆိုတွက်ကြည့်ဗျာ ။ အုတ်နီခဲက တလုံး ကို ကိုးဆယ်တရာ
ဆိုတော့ တလုံးတရာနဲ့ပဲတွက် ၁၀၀ × ၄၀ = ၄၀၀၀ ။ အဲ့ဒါ တပါတ်ရက်ကျော်လို့ လျှော်ရတာ ။ အဲ့ဒီလေးထောင်ဆိုတာ ကျနော်တို့ အိမ်နားက မိသားစုလေးတွေအတွက် ၂ရက်ဈေးဖိုးလောက်ရှိတယ်ဗျ ။ အဲ့လို ။
တကယ်လို့ ကျနော်သာ တလလောက်ခရီးသွားမယ်ဆိုရင် တွေးကြည့်ပေါ့ ။ တပါတ်ကိုလေးထောင် ဆိုတော့ တလ သောင်းခြောက်ထောင် . . . နင့်ရောပဲ ။ အဲ့ဒါမလျှော်နိုင်ရင် ဧည့်စာရင်းမပေးဘူးဗျ ။စဉ်းစားကြည့် ။
မပေးပဲနေပြန်ရင်လည်း ဧည့်စာရင်းစစ်ရင် အဖမ်းခံရမယ် . . . ရုံးကိုရောက်မယ် ။ တသောင်းလောက် လျှော်ရမယ် ။ ကဲ ဘယ်ဘက်က တွက်တွက် မချောင်လှဘူး ။ ကျနော်တွေးကြည့်မိတယ် ။ ငါတို့ ဘာအပြစ်တွေ
များလုပ်ထားလို့ ဒီလို သွားသွားအကြောင်းကြားနေရတာလဲ . . . ဧည့်စာရင်းမတိုင်တာ ရာဇ၀တ်မှု့လား . . . ကိုယ့်ဟာကိုယ်အေးဆေးမနေရဘူုးဗျာ ။ ညတစ်နာရီ နှစ်နာရီ အိမ်ထဲထိ ၀င်ပြီး ဧည့်စာရင်းစစ်တာတွေ့
ဖူးတယ် ။ ထားတော့ ထားတော့ ။
တခါကလည်း ကျနော့် အဖေအိမ်ရှိတဲ့ လှိုင်သာယာ ကိုအလည်သွားတာ . . . မိုးအရမ်းချုပ်သွားတော့ . . . အဖေက အိပ်ခိုင်းတာနဲ့ပဲ သူ့အိမ်မှာ အိပ်လိုက်တယ် ။ တရက်ထည်းဆိုတော့ အဖေလည်း ဧည့်
စာရင်းမတိုင်မိဘူးထင်ပါရဲ့ ။ ညကျတော့ ဧည့်စာရင်း စစ်ရောဗျို့ ။ ရဲတွေရော လူကြီးတွေရော မီးသတ်တွေရော အိမ်တံခါးတွေ ဖွင့်ခိုင်းပြီးစစ်တာ ။ အဲ့ဒါမှ ကျနော် ခွကျတော့တာပဲ ။ ကျနော့်လွယ်အိပ်ကသွား
လေရာပါတယ် . . . လွယ်အိပ်ထဲက ကဗျာစာအုပ်ထဲမှာလည်း ( အဲ့တုန်းကပေါ့လေ ) ဒီမိုကရေစီအကြောင်းရေးထားတဲ့ ကဗျာတွေ ၊ အစိုးရဝေဖန်ထားတဲ့ ကဗျာတွေ ဆောင်းပါးတွေ နဲ့ မိလို့ကတော့ ကျနော်မ
ချောင်ဘူး ။ ဆိုတော့ တအိမ်လုံးမှာ အလုံခြုံဆုံးနေရာဖြစ်တဲ့ အိမ်သာ ရဲ့ တခါးရွက်နောက်မှာ ပုန်းနေရတယ် ။ ခြင်ကကိုက် အနံ့ကနံ . . . ဒုက္ခ ဒုက္ခ ။ ဒါတောင် မီးသတ်ရဲဘော်ကြီးတွေ က အိမ်သာထဲကို ဓါတ်မီး
နဲ့ လှမ်းထိုးကြည့်နေလို့ ငြိမ်ကုတ်နေရသေးတယ် ။
ဖြစ်နိုင်ရင် . . . ဒီဧည့်စာရင်း ကိစ္စကြီးကိုဖျက်သိမ်းဖို့ကောင်းနေပြီ ။ အိမ်ထောင်စုတွေကို သန်းခေါင်စာရင်းထုတ်ပေးပေါ့ . . . ချက်ခြင်းတော့ မဖြစ်တာသေချာပါတယ်။ ပြီးတော့ ပြေး၎ပြေးကိစ္စတွေ နိုင်နင်းသွားရင်
တော့ ဒီဧည့်စာရင်း ထုံးတမ်းစဉ်လာကြီးကို ဖျက်သိမ်းရင်ကောင်းမယ် ။ အခုဟာက ပြည်သူလူုထု ကို သံကြိုးခတ်ထားသလို ဖြစ်နေတယ် ။ လွတ်တော်ကိုယ်စားလှယ်တွေ ဒီကိစ္စကို အဆိုတင်မဲ့ နေ့ကို ပဲ စောင့်မျှော်
ရင်း ၁၅ ရက်တခါ ဧည့်စာရင်းတိုင်နေရပါတော့တယ် ။
မာဃလုလင်
ဧည့်စာရင်းတိုင်ကြားရာတွင် ငွေကောက်ခံခြင်းမပြုရတော့
ဧည့်စာရင်း တိုင်ကြားရာတွင် ငွေကြေးကောက်ခံခြင်း မပြုရသော ဥပဒေကို နိုင်ငံတော်သမ္မတ သည် ဖေဖော်ဝါရီ ၂၄ရက်က လက်မှတ် ရေးထိုးအတည်ပြု ပြဌာန်းလိုက်ပြီဖြစ် ကြောင်း သိရသည်။
အဆိုပါဥပဒေကို ဖေဖော်ဝါရီ ၂၄ရက်က ထုတ်ပြန်လိုက်ပြီး ဥပဒေတွင် ပါသည့်အခန်း ၁၅ အထွေထွေ ပုဒ်မ ၃၃ တွင် ရပ်ကွက် ကျေးရွာများ၌ ဧည့်စာ ရင်းတိုင်ကြားရာတွင် ငွေကြေးတစ်စုံတစ် ရာကောက်ခံခြင်း မပြုရကြောင်း ယင်းဥ ပဒေပြဌာန်းချက်အရ သိရသည်။ ယခင်က ဧည့်စာရင်းတိုင်ကြား ရာတွင် အုပ်ချုပ်ရေးမှူးရုံးအဖွဲ့ ရန်ပုံငွေ အဖြစ်သော်လည်းကောင်း၊ စာရွက်စာ တမ်း ကြေးအဖြစ်သော် လည်းကောင်း ငွေ ကြေးကောက်ခံ မှုများ ရှိခဲ့ကြောင်းသိရသည်။
ယခင်က မြို့နယ်၊ ရပ်ကွက်၊ ကျေးရွာအုပ်စုအလိုက် ဧည့်စာရင်းတိုင် ကြားခဲ့ရာတွင် ကောက်ခံမှုငွေကြေးမှာ ကွဲ ပြားကြပြီး နေရာဒေသအပေါ် မူတည်၍ ဧည့်စာရင်းတစ်ခါ တိုင်ကြားလျှင် ကျပ် ၂၀ဝမှ ၅၀ဝအကြား ကောက်ခံနေမှုများ ရှိကြောင်း စုံစမ်းသိရသည်။ "အခုအချိန်ထိ ဧည့်စာရင်းတိုင် ရင် စာရွက်စာတမ်းကြေး၊ ရန်ပုံငွေဆိုပြီး တောင် ပြောပြီးမတောင်းတော့ဘူး။ စာ ရင်းသွင်းပြီးတာနဲ့ ၅၀၀ ကျတယ်ဆိုပြီး တော့ စာရေးတွေက တောင်းတော့တာပဲ" ဟု တောင်ဥက္ကလာပ နေ ဦးမျိုးဟိန်းက သူ အမြဲကြုံတွေ့နေရသည်ကို ပြောသည်။
ရပ်ကွက်၊ ကျေးရွာအုပ်စုအုပ် ချုပ်ရေးမှူးရုံးများအတွက် ရုံးအသုံးစရိတ် များ သုံးစွဲနိုင်ရန် နှစ်စဉ်ရသုံးမှန်းခြေငွေ စာရင်း၌ မြို့နယ်အလိုက် သင့်လျော်သည့် ရန်ပုံငွေပမာဏကို ခွဲဝေသတ်မှတ်လျာထား ရမည်ဖြစ်ကာ ရန်ပုံငွေကို ရပ်ကွက် သို့မဟုတ် ကျေးရွာအုပ်စု အုပ်ချုပ်ရေးမှူးက ညွှန်ကြား ချက်များနှင့်အညီ မြို့နယ်အုပ် ချုပ်ရေးမှူးထံသို့ တင်ပြတောင်းခံပြီး စနစ် တကျသုံးစွဲရမည်ဟု အခန်း ၁၃ ပုဒ်မ ၂၉၊ ၃ဝတွင် ဖော်ပြပါရှိသည်။
ရန်ကုန်တိုင်းမ်
No comments:
Post a Comment