၂၄ နှစ်မြောက် ကိုဖုန်းမော် ကျဆုံးသည့်နေ့ အမှတ်တရ ကိုမင်းကိုနိုင် မိန့်ခွန်း
Posted: 12 Mar 2012 11:54 PM PDT
ကျောင်းသားခေါင်းဆောင် ကိုဖုန်းမော် ကျဆုံးခြင်း ၂၄ နှစ်မြောက် အမှတ်တရအဖြစ် ၈၈ မျိုးဆက်ကျောင်းသားခေါင်းဆောင် ကိုမင်းကိုနိုင်မှ နိုင်ငံတကာရောက် ဒီမိုကရေစီအင်အားစုများအတွက် အမှတ်တရ စကားပြောကြားခြင်း  |
|
Posted: 12 Mar 2012 11:47 PM PDT
ထားဝယ်မြို့နယ်အနီး DELCO ကုမ္ပဏီက အကောင်အထည်ဖော်ဆောင်ရွက်လျှက်ရှိသော အညာဖျားရေကာတာစီမံကိန်းနှင့် ပတ်သတ်၍ ရွာသူရွာသား ၃၀၀၀ ခန့်မှ သူတို့၏ နစ်နာမှုများကို သမ္မတဆီ လက်မှတ်ရေးထိုးပေးပို့လိုက်ပါတယ်။ သမ္မဆီ တင်လိုက်သောစာကို ပူးတွဲပါဖိုင်တွင် ကြည့်ရှုနိုင်ပါတယ်။ အဆိုပါ ကိစ္စရပ်အား အသေးစိတ်သိရှိလိုပါက အောက်ပါဖုန်းနံပါတ်များကို ဆက်သွယ်မေးမြန်းနိုင်ပါတယ်။
အညာဖျားရွာ - ဦးခင်ကြည် (အုပ်ချုပ်ရေးမှုး) ၊ ဦးမြင့်အောင် ( အညာဖျားကျေးရွာအုပ်စု ဘက်စုံဖွံ့ဖြိုးရေးကော်မတီ အတွင်းရေးမှုး) ( တဆင့် - ၀၉-၄၉၈၅၁၉ ၊ ၀၉-၈၇၅၂၁၉၆) ဒါးသွေးကျောက်ရွာ - စောဒေးစံ ( အုပ်ချုပ်ရေးမှုး)၊ ဆရာဖိုးစူး ( တဆင့် - ၀၉-၄၉၈၅၁၉ ၊ ၀၉-၈၇၅၂၁၉၆) ဆိပ်ချောင်းရွာ - ဆရာအဲလယ် ( တဆင့် - ၀၉-၄၉၃၄၂၅၁၅ - ဖုန်းနှင့် အိမ်ဝေးသည့်အတွက် ၁၅ မီနစ်ခန့်စောင့်ပေးရန်) ညောင်ချောင်း - စောခင်ထူး ( တဆင့် - ၀၉-၄၉၃၄၂၅၁၅) (အညာဖျားရွာ၊ ဆိပ်ချောင်းရွာတို့မှာ အဆက်သွယ်ရ အလွယ်ကူဆုံးဖြစ်မည်။) သို့ ဦးသိန်းစိန် နိုင်ငံတော် သမ္မတ ပြည်ထောင်စု သမ္မတ မြန်မာနိုင်ငံတော် နေပြည်တော် အကြောင်းအရာ။ ။ ထားဝယ်ခရိုင်၊ အညာဖျား ရေအားလျှပ်စစ်စီမံကိန်း ရေကာတာလုပ်ငန်းများ ကြောင့် ဒေသခံ ပြည်သူများ ဘေးဒုက္ခမှ လွတ်မြောက်၍ သောကကင်းဝေးစွာနေထိုင်ရှင်သန်နိုင်ရေး အတွက် ကာကွယ် ပေးပါရန်လျှောက်ထားခြင်း။ အထက်ပါအကြောင်းအရာပါကိစ္စများကြောင့် တနင်္သာရီတိုင်းဒေသကြီး ထားဝယ်မြို့နယ်၊ အညာဖျား ကျေးရွာအုပ်စုရှိ အညာဖျားကျေးရွာ၊ ဒါးသွေးကျောက်ကျေးရွာ၊ ဆိပ်ချောင်း၊ညောင်ချောင်း၊ ဥယျဉ်ကြီးရွာ များနှင့် အိမ်ခြေလေးရာခန့်၊ ဥယျဉ်ခြံမြေဧကပေါင်း တစ်သောင်းကျော်နှင့် လူဦးရေပေါင်း နှစ်ထောင်ခန့် စသည့် တို့ရေလွှမ်းမိုးနစ်မြုပ်မည့် အန္တရာယ်နှင့် ရင်ဆိုင်နေရပါသည်။ ရာဘာ၊ သီဟို၊ ဆီအုန်း ကဲ့သို့ နှစ်ရှည် စိုက်ပျိုးသီးနှံများအပြင် စပါး၊ ကွမ်းသီး၊ ဒူးရင်းသီး၊ ဒညင်း၊ မရမ်း၊ သံပုရာ၊ ငှက်ပျော၊ မင်းဂွတ်၊ ကြက်မောက်၊ နာနတ်၊ စုံပဒတ်၊ ကွမ်းရွက်၊ ငရုတ်၊ ဖာလာ၊ တောင်ထန်း၊ သင်္ဘောနှင့် တောတောင်ထဲ ပေါက်ရောက်နေသော ၀ါးကြီး၊ ၀ါးလတ်၊ ၀ါးငယ်များနှင့် ဟင်းသီးဟင်းရွက်များ၊ သားငှက်တိရိစ္ဆာန်များပါ ပြည့်စုံသောနေရာဖြစ်ပါသည်။ သဘာဝမြေအနေအထားနှင့် မြေသြဇာအထူးကောင်းမွန်သော ဒေသဖြစ်သောကြောင့် ကွမ်းသီး၊ ဒူးရင်း စသော သီးနှံများမှာ အခြားဒေသများနှင့် မတူ အရည်အသွေး၊ အနံ့ အရသာနှင့် ပိုမိုပြည့်စုံ ကောင်းမွန် ပါသည်။ ထားဝယ်တစ်ခရိုင်လုံးတွင်ပင် ရှားပါးလှသော နေရာဖြစ်ပါသည်။ သားရဲတိရိစ္တာန်များ၊ သစ်တော၊ သစ်ပင်၊ သတ္တု စသော သဘာဝအရင်းအမြစ်များ ပြည့်စုံသော နေရာဖြစ်ပါသည်။ ကွမ်းသီးတစ်မျိုးတည်းကိုပင် တစ်နှစ်ရရှိသည့် တန်ဖိုးမှာ သိန်းပေါင်း (၂) သိန်းကျော်ခန့်ဖြစ်ပါသည်။ (တွက်နည်း-တစ်ဧက ကွမ်းသီးပင်ရေအနည်းဆုံး (၆၃၀) နှုန်း x တစ်ပင် တစ်နှစ် ၂.၅ ပိဿာ x တစ်ပိဿာ (၂၂၀၀ကျပ်) x ဒေသရှိ ဧက (၉၀၀၀) အနက် အခြားစိုက်ပင်ဧကမပါ ကွမ်းသီးခန့်မှန်းဧက (၆၃၀၀) ၏ တစ်နှစ်ဝင်ငွေ = ကျပ်၂၁၈၂၉၅၀၀၀၀၀ သိန်း) အခြားစိုက်ပျိုးသီးနှံများမှ ရရှိဝင်ငွေများ မပါသေးပါ။ မိမိတို့ ဒေသတွင် နေထိုင်သူများသာမက ပါတ်ဝန်းကျင်ဒေသများကပါ အဆိုပါ ဥယျဉ်ခြံများအား မှီခို အားထား နေရပါသည်။ ရေကာတာဆောက်လုပ်၍ ဥယျဉ်များ ရေမြုပ်ဆုံးရှုံးရပါက မိမိတို့ အတွက် များစွာနစ်နာ စေမည် ဖြစ်သည်။ မိမိတို့ ဒေသတွင် နေထိုင်သူများမှာ အဆိုပါ ဥယျဉ်ခြံမြေများ ဘိုးစဉ်ဘောင်ဆက်မှ ယခုလက်ထက်အထိ စိုက်ပျိုးကာ လုံးလုံးမှီခိုနေရပြီး ဘ၀တစ်သက်စာအတွက်ပါ ဖူလုံစေပါသည်။ သားသမီးများနောင်ရေး အတွက်လည်း ဘ၀ရပ်တည်နေထိုင်ရန် အာမခံချက်ပြုနိုင်ပါသည်။ ဥယျဉ်ခြံများမှ အကျိုးဖြင့် ရပ်ရွာအတွင်း ဘာသာရေး၊ လူမှုရေး၊ ပညာရေး၊ ကျန်းမာရေး ကဏ္ဍများလည်း တိုးတက်လာပါသည်။ ရေကာတာသည် ခြင်ကြောင့်ဖြစ်သော ရောဂါနှင့် အခြားကူးစက်ရောဂါများ၊ ၀မ်းရောဂါ၊ အရေပြား အောက် တွင် အဖုများဖြစ်ပြီးနောက်ဆုံး မျက်စိကွယ်သည်အထိဖြစ်စေသော ရောဂါများဖြစ်စေနိုင်ပါသည်။ သစ်တော များပြုန်းတီးရေမြုပ်သွားခြင်းနှင့် အတူ ရှားပါးသားရဲတိရိစ္တာန်များပါ မျိုးသုန်းပျောက်ကွယ်သွား နိုင်ပါသည်။ ရေကာတာ အောက်ပိုင်းဒေသများမှာ ရေစီးရေလာနည်းပြီး နှုန်းများမြေဆီများမရရှိသဖြင့် စိုက်ပျိုးရေး ထိခိုက်နိုင်ပါသည်။ မိမိတို့ဒေသမှာ မိုးများသောဒေသဖြစ်သည့်အပြင် သစ်တောများ ပြုန်းတီးမှု ကြောင့် ရေစီးအားလွန်ကဲပြီး အကြောင်းမတော်၍ ရေကာတာကျိုးပေါက်ပါက ပြည်သူအများ ရေလွှမ်းမိုးမှု ဘေးဒုက္ခနှင့် ကြုံတွေ့ရနိုင်ပါသည်။ ပြောင်းရွှေ့ရပါက မူလအခြေအနေမပျက် ပြန်လည်တည်ဆောက်ရန် မည်သို့မှ မဖြစ်နိုင်တော့ပါ။ မိမိတို့ ကျေးရွာများတွင် နေထိုင်သူများမှာ မိမိတို့ဘိုးဘေးများလက်ထက်ကတည်းက တည်ထောင် နေထိုင်လာခဲ့သော မြေသြဇာအထူးကောင်း၍ သီးနှံများဖြစ်ထွန်းသော နေရာမှ ပြောင်းရွှေ့ရမည်ကို လုံးဝမလိုလားပါ။ မူရင်းနေရာမှ အခြားသို့ ပြောင်းရွှေ့ရခြင်းမှာ မိမိတို့ အတွက် ကောင်းကျိုးထက် ဆိုးကျိုး များကိုသာ ဖြစ်စေမည်ဖြစ်ပါသည်။ ရေကာတာမှ ရရှိမည့် အကျိုးအမြတ်မှာ ယခုလက်ရှိ နေထိုင်သူများ၏ ဆုံးရှုံးမှုများနှင့် မကာမိအောင် နစ်နာမှုများလှပါသည်။ ယခုထိပင် ရေကာတာစီမံကိန်း ဖော်ဆောင်နေသူများသည် ဒေသခံရွာသူ၊ ရွာသားများကို ဆိုးကြောင်း၊ ကောင်းကြောင်း စသည်များ အသိပေး ညှိုနှိုင်းပြောကြားခြင်း မရှိသေးပါ။ သို့ဖြစ်ပါ၍ မိမိတို့ ဒေသခံများ စိတ်နှလုံး ထိခိုက်ခံစားနေရသော ဘေးမှ လွတ်မြောက်၍ သောကကင်းစွာ မိမိတို့နေရာတွင် ဆက်လက်ရှင်သန်နေရန် စဉ်းစားဆုံးဖြတ်ပေးနိုင်ပါရန် ရိုသေလေးစားစွာဖြင့် သနားခံ လျှောက်ထားအပ်ပါသည်။ မိမိတို့ ရပ်သူ၊ ရွာသားများ၏ လက်မှတ်များ၊ မိမိတို့ ဒေသတွင် သဘာဝပေါက်ရောက်သော သဘာဝ ဆေးပင်များ၊ အညာဖျားချောင်းအတွင်းရှိ ငါးအမျိုးအမည်၊ အလေ့ကျပေါက်ရောက်သော ပန်းများနှင့် သီးပင် စားပင်များ၊ သစ်အမျိုးအစား၊ တောရိုင်းတိရိစ္ဆာန်စာရင်း၊ သတ္တုစာရင်းတို့ကို ပူးတွဲပါအတိုင်း တင်ပြအပ် ပါသည်။ မိတ္တူကို (၁)။ ပါတ်ဝန်းကျင်ထိန်းသိမ်းရေးနှင့် သစ်တောရေးရာ ၀န်ကြီးဌာန (၂)။ အမှတ်(၁) ၊ (၂) လျှပ်စစ်စွမ်းအား ၀န်ကြီးဌာန (၃)။ မြန်မာနိုင်ငံ လူ့အခွင့်အရေးကော်မရှင် ၊ နေပြည်တော် (၄)။ ၀န်ကြီးချုပ် ( တနင်္သာရီတိုင်းဒေသကြီး) (၅)။ တိုင်းဒေသကြီး အစိုးရအဖွဲ့ရုံး (၆)။ စီမံကိန်းနှင့် စီးပွားရေး ၀န်ကြီးဌာန ( တနင်္သာရီတိုင်းဒေသကြီး ) (၇)။ တိုင်းရင်းသားရေးရာဝန်ကြီး ( တနင်္သာရီတိုင်းဒေသကြီး) (၈)။ အထွေထွေအုပ်ချုပ်ရေး ဦးစီးဌာန ( ထားဝယ်ခရိုင်) (၉)။ လွှတ်တော် ကိုယ်စားလှယ်များ (၁၀)။ နိုင်ငံရေးပါတီများ (၁၁)။ လူမှုရေး အသင်းအဖွဲ့များ (၁၂)။ Delco CO.ltd (၁၃)။ Myanmar Nature Energy Wave CO.ltd (၁၄)။ သတင်းမီဒီယာများ (၁၅)။ လက်ခံ Shwe Dawei Thar  |
|
Posted: 12 Mar 2012 09:29 AM PDT
 ၁၉၈၈ ခုနှစ်၊ မတ်လ ၁၄၊ ၁၅၊ ၁၆၊ ၁၇၊ ၁၈ ရက် များတွင် ရန်ကုန်တက္ကသိုလ် ကျောင်းသားများ လှုပ်ရှားမှု့ သမိုင်းကိုပြုစု လိုပါသဖြင့် ၊ တက်ကြွစွာ ပါဝင် လှုပ်ရှားခဲ့ကြသော ကျောင်းသူ/သား များ အနေဖြင့် မိမိတို့ ခံစားချက်များ၊ ပါဝင်ဖြတ်သန်း ခဲ့ပုံများ ကို နာရီအလိုက်သော်လည်းကောင်း ၊ နေ့ရက်အလိုက်သော်လည်းကောင်း ရေးသားပေးပို့ ကြပါရန်။(၈၈'ကျောင်းသားဟောင်းများ) Zaw Htet Ko Ko  |
မြန်မာ့ရုပ်မြင်သံကြားမှာထုတ်လွှင့်မဲ့ဒေါ်အောင်ဆန်းစုကြည် မဲဆွယ်စည်းရုံးရေး မိန့်ခွန်း(အသံဖိုင်)ရုပ်/သံ
Posted: 12 Mar 2012 08:34 AM PDT
အသံဖိုင်..(Hlaing Phyo Win) မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည် ပြောကြားမယ့် မိန့်ခွန်းထဲက တချို့အကြောင်း အရာတွေကို သက်ဆိုင်ရာ အာဏာပိုင်တွေကနေ ဖြတ်တောက်ခဲ့ပါတယ်။ဒီကနေ့၁၂ ရက်နေ့ နေပြည်တော် တပ်ကုန်းမှာ ကြိုပြီး ရိုက်ကူးမယ့် ၁၅ မိနစ်စာ မဲဆွယ်စည်းရုံးရေး မိန့်ခွန်းမှာ ဒေါ်အောင်ဆန်းစုကြည် ပြောကြားမယ့် အထဲက ဥပဒေစိုးမိုးရေးနဲ့ဆိုင်တဲ့ အပိုဒ်တပိုဒ်ကို ပြင်ဆင်ခိုင်းခဲ့တာဖြစ်တယ်လို့ သိရပါတယ်။ မွန်ပြည်နယ် မော်လမြိုင်ခရီးစဉ်မှာလည်းစစ်အာဏာရှင်စနစ် အောက်မှာ နှစ်ပေါင်းများစွာရှိလာခဲ့ပြီး မနှစ်ကမှ အရပ်သားအစိုးရ တရပ် ဖြစ်ပေါ်လာခဲ့တဲ့ မြန်မာနိုင်ငံမှာ ဒီမိုကရေစီစနစ်ဆိုတာ မရှိသေးဘဲ အာဏာရှင်စနစ် ပြန်ဖြစ်လာမယ် မလာဘူး ဆိုတာကလည်း မရေရာသေးကြောင်း၊ ဒါကြောင့် အာဏာရှင်စနစ် ချုပ်ငြိမ်းပြီး ဒီမိုကရေစီစနစ်ကို မှန်မှန်ဦးတည်ပြီး သွားနိုင်ဖို့ လူထုရဲ့ ထောက်ခံမှုလိုတယ်လို့ ဒေါ်အောင်ဆန်းစုကြည်က အခုလို ပြောကြားခဲ့ပါတယ်။ "ကျမတို့ ဒီမိုကရေစီစနစ် ဆိုတာ ဒီနိုင်ငံမှာ တကယ်တော့ မရှိသေးပါဘူး။ နောက်ပြီးတော့ အာဏာရှင် အစိုးရတွေ တက်ရေး မတက်ရေး ဆိုတာကလည်း၊ ပြန်ပြီးတော့ ပေါ်လာရေး မပေါ်လာရေး ဆိုတာကလည်း မရေရာတဲ့ကိစ္စတစ်ခုပဲ အခုထိ ဖြစ်နေသေးပါတယ်။" ဒါ့အပြင် မြန်မာပြည်သူ လူထုတွေဟာလည်း လူ့အခွင့်အရေးကို အပြည့်အ၀ မခံစားရသေးကြောင်း၊ ဒီမိုကရေစီစနစ် ပေါ်ထွန်းပြီး တရားဥပဒေ စိုးမိုးမှုရှိမှသာ ပြည်သူတွေအနေနဲ့ မိမိတိုရဲ့ အခွင့်အရေး အပြည့်အ၀ ရရှိပြီး လက်ရှိရင်ဆိုင်နေရတဲ့ အခက်အခဲတွေ အဆင်ပြေနိုင်မယ့်လို့ ဒေါ်အောင်ဆန်းစုကြည်က ပြောပါတယ်။ အမျိုးသား ဒီမိုကရေစီအဖွဲ့ချုပ် အနေနဲ့ ပြည်သူတွေအတွက် မလိုလားအပ်တဲ့ ဥပဒေတွေကို ပြင်ဆင်ပြီး ပြည်သူလူထုအကျိုးကို ဆောင်ရွက်နိုင်ဖို့အတွက် လွှတ်တော် အမတ်နေရာ အတော်များများ အနိုင်ရဖို့လိုတယ်လို့လည်း ဒေါ်အောင်ဆန်းစုကြည်က အခုလို ပြောသွားပါတယ်။ "လွှတ်တော်ထဲမှာ နေရာများနိုင်သလောက် များအောင်လုပ်ဖို့ လိုတယ်။ အဲဒီတော့မှ ပြည်သူတွေကို ဖိနှိပ်ထားတဲ့ ဥပဒေတွေ စည်းမျဉ်းတွေကို ကျမတို့ ဖယ်ရှားဖို့ ကြိုးစားရမယ်။ ပြည်သူတွေကို တိုးတက်အောင် ကူညီမယ့် ဥပဒေတွေကို ပြဌာန်းဖို့ ကြိုးစားရမယ်။ ဖွဲ့စည်းပုံ အခြေခံဥပဒေကို ပြင်ဖို့ ကြိုးစားရမယ်။ အရေးကြီးဆုံးကတော့ ပြည်သူ့အသံကို တကမ္ဘာလုံးက ကြားနိုင်အောင်လုပ်ဖို့ ကျမတို့ ကြိုးစားသွားရမယ်။" ဒါ့အပြင် ပြည်သူလူထုတွေအနေနဲ့ မိမိတို့ရဲ့ နိုင်ငံသားတာဝန်တွေကို အပြည့်အ၀ထမ်းဆောင်ပြီး တိုင်းပြည်စည်းလုံးညီညွှတ်ရေး တည်ဆောက်ကြဖို့ကိုလည်း ဒေါ်အောင်ဆန်းစုကြည်က မှာကြား သွားခဲ့ပါတယ်။ "နိုင်ငံ တနိုင်ငံရဲ့ သွေးစည်းညီညွတ်မှု ဆိုတာ အထက်က ဥပဒေနဲ့ လုပ်ယူလို့ မရပါဘူး။ အောက်က ပြည်သူလူထုရဲ့ ၀ိုင်းဝန်းပါဝင်မှုနဲ့ပဲ လုပ်ယူလို့ရတယ်။ အဲဒါကြောင့်မိုလို့ အချင်းချင်း ဒီလို သွေးစည်းညီညွတ်မှု ဆောက်တည်နိုင်တဲ့ ပြည်နယ်မှာ ကိုယ့်ရဲ့ နိုင်ငံသား တာဝန်တစ်ခုအနေနဲ့ လုပ်ပြီးတော့ ကြိုးစားကြပါ။ သွေးစည်း ညီညွတ်ရေးအတွက် ကြိုးစားကြပါလို့ ကျမက မေတ္တာရပ်ခံချင်ပါတယ်။" Ref/ Voa  |
| You are subscribed to email updates from dawnmanhon To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
No comments:
Post a Comment