---------- ယနေ့(၂-၂-၂၀၁၂)ညနေ-၅နာရီမှစတင်ကာ မျှော်စင်ကျွန်း HIV ရံပုံငွေ stage show ကျင်းပရာတေးဂီတအဖွဲ့ ၁၅ဖွဲ့နှင့်တေးသံရှင် ၁၀၀ကျော်ဖျော်ဖြေပေးကြသည်။ အထူးခြားဆုံးမှာ ၈၈မျိုးဆက် ကျောင်းသားခေါင်းဆောင် ကိုမင်းကိုနိုင်၊ ကိုကိုကြီး၊ ကိုမြအေးတို့အဖွဲ့ ရောက်လာပြီး ကိုမြအေး၏ အကျဉ်းထောင်အတွင်း ရေးစပ်ခဲ့သော သီချင်းရောင်း၇ငွေ တစ်သိန်းကို ဒေါက်တာတင်မျိုးဝင်း ထံလှုဒါန်းခြင်း၊ ကိုမင်းကိုနိုင်သူထောင်ကျစဉ် ရေးစပ်ခဲ့သော ကျွန်တော့် မေရီ သီချင်းကို ဂီတမှူး ကိုဝင်းမော်(ကိုမင်းကိုနိုင်တို့နှင့်အတူ အကျဉ်းထောင်မှလွတ်မြောက်လာသော ဂီတပညာရှင်) ၏ရွှေသံစဉ် အဖွဲ့နှင့် ဘော်ဘီကသီဆိုမည်ဖြစ်ကြောင်းပြောကြားရာ ပရိသတ်များမှ အလှူငွေများကို ထက်ထက်သန်သန်ပေးလှူကြသည်။ အလှူငွေ သုံးသိန်းကျော်ရရှိပြီး ကိုမင်းကိုနီုင်မှ ထိုငွေများကို ဒေါက်တာတင်မျိုးဝင်းမှတဆင့် HIVရန်ပုံငွေအဖြစ် လှူဒါန်းခဲ့ပြီး ဂီတမှူး ကိုဝင်းမော်၏ ရွှေသံစဉ် အဖွဲ့ကိုပရိသတ်နှင့် မိတ်ဆက်စကားပြောကြားပေးလိုက်ရာ ပရိသတ်မှ တခဲနက် အားပေးကြိုဆိုခဲ့ပါသည်။ ကိုဝင်းမော် အကျဉ်းထောင်မှ လွတ်မြောက်လာပြီးနောက် ရွှေသံစဉ် အဖွဲ့ အမည်ဖြင့် ပထမဆုံး ဖျော်ဖြေသောပွဲလည်းဖြစ်ပါသည်။ ရွှေသံစဉ် အဖွဲ့နှင့်အတူ ဆောင်ဦးလှိုင် ၊ရဲခေါင်ထွဋ်၊ (လွတ်မြောက်လာသောအကျဉ်းသား) မြတ်စံ (နိုင်ငံရေးအကျဉ်းသားဟောင်း)ဘော်ဘီ၊ ခိုင်မြဲသာ၊သံသာဝင်း၊နွဲ့ယဉ်ဝင်း၊ တို့ကဖျော်ဖြေကြပြီး Lazy club အဖွဲ့မှ ဂစ်တာသမား နိုင်ဇော်က ကူညီအားဖြည့် တီးခတ်ပေးခဲ့သည်။ ကိုနိုင်ဇော်သည် ၁၉၉၀ ပြည့်နှစ်လွန်ကာလများက ရွှေသံစဉ် နှင့်အတူ တီးခတ်ပေးသော ရွှေသံစဉ်၏ အဖွဲ့သားဟောင်းတစ်ဦးလည်းဖြစ်သည်။ လွတ်မြောက်လာသော ကိုဝင်းမော်ကိုဂုဏ်ပြုသောအားဖြင့် လာရောက် ကူညီ ပေးခြင်း ဖြစ်သည်ဟု ဆိုပါသည်။ ။
No comments:
Post a Comment