မန္တလေးကို ချစ်တဲ့စိတ် ကိုယ့်လူမျိုးကို ချစ်တဲ့စိတ်
သိပ်မကြာခင်က ဂျာနယ် တစ်စောင်က သတင်းတစ်ပုဒ် ဖတ်လိုက်ရတဲ့ အတွက် ရက်ပေါင်းများစွာ စိတ်ထဲမှာ ဖျောက်လို့မရအောင် စွဲထင်နေတယ်။ စိတ်လက်မကြည်မသာလည်း ဖြစ်ရတယ်။
ပွဲသဘင်ပေါတဲ့မြို့
မန္တလေးမြို့မှာ ဒီနှစ်အငြိမ့်အဖွဲ့ နှစ်ဖွဲ့သာ ရှိတော့တယ်ဆိုတဲ့ သတင်းပါ။ မယုံနိုင်လောက်အောင်ကို အံ့သြမိတယ်။ ဖြစ်နိုင်ပါ့မလားလို့ အထပ်ထပ် စဉ်းစားကြည့်တယ်။ မန္တလေးကလူတွေကို ကိုယ်တိုင်မေးကြည့်တော့မှ ဟုတ်တယ...်ဆိုတာ မယုံချင်ဘဲ ယုံလိုက်ရတယ်။ ရှေးက မန္တလေးဆိုတာ မြန်မာပြည်က ဘယ်မြို့နဲ့မှ မတူအောင် ပွဲလမ်းသဘင်တွေ ပေါများတဲ့မြို့ဖြစ်တယ်။ ဆယ့်နှစ်လရာသီ ပွဲပြတ်တယ်မရှိဘူး။ ကိစ္စကြီးငယ်ရှိလို့ ညဘက် အသွားအလာလုပ်ရင် အငြိမ့်စင်တွေ ဇာတ်စင်တွေနဲ့ ပိတ်မနေတဲ့လမ်းကို အတော်ရှာပြီးသွားရတယ်။ မန္တလေး က ရပ်ကွက်တိုင်းမှာ ဘုရားတစ်ဆူ အနည်းဆုံးရှိတယ်။ တချို့ရပ်ကွက်ဆို နှစ်ဆူရှိတယ်။ ဘုရားပွဲ၊ ကထိန်ပွဲ၊ ဘာပွဲဖြစ်ဖြစ် အငြိမ့် တစ်ခုနဲ့ ဇာတ်တစ်ခုပါမြဲပဲ။ ပြီးတော့ ၂ရက် ကျင်းပမြဲဖြစ်တယ်။ တချို့ချမ်းသာ တဲ့ရပ်ကွက်ဆိုရင် အငြိမ့်နှစ်ခုလောက်ထိ ထည့်လေ့ရှိတယ်။
သဘင့်တက္ကသိုလ်
ပွဲတွေများတော့ အငြိမ့်တွေ ဇာတ်တွေလည်း များတယ်။ အငြိမ့် အဖွဲ့ပေါင်း နှစ်စဉ် လေးငါးခြောက်ဆယ် ရှိတယ်။ ရုံနဲ့ကတဲ့ ဇာတ်ကြီးနဲ့ ကြည့်ချင်ပွဲကတဲ့ ဇာတ်ကလေးတွေလည်း အတော်များတယ်။ ရဟန်း၊ သံဃာများ စာဝါလိုက်ကြရာမှာ မန္တလေးမှာ လာပြီး စာမသင်ဖူးသေးရင် စာတတ်ပြီလို့ မယူဆကြဘူး။ အဲဒီလိုပဲ သဘင်သည်များလည်း မန္တလေးလာပြီး ပညာမဆည်းပူးရသေးရင် ပညာစုံပြီ၊ သဘင်သည် လားမြောက်ပြီလို့ မယူဆဘူး။ ဒါကြောင့် သဘင်လောကမှာ မန္တလေး ကို သဘင့်တက္ကသိုလ်လို့ ခေါ်လေ့ရှိတယ်။ ဒါတွေအပြင် တခြား ထူးခြားချက်တွေလည်း ရှိသေးတယ်။ ဥပမာ ဘုရားဆင်းတုတော် တွေထုလုပ်တဲ့ ကျောက်ဆစ် လုပ်ငန်း၊ ကြေးသွန်း လုပ်ငန်းနဲ့ နိဗ္ဗာန်ကုန် လို့ခေါ်တဲ့ ဘုရားထီးတော်၊ စိန်ဖူးတော်၊ ပလ္လင်တော်၊ မှန်စီရွှေချလုပ်ငန်း စတဲ့ လုပ်ငန်းတွေ အကြီးအကျယ် လုပ်တာဆိုလို့လည်း မန္တလေးတစ်မြို့ပဲရှိတယ်။ မန္တလေးမြို့မှာတောင် ဘုရားကြီးအရှေ့မုခ်နဲ့ အနောက်မုခ် ကျောက်ဆစ်တန်းတို့မှာပဲ လုပ်ကြတယ်။
အနုပညာမြို့တော်
ဘုရားရွှေချတဲ့ ရွှေဆိုင်းလုပ်ငန်း ဆိုရင်လည်း မြန်မာပြည် ဘယ်အရပ်ဘယ်ဒေသ မှာမှမရှိဘူး။ မန္တလေးက မျက်ပါးရပ် တစ်ခုတည်း မှာပဲလုပ်တယ်။ မြန်မာပြည်အနှံ့က ဘုရားပုထိုးစေတီများ ရွှေချဖို့ မန္တလေးကပဲ မှာယူကြရတယ်။ ရှင် ပြု၊ နားသတွေမှာ ဝတ်ဆင်ကြတဲ့ မောင်ရင်လောင်းဝတ်စုံ၊ ဦးသျှောင်၊ မကိုဋ်၊ စလွယ်၊ ဟင်္သာခြေနင်းနဲ့ နားထွင်းသူ ဝတ်ဆင်ရတဲ့ ဒွါဒယာ ဘယက်နဲ့ စည်းပုံစတဲ့ ရွှေချည်ထိုး ပစ္စည်းများလည်း မန္တလေးက ရွှေချည်ထိုးရပ် တစ်ခုတည်းမှာပဲ လုပ်တယ်။ ဒါတွေကြောင့် ရှေးခေတ် အဆက်ဆက်ကပဲ မန္တလေးကို ယဉ်ကျေးမှု အနုပညာမြို့တော်လို့ ခေါ်ဆိုခဲ့ကြတယ်။
အလုပ်ကို စွန့်တယ် မန္တလေးကို မစွန့်ဘူး
မင်းနေပြည်တော် အဖြစ်ကနေ ဒုတိယ မြို့တော်အဆင့်ကို လျှောကျသွားပေမယ့် မန္တလေးသားတွေက ဝမ်းမနည်းဘူး။ မြန်မာ့ ယဉ်ကျေးမှု အနုပညာမြို့တော်အဖြစ်ရှိ နေရတာ ကိုပိုပြီး ဂုဏ်ယူကြတယ်။ ပိုပြီးမြတ်နိုးကြတယ်။ အစိုးရဝန်ထမ်းတွေ ရာထူးတက်ပြီး ရန်ကုန် ကို ပြောင်းရတယ်ဆိုရင် ရာထူးကို မယူဘဲ မန္တလေးမှာပဲ တွယ်ကပ်ပြီး နေကြတယ်။ ငြင်းမရဘူးဆိုမှ မန္တလေးက ခွာတယ်။ တချို့နောက်ခံ တောင့်တင်း သူများဆိုရင် အလုပ် ကိုစွန့်လိုက်တယ်။ မန္တလေးကိုမစွန့်ဘူး။ မန္တလေးသားတွေ မန္တလေး ချစ်တာကို ရန်ကုန်က လူတွေက နားမလည်နိုင်ကြဘူး။ အမြင်ကျဉ်းတယ်။ ဒေသစွဲကြီးတယ်လို့ ဆိုကြတယ်။
အမြင်ကျဉ်းတာမဟုတ်ဘူး
အမှန်တော့ ဒေသစွဲကြီးတာ မဟုတ်ဘူး။ မြန်မာ့ယဉ်ကျေးမှု အနုပညာတွေကိုချစ်တာ၊ တွယ်တာ မြတ်နိုးတာဖြစ်တယ်။ အမြင်ကျဉ်းပြီး ငါမြို့မှငါ့မြို့၊ ငါ့လူမျိုးမှ ငါ့လူမျိုး ဆိုတဲ့ သဘောမရှိဘူး။ မင်းတုန်းမင်း တရားကြီး မန္တလေးမြို့ကို စတည်ကတည်းက အလောင်းမင်း တရားလက်ထက်မှာ ဖမ်းဆီး ခေါ်ဆောင်လာခြင်းခံခဲ့ရတဲ့ ယိုးဒယား လူမျိုး လက်မှုပညာသည်တွေနဲ့ သဘင်ပညာရှင်တွေကို ရပ်ကွက်တည်ပေးပြီး စုဝေးနေထိုင်စေခဲ့တဲ့ အတွက် မြန်မာတွေနဲ့ ထွေးရော ယှက်တင် နေခဲ့ကြတယ်။ ပသီမျိုး နွယ် အစ္စလာမ်ဘာသာဝင်များ အတွက်လည်းရပ်ကွက်တွေ တည် ပေးပြီး ဗလီကျောင်းကြီးတွေ တခမ်းတနားဆောက်လုပ်နေထိုင် စေခဲ့တယ်။ အမေရိကန်သာသနာ ပြုဆရာ ဒေါက်တာမတ်ကြီးကို လည်း သာသနာပြုခွင့်ပေးရုံမက စာသင်ကျောင်းပါဆောက်ပေးပြီး စာသင်စေခဲ့တယ်။ အဲဒီကျောင်းမှာ သားတော်တွေကို အပ်နှံပညာသင် ကြားစေခဲ့တယ်။
ဆွေလိုမျိုးလိုနေကြ
မန္တလေးမှာ ရတနာပုံ နေပြည်တော်သတင်းစာ ထုတ်ဝေတော့လည်း တရုတ်လူမျိုး ဦးအဟီးကို အယ်ဒီတာခန့်ပြီး ဘိုးဝဇီရနဲ့ အတူ လုပ်ကိုင်စေခဲ့တယ်။ မြန်မာလူမျိုးများ ဟာ ရှေးဟောင်းအစဉ်အဆက် ကတည်းက ဘာသာခြားတွေ၊ လူ မျိုးခြားတွေနဲ့ လက်ပွန်းတတီး ရင်းရင်းနှီးနှီး နေခဲ့ကြတာဖြစ်တယ်။ ဇာတ်ခွဲတာတွေ ခွဲခြားဆက်ဆံတာ တွေ မရှိဘူး။ အားလုံးကို ဆွေမျိုးလိုပေါင်းသင်းတယ်။ သဘာဝကိုက ခင်မင်တတ်တော့ ဘယ်သူ့ကိုမဆို ဖော်ဖော်ရွေရွေ ဆက်ဆံတယ်။ အဲဒီတော့ ဘာသာခြား လူမျိုးခြားတွေကလည်း တုံ့ပြန်ပြီး ခင်ခင်မင်မင်နဲ့ ဆွေမျိုးလို ဆက်ဆံကြတယ်။ ကျွန်တော်တို့ ခပ်ငယ်ငယ်အချိန် ရောက်တော့ ဘာသာခြား လူမျိုး ခြားရယ်လို့တောင် မထင်မှတ်ကြတော့ဘူး။ အားလုံး ရောရောနှော နှောနဲ့ သူ့အိမ်ကိုယ်ဝင်စား၊ ကိုယ့်အိမ်သူဝင်စား ဖြစ်နေကြပြီ။ ကျွန်တော်တို့အိမ်ရဲ့ဘယ်ဘက်မှာ ဘောလုံးကန်ဖက် သူငယ်ချင်း နန်ဒူးတို့ အိမ်ရှိတယ်။ သူက ဟိန္ဒူလူမျိုး ဖြစ်တယ်။ ညာဘက်ကတော့ တရုတ်လက်ဖက်ရည်ဆိုင်ဖြစ်တယ်။ အဖေ တစ်ခု သမီးတစ်ခု နေကြတာမို့ ကျွန်တော် တို့ကိုပဲ ဆွေမျိုးလို မှတ်ယူထားကြတယ်။
ဗမာတွေဖြစ်ကုန်ကြ
အိမ်နောက်ဘက်မှာနေတဲ့ သူငယ်ချင်းထွန်းကြည်၊ ထွန်းလှ၊ ထွန်းအေးတို့ကျတော့ အစ္စလာမ် ဘာသာဝင်တွေ။ ဒါပေမဲ့ လဖုန်းကျောင်းမှာ အတူနေကြတာဆိုတော့ အမြဲတမ်း လည်ပင်းဖက် နေခဲ့ကြသူတွေ ဖြစ်တယ်။ တချို့များဆို တရုတ်ရယ်၊ ကုလားရယ်လို့ အခေါ်သာ ရှိတော့တယ်။ တရုတ်စကား၊ ကုလားစကားတောင် တတ်ကြတော့တာ မဟုတ်ဘူး၊ အားလုံး ဗမာစကားပြောပြီး ဗမာတွေ ဖြစ်ကုန်ကြတယ်။ ဒါပေမဲ့ အခုကျတော့ အဲဒီလို မဟုတ်ဘူး။ ကိုယ့်ရပ်ကွက်ထဲ ရောက်လာ ကြသူတွေက ဗမာစကား တစ်လုံးမှ မတတ်ကြလေတော့ ဘယ်သူနဲ့မှ အပေါင်းအသင်း မလုပ်ဘူး။ အုတ်တံတိုင်း အမြင့်ကြီးတွေ ကာရံပြီးသူတို့ဟာ သူတို့သီးခြားနေ ကြတယ်။ လမ်းမှာတွေ့လို့ ကိုယ်က ဗမာ့ထုံးစံအတိုင်း ပြုံးပြရင်လည်း မျက်နှာထားတင်းတင်းနဲ့ မတူသလိုမတန်သလို ကြည့်ပြီး မျက်နှာလွှဲသွားကြတယ်။ သူတို့က လာမရော သလို သူတို့ကို လာရောတာလည်း မကြိုက်ဘူး။
သူတို့လူများစု
ဘယ်သူနဲ့မှမရောဘဲ ခပ်တင်းတင်း နေနိုင်မှာပေါ့။ သူတို့လို လူမျိုးတွေက နေရာတိုင်း ရပ်ကွက်တိုင်းမှာ လက်ညှိုးထိုးမလွဲ ရှိနေကြတာကိုး။ တချို့ရပ်ကွက်တွေဆို သူတို့တောင် လူများစု ဖြစ်နေသေးတယ်။ မူလက သောင်းဂဏန်းလောက်သာ တန်ဖိုးရှိတဲ့အိမ်တွေ မြေတွေကို သူတို့က သိန်းရာချီပေးပြီး ဝယ်ကြလေတော့ ရွာခံမြို့ခံတွေက ရောင်းပြီး မြို့သစ်တွေဘက် ပြောင်းကုန်ကြတယ်။ နောက်တော့ ရာဂဏန်းက ထောင်ဂဏန်း၊ အခုဆို သောင်းဂဏန်းအထိ တောင်ပေးပြီး ဝယ်ကြတော့ ဗမာတွေက မရောင်းဘဲ မနေနိုင်ကြတော့ဘူးလေ။
ဘုရားတွေ ကျီးနဲ့ဖုတ်ဖုတ်
ပိုက်ဆံတွေ ဘယ်လိုရလို့ ဘယ်လောက်ထိများပေါနေသလဲ မသိတော့ဘူး။ ဒီလူတွေက အခုဆို မန္တလေးကနေပြီး ထားဝယ်တို့ ကျောက်ဖြူတို့အထိပါ သွားပြီး ဝယ်နေကြတယ်တဲ့။ ဗမာစကားသာ တစ်လုံးမှ မတတ်တာ သူတို့က စီးပွားရေးတော့ အကွက်သိပ်မြင်တယ်။ တဖြည်းဖြည်းချင်း နယ်ပယ် ချဲ့ထွင်နေလိုက်ကြတာ ဘယ်သူမှ လိုက်မမီနိုင်တော့ဘူး။ မြို့တွင်းအချက်အချာနေရာ တွေမှာသူတို့က လူများစုလိုဖြစ်လာတော့ အစဉ်အလာ မပျက်ကျင်းပတဲ့ ရပ်ကွက်ဘုရားပွဲတွေ၊ ကထိန်ပွဲ တွေလည်း မကျင်းပနိုင်တော့ဘူး။ ဘုရားဒကာတွေက အဝေးကို ရောက်ကုန်ကြပြီဆိုတော့ ဘုရားတွေဆိုတာလည်း ကျီးနဲ့ဖုတ်ဖုတ် ဖြစ်နေကြတော့တယ်။ ဘုရားပွဲတွေ မကျင်းပနိုင်တော့ဘူး ဆိုတော့ အငြိမ့်တွေ ဇာတ်တွေလည်း ဘယ်ကရတော့မှာလဲ။ အစကတော့ ဇွဲမလျှော့ဘဲ တင်းခံသေးတယ်။ ကြာတော့ ဘာသားနဲ့ထုထားလို့ ခံနိုင် တော့မှာလဲ။ အငြိမ့်တွေ ဇာတ်တွေ က တဖြုတ်ဖြုတ်နဲ့ ပြုတ်ကုန်ကြ ရပါတော့တယ်။
ဗမာစာပါ ပျောက်မှာစိုး
ယဉ်ကျေးမှု အနုပညာတွေ ပျောက်ဆုံးသွားရတာဟာ ဘာနဲ့မှကို မတူတဲ့ဆုံးရှုံးမှုဖြစ်တယ်။ ယဉ်ကျေးမှုပပျောက်ရင် လူမျိုးပါပျောက်တယ်ဆိုတဲ့ ဆိုရိုးစကားအတိုင်း အင်မတန် ကြောက်စရာကောင်းတယ်။ ယဉ်ကျေးမှု အနုပညာပျောက် ပြီးတဲ့နောက် ထပ်ပျောက်မှာက ဗမာစကား ဖြစ်တယ်။ အခုတောင် မြို့ထဲက ဆိုင်းဘုတ်တွေမှာ ဗမာစာနဲ့ရေးတဲ့ ဆိုင်းဘုတ် အတွေ့ရ နည်းပြီး အင်္ဂလိပ်စာနဲ့ တရုတ်စာ ဆိုင်းဘုတ်တွေချည်း တွေ့ရတော့တယ်။ မူကြိုကျောင်းနဲ့ ကလေး ထိန်းကျောင်း တွေဆိုရင်လည်း တရုတ်စာပါသင်ပေးမှ မိဘတွေက အပ်ချင်ကြတယ်။ အဲဒါကြောင့် မန္တလေးသားများက မန္တလေးကို ကာကွယ်စောင့်ရှောက်ကြဖို့ အခွင့်ရတိုင်း ပြောနေရေးနေကြရတာဖြစ်တယ်။ ဒေသစွဲကြီးလို့ အမြင်ကျဉ်းလို့ လုံးဝမဟုတ်ပါဘူး။ မန္တလေးကို ကာကွယ်စောင့်ရှောက်တာဟာ ကိုယ့်လူမျိုးနဲ့ ကိုယ့်နိုင်ငံကို ကာကွယ် စောင့်ရှောက်တာနဲ့ အတူတူပဲဖြစ်ပါတယ်။
လူထုစ်ိန်ဝင်း
စစ်ရာဇဝင်တော်ကြီး ၂၈
လွတ်လပ်တဲ့အာရှအသံ
သောတရှင်များခင်ဗျာ ဒီတပတ် တော်လှန်ရေးနဲ့ လွတ်လပ်ရေးမော်ကွန်းတင်မှတ်တမ်းတွေအကြောင်း ဆွေးနွေးပါ့မယ်။ ဒီမှတ်တမ်းတွေရဲ့ မူလအစကတော့ စစ်ကြီးမဖြစ်ခင် အမျိုးသားအောင်ပွဲနေ့နှစ်လည်တွေမှာပါဝင်ခဲ့ကြ တဲ့ ပထမ တက္ကသိုလ်သပိတ်မှောက် ကျောင်းသားဟောင်းကြီးတွေရဲ့ အမှတ်တရဆောင်းပါးတွေနဲ့ တက်ဘုန်းကြီးသိန်းဖေရဲ့ ဆရာလွန်း အတ္ထုပ္ပတ္တိက စမယ်ထင်ပါတယ်။ အစောပိုင်း နယ်ချဲ့ ဆန့်ကျင် ရေး လက်နက်ကိုင် အုံကြွမှုတွေအကြောင်းကိုတော့ ကိုလိုနီဝန်ထမ်းပညာရှင်တွေ နှိမ်ချရေးခဲ့တာတွေ က လွဲရင် တိုင်းရင်းသားစာပေတွေမှာ အတိအလင်းချီးကျူးရေးသားခွင့် မရှိခဲ့ဘူးလို့ ယူဆရပါတယ်။
ဒါကြောင့် မြန်မာတွေ အင်္ဂလိပ်လက်အောက်ခံမဟုတ်တဲ့ ကိုယ်ပိုင်စစ်တပ် ဖွဲ့စည်းထူထောင်ပြီး ကိုလိုနီ သခင်ဟောင်းတွေကို တိုက်ထုတ်နိုင်ခဲ့တဲ့ ဒုတိယကမ္ဘာစစ်အတွင်းမှာတော့ မြန်မာစာပေလောကသား တွေက ဒီအောင်ပွဲတွေကို မှတ်တမ်းတင်ဖို့အားထုတ်ခဲ့ကြပါတယ်။ အစောဆုံး အထင်အရှား ထွက်လာ တာက မြဒေါင်းညိုရဲ့ ရဲဘော်သုံးကျိပ်စာအုပ်ပါ။ ဒီစာအုပ်ဟာ မြန်မာသက္ကရာဇ် ၁၃၀၅ ခုနှစ် ခရစ်နှစ် ၁၉၄၃အတွက် စာရေးဆရာအသင်းရဲ့ ရာဇဝင်ဆုရခဲ့ပါတယ်။ မေဂျာဂျင်နရယ်အောင်ဆန်း၊ သခင် ထွန်းအုပ်၊ ဗိုလ်နေဝင်း၊ ဗိုလ်ထိန်ဝင်းစတဲ့ ရဲဘော် ၁၀ယောက်အကြောင်း ခပ်ရှင်းရှင်းရေးထားတာပါ။ ဒီစာအုပ်မှာ လွတ်လပ်ပြီးနောက်ပိုင်းထုတ်စာအုပ်တချို့လို အလွန်အကျွံသိဒ္ဓိတင်ထားတဲ့သူရဲကောင်း ကိုးကွယ်မှုပုံစံမျိုး ရေးထားတာမတွေ့မိဘူးလို့ မှတ်မိပါတယ်။ နောက်ပိုင်းရိုက်နှိပ်မှုမတွေ့ရလို့ ဒီစာအုပ်မှာပါတဲ့ လတ်လတ်ဆတ်ဆတ် ရာဇဝင်အနီးပုံရိပ်တွေကို ခေတ်လူတွေ လက်လှမ်းမီအောင် ပြန်ထုတ်စေချင်ပါတယ်။ မြဒေါင်းညိုရဲ့ နာမည်ကျော် ရွှေတောင်တိုက်ပွဲအကြောင်း၊ လွတ်လပ်မှ အမျှဝေပါ ဆိုတဲ့ ကိုယ်တိုင် ဆင်နွှဲခဲ့တဲ့ ဖောင်ကြီးတိုက်ပွဲအကြောင်း စာအုပ်တွေ ရေးခဲ့တာကိုလည်း အခုအခါ လူသိနည်းနေပါပြီ။
ဒဂုန်တာရာရဲ့ ဒဂုန်တာရာ ကိုယ်ရေးအတ္ထုပ္ပတ္တိထဲမှာ ဗိုလ်ချုပ်အောင်ဆန်းက သူ့ကို ဂျပန်ခေတ်မှာ အရေးတော်ပုံရာဇဝင်ရေးခိုင်းတယ်လို့ ပါပါတယ်။ ဂျပန်မှာ စစ်ပညာသင်ခဲ့တဲ့ ဗိုလ်ဇေယျ ၊ ဗိုလ်စကြာ၊ ဗိုလ်ရန်အောင်စတဲ့သူတွေကိုမေးမြန်းပြီး ဖတ်ချင်စဖွယ်ရေးသားခဲ့တယ်လို့ ဒဂုန်တာရာကရေးပါတယ်။ ကိုဘဟိန်းကိုပေးထားတာ လက်ရေးမူတွေပျောက်ဆုံးကုန်လို့ မထုတ်ခဲ့ရပါဘူး။ ဗိုလ်ချုပ်က သူ ရေးလက်စ 'ဥဿဟ' ဆိုတဲ့ ကိုယ်ရေးအတ္ထုပ္ပတ္တိကိုလည်း သူ့ကိုပြသခဲ့ကြောင်း ဒဂုန်တာရာက ဆိုပါတယ်။
စစ်ပြီးခေတ်မှာတော့ တော်လှန်ရေးနောက်ခံ စစ် အချစ်ဝတ္ထုတွေခေတ်စားလာပါတယ်။ ကိုယ်တိုင် ပါခဲ့တဲ့ မင်းရှင်၊ ဗန်းမော်တင်အောင်စတဲ့ လူငယ်စာရေးဆရာသစ်တွေရဲ့လက်ရာတွေလည်း ထင်ရှား လာပါတယ်။ ဂျာနယ်ကျော်မမလေးရဲ့ ရဲဘော်ဘခင်မှတ်တမ်းကတော့ ကျဆုံးသွားတဲ့တပ်သားလေး တယောက်ရဲ့အဖေက ပြန်ပြောဟန်ရေးဖွဲ့ထားတာပါ။ နောက် ခင်မျိုးချစ်၊ နောက် လွတ်လပ်ရေးရပီး ပြန်ကြားရေးဝန်ကြီးဖြစ်လာတဲ့ သတင်းစာဆရာဦးထွန်းဖေစသူတွေရေးတဲ့ Three Years Under Japs, Sun over Burma စတဲ့ အင်္ဂလိပ်ဘာသာနဲ့ စစ်ကိုယ်တွေ့မှတ်တမ်းတွေအပြင် စစ်ရဲ့ ခါးသီး ကြမ်းတမ်းမှုကို သရော်တဲ့ မန်းတင်ရဲ့ ထိုသုံးနှစ် လည်း နာမည်ကြီးခဲ့ပါတယ်။
လွတ်လပ်ပြီးခေတ်မှာ ပြည်တွင်းစစ်ကြီးဖြစ်တော့ လွတ်လပ်ရေးမှတ်တမ်းတွေမှာ တောခိုသူပုန် ဖြစ်နေတဲ့ ကွန်မြူနစ်တွေ၊ တိုင်းရင်းသားခေါင်းဆောင်တွေအကြောင်းက မှိန်သွားပြီး အာဏာရ ဖဆပလနဲ့ တပ်မတော်အရာရှိကြီးတွေရဲ့ ဂုဏ်ပြောင်တဲ့စွန့်စားမှုတွေကို ရေးဖွဲ့မယ့်သူတွေ ပေါ်လာ ပါတယ်။ သခင်သန်းထွန်းအကြောင်း အကောင်းရေးတဲ့ ဒဂုန်တာရာလိုလူမျိုးရှားလာပြီး ဗိုလ်မှူးကြီး ချစ်ခိုင်၊ မောင်မောင်စသူတွေအကြောင်းဖွဲ့တဲ့ ရန်ကုန်ဘဆွေရဲ့ သူရစံကျော်၊ တိုက်ယူရသော မျက်ရည်တပေါက်ဝတ္ထုမျိုးတွေ အများဖတ်မဂ္ဂဇင်းတွေမှာ ဖော်ပြလာပါတယ်။ တော်လှန်ရေးကာလတွင်းမှာ ကွန်မြူနစ်တွေရဲ့ သစ္စာမဲ့မှုမျိုးကိုရေးတဲ့ တော်လှန်ရေးသမားဟောင်းဆိုသူတွေရဲ့ စာတွေလည်း ပေါ်လာပါပြီ။
ကျဆုံးသွားတဲ့လွတ်လပ်ရေးဖခင် ဦးအောင်ဆန်းကိုတော့ အာဏာဆက်ခံတဲ့အစိုးရများက သူတို့ရဲ့ စံပြခေါင်းဆောင်အဖြစ်ဦးထိပ်ထားပီး သမိုင်းမှာ အင်မတန်ကြီးမားတဲ့နေရာကိုပေးပါတယ်။ အပေးလွန် တဲ့အတွက် လက်ဝဲ လက်ယာလူငယ်လူကြီးခေါင်းဆောင်တွေရဲ့ စုပေါင်းခေါင်းဆောင်အားထုတ်မှုနဲ့ ရခဲ့တဲ့ တော်လှန်လှုပ်ရှားမှုတွေအကြောင်းက မှိန်သွားပီး ဗိုလ်ချုပ်အောင်ဆန်းတယောက်ထဲ မင်းသမီး ထည်လဲနဲ့ကတဲ့ဇာတ်ပုံစံ သူရဲကောင်းသမိုင်းဆရာတွေရဲ့လက်ရာတွေလည်း တွေ့လာရပါတယ်။ ခုတလော ထွက်နေတဲ့ ဗိုလ်ချုပ်စာအုပ်တွေထဲမှာ အဲဒီလို စာကဗျာတွေ အများစု ပါဝင်ပါတယ်။ ဗိုလ်ချုပ်အကြောင်းစုပေါင်းအတ္ထုပ္ပတ္တိအနေနဲ့ သခင်ကိုယ်တော်မှိုင်းစုစည်းပီး ခေတ်ပြိုင် စာရေးဆရာတွေပါဝင်ရေးသားတဲ့တအုပ်နဲ့ ဒေါက်တာမောင်မောင် ယေးတက္ကသိုလ်အတွက် စုဆောင်း မေးမြန်း တည်းဖြတ်တဲ့ အင်္ဂလိပ်လိုတအုပ် အခိုင်အမာထွက်ခဲ့ပါတယ်။ မဆလခေတ်က တက္ကသိုလ် သမိုင်း သုတေသနက ပြုစုတဲ့ ဗိုလ်ချုပ်အတ္ထုပ္ပတ္တိကြီးခုထိ ထွက်မလာတာတော့ ဝမ်းနည်းစရာပါ။
စစ်အာဏာပိုင်ခေတ်ကိုရောက်လာတာနဲ့အမျှ အမျိုးသားခေါင်းဆောင် ဗိုလ်ချုပ်အောင်ဆန်း၊ ခေတ်ပြောင်းတော်လှန်ရေးခေါင်းဆောင်ကြီး ဗိုလ်ချုပ်ကြီးနေဝင်းစတဲ့ စစ်ဗိုလ်ကြီးများအကြောင်း အတ္ထုပ္ပတ္တိစာတွေခေတ်စားလာပီး ဒေါက်တာမောင်မောင်ရေးတဲ့ ဗိုလ်ချုပ်ကြီးနေဝင်းနဲ့ မြန်မာ့ နိုင်ငံရေးခရီးစာအုပ်ကို ဒဂုန်တာရာက မှန်နန်းဆောင်မှ ဒဂုံရိပ်သာသို့လို့ ခပ်ထေ့ထေ့ဝေဖန်ခဲ့ပါတယ်။ ကျေးဇူးတင်ပါတယ်။
No comments:
Post a Comment