ဒီလှိုင်းစာစောင် အတွဲ(၁)၊အမှတ် (၂၀)
Posted: 08 Jun 2012 12:19 AM PDT
Author: News and Information Department of NLD  |
|
Posted: 07 Jun 2012 04:18 PM PDT
 သူများနိုင်ငံတွေ နိုင်ငံ့ခေါင်းဆောင်ကိုဝံ့ကြွားတန်ဖိုးထားပြီး ပိုက်ဆံမှာ ဘယ်လိုရိုက်နှိပ်ဖော်ပြနေဖော်ပြနေ ခေတ်မှီဖွံ့ဖြိုးတိုးတတ်သောမြန်မာနိုင်ငံတော်ကြီးမှာတော့ တိရိစ္ဆာန်များကိုသနားကြင်နာချစ်ခင်ကြောင်း ဆက်လက်ပြသ။ မြန်မာ့လွတ်လပ်ရေးကို ဆင်များက အသက်ပေးကာ ရယူပေးခဲ့ခြင်း ဖြစ်။ ဆင်များသည် မြန်မာပြည် လွတ်လပ်ရေး ရရှိစေရန် အသက်နှင့် လဲပြီး ရယူပေးခဲ့သည့် အာဇာနည် ပုဂ္ဂိုလ်ကြီးများ ဖြစ်ကြောင်း သတင်းရရှိ။ ထို့ကြောင့် တစ်သောင်းကျပ်တန် ငွေစက္ကူသစ်တွင် အမျိုးသား ခေါင်းဆောင်ကြီး ဗိုလ်ချုပ်အောင်ဆန်း၏ ဓာတ်ပုံကို မဖော်ပြဘဲ အမျိုးသားခေါင်းဆောင် ဆင်ကြီး နှစ်ကောင်ပုံကို ဖော်ပြထားခြင်း ဖြစ်သည်ဟု မြန်မာနိုင်ငံတော် ဗဟိုဘဏ်က သတင်းထုတ်ပြန်။ Proud to be Elephant in MYANMAR !!!~ :T  Photo.. We are asean.cartoon..Aung maw  |
|
Posted: 07 Jun 2012 04:14 PM PDT
 နော်ဝေးနိုင်ငံ ဘုရင်နှင့် တော်ဝင်မိသားစု တက်ရောက်မည့် ဒေါ်အောင်ဆန်းစုကြည်အား နိုဘဲလ်ဆု ချီးမြှင့်မည့် ပွဲသည် နိုဘဲလ်ဆု ချီးမြှင့်ခဲ့သည့် သမိုင်းတွင် တကြိမ်မှ မရှိခဲ့ဘူးသော လူတဦးတည်းအား ဒုတိယ အကြိမ် ဆုချီးမြှင့်သည့် အခမ်းအနားတခုဖြစ်သည်။ ၁၉၉၁ ခုနှစ်အတွက် နိုဘဲလ်ငြိမ်းချမ်းရေးဆုကို နေအိမ်အကျယ်ချုပ် ကျခံနေရသူအား ချီးမြှင့်ခဲ့သည်မှာလည်း နိုဘဲလ်ဆု ချီးမြှင့်ရေးသမိုင်းတွင် ပထမဆုံးအကြိမ် ဖြစ်ခဲ့သည်။ ထိုစဉ်က ဒေါ်အောင်ဆန်းစုကြည်၏ ခင်ပွန်း မိုက်ကယ်လ်အဲရစ် (၁၉၉၉ တွင် ကွယ်လွန်) နှင့် သား ၂ ဦးတို့က ဆု လက်ခံရယူခဲ့သည်။ နိုဘဲလ်ဆု ချီးမြှင့်သည့် အခမ်းအနားကို နော်ဝေးနိုင်ငံတွင် အလွန်ချမ်းအေးလှသည့် ဒီဇင်ဘာလ၌သာ ကျင်းပလေ့ ရှိသော်လည်း ယခု အခမ်းအနားကိုမူ ၁၉၉၁ ခုနှစ်က အခမ်းအနားသို့ ကိုယ်တိုင် မတက်ရောက်နိုင်ခဲ့သည့် ဒေါ်အောင်ဆန်းစုကြည်အား ဂုဏ်ပြုသည့် အနေဖြင့် ရာသီဥတု ကောင်းမွန်လှပသော ဥရောပ၏ နွေရာသီတွင် သီးသန့် ကျင်းပခြင်း ဖြစ်သည်။ နိုဘဲလ်ဆု လက်ခံအပြီး နောက်တနေ့ ဇွန် ၁၇ ရက်နေ့တွင် ဒေါ်အောင်ဆန်းစုကြည်သည် သူ့အား နိုင်ငံတကာမှ ချီးမြှင့်သည့် ဆုများအနက် ပထမဆုံး ချီးမြှင့်ခံရသည့် ဆုဖြစ်သော ရပ်ဖ်တို လူ့အခွင့်အရေး ဆုရွေးချယ်ရေးအဖွဲ့ အခြေစိုက်ရာ နော်ဝေးနိုင်ငံ ဒုတိယမြို့တော် ဘာဂင်မြို့သို့ သွားရောက်၍ ဆုလက်ခံမည်ဟု သိရသည်။ By: Myatphone Linn  |
|
Posted: 07 Jun 2012 08:15 AM PDT
ပြည်ထောင်စုဖွားတိုင်းရင်းသားများအားလုံးခင်ဗျား
ဇွန်လ ၉ရက် ၂၀၁၂ခုနှစ် (စနေနေ့) သည် ကချင်ပြည်နယ်တွင် စစ်ပွဲများပြန်လည်စတင်ခဲ့ခြင်း တနှစ်တိတိ ပြည့်သည့်နေ့ဖြစ်ပါသည်။ တနှစ်ပတ်လုံးဖြစ်ပွားနေခဲ့သော စစ်ပွဲများအတွင်း နှစ်ဖက်စလုံးမှ လက်နက်ကိုင်များနှင့် အပြစ်မဲ့ပြည်သူများ ၀မ်းနည်းကြေကွဲဖွယ်ရာ သေကျေဒဏ်ရာရရှိခဲ့ကြရပါသည်။ စစ်ဘေးစစ်ဒဏ်များကြောင့် အိုးအိမ်များ၊ လယ်ယာ လုပ်ငန်းများ၊ ဇာတိရပ်ရွာများကို စွန့်လွှတ်ဆုံးရှုံးထားရစ်၍ တောတောင်လျှိုမြောင်များတွင်းသို့ ထွက်ပြေး တိမ်းရှောင် ကာ လူ့ဂုဏ်သိက္ခာကင်းမဲ့စွာ အသက်ဆက်ရှင်သန်နေရသည့် ဒုက္ခသည်ပြည်သူများ၏ အရေအတွက် မှာလည်း ၁သိန်း၂သောင်းကျော်ပင်ရှိလာခဲ့ပြီဖြစ်ပါသည်။ စစ်ပွဲများကြောင့် သေကျေပျက်စီးခဲ့ရသူများနှင့် စစ်ဘေးဒုက္ခသည်များအတွက်လည်းကောင်း၊ တိုင်းရင်းသား ညီအကို မောင်နှမများအချင်းချင်းကြေကွဲဖွယ်ရာတိုက်ခိုက်သတ်ဖြတ်နေကြသည့် စစ်ပွဲများ အမြန်ဆုံး ရပ်တန့်စေရန်အတွက်လည်းကောင်း၊ ပြည်ထောင်စုကြီးအတွင်း ထာဝရငြိမ်းချမ်းရေးအမြန်ဆုံးရရှိစေရန် အတွက်လည်းကောင်း ရည်ရွယ်မျှော်မှန်း၍ဇွန်လ ၉ရက် ၂၀၁၂ (စနေနေ့)တွင် ငြိမ်းချမ်းရေးလိုလားသူ ပြည်သူများ အားလုံး ငြိမ်းချမ်းရေးအတွက်ရည်ရွယ်၍အဖြူရောင်အင်္ကျီများနှင့် ကချင်ပြည်သူများကို စာနာမှုအဖြစ် ကချင်လုံချည်များ ၀တ်ဆင်ပြီး ဆန္ဒထုတ်ဖော်ကြပါရန်လေးစားညွတ်နူးစွာမေတ္တာရပ်ခံ တိုက်တွန်းအပ်ပါသည်။ နောက်ဆက်တွဲလှုပ်ရှားမှုအနေဖြင့် စစ်ပွဲများရပ်တန့်ရေးနှင့် ထာဝရငြိမ်းချမ်းရေးအတွက် ဆုတောင်းပွဲတခု ပြုလုပ်မည်ဖြစ်ပါသဖြင့်တိုင်းရင်းသား၊ လူမျိုး၊ ဘာသာမရွေး ငြိမ်းချမ်းရေးလိုလားသူများအားလုံး အင်္ကျီအဖြူနှင့် ကချင်လုံချည် ဆင်တူဝတ်ဆင်ပြီးရန်ကုန်မြို့တော်ခန်းမနှင့် မဟာဗန္ဓုလပန်းခြံရှေ့ကွက်လပ်သို့ ဇွန်လ ၉ရက် ၂၀၁၂ (စနေနေ့) ညနေ ၄နာရီတွင်အားဖြည့်ပါဝင် ဆုတောင်းကြပါရန်လည်း လေးစားစွာဖိတ်ခေါ်အပ်ပါသည်။ PEACE NETWORK (ငြိမ်းချမ်းရေးကွန်ရက်)  |
| You are subscribed to email updates from dawnmanhon To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
No comments:
Post a Comment