| |
| ၈၈ ကျောင်းသားခေါင်းဆောင်များ ထားဝယ်ခရီးစဉ် ဟန့်တားမှုဆက်တိုက်ကြုံ Posted: 15 May 2012 04:46 PM PDT  ယနေ့ နံနက် ၈ နာရီခန့်က ထားဝယ်မြို့သို့ ရောက်ရှိလာသော ၈၈ မျိုးဆက် ကျောင်းသားခေါင်းဆောင်များ၏ ထားဝယ်ခရိုင်၊ လောင်းလုံမြို့နယ် ခရီးစဉ်အတွင်း ကြိုဆိုရေးဆိုင်းဘုတ်များ ဖြုတ်ခိုင်းခြင်း ခရီးစဉ်များအတွက် နေရာအခက်အခဲများကြုံရခြင်းတို့ကို ဆက်တိုက်ဆိုသလို ရင်ဆိုင်နေရကြောင်း ထားဝယ် ၈၈ မျိုးဆက်ကျောင်းသားများအဖွဲ့မှ ကိုကျော်ကျော်သက်က ပြောကြားသည်။ ထားဝယ်မြို့မှ တဆင့် လောင်းလုံမြို့နယ်သို့ ယနေ့ နံနက်တွင် ထွက်ခွာသွားသော ၈၈ မျိုးဆက်ကျောင်းသား များ၏ ယာဉ်တန်းကို ကြိုဆိုရန် ချိတ်ဆွဲထားသည့် "၈၈ မျိုးဆက်ကျောင်းသားများ၏ ငြိမ်းချမ်းရေးနှင့် ပွင့်လင်းလူ့အဖွဲ့အစည်း ဖော်ဆောင်ရေးခရီးစဉ် " ကို ကြိုဆိုကြောင်း ဆိုင်းဘုတ်များအား အာဏာပိုင်များမှ ဖြုတ်ခိုင်းခဲ့ခြင်းဖြစ်သည်ဟု ၄င်းကဆိုသည်။ " သူတို့ပြောတာက တရားဝင်အဖွဲ့အစည်းလဲမဟုတ်ဘူး၊ ပါတီလည်းမဟုတ်ဘူး၊ NGO လဲမဟုတ်ဘူးဆိုတော့ ဆွေးနွေးပွဲလုပ်ရင် ပရ၀ုဏ်တစ်ခုထဲမှာပဲ လုပ်ဖို့ပြောတယ်။ ခယက ဥက္ကဌ ဆီကိုတော့ ပြန်တင်ပြထားတယ်၊ ခုထိတော့ အကြောင်း မပြန်သေးဘူး " ဟု ၎င်းက ဆက်လက်ပြောကြားသည်။ ၁၆ ရက်နေ့ ကံပေါက်ခရီးစဉ်တွင်လည်း လူထုနှင့် တွေ့ဆုံဆွေးနွေးမည့် ကျောက်ကညာကျေးရွာ မှ ဘုန်းကြီးကျောင်း အတွင်း ပြင်ဆင်ထားသည့် စင်ကိုလည်း ဖျက်ခိုင်းလိုက်ကြောင်း၊ ကံပေါက်ဘောလုံးကွင်း ကို အသုံးပြုခွင့်မရသည့်အတွက် အခြားနေရာတစ်ခုသို့ ပြောင်းရွှေ့ထားပြီးဖြစ်ကြောင်း ထားဝယ် ၈၈ ကျောင်းသားများအဖွဲ့မှ သိရသည်။ " ရေဖြူ မယက ကတော့ ကံပေါက်အုပ်ချုပ်ရေးမှုးကတဆင့် ကျနော်တို့ကို ဆိုင်ကယ်နဲ့ နှစ်ယောက်လောက်ပဲ သွားကြိုစေ ချင်တဲ့ သဘောပြောတယ်။ သိုက်သိုက်ဝန်းဝန်းမဖြစ်စေချင်တဲ့ သဘောပေါ့ဗျာ " ဟု ၈၈ ကျောင်းသားများ၏ ကံပေါက်ခရီးစဉ်အား စီစဉ်ပေးနေသူ ဒေသခံတစ်ဦးက ပြောသည်။ ကံပေါက်ရှိ ဘောလုံးကွင်းနေရာအစား ပုဂ္ဂလိကပိုင် ခန်းမတစ်ခုကို စီစဉ်ထားပြီးဖြစ်ကာ ကံပေါက်ဒေသရှိ လူထု၏ လက်ရှိအခြေအနေ နှင့် အခက်အခဲများအား စာတမ်းတစ်ခုအနေဖြင့် ဖတ်ကြားဆွေးနွေးရန် စီစဉ်ထားသည်ဟု ၎င်းကဆိုသည်။ " အောက်ခြေမှာ အပြောင်းအလဲမရှိသေးဘူး ဆိုတာ ဒါတွေက သက်သေပြနေတယ် " ဟု ထားဝယ်ဒေသခံ လူငယ်တစ်ဦး က ဝေဖန်ပြောဆိုသည်။ ၈၈ မျိုးဆက်ကျောင်းသားများ၏ ထားဝယ်ခရီးစဉ်အတွင်း ပထမနေ့ခရီးစဉ်အဖြစ်လောင်းလုံမြို့နယ်၊ ဒုတိယနေ့တွင် ကံပေါက်ဒေသ၊ တတိယနေ့တွင် နဘုလယ်ဒေသနှင့် မောင်းမကန်တို့သို့ သွားရောက်မည်ဖြစ်ကာ ထားဝယ်ဒေသရှိ လူမှုရေး အသင်းအဖွဲ့များနှင့်လည်း တွေ့ဆုံဆွေးနွေးမည်ဟု ထားဝယ် မျိုးဆက် ကျောင်းသားများအဖွဲ့မှ ထုတ်ပြန်သည့် လက်ကမ်းစာစောင်များတွင် ဖော်ပြထားသည်။ ယခင်သီတင်းပတ်က ၈၈ မျိုးဆက်ကျောင်းသားများ၏ ဧရာဝတီတိုင်း ပုသိမ်ခရီးစဉ်တွင်လည်း အလားတူဖြစ်ရပ်မျိုးကြုံတွေ့ခဲ့ရသည်။ Yangon press international 
|
| တောင်ကိုရီးယားသမ္မတခရီး လုံးခြုံရေး ငါးဆတိုးချ Posted: 15 May 2012 08:33 AM PDT    တရုတ်နိင်ငံဘက်မှ တဆင့်မြောက်ကိုရီးယား အမျိုးသမီးသူလျှို ငါးဦးထိုးဖောက်စိမ့်ဝင်လျှက်ရှိသည်ဆိုသော သတင်းကြောင့် တောင်ကိုရီးယား သမ္မတလီမြောင်ဘတ်၏ ချစ်ကြည်ရေးခရီးလုံခြုံရေးကို ငါးဆတိုးမြှင့်ချထားကြောင်း ဗဟန်းမြို့နယ်မှ(စအဖ)ခေါ် စစ်ဖက်လုံခြုံရေး သတင်းရပ်ကွက်မှ စုံးစမ်းသိရှိရသည်။ တောင်းကိုရီးယားသမ္မတသည် မေလ ၁၅ရက်နေ့တွင် ဒေါ်အောင်ဆန်းစုကြည့်နှင့် တွေ့ဆုံပြီး ရွေတိဂုံဘုရား မြောက်ဖက်မုဒ်ရှိ အာဇာနည်ဗိမာန် သို့ သွားရောက်မည်ဖြစ်ကြောင်း ၎င်းက ဆက်လက်ရှင်းပြသည်။ တောင်းကိုရီးယားသမ္မတ မလာခင်သုံးရက်ခန့်ကတည်းက ရန်ကုန်မြို့၏ အဓိကကျသော အ၀င်အထွက်လမ်းများအား တင်းကြပ်သောစစ်ဆေး မှုများ ပြုလုပ်ပြီး လုံခြုံရေးတင်းကြပ်ထားကြောင်း အင်းစိန်းစော်ဘွားကြီးကုန်းတွင်နေထိုင်သူ တစ်ဦးက ပြောကြားသည်။ နှစ်ပေါင်း ၃၀နီပါးအတွင်း တောင်ကိုရီးယားသမ္မတတစ်ဦး ပထမဆုံးလာရောက်သည့် ခရီးစဉ်ဖြစ်ပြီး ၁၉၈၃ ခုနှစ်က နောက်ဆုံးလာရောက်ခဲ့ သော တောင်ကိုရီယားသမ္မတ ချန်ဒူးဝမ်ခရီးစဉ်တွင် မြောက်ကိုရီယားနိင်ငံဘက်ဗုံးခွဲ တိုက်ခိုက်မှုကြောင့် သမ္မတချန်ဒူးဝမ် အသက်ဘေးက လွတ်မြောက်ခဲ့ သော်လည်း အစိုးရအဖွဲ့ဝင် ၀န်ကြီးလေးယောက်နှင့် သံတမန်များ အသက်ဆုံးရှုံးခဲ့ရသည်။ MP(transparencymyanmar) အပေါ်ကပုံမှာဖော်ပြထားတဲ့ လုံခြုံရေးယူနေတဲ့ တောင်ကိုး၇ီးယားကွန်မန်ဒိုလုံခြုံရေးနဲ့ လုံးဝကွာခြားတဲ့ ရန်ကုန်မြို့ကမ္ဘာအေး ဘုရားလမ်း ရွှေဂုံတိုင်မီးပွိုင့်အနီး တွေ့ရှိရသော မြန်မာလုံခြုံရေးရဲတွေရဲ့ ပုံစံဟာရဲတွေနဲ့မတူဘဲ တာဝန်ကျတာကို ပျော်ပွဲစားထွက်လာသလိုပဲ။ ဆေးလိပ်လေးသောက်လိုက်။ စကားလေး ပြောလိုက်နဲ့ဗျာ..  Photo credit should read Soe Than WIN/AFP/GettyImages)The voice weekly 
|
| အနော်ရထာစက်မှုဇုံကို ဥပဒေစည်းမျဉ်းစည်းကမ်းအညီပြန်လည်သိမ်းယူရန် တောင်းဆို Posted: 15 May 2012 08:20 AM PDT  ဆယ်နှစ်ကျော်ကြာသည်အထိ အနော်ရထာ စက်မှုဇုန်စီမံကိန်းကို အကောင်အထည်ဖော်နိုင်ခြင်း မရှိသော်လည်း ယခုအခါတွင် အသည်းအသန် ခြံစည်းရိုး စတင်ခတ်ရန် ဆောင်ရွက်နေခြင်း ဖြစ်ကြောင်းကို လယ်သမားတစ်ဦးနှင့် ဦးဝင်းချိုက လိုက်ပြပါတယ် ..  သို့ ညွှန်ကြားရေးမှူး မြို့ရွာနှင့် အိုးအိမ်ဖွံ့ဖြိုးရေးဌာန နေ့စွဲ ။ ။ ၁၅.၅.၂၀၁၂ အကြောင်းအရာ ။ ။ နစ်နာသူမူလလယ်သမားများ၏ တောင်းဆိုချက်ကိုအမြန်ဖြေရှင်းပေး နိုင်ပါ ရန်တင်ပြခြင်း အကြောင်းအရာပါ ကိစ္စနှင့် ပတ်သက်၍ ၂၆.၄.၂၀၁၂ ရက်နေ့က မြို့ရွာနှင့်အိုးအိမ်ဖွံ့ဖြိုးရေးဌာနသို့ လှိုင်သာယာမြို့နယ်၊ အပြင်ပဒံကျေးရွာအုပ်စုအတွင်းမှ လယ်သိမ်းခံလယ်သမားများသည် ဌာနတွင် မြေသိမ်းဆည်းမှုနှင့် ပတ်သက်၍ တာဝန်ရှိမရှိ လာရောက်မေးမြန်းခဲ့ကြပါသည်။ အဆိုပါမေးမြန်းချက် ကို မြို့ရွာနှင့် အိုးအိမ်ဖွံ့ဖြိုးရေးဦးစီးဌာနမှ လက်ထောက်ညွှန်ကြားရေးမှူး ဒေါ်ခင်မေအေးမှ ၃.၅.၂၀၁၂ ရက်နေ့တွင် တာဝန်ရှိကြောင်း ပြန်လည်အဖြေပေးခဲ့ပြီး ဖြစ်ပါသည်။ ထပ်မံ၍ မြို့ရွာနှင့် အိုးအိမ်ဖွံ့ဖြိုးရေးဦးစီးဌာနသို့ ၉.၅.၂၀၁၂ ရက်နေ့က တောင်းဆိုမှု (၃) ရပ်ကို လာရောက် တောင်းဆိုခဲ့ပါသည်။ အဆိုပါတောင်းဆိုချက် များမှာ- (၁) နိုင်ငံတော် (မြို့ရွာနှင့်အိုးအိမ်ဖွံ့ဖြိုးရေးဦးစီးဌာန)သည် တည်ဆဲဥပဒေနှင့် စည်းမျဉ်းစည်းကမ်းများ အရ အနော်ရထာ စက်မှုဇုန်စီမံကိန်း ဖော်ဆောင်ရာတွင် စည်းမျဉ်းစည်းကမ်းချိုးဖောက်သူထံမှ ထုတ်ပြန် ထားသော စည်းကမ်းချက်နှင့်အညီ ပြန်လည်သိမ်းယူပေးပါရန်။ (၂) ထိုသို့သိမ်းယူပြီးလျှင် မူလမြေပိုင်ရှင်ထံ ပြန်လည်လွှဲအပ်ပေးပါရန်။ (၃) မူလမြေသိမ်းခံ ပြည်သူများမှ နိုင်ငံတော်စီမံကိန်းကို အောင်မြင်သည်အထိ ဆက်လက်ဆောင်ရွက် နိုင်ရန်။ အချက်(၃) ချက်ကို အဆိုပြုခဲ့ပါသည်။ အဆိုပြုချက်ပါ (၂)နှင့်(၃)သည် လက်ငင်းဆောင်ရွက်ရန် အခက်အခဲရှိနိုင်သော်လည်း အဆိုပြုချက်(၁) သည် အာဏာပိုင်အနေဖြင့် ချက်ချင်းလက်ငင်းဆောင်ရွက်နိုင်ပြီး ဆောက်ရွက်ခြင်းမရှိသည့်အတွက် ယနေ့ (၁၅.၂.၂၀၁၂) ရက်နေ့တွင် ထပ်မံလာရောက်တောင်းဆိုခြင်း ဖြစ်ပါသည်။ အဆိုပါ တောင်းဆိုချက်များကို မေလ(၃၁)အတွင်း အကြောင်းပြန်ကြားပေးခြင်းမရှိပါက စည်းကမ်း ဖောက်ဖျက်ကုမ္ပဏီအား နစ်နာသူများမှ လွတ်လပ်စွာဖော်ထုတ်နိုင်သော မိမိတို့၏ ဆန္ဒကို ဖော်ထုတ် ၍ ငြိမ်းချမ်းစွာ ဖော်ထုတ်သွားမည် ဖြစ်ပါကြောင်း သက်ဆိုင်ရာ တာဝန်ရှိသူများအား မိမိတို့မှ အသိပေး တင်ပြလိုက်သည်။ ဦးဝင်းချို လယ်သမားများ၏ကိုယ်စားလှယ် Naung taw lay 
|
| You are subscribed to email updates from dawnmanhon To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
No comments:
Post a Comment