|
Posted: 19 Feb 2012 03:59 AM PST
နိုင်ငံတော် သံဃမဟာနာယက အဖွဲ့ (မဟန) ရဲ့ ဆုံးဖြတ်ချက်ကြောင့် ကျောင်းတိုက်ကနေ ထွက်ခွာပေးရ မယ့် ရွှေည၀ါ ဆရာတော်ဦးပညာသီဟ ရဲ့ နောက်ဆုံးနှုတ်ဆက်တရားပွဲ နဲ့  ပူဇော်ပွဲကို ဖေဖော်ဝါရီလ ၁၉ ရက်နေ့ တနင်္ဂနွေ နေ့ မနက် ၉ နာရီကနေ ၁၀ နာရီခွဲ အထိ ရန်ကုန်မြို့ ကြည့်မြင်တိုင်မြို့ နယ်ရှိ သာဓုကျောင်းတိုက်မှာ ကျင်းပခဲ့ပါတယ်။ ဒီနှုတ်ဆက်ပူဇော်ပွဲကို ဆရာတော်ကို လေးစားကြည်ညိုတဲ့ ဒကာ၊ ဒကာမတွေ၊ စာသင်သားရဟန်းတော်တွေ၊မယ်သီလရှင်တွေ၊နိုင်ငံရေး အကျဉ်းသားဟောင်းရဟန်းတွေ၊ ၈၈ မျိုးဆက်ကျောင်းသား ခေါင်းဆောင်တွေ၊ မျိုးဆက်သစ် လူငယ်ကျောင်းသား ခေါင်းဆောင်တွေနဲ့ နိုင်ငံရေးနဲ့ ဘာသာရေးအသိုင်းအ၀ိုင်းမှ ပရိတ်သတ်ထောင်ချီ တက်ရောက်ခဲ့ကြပါတယ်။အခမ်းအနားအတွင်းမှာ ရွှေည၀ါဆရာတော်က တရားချီးမြင့်ခဲ့ပြီး၊ ၈၈မျိုးဆက်ကျောင်းသား ခေါင်းဆောင် ကိုမင်းကိုနိုင်နဲ့ ကိုမင်းဇေယျ တို့ မှ နှုတ်ဆက်ဝမ်းနည်းစကား ပြောကြားခဲ့ပါတယ်။ ရွှေည၀ါဆရာတော်က အခုလို ကျောင်းတိုက်ကနေ ထွက်ခွာပေးဖို့ လိုက်လျောခဲ့ရတာဟာ လက်ရှိစာသင်သား သံဃာတော်တွေရဲ့ ပညာရေးကို မထိခိုက်စေလိုတာနဲ့ ၊လက်ရှိသွားနေတဲ့ နိုင်ငံရေး ဖြစ်စဉ်အပေါ်မှာထိပ်တိုက်တွေ့ ဆုံမှုတွေ မဖြစ်စေလိုတာ တွေကြောင့် ဖြစ်တယ်လို့့ ပြောကြားခဲ့ပါ တယ်။ဆရာသံဃာကို တပည့်ဒကာဒကာမတွေကသာ ပိုင်ဆိုင်ပြီး ဖိတ်ကြားသည့်သူ ရှိသည့်နေရာသို့ သွား ရောက်ခဲ့ရသည့် အပေါ်တွင် မဟန အဖွဲ့ ၏ ဆုံးဖြတ်ချက် မှာ တရားမျှတမှုမရှိကြောင်း ဆရာတော်က ပြောကြားခဲ့ပါတယ်။ ၈၈ မျိုးဆက်ကျောင်းသားခေါင်းဆောင်တွေကလည်း ဆရာတော်မှာထောင်သွင်း အကျဉ်းကျ ခံရဖူးပြီး မိမိတို့ လို နိုင်ငံရေးအကျဉ်းသားဟောင်း ဘ၀တူပင် ဖြစ်ကြောင်း၊ယခုလို အဖြစ်မျိုးထပ်မံကြုံတွေ့ ရသည့် အပေါ်တွင် ၀မ်းနည်းမိရကြောင်း ပြောကြားခဲ့ပါတယ်။ သာဓုကျောင်းတိုက်ကနေ ယနေ့ တနင်္ဂနွေ နေ့ မှာ ထွက်ခွာပေးရမယ့် ရွှေည၀ါ ဆရာတော်ဟာ မှော်ဘီ ရှိ ခြံဝန်းတခုမှာ ခေတ္တယာယီသွားရောက် သွားရောက် သီတင်းသုံးနေထိုင်မယ်လို့ သိရပါတယ်။  မှော်ဘီ ၀ါးကျောင်း ရောက် ရွှေည၀ါဆရာတော်(ရွှေညဝါဆရာတော်သည် ယနေ့ မွန်းလွဲ ၂ နာရီ ၅၀ မိနစ် ဝန်းကျင်ခန့်တွင် ခေတ္တ သီတင်းသုံးမည့် မှော်ဘီမြို့နယ် ဆီစက်မှတ်တိုင် အလွန် သဲအင်းဂူဆိုင်းဘုတ်မှ သုံးမိနစ်ခန့် ဝင်ရသည့် မြေနေရာသို့ ရောက်ရှိနေပြီ ဖြစ်ကြောင်း၊ အဆိုပါ နေရာတွင် ကြက်ခြံနှစ်ခြံနှင့် တဲငယ်တစ်လုံးသာ ရှိပြီး ယခုအခါ ဝါးဖြင့် ယာယီ ကျောင်းသင်္ဃန်း ဆောက်လုပ်ရန် ပြင်ဆင်နေကြကြောင်း၊ ဆရာတော်အား လိုက်လံပို့ဆောင်ကြသည့် သံဃာတော်များ၊ သီလရှင်များနှင့် လူပရိတ်သတ်မှာ ထုံးဖြူးထားသည့် ကြက်ခြံအတွင်း ဖျာကြမ်းများ ခင်း၍ နားနေကြကြောင်း (The Voice Weekly )Burma vj Media network  |
|
Posted: 19 Feb 2012 02:39 AM PST
 အရှင်ဂမ္ဘီရအား ဓမ္မစက်ဖြင့် မဆောာင်ရွက်တော့ဘဲ အာဏာစက်ဖြင့် ဆောင်ရွက်တော့မည့် ယနေ့ထုတ် မြန်မာ့အလင်းသတင်းစာပါ သတင်းကို ဖတ်ရှုနေသည့် ရွှေည၀ါဆရာတော် အရှင်ပညာသီဟကို သာဓုကျောင်းတိုက်မှ မထွက်ခွာမီ တွေ့ရစဉ်။အကျဉ်းထောင်မှ ပြန်လည်လွတ်မြောက်လာသည့် ဦးဂမ္ဘီရသည် ပြစ်မှုဆိုင်ရာ ဥပဒေများကို ချိုးဖောက်ရုံသာမက နိုင်ငံတော်အဆင့်ရှိ သံဃာ့အဖွဲ့အစည်းကိုပါ ထိပါးစော်ကားမှုများ ကျုးလွန်ခဲ့ကြောင်း၊ ဘာသာအကျိုး၊ သာသနာအကျိုးနှင့် သာသနာတော်သန့်ရှင်းရေးအလို့ငှာ ဓမ္မစက်ဖြင့် ဆောင်ရွက်ရန် မဖြစ်နိုင်တော့သည့်အတွက် အာဏာစက်ဖြင့် ဆောင်ရွက်ရမည် ဟူသော သတင်းခေါင်းစဉ်ဖြင့် ယနေ့ထုတ်အစိုးရပိုင်သတင်းစာတွင် ပါရှိခဲ့ခြင်းဖြစ်သည်။ ဦးဂမ္ဘီရအား ထိထိရောက်ရောက်အရေးယူဆောင်ရွက်သွား မည်ဖြစ်ကြောင်း ဖော်ပြထားသည်။ (ဓာတ်ပုံ-ဝေယံ) 7 days news journal   |
|
Posted: 18 Feb 2012 06:02 PM PST
 လှိုင်သာယာတိုင်ရီဖိနပ်သပိတ်ဝင် အလုပ်သမ မိန်းကလေးများနေထိုင်သည့် အဆောင်များကို ရေဖြတ်ထားသည်။(photo..Thuyamyo)သင့်မိတ်ဆွေအပေါ်မှာ ပြုတဲ့ မတရားမှုကို ကိုယ်နဲ့ မဆိုင်သလို လျစ်လျူပြုရင် အဲဒီမတရားမှုဟာ တနေ့မှာ သင့်အပေါ် ရောက်လာပါလိမ့်မယ်။ မတရားမှုတခုကို အောင်အောင်မြင်မြင် ကျူးလွန်ခွင့်ရသွားခဲ့သူဟာ အစွယ်ကို သွေးလူးသွားတဲ့ကျားလို မတရားမှုကို အကြိမ်ကြိမ်အခါခါ ကျူးလွန်ပါလိမ့်မယ်။ လူ့အဖွဲ့ အစည်းထဲက လူတယောက် အပေါ်မှာ အစိုးရကိုယ်တိုင်က ဒါမှမဟုတ် တခြားတစုံတယောက်က ကျူးလွန်တဲ့ မတရားမှုဟာ အဲဒီလူ့အဖွဲ့ အစည်းဝင် အားလုံးနဲ့ သက်ဆိုင်ပါတယ်။ မတရားမှုကို ကာကွယ်ဖို့ တိုက်ဖျက်ဖို့ဟာ လူတိုင်းမှာ တာဝန်ရှိပါတယ်။ အဲသလို တိုက်ဖျက်ဖို့ ပျက်ကွက်ခဲ့ရင် တခြားသူတွေ အပေါ်မှာပါ မတရားမှုကို ဆက်လက် ကျူးလွန်လာပါလိမ့်မယ်။ ဒါဟာ ဒီနေ့မှ သိရတဲ့ အသစ် အဆန်းမဟုတ်ဘူး။ သမိုင်းတလျောက်လုံးမှာ ကမ္ဘာတလွှား နိုင်ငံ အနှံ့အပြားမှာ အကြိမ်ကြိမ် ကြုံတွေ့ခဲ့ရဖူးတဲ့ သင်ခန်းစာပါ။ တိုင်ယီ ဘိနပ်စက်ရုံမှာ အလုပ်သမားတွေ လုပ်ခတိုးမြှင့်ရရှိရေး၊ အလုပ်သမား အခွင့်အရေး ရရှိရေး အတွက် တောင်းဆိုတိုက်ပွဲဝင်ကြ တာ အားလုံး အသိပါ။ တကယ်တော့ အထည်ချုပ်စက်ရုံ၊ ဘိနပ်ချုပ်စက်ရုံတွေဆိုတာဟာ မြန်မာနိုင်ငံကစက်ရုံတွေတင်မကပါဘူး။ ကမ္ဘာတလွှားမှာပါ လူ့အခွင့် အရေး အလုပ်သမား အခွင့်အရေးတွေ ချိုးဖောက်လွန်းကြတဲ့ အတွက် နာမည်ပျက်နဲ့ ကျော်ကြားကြပါတယ်။ ဥရောပ ကုမ္ပဏီကြီးတွေ ဖြစ်ကြတဲ့ GAP၊ Nike၊ Adidas တို့လို ကုမ္ပဏီကြီးတွေတောင်မှ အလုပ်သမားအခွင့်အရေး၊ လူ့အခွင့်အရေးတွေကို ချိုးဖောက်ကြလွန်းလို့ ကမ္ဘာတလွှားမှာ လူ့အခွင့်အရေး ဆောင်ရွက်သူ အလုပ်သမားအရေး ဆောင်ရွက်သူတွေက ဝိုင်းဝန်း ကန့်ကွက်ကြတာ၊ အလုပ်သမား တွေက ဆန္ဒပြတောင်းဆိုကြတာဟာ အကြိမ်ကြိမ်အခါခါပါ။ ဂါးဒီးယန်းတို့လို၊ ဘီဘီစီတို့လို ထိပ်တန်းမီဒီယာကြီးတွေထဲမှာလည်း အကြိမ်ကြိမ် အခါခါ ပါခဲ့ဖူးပါတယ်။ တရုတ်ကုမ္ပဏီတွေကတော့ အလုပ်သမားအခွင့်အရေး၊ လူ့အခွင့်အရေးကို ဖောက်ဖျက်ကြတဲ့ အထဲမှာ တခြားကုမ္ပဏီတွေထက် နာမည်ပိုပျက်ပါတယ်။ မြန်မာနိုင်ငံမှာလည်း အထည်ချုပ်စက်ရုံ၊ ဘိနပ်ချုပ်စက်ရုံတွေမှာ အလုပ်သမား အခွင့်အရေး၊ လူ့အခွင့်အရေး ချိုးဖောက်မှုတွေကြောင့် ပြဿနာတက်ကြတာဟာ အကြိမ်ကြိမ်ပါပဲ။ စက်ရုံတွေမှာ အိုဗာတိုင်ပေးရမှာကြောက်လို့ အခြေခံလစာကို မတန်တဆ လျော့ချထားကြတာကို အားလုံး အသိပါ။ ဈေးကွက်ပေါက်ဈေးအရ အခြေခံလစာသိပ်နည်းနေရင် အလုပ်သမားရှာမရမှာ စိုးတဲ့ အတွက် အခြေခံလစာအစား ခရီးစရိတ်၊ ရှားပါးစရိတ်၊ စားသောက်စရိတ်ဆိုတာမျိုးတွေနာမည်တပ်ပေးပြီး အခြေခံလစာကိုတော့ လျှော့ထားကြ ပါတယ်။ ဒီညစ်ကွက်ကလည်း လှိုင်သာယာမှာ လုပ်နေကျ ညစ်ကွက်ကြီးလိုလိုဖြစ်နေပါပြီ။ အလုပ်သမားတွေ အိမ်သာတက်ရင် အလုပ်ချိန်လျော့မှာ စိုးလို့ တနေ့ကို အိမ်သာ ဘယ်နှမိနစ်ပဲ တက်ရမယ်လို့ ကန့်သတ် ချုပ်ချယ်တာ လည်း အဲဒီစက်ရုံတွေပါပဲ။ ရေသောက်တာကို ဘယ်နှကြိမ်ထက် မပိုရလို့ ကန့်သတ်ချုပ်ချယ်တာလည်း ဒီစက်ရုံတွေပါပဲ။ အလုပ်သမားကို အလုပ်မပေးနိုင်လို့အားနေရင် သူတို့တာဝန်နဲ့ မဆိုင်တဲ့ ကြမ်းတိုက်မြက်နှုတ်ခိုင်းတာလည်း ဒီစက်ရုံတွေပါပဲ။ ဒီလုပ်ရပ်တွေဟာ အလုပ်သမားတွေကို လခပေးငှားရမ်းခိုင်းစေတာနဲ့တောင်မတူတော့ပဲ လခပေးပြီး ကျေးကျွန်ငှားရမ်းထားတာနဲ့တောင် တူနေပါတယ်။ အလုပ်ခွင် အခြေအနေတွေလည်း ကြည့်ကြဦး။ တော်တော်များများက သွပ်မိုးဂိုဒေါင်ကြီးတွေပုံစံမျိုး။ အင်မတန် ပူလောင်တဲ့ နိုင်ငံမှာ အလုပ်သမားတွေ ဘယ်လိုအလုပ်လုပ်နေရတယ်ဆိုတာ စာနာစဉ်းစားကြည့်ကြပါတော့။ အလုပ်လုပ်ရတဲ့ ရက်နဲ့ နာရီတွေကလည်း မတန်တဆ။ တလကို ၂၅ ရက် ၂၆ ရက် အလုပ်လုပ်ကြရတယ်။ ညနက်သန်းကောင် အလုပ်လုပ်ကြရတယ်။ ၁၈၈၆ ခုနှစ်ကတည်းက တနေ့အလုပ်လုပ်ချိန် ၈ နာရီထက် မကျော်လွန်ရေးကို အမေရိကန်ပြည်ထောင်စု ချီကာဂိုမှာ တောင်းဆိုတိုက်ပွဲဝင်ခဲ့ကြပေမဲ့ ကျနော်တို့ဆီမှာ အလုပ်သမားတွေဟာ သားနဲ့ အမိ၊ မောင်နဲ့ နှမ တွေ့ဆုံချိန်တောင်မရ လောက်အောင် အလုပ်ခွင်ရဲ့ လခစားကျွန်စနစ်ယန္တရားထဲမှာ ဘဝတွေကုန်လွန်နေကြရတုန်းပဲ ဖြစ်ပါတယ်။ ဒီကြားထဲမှာတချို့ စက်ရုံ မှာ အိုဗာတိုင် မဆင်းမနေရ သတ်မှတ်ချက်မျိုးရှိနေပြန်တယ်။ တချို့စက်ရုံတွေမှာ အလုပ်သမားတွေကို အမြဲတန်းလခစားဝန်ထမ်း အဖြစ် မခန့်ထားပဲ နေ့စား အဖြစ်ခန့်ထားပြီး၊ အချိန်ပို မဆင်းရင် အလုပ်ဖြုတ်မယ်ဆိုတဲ့ စည်းကမ်းချက်မျိုးသတ်မှတ်တယ်။ နေ့စား အလုပ်သမား အဖြစ် ခန့်ထားပြီး၊ ခွင့်ရက်ခံစားခွင့် မပေးဘဲ ထားတာမျိုးလည်းရှိတယ်။ ဒီလောက်ဆိုးဆိုးဝါးဝါး လူ့အခွင့်အရေးချိုးဖောက်တဲ့ကြားထဲမှာ နောက်ထပ် လဲရာကို သူခိုးထောင်းတဲ့ လုပ်ရပ်က တရုတ်နှစ်သစ်ကူးမှာ အလုပ်ရှင်က အလုပ်ပိတ်ပြီး အဲဒီပိတ်ရက်ကို လစာမပေးဘဲ ဖြတ်တောက်တဲ့ လုပ်ရပ်ဖြစ်ပါတယ်။ အလုပ်သမား ညွှန်ကြားရေးမှူးချုပ်ဆိုသူကရော ဘယ်ဘက်က ရပ်တည်ပါသလဲ။ ကျနော်တို့ တိုင်းပြည်က အစိုးရ အလုပ်သမားအဖွဲ့အ စည်းကိုယ်စားလှယ်တွေဟာ ခေတ်အဆက်ဆက်မှာ စစ်ထောက်လှမ်းရေး ကိုယ်စားလှယ် အဖြစ်သာရပ်တည်ခဲ့ပါတယ်။ ကျနော်ကိုယ်တိုင် စက်ရုံမှာ အလုပ်လုပ်ခဲ့စဉ်က အလုပ်သမားရုံးအရာရှိ်နဲ့ စကားပြောခဲ့ဖူးပြီး သူတို့သဘောထားကို ထင်ထင်ရှားရှား သိခဲ့ရဖူးတယ်။ ကျနော်က စက်ရုံရဲ့ စီမံခန့်ခွဲမှုအပိုင်းမှာ တာဝန်ယူရတဲ့ အတွက် အလုပ်ရှင်ရဲ့ ကိုယ်စားလှယ်လို့ သဘောထားပြီး အလုပ်သမားရုံးအရာရှိက သူ့ရပ်တည်ချက်ကို ရှင်းရှင်းလင်းလင်းပြောခဲ့ဖူးတယ်။ အလုပ်သမားတွေရဲ့ ဆန္ဒပြမှုတွေ ဖြစ်လာတိုင်းမှာ အလုပ်သမားတွေဘက်က ဘာလိုချင်သလဲ။ တယောက်ယောက်က တာဝန်ယူပြီး ထွက်ပြောလို့ သူတို့ကခိုင်းတယ်။ အဲဒီလူကို ခေါင်းဆောင်အဖြစ် သတ်မှတ်ပြီး အရေးယူတယ်။ ဖိနှိပ်တယ်၊ ဖြိုခွဲတယ်။ ခေါင်းဆောင်တဲ့သူမရှိဘူးဆိုတာ ဟုတ်ကိုမဟုတ်ဘူး၊ အမြဲတန်း ခေါင်းဆောင်ရှိတယ်၊ အဲဒီခေါင်းဆောင်ကို ဖော်ထုတ် အရေးယူရမယ်လို့ သူတို့ကို အထက်က ညွှန်ကြားထားကြောင်း ပြောပါတယ်။ အဲဒီညွှန်ကြားချက်တွေကို ပေးတဲ့သူကတော့ ဒေါ်အောင်ဆန်းစုကြည်နဲ့ ဆွေးနွေးနေသူ ဦးအောင်ကြည်ကိုယ်တိုင်ပဲ ဖြစ်ပါတယ်။ ဒီလို မတရားဖိနှိပ်ညှင်းပန်းခံနေရတဲ့ သူတွေဘက်မှာ အခု ကိုဖိုးဖြူ၊ မစုစုနွေး၊ ကိုဟန်ဝင်းအောင်တို့ ရပ်တည် အကူအညီပေးကြတယ်။ ဆွီဒင်နိုင်ငံက ဆွီဒင် ဆိုရှယ်ဒီမိုကရက် ကျောင်းသားများ အဖွဲ့၊ ဆွီဒင် ဆိုရှယ်ဒီမိုကရက် လူငယ် အဖွဲ့ တို့ကတောင် နိုင်ငံတကာ သွေးစည်းညီညွတ်မှုကို ပြသတဲ့ အနေနဲ့ စာနာထောက်ခံကြောင်းစာပေးပို့ပါတယ်။ ဒါပေမဲ့ ရှက်စရာ ကောင်းတာက ကျနော်တို့ရဲ့ ဒီမိုကရေစီ သူရဲကောင်းကြီးများအဖို့မှာ မြင်လျက်အကန်း၊ ကြားလျက် အဆွံ့၊ သိလျက် မဝံ့ဖြစ်နေကြတဲ့ အချက်ပါပဲ။ ဒီမိုကရေစီ နဲ့ လူ့အခွင့်ရေး ဆောင်ရွက်ချက်တွေကြောင့် နိုင်ငံတကာက ဆုပေါင်း ရာချီရထားတဲ့ ဒီမိုကရေစီမိခင်၊ လူထုခေါင်းဆောင်ကြီး ဒေါ်အောင်ဆန်းစုကြည်ကတော့ သူအာဏာရဖို့ မဲဆွယ်တဲ့ အလုပ်ကိုပဲ လုပ်နေပါတယ်။ သူ့ကို အားပေးကြတဲ့ သောင်းချီတဲ့ လူပရိသတ်ကြီးရှေ့မှာ ကျမကို မဲပေးရမယ်နော် ဒါပဲ ဆိုတဲ့ စကားမျိုးတွေလောက်ကိုပဲ မရှက်မကြောက်ပြောနေပါတယ်။ ဒါ…ဒီမိုကရေစီ ခေါင်းဆောင်တဲ့လား။ ဒါ….လူထုခေါင်းဆောင်တဲ့လား။ ပြည်သူလူထုကြီးကချစ်လွန်းလို့ အမေစု၊ အမေစုအခေါ်ခံရတဲ့သူ၊ အများပြည်သူရဲ့ ဆင်းရဲဒုက္ခနဲ့ ပရိဒေဝ သောကမီးတွေကို ငြှိမ်းသတ်ပေးမယ်လို့ မျှော်လင့်ခြင်းခံရသူ ဒေါ်အောင်ဆန်းစုကြည်ဟာ ဒီလိုကိစ္စမျိုးတွေမှာ တခွန်းတပါဒတောင် မဖွင့်မဟရဲတာက ဦးသိန်းစိန်ကို ကြောက်လို့လား၊ ဦးသန်းရွှေကိုကြောက်လို့လား၊ ဒါမှမဟုတ် အာဏာရမ္မက် ငမ်းငမ်းတက်နေလို့လားဆိုတာ မေးခွန်းထုတ်စရာဖြစ်နေပြီ။ ဒီနေ့အချိန်မှာ ဒေါ်အောင်ဆန်းစုကြည် ဘယ်ဘက်မှာ ရပ်နေသလဲ၊ ဘယ်သူ့ဘက်မှာ ရပ်နေသလဲဆိုတာဟာ မဖြစ်မနေမေးခွန်းထုတ်ရ မယ့် ပုစ္ဆာတခုဖြစ်လာပြီ။ ဦးသိန်းစိန်ဘက်က ရပ်မှာလား။ အလုပ်သမား၊ လယ်သမား ဆင်းရဲသား ပြည်သူလူထုကြီးဘက်က ရပ်တည်မှာလား။ အာဏာရှင် ဘက်က ရပ်မှာလား၊ ဒီမိုကရေစီဘက်က ရပ်မှာလား။ မသေချာပေမဲ့ စွန့်စားရမှာပဲ ဆိုတဲ့ သူ့ရဲ့ လွှတ်တော်တွင်းဝင်ပြီး ဒီမိုကရေစီ ကံစမ်းမဲထိုးမယ့် အစီအစဉ်ကြီးအတွက် အလုပ်သမားလယ်သမားတွေရဲ့ အရေးကို စတေးလိုက်တော့မှာလား။ ဒေါ်အောင်ဆန်းစုကြည် ရွေးကောက်ပွဲဝင်လိုက်လို့ ဘာမှ ဆုံးရှုံးစရာမရှိပါဘူးဆိုတာ ဟုတ်ပါရဲ့လား၊ ပြန်စဉ်းစားဖို့သင့်ပါပြီ။ အခုဆိုရင် အလုပ်သမားအရေးကို ဥပဒေကြောင်းအရ တရားစွဲ ဖြေရှင်းကြရမလို ဖြစ်လာပါတယ်။ ဒီအခြေအနေဟာလည်း အားရစရာ မရှိပါဘူး။ ကျနော်တို့ တိုင်းပြည်မှာ တရားဥပဒေစိုးမိုးမှု မရှိတာ အားလုံးအသိပါ။ အလုပ်သမားအခွင့်အရေးကို ကာကွယ်တဲ့ ဥပဒေ တွေလည်း လုံလုံလောက်လောက်မရှိပါဘူး။ အဆိုးဆုံးကတော့ အစိုးရကိုယ်တိုင်က အလုပ်သမားတွေ၊ တက်ကြွသူတွေကို ဖိနှိပ်ညှင်းပန်းနေတဲ့ အချက်ကြောင့် တရားစွဲဖြေရှင်းနည်းဟာ ကိုယ့်အတွက် အခွင့်မသာတဲ့ နည်းလမ်းပါ။ တကယ်တော့ အလုပ်သမားအရေးကို အလုပ်သမားတွေနဲ့ အတူ ဒေါ်အောင်ဆန်းစုကြည်၊ ILO၊ ၈၈ မျိုးဆက်နဲ့ ဒီမိုကရေစီရေး ဆောင်ရွက်သူတွေ ဝိုင်းဝန်းပံ့ပိုးတောင်းဆိုကြမှ အောင်မြင်မှုရမှာပါ။ အားလုံးတက်တက်ကြွကြွ ပူးပေါင်း ဆောင်ရွက်ခဲ့ရင် တိုင်ယီ တခုတည်း အတွက် မဟုတ်ဘဲ၊ အလုပ်သမား အားလုံးအတွက် အောင်ပွဲရသွားနိုင်ပါတယ်။ ဘယ်သူမှ မပံ့ပိုးရင် ဦးသိန်းစိန်ရဲ့ ဒီမိုကရေစီ အရေခြုံအစိုးရက အလုပ်သမားတွေနဲ့ ခေါင်းဆောင်တွေကို ဘဝပျက်အောင် ဖျက်ဆီးကြပါလိမ့်မယ်။ လူ့တယောက်ရဲ့ တန်ဖိုးကို သမိုင်းက သူ့ပုခုံးပေါ်တင်ပေးလိုက်တဲ့ တာဝန်ကို ဘယ်လောက်ကျေပွန်အောင် ထမ်းဆောင်သလဲဆိုတဲ့ အချက်နဲ့ တိုင်းတာရမှာပဲလို့ ဆရာဗန်းမော်တင်အောင်က ပြောခဲ့ဖူးတယ်။ အခုဒေါ်အောင်ဆန်းစုကြည်ဟာ သူ့ပုခုံးပေါ်ကို သမိုင်းက တင်ပေးလိုက်တဲ့ တာဝန်ကို ဘယ်လောက်ကျေပွန်သလဲဆိုတာ စဉ်းစားစရာဖြစ်လာပြီ။ ဆရာဗန်းမော်တင်အောင်ကို ကိုးကားလို့ ကျနော့်ကို လက်ဝဲဆန်တယ်လို့ တချို့ကထင်ချင်ထင်ကြမယ်။ အရင်ဆောင်းပါးတွေမှာ လူထုလှုပ်ရှားမှုကို ထောက်ခံလို့ လက်ဝဲဆန်တယ်လို့ ဝေဖန်တာမျိုးကိုလည်း ကြုံခဲ့ရဖူးတယ်။ ကမ္ဘာ့ပြည်သူလူထုကြီးက လူထုလှုပ်ရှားမှုကို တက်တက်ကြွကြွဆောင် ရွက်နေချိန်မှာ လူထုလှုပ်ရှားမှု ပြောတိုင်း လက်ဝဲတံဆိပ်ကပ်နေတာကတော့ မဆလ ဆန်လွန်းတယ်။ မဆလ၊ နဝတ၊ နအဖ ကနေ ကြံ့ဖွံ့အထိ စစ်အာဏာရှင် အဆက်ဆက်ဟာ သူတို့ကို ဆန့်ကျင်လာရင် လက်ဝဲတံဆိပ်ကပ်တာ ထုံးစံပဲ။ ဒီ့အတွက်ဘာမှ တုန်လှုပ်စရာမရှိဘူး။ လက်ဝဲဆန်တာ လက်ယာဆန်တာက အဓိကမဟုတ်ဘူး။ မှန်သလား၊ မှားသလား၊ တရားသလား၊ မတရားဘူးလားဆိုတာကသာ အခရာဖြစ်ပါတယ်။ တကယ်လို့များ လူထုခေါင်းဆောင်၊ အများကြည်ညိုနေတဲ့ ခေါင်းဆောင်ဟာ လမ်းလွဲပေါ်ရောက်နေပြီဆိုရင် ဘာဖြစ်မလဲ။ ကျနော်တို့ ဘယ်လို ရုန်းကန်ကြရမလဲ။ ဘယ်လောက်အန္တရာယ်ကြီးမလဲ။ သေသေချာချာ စဉ်းစားကြဖို့လိုပြီ။ ပြတ်ပြတ်သားသား ဝေဖန်ကြဖို့လိုပါပြီ။ ကျနော်တို့ နိုင်ငံရေးမှာ ဝေဖန်ရေးလိုအပ်နေပါပြီ။ ဒေါ်အောင်ဆန်းစုကြည်မို့လို့ မပြောဝံ့၊ မဆိုဝံ့၊ မဝေဖန်ဝံ့ပါဆိုတဲ့ နုံချာချာ စိတ်ထားတွေကို ကျနော်တို့ အဝင်ခံလို့ မဖြစ်ဘူး။ ဒေါ်အောင်ဆန်းစုကြည်ကို ဝေဖန်ရင် စစ်အစိုးရ အကြိုက်ဖြစ်မယ်ဆိုတဲ့ ရှေးဆန်တဲ့ အတွေးအခေါ်ကိုလည်း စွန့်သင့်ပြီ။ သိပါ၊ မြင်ပါရက်နဲ့ ကျနော်တို့ မပြောဘဲ နေရင် ကျနော်တို့ပါရောပြီး တရားခံဖြစ်သွားနိုင်တယ်။ နောင် အနှစ်နှစ်ဆယ်မှာ ခင်ဗျားတို့ တာဝန်မကျေလို့ ကျုပ်တို့ စစ်ကျွန်ဘဝမှာ နေရတယ်လို့ နောက်မျိုးဆက်က ကျနော်တို့ကို လက်ညှိုးထိုးတာခံရလိမ့်မယ်။ ဒေါ်စုမှားရင် ဒေါ်စုကိုချစ်တဲ့ပြည်သူလူထုပါတွေဝေယိမ်းယိုင်သွားလိမ့်မယ်။ ဒီအဖြစ်မျိုးကို လက်ပိုက် ကြည့်မနေကြပါနဲ့လို့ ခေါင်းဆောင်တွေကို ကျနော်တိုက်တွန်းချင်ပါတယ်။ ဒီနေ့အချိန်မှာ အရေးပါတဲ့ နေရာတွေမှာရောက်နေသူတွေ key players တွေ stakeholders တွေ အနေနဲ့ ကိုယ့်အမြင်ကို ပွင့်ပွင့်လင်းလင်းချပြကြဖို့၊ ကြိုက်မကြိုက်ကို ရှင်းရှင်းလင်းလင်း ထုတ်ဖော်ပြောဆိုကြဖို့ အချိန်တန်ပြီလို့ဆိုချင်ပါတယ်။ ခင်ဗျားပြောလိုက်တဲ့ စကားတခွန်းကြောင့် သမိုင်းမှာ အပြောင်းအလဲ ဖြစ်သွားနိုင်ပါတယ်။ ခင်ဗျား မပြောလိုက်တဲ့ စကားတခွန်းကြောင့် လည်း သမိုင်းမှာ အပြောင်းအလဲ ဖြစ်သွားနိုင်ပါတယ်။ ဒါ့ကြောင့် ခင်ဗျားတို့ရဲ့ ပြောရေးဆိုခွင့်ကို တန်ဖိုးရှိရှိ အကျိုးရှိရှိ အသုံးချစေချင်ပါ တယ်။ ဘာ့ကြောင့် ဒီစကားကို ကျနော်ပြောရပါသလဲ။ မကြာခင်တုန်းက ဥပမာလေးတခုကို ပြန်ပြောချင်ပါတယ်။ ပြီးခဲ့တဲ့ နိုဝင်ဘာတုန်းက ဖြစ်ရပ်ပါ။ အမျိုးသားဒီမိုကရေစီ အဖွဲ့ချုပ် ရွေးကောက်ပွဲဝင်ရေး မဝင်ရေး၊ မှတ်ပုံတင်ရေး မတင်ရေး နဲ့ ပတ်သက်ပြီး မဲခွဲကာနီး အချိန်မှာ ဒေါ်အောင်ဆန်းစုကြည်ရဲ့ ရွေးကောက်ပွဲဝင်ရေး၊ မှတ်ပုံတင်ရေးနဲ့ ပတ်သက်ပြီး ပြောဆိုဝေဖန်တဲ့ အသံ သိပ်များများစားစား မကြားခဲ့ရပါဘူး။ ဒေါ်အောင်ဆန်းစုကြည်အနေနဲ့ ၂၀၀၈ အခြေခံဥပဒေကို လေးစားလိုက်နာပါမည်လို့ ဝန်ခံလက်မှတ်ထိုးမယ့် လုပ်ရပ်ဟာ စစ်အာဏာရှင်စနစ်ကို အညံ့ခံ အလျော့ပေးတဲ့ လုပ်ရပ်ဖြစ်ကြောင်း ဝေဖန်တာမျိုး သိပ်ရှားပါးခဲ့ပါတယ်။ ဒီတော့ နိုင်ငံရေး ခေါင်းဆောင် အများအပြားဟာ ဝင်ရေး၊ တင်ရေး၊ အညံ့ခံရေးကို ထောက်ခံနေကြသလားလို့ ထင်မှတ်စရာဖြစ်ခဲ့ပါတယ်။ ( မှတ်ချက်။ ။ ဦးဝင်းတင်နဲ့ စီအာပီပီ ခေါင်းဆောင်တချို့ကလူသိရှင်ကြားမဟုတ်ပေမဲ့ အတွင်းကြိတ်ဝေဖန်ခဲ့တာမျိုးတော့ ရှိခဲ့တယ်လို့ ကြားရပါတယ်။ ဘယ်လောက်မှန် သလဲ၊ ဘယ်အတိုင်းအတာအထိ ဝေဖန်ခဲ့သလဲတော့ မသိရပါ။) ဒါပေမဲ့ တကယ်တန်း အမျိုးသားဒီမိုကရေစီ အဖွဲ့ချုပ်မှာ မဲခွဲဆုံးဖြတ်အပြီး၊ မှတ်ပုံတင်ရေး၊ ရွေးကောက်ပွဲဝင်ရေး ဆုံးဖြတ်ချက် ကျအပြီးမှာ ကြေညာချက်တွေ အများအပြား ထွက်ပေါ်လာပါတယ်။ အဲဒီကြေညာချက်တွေ အရ နိုင်ငံရေးခေါင်းဆောင်အများစုဟာ ဝင်ရေး၊တင်ရေးကို မနှစ်သက်ကြဘူးဆိုတာတွေ့လာရပါတယ်။ တချို့က မကြိုက်ကြောင်း အတိအလင်းပြောကြပါတယ်။ တချို့ကတော့ မကြိုက်ပေမဲ့ ဒေါ်စုကိုတော့ ဝန်းရံသွားမယ်လို့ ဆိုကြပါတယ်။ ၈၈ မျိုးဆက်ကျောင်းသားများအဖွဲ့ (အဲဒီတုန်းက မင်းကိုနိုင်တို့ မလွတ်သေး)၊ သံဃာ့တပ်ပေါင်းစု ( အသျှင်ဂမ္ဘီရ မလွတ်သေး)၊ ဗကသအဖွဲ့ချုပ် ( ကျော်ကိုကိုတို့မလွတ်သေး)၊ ဗကသနိုင်ငံခြားရေးကော်မတီ၊ လူ့ဘောင်သစ် ဒီမိုကရက်တစ်ပါတီ၊ SNLD၊ မွန်၊ ရခိုင် အပါအဝင် စီအာပီပီ အဖွဲ့ဝင် ပါတီများ၊ ပြည်ပအခြေစိုက် တိုင်းရင်းသားလူမျိုးပေါင်းစုံအဖွဲ့အစည်းတွေ စသဖြင့် တော်တော်များများဟာ ဝင်ရေး၊တင်ရေးကို သိပ်မနှစ်သက်ကြတာ တွေ့လာရပါတယ်။ အဖွဲ့အစည်း အသီးသီးရဲ့ ကြေညာချက်တွေကို ဖတ်ရတဲ့အချိန်မှာ ကျွန်တော်တော်တော်လေး စိတ်မကောင်းဖြစ်မိပါတယ်။ သူတို့ ဘာ့ကြောင့် နှောင့်နှေးခဲ့ကြသလဲ။ သူတို့ဘာ့ကြောင့် စောစောစီးစီး ထုတ်ဖော်ပြောဆို ဝေဖန်ဖို့ ဝန်လေးခဲ့ကြသလဲ။ အဲဒီအချိန်မှာ လူထုဟာ ခေါင်းဆောင်မှုလိုအပ်နေပါတယ်။ မဲမခွဲခင်မှာ ခေါင်းဆောင်အားလုံးရဲ့ ဆွေးနွေးဝေဖန်အကြံပေးတင်ပြမှုတွေ လိုအပ်နေခဲ့ပါတယ်။ လူထုရှေ့မှောက်မှာ နိုင်ငံရေး အမြင်အမျိုးမျိုးကို ရှင်းလင်းချပြဖို့ လိုအပ်ခဲ့ပါတယ်။ တကယ်လို့သာ အဲဒီအချိန်တုန်းက ဝင်ရေး၊ တင်ရေးကို မနှစ်သက်ကြတဲ့ ခေါင်းဆောင်တွေဟာ သူတို့သဘောထားကို လူထုသိအောင် ချပြနိုင်ခဲ့ရင်၊ စောစောစီးစီး ချပြဖို့ ရှင်းလင်းပြောပြဖို့ မပျက်ကွက်ခဲ့ရင် အမျိုးသားဒီမိုကရေစီအဖွဲ့ချုပ် အတွင်း မဲခွဲတဲ့ အခါ ဆုံးဖြတ်ချက်ဟာ တမျိုးတဖုံဖြစ်ကောင်းဖြစ်သွားနိုင်ပါတယ်။ သမိုင်းဟာ တမျိုးတဖုံ ပြောင်းလဲကောင်း ပြောင်းလဲသွားနိုင်ပါတယ်။ ဒါ့ကြောင့် စောစောတုန်းကပြောခဲ့တာပါ။ ခင်ဗျားပြောလိုက်တဲ့ စကားတခွန်းကြောင့် သမိုင်းကို အပြောင်းအလဲ ဖြစ်စေနိုင်သလို၊ ခင်ဗျား မပြောဖြစ်လိုက်တဲ့ စကားတခွန်းကြောင့်လည်း သမိုင်းကို အပြောင်းအလဲ ဖြစ်သွားစေနိုင်ပါတယ်။ ခုတော့ ခေါင်းဆောင်အသီးသီးဟာ အပြောသိပ်နောက်ကျခဲ့ကြပါတယ်။ အကြောင်းအမျိုးမျိုးရှိပါလိမ့်မယ်။ ဒါပေမဲ့ အဲဒီအကြောင်းအမျိုး မျိုးထဲမှာ ဒေါ်အောင်ဆန်းစုကြည်မို့ မဝေဖန်ရဲတာဆိုတဲ့ အကြောင်းတချက်များ ပါနေခဲ့လေမလားလို့ သံသယဝင်မိပါတယ်။ ဒေါ်အောင်ဆန်းစုကြည်အပေါ် နိုင်ငံတကာ ထောက်ခံမှု၊ လူထုထောက်ခံမှု သိပ်ကြီးပါတယ်။ ဒီထောက်ခံမှု အရှိန်အဝါကို မလွန်ဆန်ရဲလို့ များ မဝေဖန်ခဲ့ကြသလားလို့ သံသယဝင်မိပါတယ်။ တကယ်တော့ လူအများထောက်ခံတိုင်း မှန်တယ်လို့ အခါခပ်သိမ်းမှာ တရားသေယူဆလို့ မရပါဘူး။ လူအများထောက်ခံပေမဲ့ မှားနေတဲ့ ကာလမျိုးတွေရှိတတ်ပါတယ်။ များတိုင်းလည်း မမှန်သလို နည်းတိုင်းလည်း မမှားပါဘူး။ ဒီလိုပြောလိုက်လို့ လူအများရဲ့ ဆန္ဒကို ဆန့်ကျင် ပြီး ဇွတ်လုပ်ဖို့ ပြောနေတာမျိုး မဟုတ်ပါဘူး။ လူအများကို အမှန်ရောက်လာအောင် အချိန်ယူပြီး စိတ်ရှည်ရှည်နဲ့ စည်းရုံးယူရမယ်လို့ ဆိုချင်တာ ဖြစ်ပါတယ်။ လူများစု လူထုကြီးဆိုတာ မှန်ကန်တဲ့ ဦးဆောင်မှု လိုပါတယ်။ ရှင်းလင်းပြောကြားပေမယ့်သူ လိုအပ်ပါတယ်။ လူထုကို အပြိုင်အဆိုင် စည်းရုံးတင်ပြမှုတွေ လုပ်ဖို့လိုအပ်ပါတယ်။ မှန်ကန်တဲ့ စည်းရုံးဦးဆောင်မှုမရှိရင် လူထုရဲ့ အားပေးထောက်ခံမှုတွေဟာ လည်း ယာယီအားဖြင့် ချွတ်ချော်တိမ်းမှားမှုတွေ၊ ခေတ်နောက်ကျမှုတွေ ရှိတတ်ပါတယ်။ ဥပမာတချို့ ပြောရရင် လူများစုလူထုကြီးမှာ ခေတ်နောက်ပြန်ဆွဲတဲ့ ကိုကြီးကျော်၊ မနှဲလေးကိုးကွယ်မှုမျိုးတွေရှိတတ်တာမျိုးပါ။ ဂျော်ဒန်နိုဘရူနိုက နေကို ကမ္ဘာကပတ်တယ်၊ ကမ္ဘာကြီးလုံးတယ်ပြောခဲ့တာကိုလည်း လူအများစု လူထုကြီးကချက်ချင်း မထောက်ခံ ခဲ့ပါဘူး။ ခေတ်နောက်ပြန်ဆွဲတဲ့ ကိုယ်ကျိုးရှာ ဘာသာရေး ခေါင်းဆောင်တွေကိုသာ ထောက်ခံခဲ့ကြလို့ ဂျော်ဒန်နိုဘရူနိုဟာ အသတ်တောင်ခံခဲ့ရဖူးပါတယ်။ ဒုတိယကမ္ဘာစစ်ကြိုကာလမှာ ဂျာမန်တွေအပေါ်မှာ မဟာမိတ်အင်အားစုတွေက ဗာဆိုင်းစာချုပ်နဲ့ မတရားဖိနှိပ်ချုပ်ချယ်ထားတဲ့ အချိန်မှာ ဟစ်တလာဟာ ဗာဆိုင်းစာချုပ်ကို စက္ကူစုတ်လိုသဘောထားခဲ့တဲ့ အတွက် ဂျာမန်ပြည်သူတွေက တခဲနက် ထောက်ခံခဲ့ကြ ဖူးပါတယ်။ မဲပေးရွေးကောက်ခဲ့ပါတယ်။ အမေရိကန် ဗြိတိန်ခေါင်းဆောင်တွေ အပါအဝင် ကမ္ဘာ့နိုင်ငံရေးခေါင်းဆောင်တချို့ကတောင် ဟစ်တလာကို လေးစားရုံသာမက အထင်ကြီး အားကျခဲ့ပါတယ်။ ဒီနေ့ ဟောလီးဝုဒ် ရုပ်ရှင်တွေထဲမှာ ပြနေသလို အဲဒီခေတ်မှာ ဟစ်တလာကို လူတိုင်းက အရူးလို့ ထင်နေတာမျိုး မဟုတ်ပါဘူး။ အဲဒီတုန်းက ဟစ်တလာနဲ့ နာဇီဝါဒဟာ ကမ္ဘာ့ပြည်သူတွေကို ဒုက္ခ အကြီးအကျယ်ပေးမယ်ဆိုတာ လူထုက ကြိုတင် မသိမြင်နိုင်ခဲ့ပါဘူး။ ဒါပေမဲ့ ဟစ်တာလာရဲ့ အန္တရာယ်ကို ထောက်ပြ ဝေဖန်ခဲ့သူတွေလည်း ရှိတော့ ရှိခဲ့ပါတယ်။ ဆိုလိုတာက တချို့ အချိန်တွေမှာ အမှန်တရားဘက်မှာ ထောက်ခံသူလူနည်းစုသာရှိတဲ့ အချိန်မျိုးကြုံရတတ်ပါတယ်။ အဲသလို အချိန်မျိုးမှာ လူနည်းစုအတွက် ရင်ဆိုင်ရတဲ့ အခြေအနေဟာ ခက်ခဲကျပ်တည်းတတ်ပါတယ်။ စိတ်ထိခိုက်နာကျင်စရာ ဖြစ်တတ်ပါတယ်။ ဒါပေမဲ့ အဲသလို အခက်အခဲ အကျပ်အတည်းမျိုးကို သည်းခံပြီး စိတ်ရှည်ရှည် ဇွဲကောင်းကောင်းနဲ့ ရင်ဆိုင် ဖြတ်ကျော်မှုမျိုးသာ မလုပ်ကြရင် အတွေးအခေါ်မှား တွေဟာ ကာလရှည်ကြာ သရဖူဆောင်းသွားကြမှာပါ။ ဒီနေ့အချိန်အခါမှာလည်း ဒေါ်အောင်ဆန်းစုကြည်ရဲ့ တိုင်ယီ အလုပ်သမားအရေး ဥပေက္ခာပြုမှု၊ ရွေးကောက်ကိုယ်စားလှယ် ရွေးချယ်ရာမှာ ဒီမိုကရေစီနည်းမကျတဲ့ ဆောင်ရွက်ချက်တွေ၊ ကိုယ်စားလှယ်ကောင်းတာ မကောင်းတာ အရေးမကြီးပါဘူး… ဒေါ်အောင်ဆန်းစုကြည်ရဲ့ ပါတီက ဟုတ်မဟုတ်ပဲ အရေးကြီးပါတယ်ဆိုပြီး လွှတ်တော်ကိုယ်စားလှယ်တွေကို လက်ညှိုးထောင် ခေါင်းညိမ့်တွေချည့်ပဲ ရွေးချယ်ခဲ့တာတွေ၊ ပါတီပြန်လည်ဖွဲ့စည်းရာမှာ အပြိုင်မထားတဲ့ (ဥက္ကဌနဲ့ အတွင်းရေးမှူးအဖွဲ့) အာဏာရှင်စနစ်ဆီ ဦးတည်သွားနိုင်တဲ့ ဖွဲ့စည်းပုံ ပုံဖော်မှုတွေ၊ တိုင်းရင်းသားတွေရဲ့ ငြိမ်းချမ်းရေး ကိစ္စကို အစိုးရဘက်က ကြားဝင်ပေးဖို့ မတောင်းဆိုလို့ ဘာမှ လုပ်လို့မရပါဘူးဆိုပြီး လက်ပိုက်ကြည့်နေတာတွေ၊ အစိုးရ အလိုတော်ရိ် ကရင်သစ္စာဖောက် ဗိုလ်ထိန်မောင် အဖွဲ့နဲ့ကျမှပဲ တိုင်းရင်းသားတွေကို အလွန်ချစ်တဲ့ ပုံနဲ့ အတင်းဖက်ပြနေတာတွေ၊ လူထုတရပ်လုံးရဲ့ အကြီးအကျယ် ထောက်ခံမှုရနေပါရက်နဲ့ မဲထည့်ရမယ်နော် ဆိုတာထက် ဘာတခုမှ ပိုပြီး စည်းရုံးလမ်းညွှန်မှု မပြုလုပ်တာတွေ နဲ့ ပတ်သက်ပြီး ဘဝင်မကျသူတွေ တော်တော်များများ ရှိနေကြမယ်ထင်ပါတယ်။ ကိုယ်ဘက်မှာ လူနည်းစု ဖြစ်နေပါလိမ့်မယ်။ ဒါပေမဲ့ ထုတ်မပြောသူတွေလည်း အများအပြားရှိနိုင်ပါတယ်။ ဘဝင်မကျရင် ဘဝင်မကျကြောင်း ထုတ်ဖော်ပြောဆိုကြဖို့သင့်ပါပြီ။ ဒီအခြေအနေကို ဒီအတိုင်း ဆက်လွှတ်ထားရင် ဗိုလ်သိန်းစိန်နဲ့ ဒေါ်အောင်ဆန်းစုကြည်တို့ဟာ မြန်မာအချင်းချင်း သွေးစည်းညီညွတ်ရေးလုပ်သွားပြီး တိုင်းရင်းသားတွေကို ဥပေက္ခာပြုထားတယ်၊ ချောင်ထိုးထားတယ်လို့ တိုင်းရင်းသားတွေက တနေ့မှာ ထင်မြင်လာနိုင်ပါတယ်။ ဒေါ်အောင်ဆန်းစုကြည်ကို ဝေဖန်ရင် စစ်အစိုးရ အကြိုက်ဖြစ်သွားမှာပေါ့ ဆိုတဲ့ ဆင်ခြေဟာ မှန်ကန်တဲ့ ဆင်ခြေ မဟုတ်တော့ပါဘူး။ အခုအချိန်မှာ ဒေါ်အောင်ဆန်းစုကြည်ကို အခြေခံဥပဒေ အသက်ဝင်ရေး အတွက် မရှိမဖြစ် လိုအပ်ချက်လို့ သဘောထားပြီး စစ်အစိုးရဟာ တနေ့ ရွှေဥတလုံးကျဥပေးမယ့် ငန်းမကြီးပမာ တယုတယမွေးမြူထားချင်လာပြီဖြစ်ပါတယ်။ ဦးသ်ိန်းစိန်က ဒေါ်အောင်ဆန်းစုကြည်ရဲ့ ထဘီကို အလံထူ၊ နိုင်ငံတကာ ကိုချော့မြူပြီး၊ ပြည်သူကိုဖိနှိပ်၊ ဒေါ်စုကရေငုံနှုတ်ပိတ်ဆိုတဲ့ ဖြစ်စဉ်ကြီးကို ကျနော်တို့ကလည်း လက်ပိုက်ကြည့်နေမယ်ဆိုရင် သားစဉ်မြေးဆက်တိုင်အောင် စစ်ကျွန်အဖြစ် နွံနစ်သွားနိုင်ပါတယ်။ စစ်အစိုးရ အကြိုက်ဖြစ်မှာစိုးလို့ ဒေါ်အောင်ဆန်းစုကြည်ကို မပြောမဆို မဝေမဖန်ဘဲထားရင် အခြေအနေဟာ ဒီမိုကရေစီ ပန်းတိုင်နဲ့ တနေ့တခြား ပိုပြီး ဝေးကွာလာနိုင်ပါတယ်။ ဒါ့ကြောင့် တာဝန်သိသိနဲ့ ဝေဖန် အကြံပြုကြဖို့ တိုက်တွန်းချင်ပါတယ်။ ဒါဟာလည်း သမိုင်းပေးတာဝန်တရပ်ဖြစ်ပါတယ်။ ဇော်ဝင်း ၈၈ ကျောင်းသားဟောင်း  |
|
Posted: 18 Feb 2012 05:49 PM PST
 ကာတွန်း..ဟာဂျူလီ(ကသာ)  |
|
Posted: 18 Feb 2012 09:18 AM PST
 Photo..shwethanzinကျွန်တော့် နံမည် ဖြိုးကိုကိုပါ. ကျွန်တော်က နာရေးကူညီမှုအသင်းက အသင်းသားတစ်ယောက်ပါ. ကျွန်တော်တို့ အသင်းသား ကိုဆောင်းဦးလှိုင်ရဲ့ ပွဲကိုသွားရောက်ကူညီဖို့ အမျိုးသားကဇာတ်ရုံကိုေ စာစောသွားခဲ့ပါတယ်. ကျွန်တော်တို့အသင်းသားစုစုပေါင်း(၅)ယောက် နာရေးကူညီမှုအသင်းပိုင် ဆန်နီပစ်ကပ်ကားလေးနဲ့ ရုံရဲ့ အနောက်ဖက်ကဆိုင်လေးမှာ အသင်းယူနီဖောင်းကိုယ်စီနဲ့ ထမင်းသုပ်စားရင်း ကိုဆောင်းဦးလှိုင်ကို ထိုင်စောင့်နေခဲ့ကြပါတယ်. အဲဒီအချိန်မှာ ကိုဆောင်းဦးလှိုင်ဆီက ဖုန်းဝင်လာခဲ့ပါတယ်. (ကိုဖြိုးတို့ရောက်နေကြပြီလား. အသင်းယူနီဖောင်းနဲ့လား. ကားရောပါလားလို့မေးပါတယ်. ကျွန်တော်တို့ကလည်းအမှန်အတိုင်းပဲပြန်ဖြေခဲ့ကြပါတယ်.အဲဒီမှာ ပြဿနာကစတက်တော့တာပါပဲ. အဲဒီကဇာတ်ရုံက တာဝန်ခံ S.B က ကိုဆောင်းဦးဆီကိုဖုန်းဆက်ပါတယ်. အဲဒီယူနီဖောင်းတွေချွတ်ပေးပါ. အဲဒီကားကိုအပြင်ထုတ်ပေးပါလို့ ပြောတယ်ဆိုပြီး ကိုဆောင်းဦးဆီက ဖုန်းဝင်လာပါတယ်. ဒီထက်ပိုဆိုးလာတဲ့ ခြိမ်းခြောက်မှုကတော့ သီချင်းအပုဒ်ပေါင်းများစွာကိုသီဆိုဖျော်ဖြေမဲ့ အနုပညာရှင်တစ်ယောက်ကို ပွဲစဖို့နာရီပိုင်းအလိုမှာ ဒီပွဲကိုတာဝန်ယူမလား. အခုချက်ခြင်း ဒီပွဲကိုဖျက်ပစ်မလား ဆိုပြီးခြိမ်းခြောက်ခံရပါတယ်.) ကျွန်တော်တို့ကြောင့်တော့ ပွဲပျက်မှာဆိုးလို့ ရတယ် ကိုဆောင်းဦး ကျွန်တော်တို့လဲပေးခဲ့ပါတယ် ကားကိုလည်းအပြင်မှာရပ်ပေးခဲ့ပါတယ်. ကျွန်တော်တို့သိချင်တာက ဒီလိုအာဏာရှင်ဆန်တဲ့ ခြိမ်းခြောက်မှုတွေကို ဘယ်သူတွေက အမိန့်ပေးခိုင်းထားတာလဲ. ကျွန်တော်တို့ ရန်ကုန်တိုင်း ၀န်ကြီးချုပ် ဦးမြင့်ဆွေလား. ပြည်ထဲရေးဝန်ကြီး ဒုတိယဗိုလ်ချုပ်ကြီးကိုကိုလား. နိုင်ငံသားတစ်ယောက်ရဲ့ လွတ်လပ်စွာ ၀တ်စားဆင်ယင်ပိုင်ခွင့်ကို ခြိမ်းခြောက်နေပါတယ်. ကျွန်တော်တို့က သရုပ်ပျက်ဝတ်စားထားတာလည်းမဟုတ်ပါဘူး. ကျွန်တော်တို့အသင်းကယူနီဖောင်းကိုဝတ်ထားတာပါ. ဒီယူနီဖောင်းကိုချွတ်ခိုင်းတယ် လဲခိုင်းတယ်ဆိုတော့ ကျွန်တော်တို့သိချင်တာ ဒီယူနီဖောင်းကဘာများမှားနေလို့လဲ ဒီယူနီဖောင်းက ဘာများခြိမ်းခြောက်နေလို့လဲ သိချင်ပါတယ်. ပြီးတော့ ပြည်ထောင်စုအစိုးရက ပြောပြောနေတယ့် ဒီမိုကရေစီလမ်းကြောင်းပေါ်ကို လျှောက်နေတဲ့ အချိန်မှာ ဒီလိုအာဏာရှင်ဆန်တဲ့ခြိမ်းခြောက်မှုတွေ ရှိသင့်သေးပါသလား ပြည်သူတွေက အားကိုးချင်တဲ့ ယုံကြည်ချင်တဲ့ အရပ်သားအစိုးရကို အထူးသတင်းတပ်ဖွဲ့လိုမျိုး အာဏာပိုင်အဖွဲ့အစည်း တစ်ရပ်က ယုံကြည်မှုပျက်ပြားအောင်လုပ်မှာလား ယုံကြည်မှုတည်ဆောက်ပေးမှာလား ဆိုတာကို နိုင်ငံသားတစ်ယောက်အနေနဲ့သိချင်ပါတယ် ဖြိုးကိုကို နာရေးကူညီမှုအသင်း(ရန်ကုန်)  |
|
Posted: 18 Feb 2012 08:43 AM PST
 (၁၉၉၂ ဖေဖော်ဝါရီလ ၁၂ ရက် ပြည်ထောင်စုနေ့တွင် ABSDF-NB တွင်ရက်စက်စွာ ညှင်းဆဲသတ်ဖြတ်ခံခဲ့ရသော ကိုထွန်းအောင်ကျော်နှင့် ရဲဘော်များအား ရည်စုး၍ ...) ကိုကြီးရေ ... ဒီနေ့ နှစ် ၂၀ ပြည့်ခဲ့ပြီ။ မငယ် တနေ့မှ မေ့မရပါဘူး။ ကိုကြီးနဲ့ ဂီတအကြောင်းတွေ ပြောခဲ့ပြီး အတူတီးခဲ့၊ ဆိုခဲ့ကြတာတွေကို သတိရနေဆဲပါ။ ဂစ်တာတီးပြီး 'ကြွေရဲသောကြယ်များ' သီချင်းဆိုမိတိုင်း မငယ် ငိုခဲ့မိတာကြောင့် ဂစ်တာမကိုင်ဖြစ်တာ Australia ရောက်ကတည်းကပါ။ မှတ်မိသေးတယ်။ ကိုကြီး မငယ်ကို ဘဏ္ဍာရေးသင်တန်းတက်ခိုင်းတော့ မငယ်ကို တီးတိုးပြောခဲ့တယ်။ မငယ် မင်း ငါ့ကို မျက်နှာငယ်အောင် မလုပ်နဲ့နော်။ KIA ကြားမှာ ကျောင်းသားတပ် သိက္ခာတက်အောင်လုပ်။ မငယ်ကလည်း ဟုတ်ကဲ့လို့ ဆိုခဲ့တယ်။ မိဘလက်ထက်မှာ ၁၀ တန်းကို အောင်ဖို့ အကြိမ်ကြိမ်ဖြေဆိုလာခဲ့တဲ့ မငယ်ဟာ ကိုကြီးကို ကြည့်ပြီး အင်းပါလို့ ပြောခဲ့တယ်။ မငယ် ကတိတည်ပါတယ်နော်။ အဲဒီသင်တန်းမှာ မငယ် ဆုရခဲ့တယ်လေ။ ကိုကြီးက မငယ်ကို ပြုံးကြည့်ပြီး ပြောတယ်။ ဂုဏ်ယူတယ်တဲ့။ ယူနီဖောင်းတောင် အသစ်တစုံ ရလိုက်သေးတယ်။  မှတ်မိသေးတယ်။ ABSDF (NB) ရဲ့ မိုင်းဖောက်ခွဲရေးသင်တန်းကို မငယ်ကို တက်ရောက်သင်စေဖို့ ရွေးချယ်ခဲ့ပြန်တယ်။ မင်းက စိတ်ငြိမ်ပြီး အာရုံစူးစိုက်မှုရှိတယ်။ အန္တရာယ်ကြီးတဲ့သင်တန်း။ ဒါပေမယ့် မင်းကို ယုံကြည်တယ်။ ကောင်းကောင်းသင်တဲ့။ မငယ်လည်း ကောင်းကောင်းသင်ယူခဲ့ပါတယ်။ သူများထောင်တဲ့ မိုင်းကို မငယ် ကျော်နိုင်ခဲ့ပေမယ့် မငယ်ထောင်တဲ့ မိုင်းကို မောင်မောင်ကြွယ် ထိသွားလို့ ပြစ်ဒဏ်အနေနဲ့ အရိုက်ခံလိုက်ရသေးတယ်။ အဲဒီဖောက်ခွဲရေးသင်တန်း နောက်ဆုံးနေ့မှာပဲ မငယ် အဖမ်းခံခဲ့ရတယ်လေ။"ကိုကြီးရေ ... အချိန်ကာလ နှစ်၂၀ အထိ စောင့်စားခဲ့ရတာ ခွင့်လွှတ်ပါ။ နိုင်ငံရေးကို ပြန်ကြည့်တော့ ဒေါ်စုလည်း မလွတ်သေး။ ၈၈ ခေါင်းဆောင်များနဲ့ နိုင်ငံရေးသမားများလည်း အထဲမှာ အကျဉ်းချခံနေရဆဲ။ မငယ်တို့လို ထောက်လှမ်းရေးလို့ အစွပ်စွဲခံပြီး အနှိပ်စက်ခံထားရတဲ့ ကိုရဲလင်း၊ ဘိုဘို၊ ထိန်လင်း၊ မိုးကြီး၊ ရာပြည့် ... စသော မြောက်ပိုင်းမှ ကျောင်းသားများလည်း စစ်အစိုးရကို ဆန့်ကျင်မှုနဲ့ ထောင်ဒဏ် ၇ နှစ်နဲ့ အနှစ် ၂၀ ချခံထားခဲ့ရတယ်။ သူတို့မျက်နှာတွေကို ထောက်ရှုပြီး မငယ် မြိုသိပ်ထားခဲ့ရတာပါ။" မှတ်မိသေးတယ်။ မငယ်တို့အားလုံး အဖမ်းခံရပြီး Ronald အောင်နိုင်နဲ့ မျိုးဝင်းတို့ အဆိပ်တွေ ထုတ်ခိုင်းတာ ဘယ်သူမှ မထုတ်ပေးနိုင်တော့ မငယ်တို့ကို လက်ဖြတ်ဖို့ လုပ်တဲ့နေ့လေ။ မငယ်တို့အားလုံးရဲ့လက်မှာ ယမ်းပျော့တွေ ချည်ထားပြီး ရော်နယ်အောင်နိုင်တို့က သူတို့လိုချင်တာတွေ ထုတ်မပေးရကောင်းလားဆိုပြီး ကိုကျော်ဝေလက်ကို မိုင်းခွဲပြီး ဖြတ်ခဲ့တယ်။ ကိုကြီး၊ ကိုရဲလင်းနဲ့ မငယ်တို့အားလုံး တောင်းပန်ကြတော့မှ နောက်ထပ် အချိန်တပတ် ခွင့်ပေးပြီး မငယ်တို့ကို ဆွေးနွေးတိုင်ပင်ခိုင်းတဲ့နေ့လေ။ အဲဒီနေ့ဟာ ဒီနေ့အတွက် သမိုင်းဝင်မယ့်နေ့တနေ့ ဖြစ်မှန်းမသိဖြစ်ခဲ့ရတယ် ကိုကြီး။ ဆွေးနွေးပွဲမှာ အဓိပ္ပာယ်မရှိတဲ့ ကိစ္စတွေကို တယောက်တပေါက် ပြောဆိုနေကြပေမယ့် အားလုံးဟာ တယောက်ကို တယောက်ကြည့်ပြီး ငါလည်း မင်းလိုပဲဆိုတဲ့ အသိနဲ့ အော် ဒုက္ခ ဒုက္ခ ဘယ်လိုမှ အဖြေရှာမရဖြစ်နေချိန်မှာ ကိုကြီးက မငယ်နား ရောက်လာပြီး မငယ်ကို လက္ခဏာတောင်းကြည့်တယ်လေ။ အဲဒီမှာ ကတိဆိုတာ ဖြစ်ခဲ့တာပေ့ါ။  ရဲဘော်ကိုထွန်းအောင်ကျာ် (ယာမှ ဒုတိယ - ခါးထောက်လျက် ပြုံးနေသူ) မှတ်မိသေးတယ်။ ကိုကြီးက ပြောတယ်။ မငယ် မင်းမသေနိုင်ဘူး။ မင်း လွတ်သွားလိမ့်မယ်။ မင်းမှာ ဥပစ္ဆေတကကံ မပါဘူး။ မင်းလက္ခဏာမှာ ထူးခြားချက်ရှိတယ်။ တနေ့ မင်း ငါတို့အားလုံးရဲ့ သမိုင်းကို ပြောပေးနော်တဲ့။ မငယ်က ကိုကြီး အခု လက်မှာ မိုင်းချည်ထားတဲ့သူတွေကို ကြည့်လိုက် အားလုံး အသတ်ခံရမယ့်သူတွေ။ မငယ်လည်း သေမှာပဲဆိုတော့ ... မင်းသစ္စာဆိုပါတဲ့ အသုံးမကျတဲ့ကျမ ဘုရားမှာ သစ္စာမဆိုတတ်လို့ မငယ် ပါဠိလို မသိဘူးဆိုတော့ ကိုကြီးက ပြုံးပြီး မလိုဘူးလေ၊ ကိုယ်ဟုတ်ရင် ဟုတ်တယ် မဟုတ်ရင် မဟုတ်ဘူးပေါ့တဲ့။ ဘုရားကို တိုင်တည်ပါတဲ့ ဆိုတော့ မငယ်လည်း ဟုတ်ကဲ့ ကိုကြီးလို့ ကတိပေးမိပြန်တယ်နော်။ ကိုကြီးရေ ... တကယ်ပဲ မငယ် သေဒဏ်ထဲမှာ ပါခဲ့ပေမယ့် နောက်ဆုံးစက္ကန့်မှာ မငယ် လွတ်ခဲ့တယ်။ မငယ်ကို သတ်ဖို့တောင် ဆွဲထူပြီးပြီ။ ကိုကြီးရေ ... အချိန်ကာလ နှစ်၂၀ အထိ စောင့်စားခဲ့ရတာ ခွင့်လွှတ်ပါ။ နိုင်ငံရေးကို ပြန်ကြည့်တော့ ဒေါ်စုလည်း မလွတ်သေး။ ၈၈ ခေါင်းဆောင်များနဲ့ နိုင်ငံရေးသမားများလည်း အထဲမှာ အကျဉ်းချခံနေရဆဲ။ မငယ်တို့လို ထောက်လှမ်းရေးလို့ အစွပ်စွဲခံပြီး အနှိပ်စက်ခံထားရတဲ့ ကိုရဲလင်း၊ ဘိုဘို၊ ထိန်လင်း၊ မိုးကြီး၊ ရာပြည့် ... စသော မြောက်ပိုင်းမှ ကျောင်းသားများလည်း စစ်အစိုးရကို ဆန့်ကျင်မှုနဲ့ ထောင်ဒဏ် ၇ နှစ်နဲ့ အနှစ် ၂၀ ချခံထားခဲ့ရတယ်။ သူတို့မျက်နှာတွေကို ထောက်ရှုပြီး မငယ် မြိုသိပ်ထားခဲ့ရတာပါ။ လွတ်လပ်တဲ့ တိုင်းပြည်မှာ နေနေရပြီး ငါ့စိတ်တွေ အကျဉ်းကျနေတဲ့ဟာလို့ ထိန်လင်း အင်္ဂလန် ရောက်ခါစက မငယ် သူ့ကို ဖွင့်ပြောခဲ့တယ်။ ကတိပေးထားပြီး အကောင်အထည်မဖော်ဖြစ်လို့ တခါတရံ အိပ်မက်ဆိုးမက်တယ်။ အိပ်မက်မက်ပြီးတိုင်း ငိုရလို့ တညလုံး မအိပ်နိုင်ဘဲ မိုးလင်းခဲ့ရတဲ့ ညတွေ အများကြီးရှိခဲ့တယ် ကိုကြီး ...။ ကိုကြီးရေ ... ရောက်ရာနေရာက ကြည့်လိုက်ပါနော်။ ABSDF (NB) ကျောင်းသားများ ပြုလုပ်တဲ့ပွဲကို ကိုမင်းကိုနိုင်နဲ့ ကျောင်းသားခေါင်းဆောင်တွေ တက်ရောက်ဆုတောင်း အမျှဝေခဲ့ကြပြီး ကိုကြီးရဲ့ အထက်မြန်မာပြည် ဗကသမျိုးဆက်သစ်တွေနဲ့ မြောက်ပိုင်းကျောင်းသားဟောင်းတွေ လက်တွဲပြီး ပြည်တွင်းမှာ အမှန်တရားအတွက် တိုက်ပွဲဝင်နေကြပြီ။ ပြည်ပမှ မကဒတ ရဲဘော်ဟောင်းတွေနဲ့ ပြည်တွင်းမှ မိဘပြည်သူတွေလည်း ၀မ်းနည်းစွာဖြင့် ဆုတောင်းမှုတွေ ပြုနေကြပြီ။ ကိုကြီးရေ ... မပြီးဆုံးသေးပါဘူး။ ပြီးဆုံးတဲ့နေ့အထိ မငယ်တို့အားလုံး ပူးပေါင်းဆောင်ရွက်သွားမယ်လို့ ကတိထပ်ပေးလိုက်ပါတယ်။ ကိုကြီးတို့အတွက် ကုသိုလ်ပြု အမျှဝေသံကြားရင် သာဓုခေါ်ကြပါ။ ကိုကြီးထွန်းအောင်ကျော်နှင့်တကွ ABSDF မြောက်ပိုင်းတွင် ကျဆုံးခဲ့သောသူများ ကောင်းရာသုဂတိလားကြပါစေ။ ၀ိညာဉ်များ လွတ်မြောက်ကြပါစေ။ ဘ၀ဆက်တိုင်း ဒီလိုအဖြစ်ဆိုးမျိုး စနစ်ဆိုးမျိုးနဲ့ မကြုံတွေ့ရပါစေနဲ့လို့ ဆုတောင်းမေတ္တာပေးပို့လျက် ... နန်းအောင်ထွေးကြည် (မငယ်)  |
| You are subscribed to email updates from dawnmanhon To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
No comments:
Post a Comment