|
Posted: 04 Feb 2012 10:42 AM PST
ကိုလိုနီစရိုက်ကို ဗိုက်ထဲမှာ ထည့်ထားသော မြ၀တီခရိုင် အုပ်ချုပ်ရေးမှူး
ကရင်ပြည်နယ် မြ၀တီမြို့က ထိုင်းနယ်စပ်မြို့လေးပါပဲ။ ယခင်က ထိုင်းနိုင်ငံနဲ့ မြန်မာအစိုးရ မတည့်တော့ နိုင်ငံတော်က လူကြီးတွေ မလာကြဘူး။ အခုတော့ အမေရိကန်နိုင်ငံခြားရေးဝန်ကြီး ဟီလာရီကလင်တန် မြန်မာနိုင်ငံလာသွားမှ ထိုင်းနဲ့ မြန်မာ စကားတောင် တစ်ခွန်းမပြောရပဲ ချက်ချင်း တည့်သွားကြတယ်။ မြန်မာဖက်ကလူကြီးတွေ (စစ်တပ်လူတွေ) ကလည်း ယခင်က ထိုင်းနိုင်ငံဆိုရင် အရမ်းမုန်းကြတယ်။ ပြည်နယ် ၀န်ကြီးချုပ်ဆိုရင် မုန်းလွန်းလို့ ထိုင်းကထွက်တဲ့ဆန် ခေါက်မလိ ကိုမှ မှာစားတာလို့ ကုန်သည်တွေ ပြောတာသိရတာပါ။ အခုတော့လည်း အိမ်နီးချင်းဆိုပြီး ခတ်ရိုင်းရိုင်းပြောတဲ့ စကားတွေ ဘယ်ရောက် သွားကြလည်း မသိဘူး။ ဘယ်မျက်နှာနဲ့ ရင်ဆိုင်ပြီး လက်ဆွဲ နှုတ်ဆက်နေလည်း မသိဘူး တရွှတ်ရွှတ် လာနေလို့ ၀န်ထမ်းတွေကော၊ အပြင်လူတွေကော ဘုန်းကြီးတွေပါ မကျန် တော်တော် ဒုက္ခရောက်နေရတယ်။
ဒီနေ့လည်း ပြည်နယ်ဝန်ကြီးချုပ်နဲ့ လူကြီးတွေ အောက်ဖက်ကလာလို့  ဘုန်းကြီးတွေကို ကြိုတင်ခေါ်ထားတာ မနက်ကျောင်းမှာ ဆွမ်းစားပြီး ကတည်းကပဲ။ ရောက်တော့လည်း ညနေပိုင်းမှပေါ့။ ဘာသာရေး ဆိုတော့ ဂေါပကအဖွဲ့တွေမှာ တာဝန်ရှိတယ်လေ။ အခမ်းအနားပြင်ရတယ်။ ဘုန်းကြီးတွေ ပင့်ဖိတ်ရတယ်။ အဲဒီလူကြီးတွေက လှူဘွယ် ၀တ္ထုကပ်မယ်ဆိုလို့ ဂေါပကအဖွဲ့က ကန်တော့ပွဲချင်းတွေ စိုက်ဝယ်ရတယ်။ လောလောဆယ် ပိုက်ဆံမရှိလည်း ဆိုင်တွေမှာ အကြွေးလိုက်ဝယ်ပေါ့။ ဒါကတော့ ထုံးစံပဲလေ။ ၀န်ထမ်းတွေ ကလည်း အာဏာရှင်တွေ လာတဲ့အခါ တိုက်ပုံလေးတွေနဲ့ တော်တော် ကြာကြာ စောင့်နေကြရတယ်။ ထမင်းငတ်သူက ငတ်ပေါ့။ ဒါက လူတွေအပိုင်းပေါ့။ ဘုန်းကြီးတွေကြတော့ ခဏခဏ အပင့်ဖိတ်ခံရတယ်။ အဲဒီလူကြီးတွေ မလာတဲ့အခါ ဘုန်းကြီးတွေလည်း သူတို့ဝန်ထမ်း တွေလိုပေါ့ ပြန်သွားရတာပါပဲ။ ဒို့ကို ကန်တော့မယ့် ကန့်တော့ ပွဲချင်းလေးတွေကို ဂေါပကအဖွဲ့က ပြန်သိမ်းသွားတယ်။ ဒီလိုပဲ ဘုန်းကြီးတွေ ကန်တော့ပွဲပြပြီး အညာခံရတာ ခဏခဏပဲ။ ရဟန်းသံဃာတွေထက် အာဏာပိုင်က ပိုမြင့်မြတ်တယ်ဆိုတာ ဘုန်းကြီးတို့ အခုမှသိတယ်။ တီဗွီ၊ ဗွီဒီယို ရိုက်ဖို့ ဘုန်းကြီးတွေကို အသုံးချမှန်းသိရတယ်။ သံဃာကို ရိုသေစွာ ကန်တော့ချင်လို့တော့ မဟုတ်ပါဘူး။
မနေ့ကတော့ ပြည်နယ် ၀န်ကြီးချုပ်လာမယ်ဆိုလို့ ဘုရားဂေါပကအဖွဲ့က သာသနာ့ ဗိမာန်မှာ အခမ်းအနား ပြင်ဆင်ပေးတာကို ခရိုင်အုပ်ချုပ်ရေးမှူး ဦးမြင့်တင် ဆိုသူက ပြင်ဆင်တာ မကြိုက်လို့ဆိုပြီး လေနဲ့လာ အလုပ်မလုပ် လက်ထောင်ပြီး ပါးရိုက်မယ်လို့ ပြောတာ တွေ့ရတော့ အာဏာရှင်တွေ လက်အောက်မှာ ငရဲခံ နေရမှန်း သိရတယ်။ အစည်းအဝေးတွေ မှာလည်း ငါက စစ်သားပီပီ စစ်သားတွေကို အမိန့်ပေး အုပ်ချုပ်သလို အုပ်ချုပ်မယ်လို့ ပြောတာကို ၀န်ထမ်းတွေထံက ကြားလိုက်ရတော့ ကရင်ပြည်နယ်မှာ ဒီမိုကရေစီ မရသေးပါလား၊ စစ်အုပ်ချုပ်ရေး စံနစ်အတိုင်းပဲဆိုတာ ကွဲကွဲပြားပြား သိလာရတယ်။
ပြည်ထဲရေးဝန်ကြီးဌာနရဲ့ ဆောင်ပုဒ်က ကိုလိုနီ စရိုက်ကိုဖျောက် ပြည်သူ့အကျိုးကို စောင့်ရှောက် ဆိုတဲ့ သူတို့ရုံးမှာ ကပ်ထားတဲ့ ဆောင်ပုဒ်က ခရိုင်အုပ်ချုပ်ရေးမှူး ဗိုက်ထဲ ရောက်သွားတယ် ထင်တယ်။ မနက်ဆိုရင် သူ့အိမ်မှာ ကုန်သည်တွေ တရုန်းရုန်းနဲ့ အလုပ်ပဲ ကြိုးကြိုးစားစား လုပ်တာလား။ သူ့ဆရာ ပြည်နယ်ဝန်ကြီးချုပ် သင်လိုက်သလို ၀န်ထမ်းတွေ အပေါ် မိုက်ရိုင်းဘို့ လုပ်နေတာလား။ ၄င်းကို မွေးတဲ့မိဘက မဆုံးမခဲ့တာပဲလား။ တပ်မတော်ထဲ ရောက်သွားလို့ မိုက်ရိုင်းသွားတာလား မသိဘူး။ တရားမ၀င် ကားမှောင်ခိုတွေနဲ့ ပေါင်းပြီး လက်ဆောင်ပေးတဲ့ တရားမ၀င် Without (ပါဂျဲရိုး) မော်တော်ကားကို ဇိမ်နဲ့စီးပြီး ၀န်ထမ်းတွေအပေါ် မာန ထောင်လွှားနေတယ်။ နိမ့်ကျတဲ့ ၀န်ထမ်းတွေ၊ ကျောင်းဆရာ/ ဆရာမတွေကိုလည်း ပြည်နယ်ဝန်ကြီးချုပ် နာမည်တတ်ကာ အနိုင်ကျင့်အုပ်ချုပ်တယ်။ ဘုန်ကြီးတို့ သံဃာတွေကိုလည်း မကြည်ညိုချင်နေပါ သံဃာတွေကို မဟုတ်ကဟုတ်က မပြောစေချင်ဘူး။
နိုင်ငံတော် သမ္မတကြီးခင်ဗျား ဒီလိုမိုက်ရိုင်းတဲ့ ခရိုင် အုပ်ချုပ်ရေးမှူးတွေကြောင့် အစိုးရရဲ့ ဂုဏ်သိက္ခါဆိုတာ အလိုလို ကျဆင်းပါတယ်။ ဒါကြောင့် အနာဂတ်အတွက် ယဉ်ကျေးလိမ္မာတဲ့ အုပ်ချုပ်ရေးမှူး ကောင်းတွေ ရွေးချယ်ခန့်ပါလို့ တိုင်ကြား အကြံပြုသလို ပြည်ထဲရေးဝန်ကြီး၊ ပြည်ထောင်စုဝန်ကြီး ဦးကိုကိုမှလည်း မြ၀တီမြို့ကို ရွေးချယ် တာဝန် ပေးမယ်ဆိုရင်လည်း လူတော် လူကောင်းများ ရွေးချယ်တာဝန်ပေး စေလိုကြောင်း အကြံပြု တိုင်ကြားအပ်ပါတယ်။
ဥူးဇင်း ကေသလ( မြ၀တီ)
  |
|
Posted: 04 Feb 2012 06:47 AM PST
မနေ့က ကဗျာရှင် တက္ကသိုလ် ဘုန်းကြွယ် ကဗျာမှာ ပါလာတဲ့ မြန်မာပြည်အကြွေးစာရင်း စာရွက်လေးကို ကြည့်မိရင်းက တော်တော်တရားကျဖို့ ကောင်းပါလားလို့ တွေးမိတယ်...။ နအဖလက်ထက်က အကြွေးက မဆလဦးနေဝင်း လက်ထက်ကထက် ပိုနည်းသယောင် အကြွေးတောင် ပြိုင်လိုက်လေသလားပဲ...။ မဆလအစိုးရလက်ထက် ၁၉၈၇ကထင်ပါတယ်.. (LDC) Least Developed Country ဖွံ့ဖြိုးမှု အနည်းဆုံးနိုင်ငံအဖြစ် လျှောက်ထားလိုက်ပြီး အကြွေးတွေ ဒေဝါလီခံလိုက်တယ်လို့ ကြားဘူးတယ်။ ကြွေးရှင်နိုင်ငံတွေက အကြွေးတွေ လျှော်ပေးလိုက်ရတာပေါ့။ ဒါတောင် အဆင်းရဲဆုံးနိုင်ငံအဖြစ် လျှောက်ထားရာမှာ သတ်မှတ်ချက်ဖြစ်တဲ့ စာတတ်မြောက်သူဦးရေမှာ များနေလို့ ပြန်လျော့ချပြီး ပြရတယ်ဆိုလား ကြားမိပါတယ်...။
မြန်မာစကားပုံမှာ အကြွေးတင် ရှင်ဘုရင်ဆပ်ဆိုတာပဲ ကြားဘူးပါတယ်..။ အခုတော့ အကြွေးတင် ပြည်သူဆပ်ပေါ့၊ ၂၃နှစ်လုံးလုံး ပါးစပ် အမြုပ်ထွက်မတတ် ပြောခဲ့တဲ့ စကားတွေဖြစ်တဲ့ အဘက်ဘက်က ကဏ္ဍပေါင်းစုံ တိုးတက်နေပါပြီ၊ ခေတ်မှီဖွံဖြိုးတိုးတက်သော နိုင်ငံတော်သစ်ကြီးဆိုပြီး လေလုံးထွားခဲ့တာ နေ့စဉ်နဲ့အမျှပါပဲ..။ တိုးတက်တဲ့နိုင်ငံတိုင်းမှာ နိုင်ငံခြား ကြွေးမြီဆိုတာရှိပါတယ်..။ လုပ်ငန်းကြီးလေ အကြွေးကြီးလေ ဆိုသလိုပေါ့။ သူ့အိုးနဲ့ သူ့ဆန်တန်ယုံ ရှိကြတာပါ။ အခုဟာက (၂၃)နှစ်လုံးလုံး နိုင်ငံလည်း တိုးတက်မလာ ဆင်းရဲပုံထဲကမထွက် ....။ ယခင် မဆလလက်ထက်က အကြွေးကပိုများသယောင် ဘော်လီဘောပုတ်တယ်...။ တကယ်ရော မဆလလက်ထက်က အကြွေးတွေ ဟုတ်မဟုတ် ရှိနေသေးတဲ့ မဆလဟောင်းတွေ တစညတွေ ပြန်ဖော်ထုတ်ရမှာပါ...။ တိုင်းပြည်ကထွက်တဲ့ သဘာဝသံယံဇာတတွေ၊ ဂတ်စ်တွေ ရောင်းရငွေ ဥုံဖွဆိုပြီး မန်ယူဘောလုံး အသင်းကြီးတောင် ဝယ်ပေးနိုင်တဲ့ ဘယ်အာဏာရှင်တွေ၊ ဘယ်ဗိုလ်ချုပ်တွေ အိတ်ထဲ ရောက်သွားပါလိမ့်။
အကြွေးတင်တော့ ပြည်သူကို ချပြတယ်...။ အကြွေးတင်တာ ပြနိုင်ရင် ဘာကြောင့် အကြွှေးတင်တယ်ဆိုတာ ချပြနိုင်ရမယ်..။ ကဲကျွန်တော်တို့ ပြည်သူတွေ ပြန်ဆပ်မယ်ဗျာ...။ အနှီနှီသော ဗိုလ်ချုပ်များမှလည်း မိမိတို့ပိုင်ဆိုင်မှုတွေ ချပြ.. ။ တရားမျှတအောင်ပါ... အကြွေးယူတာ အကြွေးထူတာပြနိုင်သလို ပြည်သူပိုင် ပစ္စည်းကိုယ့်ပစ္စည်းလုပ်ပြီး အပေး၊ အယူတွေ လုပ်ထားတာကိုလည်း နိုင်ငံကြီးသား ပီသစွာ သက်ဆိုင်သူ၊ တာဝန်ယူသွားသူ၊ အနှီနှီသော ပုဂ္ဂိုလ်ကြီးများလည်း ပိုင်ဆိုင်မှုတွေ ချပြမကောင်းဘူးလား...။ (LDC) Asia-Pacific (14 countries) နိုင်ငံများစာရင်း
  |
| You are subscribed to email updates from ဒီမိုဝေယံ To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
No comments:
Post a Comment