ဒေါ်စု ပဲခူးခရီးစဉ် ချောမွေ့အောင်မြင်

ဓာတ်ပုံ ASSOCIATED PRESS

မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည် အောင်ဆန်းဂျာမွန်း စာကြည့်တိုက်အား ဖွင့်လှစ်ပေးနေစဉ်။ သြဂုတ် ၁၄၊ ၂၀၁၁။

မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်ဟာ အကျယ်ချုပ်က လွတ်မြောက်လာခဲ့ပြီးနောက် ပထမဆုံး နိုင်ငံရေး ခရီးစဉ်အဖြစ် ပဲခူးမြို့နဲ့ သနပ်ပင်မြို့တွေကို ဒီနေ့ သွားရောက်ခဲ့ရာမှာ အာဏာပိုင်တွေနဲ့ ကြိုတင် ညှိနှိုင်းထားခဲ့တဲ့ ခရီးစဉ်မို့ အားလုံး အဆင်ပြေခဲ့တယ်လို့ NLD ပါတီက ပြောပါတယ်။ မြန်မာနိုင်ငံကို ကမ္ဘာက အဆင့်အတန်းရှိတဲ့ နိုင်ငံတခုအဖြစ် လက်ခံလာအောင် ၀ိုင်းဝန်းကြိုးစားကြဖို့နဲ့ နိုင်ငံရေးမှာ အားလုံး ပါဝင်လာဖို့အတွက် ဒေါ်အောင်ဆန်းစုကြည်က တိုက်တွန်းခဲ့သလို မြန်မာအစိုးရ၀န်ကြီး ဦးအောင်ကြည်နဲ့ တွေ့ဆုံ ဆွေးနွေးနေတဲ့ အခြေအနေ တချို့ကိုလည်း လူထုကို ရှင်းပြခဲ့ပါတယ်။ ဒေါ်အောင်ဆန်းစုကြည်ရဲ့ ဒီကနေ့ ပဲခူးတိုင်း ခရီးစဉ် အခြေအနေ အသေးစိတ်ကို မသင်းသီရိက တင်ပြပေးထားပါတယ်။
နေအိမ်အကျယ်ချုပ်ကနေ လွတ်မြောက်လာအပြီး ဒေါ်အောင်ဆန်းစုကြည်ရဲ့ ဒီကနေ့ ပဲခူးခရီးစဉ်ဟာ NLD ပါတီအတွက် ပထမဆုံး ရန်ကုန်တိုင်း အပြင်ဘက်ထွက်ပြီး နိုင်ငံရေးနဲ့ စည်းရုံးရေး လှုပ်ရှားမှုတခု ဖြစ်ပါတယ်။ ဒေါ်အောင်ဆန်းစုကြည်နဲ့ အဖွဲ့ဟာ ပဲခူးမြို့အရောက် ပထမဆုံး ရွှေမော်ဓောဘုရားကို ၀င်ရောက် ဖူးမြော်ခဲ့သလို ဘုရားဝင်း တောင်ဘက်မုခ်မှာရှိတဲ့ သာသနာ့မဏ္ဍိုင်ကျောင်းက ဆရာတော်ကြီး အပါအ၀င် ရဟန်း သံဃာတွေကို သင်္ကန်းဆက်ကပ် လှူဒါန်းတာတွေ ပြုလုပ်အပြီး မနက် ၁၀ နာရီမှာ သနပ်ပင်မြို့က အောင်ဆန်းဂျာမွန်း စာကြည့်တိုက်ဖွင့်ပွဲကို သွားရောက်ခဲ့ပါတယ်။
ကြိုဆိုနေတဲ့ ပရိသတ် ၃,၀၀၀ ကျော်လောက်ကို ဒေါ်အောင်ဆန်းစုကြည်က မြန်မာနိုင်ငံဟာ ကမ္ဘာမှာ အဆင့်အတန်းရှိတဲ့ နိုင်ငံတခု ဖြစ်လာဖို့နဲ့ နိုင်ငံအတွက် အကျိုးရှိမယ့် လုပ်ငန်းတွေမှာ အားလုံး ပူးပေါင်း ပါဝင်လာကြဖို့ လူထုကို အခုလို တိုက်တွန်းပါတယ်။
“နိုင်ငံရေးဟာ နိုင်ငံရေးပဲ။ နိုင်ငံရေးကို ရှေ့ထားပြီး ကျမတို့ လုပ်နိုင်ရမယ်။ အဲဒီတော့ နိုင်ငံရေး လုပ်တယ်ဆိုတာ အဓိက ရည်ရွယ်ချက်ကတော့ ပြည်သူပြည်သားတွေရဲ့ မျှော်လင့်ချက်တွေကို အကောင်အထည်ဖော်ဖို့ပဲ ဖြစ်ရမယ်။ ပဲခူးမြို့သူ မြို့သားတွေက ဒီလောက် နွေးနွေးထွေးထွေးနဲ့ ကျမတို့ကို ထောက်ခံတယ်ဆိုတာ ကျမ သဘောပေါက်ပါတယ်။ အဲဒီတော့ ဒီလို ထောက်ခံမှုတွေ ရှိတယ်ဆိုရင်လည်း ကျမတို့ဘက်က တာဝန်တွေ ရှိလာပါတယ်။ ပြည်သူလူထုက ထောက်ခံတယ် ဆိုတာဟာ မျှော်လင့်ချက်နဲ့ ထောက်ခံတာပါ။”
သနပ်ပင်မြို့က စာကြည့်တိုက် ဖွင့်ပွဲအပြီး ပဲခူးမြို့က နောက်ထပ် အောင်ဆန်းဂျာမွန်း စာကြည့်တိုက်ဖွင့်ပွဲ သွားခဲ့ရာမှာလည်း စာကြည့်တိုက်ရှိရာ ပန်းလှိုင် ၂၃ ရပ်ကွက် အပြည့် လူထုက စောင့်ဆိုင်း ကြိုဆိုခဲ့ကြပါတယ်။ အဲဒီမှာ NLD ဒုတိယဥက္ကဋ္ဌ ဦးတင်ဦးက အမှာစကား ပြောခဲ့သလို ဒေါ်အောင်ဆန်းစုကြည်ဟာ လူထုရဲ့ တောင်းဆိုချက်အရ ၂ ကြိမ် ထွက်ပြီး စကားပြောခဲ့ရပါတယ်။ အထူးသဖြင့် လိုအပ်ချက်တွေအရ နိုင်ငံရေးတွေ ဆက်လုပ်ကြဖို့လိုတယ် ဆိုတာနဲ့အတူ ပြီးခဲ့တဲ့ သြဂုတ်လ ၁၂ ရက် သောကြာနေ့က အစိုးရရဲ့ ပြည်ထောင်စုဝန်ကြီး ဦးအောင်ကြည်နဲ့ တွေ့ဆုံဆွေးနွေးမှု အခြေအနေတွေကိုလည်း လူထုကို အခုလို ရှင်းပြခဲ့ပါတယ်။
“အခု ပြည်သူတွေက ဘာသိပ်သိချင်နေလဲဆိုတာ ကျမ မှန်းရတာတော့ ၀န်ကြီး ဦးအောင်ကြည်နဲ့ တွေ့တဲ့ကိစ္စတွေ ဘယ်လိုနေလဲဆိုတာ။ အခုအချိန်ထိ အသေးစိတ် မပြောသေးတာက ဘာဖြစ်လို့လဲဆိုတော့ တိတိကျကျ လုပ်ဖို့ကိစ္စလေးတွေက ရှိပါသေးတယ်။ ကျမက ပြည်သူတွေကို လွဲမှားတဲ့ မျှော်လင့်ချက်တွေ မပေးချင်ဘူး။ မသေချာ မရေရာဘဲနဲ့ ဟိုဟာလုပ်ပေးမယ်၊ ဒီဟာလုပ်ပေးမယ်ဆိုတဲ့ ကတိတွေ ကျမ မပေးချင်ဘူး။ စိတ်ဓာတ်ကို ခိုင်ခိုင်မာမာ ထားကြပါ။ ကျမတို့နဲ့ အမြဲပဲ အဆက်အသွယ်မပြတ် နေကြပါ။ ကျမတို့ကို အခုလို စေတနာ မေတ္တာနဲ့ လာပြီး ထောက်ခံတဲ့ဟာကို ကျေးဇူးတင်သလို ဆက်လည်း ထောက်ခံကြပါလို့ မေတ္တာရပ်ခံပါတယ်။”
မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည် ဒီနေ့ ပဲခူးလူထုကို ပြောခဲ့တဲ့ မိန့်ခွန်း တစိတ်တပိုင်း ဖြစ်ပါတယ်။
အဲဒီနောက် ပဲခူးတိုင်းအတွင်း ကြုံနေရတဲ့ ရေဘေးအခြေအနေတွေကို ကူညီနိုင်ဖို့ ပဲခူးတိုင်း အဖွဲ့ဝင်တွေနဲ့ ကော်မတီတရပ်ကို ဖွဲ့စည်းခဲ့သလို ပဲခူးက အနောက်ရွှေနံ့သာကျောင်းမှာ ရှိတဲ့ ရေဘေးဒုက္ခသည်တွေဆီကို သွားရောက် တွေ့ဆုံခဲ့ပါတယ်။
ဒီကနေ့ ပဲခူးတိုင်း ခရီးစဉ်အတွင်း ဒေါ်အောင်ဆန်းစုကြည်ရဲ့ လုံခြုံရေးကို NLD ဗဟိုက လူငယ်တွေအပြင် ပဲခူး NLD အဖွဲ့ဝင်တွေနဲ့အတူ ဒေသခံ တာဝန်ရှိ အာဏာပိုင်တွေဘက်ကပါ ကူညီခဲ့တယ်လို့ ပဲခူးမြို့က NLD အဖွဲ့ဝင် ရှေ့နေကြီး ဦးမြတ်လှက ပြောပါတယ်။
“ရေဘေးဒုက္ခသည်တွေ ရှိတဲ့ အနောက် ရွှေနံ့သာကျောင်းကို သွားတယ်။ အနောက်ရွှေနံ့သာကို သွားတဲ့အခါ အဲဒီမှာလည်း ရေဘေးဒုက္ခသည်တွေကို သူကိုယ်တိုင် တွေ့ရတာပေါ့။ ကိုယ်တိုင်တွေ့ပြီး သူ အဲဒီမှာပြောတာ လူက တိုးလို့ကို မရဘူးဗျာ၊ အဲဒီမှာ ဗဟိုလူငယ်ကလည်း လာတယ်၊ ကျနော်တို့ ဒီကလည်း လူငယ်တွေက အကုန်လုံး စည်းကမ်းတကျ လုပ်ထားတယ်လေ။ ဒါ့အပြင် ရဲကလည်း အများကြီး ကူညီတယ်ဗျ။”
ပဲခူးမြို့က ရှေ့နေကြီး ဦးမြတ်လှ ပြောပြခဲ့တာ ဖြစ်ပါတယ်။
ဒေါ်အောင်ဆန်းစုကြည်နဲ့ အဖွဲ့ဟာ အခု ညနေ ၅ နာရီခွဲက ရန်ကုန်ကို ပြန်ရောက်ခဲ့ပါတယ်။ ဒီခရီးစဉ်ကို NLD ပါတီ ဒုတိယဥက္ကဋ္ဌ ဦးတင်ဦး၊ ဒေါ်အောင်ဆန်းစုကြည်နဲ့အတူ NLD ပါတီဝင်တချို့၊ လူငယ်အဖွဲ့တွေအပြင် ရန်ကုန်အခြေစိုက် နိုင်ငံခြားသံရုံး တချို့က သံအရာရှိတွေ၊ ပြန်ကြားရေး အရာရှိတွေနဲ့အတူ ပြည်တွင်းပြည်ပ သတင်းဌာနက သတင်းထောက်တွေ အပါအ၀င် မော်တော်ယာဉ် အစီး ၃၀ နီးပါးနဲ့ ဒီခရီးစဉ်မှာ လိုက်ပါသွားကြတာ ဖြစ်ပါတယ်။

နိုင်ငံရေးခရီးစဉ်အဖြစ် ပဲခူးမြို့ကို ဒေါ်အောင်ဆန်းစုကြည် သွားရောက်

2011-08-14

မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်ဟာ ဒီကနေ့ ပဲခူးခရီးစဉ် အတွင်း စည်းလုံးညီညွတ်ရေး ရှိဖို့ တိုက်တွန်းလိုက် ပါတယ်။ ဒီကနေ့ မနက်ပိုင်း ပဲခူးမြို့ကို သွားရောက်စဉ် ထောင်နဲ့ချီတဲ့ ပြည်သူလူထုကြီးကို စကားပြောကြားရာမှာ တိုင်းပြည် ဖွံ့ဖြိုးတိုးတက်ရေးအတွက် အားလုံး အတူတကွ လက်တွဲလုပ်ဆောင်ဖို့ လိုတယ်လို့ ပြောဆိုခဲ့ပါတယ်။

AFP

၂ဝ၁၁ ခုနှစ် သြဂုတ်လ ၁၄ ရက်နေ့က ပဲခူးမြို့သို့ ရောက်ရှိလာသည့် မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ကို ပဲခူးလူထုက ဝိုင်းဝန်းကြိုဆိုကြစဉ်။ (Photo: RFA)

“တကယ်ပဲ တိုင်းပြည်အတွက် ပူးပေါင်းဆောင်ရွက်ချင်တယ် ဆိုလို့ရှိရင် တယောက်နဲ့တယောက် ပူးတွဲပြီး လုပ်နိုင်စရာ အကြောင်းတွေ အများကြီးရှိတယ်။ ကိုယ် ဖြစ်စေချင်တဲ့ပုံစံ ဖြစ်အောင်လို့ ကိုယ်တတ်နိုင်သမျှ လုပ်စေချင်တယ်။ ဒါ ကျမတို့ရဲ့ ပြည်သူတွေကို ကျမ တိုက်လည်း တိုက်တွန်းချင်တယ်၊ အားလည်း အားပေးချင်တယ်။ တိုက်တွန်းချင်တယ်ဆိုတာက ဒါလုပ်ရမယ်၊ တာဝန်ရှိတယ် ဆိုပြီးတော့ တိုက်တွန်းတာပါ။ အားပေးတယ် ဆိုတာကတော့ ကိုယ့်မှာ လုပ်နိုင်တဲ့ အရည်အချင်းရှိတယ် ဆိုပြီးတော့ အားပေးတာပါ”

ပြီးခဲ့တဲ့ရက်က အစိုးရ ကိုယ်စားလှယ် ဝန်ကြီးဦးအောင်ကြည်နဲ့ တွေဆုံခဲ့တဲ့ကိစ္စနဲ့ ပတ်သက်ပြီး အသေးစိတ် ထုတ်ဖော် မပြောနိုင်သေးတာကို သည်းခံကြဖို့လည်း ဒေါ်အောင်ဆန်းစုကြည်က ပြောကြားခဲ့ပါတယ်။

“ပြည်သူလူထုတွေရဲ့ စိတ်ထဲမှာ ဘာရှိလဲ၊ နှလုံးသားထဲမှာ ဘာတွေ ရှိလဲဆိုတာ ကျမ သိပါတယ်။ အခုချိန်အထိ အသေးစိတ် မပြောသေး တာ ဘာဖြစ်လို့လဲဆိုတော့ တိတိကျကျ လုပ်ဖို့ ကိစ္စလေးတွေက ရှိပါသေးတယ်။ ကျမ ပြည်သူတွေကို လွဲမှားတဲ့ မျှော်လင့်ချက်တွေ မပေးချင်ဘူး။ မသေချာမရေရာပဲနဲ့ ဟိုဟာ လုပ်ပေးမယ်၊ ဒီဟာ လုပ်ပေးမယ်ဆိုတဲ့ ကတိတွေ ကျမ မပေးချင်ဘူး”

ဒေါ်အောင်ဆန်းစုကြည် ခရီးစဉ်အတွင်း ပဲခူးနဲ့ သနပ်ပင်မြို့တွေမှာ ထောင်နဲ့ချီတဲ့ ပြည်သူတွေကို စကား ပြောကြားခဲ့ပါတယ်။ စိတ်ဓာတ် ကြံ့ခိုင်ကြဖို့ တိုက်တွန်းခဲ့သလို မြန်မာ့ ဒီမိုကရေစီရေးအတွက် ၂ ဆ တိုးပြီး ထောက်ခံပါဝင်ဖို့ကိုလည်း တိုက်တွန်းပြောဆိုခဲ့ပါတယ်။ ဒေါ်အောင်ဆန်းစုကြည်ဟာ ပဲခူးမြို့နဲ သနပ်ပင်မြို့တွေမှာ ‘အောင်ဆန်းဂျာမွန်း’ စာကြည့်တိုက်နဲ့ အခမဲ့ အင်္ဂလိပ်စာ သင်တန်းတွေကို ဖွင့်လှစ်ပေးခဲ့ပါတယ်။

အဲဒီနောက် ဒေါ်အောင်ဆန်းစုကြည်ဟာ ပဲခူးပြည်သူလူထုကို စကားပြောကြားခဲ့ပြီးနောက် ရေဘေးဒုက္ခသည်တွေ ခိုလှုံနေတဲ့ အနောက်ရွှေနံ့သာ ဘုန်းတော်ကြီးကျောင်းကို သွားရောက်ခဲ့ပြီး ရေဘေးဒုက္ခသည်တွေကို တွေ ဆုံခဲ့ပါတယ်။ ပဲခူး NLD အဖွဲ့ဝင်တဦးဖြစ်တဲ့ ကိုဆန်းလင်းကြည်က အခုလို ပြောပြပါတယ်။

“အနောက်ရွှေနံ့သာကျောင်းက ရေဘေးဒုက္ခသည်တွေဆီကို သွားတယ်။ လူထုက အရမ်းများတယ်။ ရေဘေးဒုက္ခသည်တွေကလည်း အန်တီ့ကို တွေ့ဖူးချင်တဲ့အခါကျတော့ တကယ့်ကိုပဲ တိုးကြိတ်ပြီး၊ နောက် အန်တီက သူတို့ကို စကားပြောတဲ့အခါကျတော့ သူတို့ရဲ့ သောကတွေ ပျောက်ကုန်သလား မသိပါဘူးဗျာ လက်ခုတ်တွေတီးပြီး ထောက်ခံ အားပေးကြတာ”

ဒါ့အပြင် ပဲခူးမြို့က ရှေ့နေများကွန်ရက်နဲ့လည်း တွေဆုံခဲ့ပြီး ပြည်သူတွေအတွက် ဥပဒေကြောင်းအရ အကာကွယ်ပေးဖို့ ပြောကြားခဲ့တယ်လို့ သိရပါတယ်။ အဲဒီနောက် နေ့လည် ၃ နာရီခွဲလောက်မှာ ဒေါ်အောင်ဆန်းစုကြည်ဟာ ပဲခူးမြို့ကနေ ပြန်လည်ထွက်ခွာခဲ့ပါတယ်။ ဒီခရီးစဉ်တလျှောက် ဒေါ်အောင်ဆန်းစုကြည်နဲ့အတူ NLD ဒု-ဥက္ကဋ္ဌ ဦးတင်ဦးလည်း လိုက်ပါသွားခဲ့ပါတယ်။ ဒီခရီးစဉ်အတွင်း အာဏာပိုင်တွေက ဟန့်တားနှောက်ယှက်တာ မရှိသလို တာဝန်ကျ ရဲနဲ့ လမ်းပြရဲတွေက ဒေါ်အောင်ဆန်းစုကြည် သွားရာလမ်းမှာ ရှင်းလင်း ဖယ်ရှားပေးခဲ့တယ်လို့လည်း သိရပါတယ်။

ဒီခရီးစဉ်နဲ့ပတ်သက်လို့ ကိုဇော်မိုးကျော်က စုစည်း တင်ပြထားပါတယ်။

	စုစည်းတင်ပြချက်။
	အသံဖိုင်ယူရန်။

ဒီခရီးစဉ်မှာ ဒေါ်အောင်ဆန်းစုကြည် ပြောကြားခဲ့တာတွေနဲ့ ပတ်သက်လို့ ဒေါ်အောင်ဆန်းစုကြည်နဲ့အတူ လိုက်ပါသွားတဲ့ NLD ဒု-ဥက္ကဋ္ဌ ဦးတင်ဦးနဲ့ ဆက်သွယ်မေးမြန်းပြီး မခင်ခင်အိက တင်ပြထားပါတယ်။

	စုစည်းတင်ပြချက်။
	အသံဖိုင်ယူရန်။

ပဲခူးမြို့ခံတွေရဲ့ တုံ့ပြန် ပြောကြားချက်တွေနဲ့ ပတ်သက်လို့ ဒေါ်ညိုညိုက စုစည်း တင်ပြထားပါတယ်။

စုစည်းတင်ပြချက်။

အသံဖိုင်ယူရန်။ Saturday, 13 August 2011 ဒေါ်အောင်ဆန်းစုကြည်၏ ပဲခူး၊ သနပ်ပင် ခရီးစဉ် ဓာတ်ပုံသတင်း သြဂုတ် ၁၄၊ ၂၀၁၁ ပဲခူးမြို့ သာသနာ့မဏ္ဍိုင်ကျောင်းတိုက်တွင် ဝါဆိုသင်္ဃန်းကပ်လှူခဲ့သည်။ (ဓာတ်ပုံများ -AP သတင်းဌာန) ရွှေမောဓော စေတီတွင် တွေ့ရသော ဒေါ်အောင်ဆန်းစုကြည် နှင့် ဦးတင်ဦး ပဲခူးမြို့အနီးရှိ သနပ်ပင်မြို့နယ်တွင် စာဖတ်ခန်း ဖွင့်ပွဲ ပြုလုပ်နေပုံ ဒေါ်အောင်ဆန်းစုကြည်၏ ပထမဆုံး နိုင်ငံရေး ခရီးစဉ် ဖနိဒါ | တနင်္ဂနွေနေ့၊ သြဂုတ်လ ၁၄ ရက် ၂၀၁၁ ခုနှစ် ၁၉ နာရီ ၅၄ မိနစ် ချင်းမိုင် (မဇ္ဈိမ)။        ။ အဖြူရောင်ရှပ်အင်္ကျီများ ဝတ်ဆင်ထားသည့် လူငယ် သက်တော်စောင့်များ ခြံရံလျက် ဒေါ်အောင်ဆန်းစုကြည်သည် ရန်ကုန်မြို့အပြင်ဘက်သို့ နေ့ချင်းပြန် နိုင်ငံရေးခရီးစဉ်ကို သွားရောက်ကာ သူ၏ နိုင်ငံရေး လှုပ်ရှားနိုင်မှုအတိုင်းအတာကို စမ်းသပ်လိုက်သည်။ စာကြည့်တိုက် နှစ်ခုဖွင့်ပွဲနှင့် ထောင်ပေါင်းများစွာသော ရေဘေးဒုက္ခသည်များ အတွက် အလှူငွေပေးအပ်ရန် အမျိုးသား ဒီမိုကရေစီအဖွဲ့ချုပ် အထွေထွေအတွင်းရေးမှူး ဒေါ်အောင်ဆန်းစုကြည်သည် ပဲခူးသို့ သွားရောက်ခဲ့ခြင်း ဖြစ်သည်။ ဆယ်စုနှစ်ပေါင်းများစွာ ပညာရေးစနစ် ယိုယွင်းခဲ့ရသော နိုင်ငံတွင် လူငယ်များ အရည်အသွေး မြှင့်ပေးရေးအတွက် ကြိုးပမ်းမှု တရပ်အနေဖြင့် သူ့ကို ဂုဏ်ပြု ထူထောင်ထားသော စာကြည့်တိုက်များကို အန်အယ်ဒီက ထူထောင်ထား ခြင်း ဖြစ်သည်။ အောင်ဆန်းဂျာမွန်း စာကြည့်တိုက်များမှာ အရွယ်အစားအရ သေးငယ်သော်လည်း ထောင်ပေါင်းများစွာသော ကဗျာ၊ နိုင်ငံရေးမှသည် ဝတ္ထုစာအုပ်များ ငှားရမ်း ဖတ်ရှုနိုင်သည်။ စာကြည့်တိုက် ထူထောင်သူများကတော့ လူငယ်များ အရက်ဆိုင်၊ ဘိလိယက်ခုံနှင့် ဗီဒီယိုဂိမ်း ကစားမည့်အစား စာဖတ်လာအောင် ဆွဲဆောင်နိုင်ရန် ရည်ရွယ်ထားသည်။ စာဖတ်ခြင်းသည် အရေးကြီးကြောင်းနှင့် လူငယ်များ စိတ်ဓာတ်ကြံ့ခိုင်ရေးသည်လည်း မည်မျှအရေးကြီးကြောင်း ဒေါ်အောင်ဆန်းစုကြည်က မိန့်ခွန်းထဲတွင် အလေးအနက်ထား ပြောကြားသွားသည်။ ကိုယ်တိုင်ပင် စာဖတ်သူ တဦး ဖြစ်သူ ဒေါ်အောင်ဆန်းစုကြည်အနေဖြင့် လူငယ်များနှင့် တွေဆုံခြင်းနှင့် မိန့်ခွန်းပြောကြားမှုကို အဓိက ပြုလုပ်ခဲ့သည်။ သို့သော်လည်း ခရီးစဉ်မှာ အစိုးရ၏ သဘောထားကို စမ်းသပ်ခြင်းတခုလည်း ဖြစ်သည်။ နိုဝင်ဘာလ ကတည်းက နေအိမ်အချုပ်မှ လွတ်မြောက်ကတည်းက ရန်ကုန်အပြင်ဘက်သွားလျှင် အကြမ်းဖက်မှုဖြစ်ပွားမှာကို စိုးရိမ်နေခဲ့ ကြသည်။ ၂ဝဝ၃ ခုနှစ် မေလက ဒီပဲယင်းတွင် အစိုးရမှ ကြောထောက်နောက်ခံပေးထားသော လူမိုက်တစုက တိုက်ခိုက်၍ အနည်းဆုံး လူ ၇ဝ သေဆုံးပြီး ဒေါ်အောင်ဆန်းစုကြည်ကိုယ်တိုင်ပင် ကံသီ၍ လွတ်မြောက်ခဲ့သည်။ သူလည်း အဖမ်းခံခဲ့ရပြီး နေအိမ်အကျယ်ချုပ် ကျခံရပြန်သည်။ နံနက် ၅ နာရီ ၄၅ မိနစ်တွင် ရန်ကုန်မှထွက်ခွာပြီး ညနေ ၅ နာရီခန့်တွင် ပြန်ရောက်လာခဲ့သည့် ပဲခူးခရီးတိုမှာ အဆင်ပြေချော့မွေ့ခဲ့သည်။ စာကြည့်တိုက်ဖွင့်ခြင်း၊ ဘုန်းကြီးကျောင်းသွားခြင်းနှင့် ရေဘေးဒုက္ခသည်များကို ကူညီခြင်းများ ပြုလုပ်နိုင်ခဲ့သည်။ မြန်မာနိုင်ငံ ဒီမိုကရေစီအင်အားစု (FDB) အထွေထွေ အတွင်းရေးမှူး ဒေါက်တာနိုင်အောင်က ဒေါ်အောင်ဆန်းစုကြည် ခရီးစဉ်မှာ ပြည်ထောင်စုဝန်ကြီး ဦးအောင်ကြည်နှင့် တွေ့ဆုံဆွေးနွေးပြီး ဖြစ်မြောက်လာသည့် အတွက် အာဏာပိုင်များနှင့် "ညှိညှိနှိုင်းနှိုင်း" လုပ်နေသည့်ဟန်ရှိသည်ဟု ဆိုသည်။ အတိုက်အခံခေါင်းဆောင်အနေဖြင့် အောက်ခြေပါတီဝင်များနှင့် လူထုကိုထိတွေ့ခြင်းသည် ကောင်းသည်ဟုဆိုရင်း ယခု ပထမဆုံးနိုင်ငံရေး ခရီးစဉ်၏ အောင်မြင်မှုမှာ လူဘယ်လောက် တွေ့ဆုံနိုင်လဲဆိုခြင်းနှင့် လူမှုရေးကွန်ယက်များ ကို လက်တွေ့သဘောပါသော လမ်းညွန်မှုပေးနိုင်ခြင်းတို့ပေါ်တွင် မူတည်သည်ဟု သူက ပြောသည်။ NLD ပါတီ ဒုဥက္ကဌ ဦးတင်ဦးက ပဲခူ့း နိုင်ငံရေးခရီးစဉ်မှာ အောင်မြင်မှုရှိပြီး အားရ ကျေနပ်သည်ဟု  ပြောသည်။ “ကျနော်က အရင်တုန်းက သူနဲ့အတူတူသွားခဲ့တဲ့ အခြေအနေထက် ပိုပြီး ထူးဆန်းမလားလို့တောင် ကျနော်က အောက်မေ့တယ်။ လူထုက တော်တော်ကိုပဲ အားကိုးတကြီးရှိပြီးတော့ အခုလို ပထမဆုံးအကြိမ် နိုင်ငံရေး သဘောဆန်တဲ့ စည်းရုံးမှုထွက်လာတဲ့ ဟာဆိုလို့ ပိုမိုပြီးတော့ အားတက်သရောနဲ့ ကြိုဆိုကြတယ်” ဟု ဦးတင်ဦး ကပြောသည်။ “စပြီးထွက်ကတည်းကနေ အဆင်ပြေအောင်လုပ်ပေးထားတာက တလမ်းလုံး မော်တော်ပီကယ်တို့၊ ဘာတို့ ပဲခူးရောက်တဲ့အထိ ထိန်းသိမ်း ပေးတဲ့အတွက် ချောချောမောမောဖြစ်တယ်လို့  ယူဆရမှာပေါ့။ ဟိုတုန်းကတော့ ကြံ့ဖွံတို့က မလာရ၊ မသွားရဆိုတာမျိုးတွေ ရှိခဲ့တယ်လေ။ ခုတော့ အဲဒီဟာနဲ့ ပတ်သက်တာ ချောချောမောမော အောင်မြင်ပါတယ်။ အားလုံးကတော့ ချောချောမောမောပါပဲ”ဟု သူက ဆက်ပြောသည်။ သနပ်ပင်မြို့မှ အောင်ဆန်းဂျာမွန်း စာကြည့်တိုက် နံနက်ပိုင်း ၉ နာရီခွဲချိန်က ဖွင့်လစ်ခဲ့ပြီးနောက် ပဲခူးမြို့ ဥက္ကဋ္ဌ ဦးမြတ်လှ၏ နေအိမ်တွင် ဒေါ်အောင်ဆန်းစုကြည်မိန့်ခွန်းပြောရာ လူ ၃,ဝဝဝ ကျော်က လာရောက်ခဲ့သည်ဟု သိရသည်။ ထို့ပြင် ပဲခူးတိုင်းမှ ရှေ့နေကွန်ယက်အဖွဲ့များနှင့်လည်း တွေ့ဆုံခဲ့ရာ အဓိကအားဖြင့် ဥပဒေအရ အကျိုးဆောင်ပေး နေသော ဥပဒေစိုးမိုးရေးနှင့်ပတ်သက်၍ အခက်အခဲများကို ဒေါ်အောင်ဆန်းစုကြည်ကို တင်ပြခဲ့ကြသည်ဟု သိရသည်။ “များသောအားဖြင့် ဥပဒေစိုးမိုးရေးဆိုတဲ့အပိုင်းမှာ အထူးသဖြင့် လယ်ယာမြေ ကိစ္စနဲ့ ပတ်သက်လို့ အာဏာပိုင် အဖွဲ့အစည်းမှာ ရှိနေတဲ့ သြဇာရှိတဲ့ မြို့နယ်၊ ကျေးရွာတွေမှာလုပ်နေတဲ့လူတွေက မြေယာတွေ ယူထား၊ သိမ်းထား တာတွေ တော်တော်များများ ပါတယ်။ အဲဒါနဲ့ ပတ်သက်အားလုံးကို ဥပဒေနဲ့အညီ လုပ်ကိုင်ပေးနေတဲ့ဆိုတာတွေ တင်ပြကြတယ်” ဟု ဦးတင်ဦးက ပြန်ပြောပြသည်။ နံနက်ပိုင်းတွင် ပဲခူးမြို့ သံသနာ့မာန်တိုင် ကျောင်းတိုက်မှ ဆရာတော်နှင့် သံဃတော် အပါး ၂ဝဝ ခန့်ကိုလည်း ပစ္စည်းများ လှူဒါန်းခဲ့သေးသည်ဟု ဦးတင်ဦးက ပြောသည်။ “ကျနော်က လူသားတွေအတွက် သူရဲကောင်းတယောက်လို လက်ခံ အသိအမှတ်ပြုပြီးတော့ လေးစားနေတဲ့ ဒေါ်အောင်ဆန်းစုကြည်ကို တွေ့ရတဲ့အတွက် ကျနော်က လူဖြစ်ရကျိုးနပ်သွားပြီလို့ နည်းနည်း ပြောချင်ပါတယ် ခင်ဗျာ” ပဲခူးမြို့သား တဦးကပြောသည်။ ဒေါ်အောင်ဆန်းစုကြည်က ပဲခူးမြို့ရှိ အနောက်ရွှေနံ့သာကျောင်းတိုက်တွင် ရေဘေးဒုက္ခသည်များကို အားပေး စကား ပြောကြားပြီးနောက် မြန်မာစံတော်ချိန် ၃ နာရီချိန်တွင် ရန်ကုန်မြို့သို့ ပြန်လာခဲ့သည်။ညနေ ၅ နာရီခွဲချိန် တွင် ရန်ကုန်မြို့ တက္ကသိုလ်ရိပ်သာလမ်းရှိ နေအိမ်သို့ ရောက်