ဒီမိုဝေယံ |
|
Posted: 09 Aug 2014 06:51 AM PDT
ရန်ကုန် လမ်းဖြတ်ကူးအန္တရာယ်...
(ဆောင်းပါးရှင် ဒေါက်တာလှိုင်မြင့်) ရန်ကုန်မှာ လမ်းဖြတ်ကူးခြင်းသည် ကမ္ဘာပေါ်မှာ အန္တရာယ်အလွန်မြင့်မားသောနိုင်ငံအဖြစ် မကြာမှီ ကိန်းဂဏန်းတွေနင့် သတ်မှတ်တာ ခံရကိန်းနီးစပ်နေပါပြီ။ မြန်မာ့လွှတ်တော်မှာ ဆွေးနွေးနေကြတာကလဲ မဆီမဆိုင်တာတွေများနေတယ်၊ အရေးကြီးတာကျတာ့ စဉ်းတောင်မစဉ်းစားတတ်ကြဘူး။ ကျနော်တို့ နိုင်ငံမှာ ၁၉၇၀ - ဒီဇင်ဘာလကစတင်ပြီး မူလက လက်ယာမောင်း စံနစ်မောင်းနင်နေရာကနေ ဦးနေဝင်းက ဗေဒင်ယတြာအဟောနဲ့  သူ့ အာဏာတည်မြဲရေးအတွက် ယတြာခြေတာပါဘဲ။ မြန်မာ့ဆိုရှယ်လစ်လမ်းစဉ်ပါတီ ဥက္ကဌကြီးရဲ့ နိုင်ငံကျော် အဆိုအမိန့်လေး နဲ့ သူကိုယ်တိုင် ဆန့်ကျင်လုပ်ပြလိုက်တာပါဘဲ။ သူ့ အဆိုလေးကတော့လား သိပ်လှပါ့ သင်းပါ့။ မိမိအရေးနင့် ပါတီအရေး ယှဉ်လာလျင် ပါတီအရေးကို ဦးစားပေးရမည်။ ပါတီအရေးနင့် နိုင်ငံတော်အရေး ယှဉ်လာလျင် မိုးပေါ်ထောင်မပြစ်ဘူး။ အဲလေ ယောင်လို့  နိုင်ငံတော်အရေးအတွက်ဆို တည့်တည့်ပစ်တယ် ။ လက်ဝဲမောင်းလဲ လုပ်လိုက်တယ် ။ ယတြာက ကွန်မြူနစ် (လက်ဝဲနိုင်ငံရေး)တွေ ခေတ်ထနေတော့၊ ယတြာချေတဲ့အနေနဲ့ ကားကို လက်ဝဲမောင်း ချေလိုက်တာပါ။ ဘာမှခေတ်မှီနုိုင်ငံကြီးများတွင်နဲ့ ဝေလာဝေး။ လူမစွမ်းတော့ ဘိုးတော်မစ ဖို့လျှောက်လုပ်တာပါဘဲ။ ဘိုးတော်တွေ ယတြာတွေ အားကိုးရတော့ ဗိုလ်စိန်လွင်တို့ နေရာရတော့တာပေါ့။ မ.ဆ.လခေတ်တစ်လျောက်လုံး ဂျပန်ကျကားတွေ သွင်းတာ စတီယာရင်က လမ်းနဲ့ ဗြောင်းပြန်ဖြစ်နေပါတယ်။ ဌာနဆိုင်ရာယာဉ်ကလွဲပြီး ၉၅%သောကားတွေက လမ်းနဲ့ ဗြောင်းပြန်ဖြစ်နေ၏။ ဖွံ့ ဖြီုးပြီးနိုင်ငံမပြောနင့်ဦး၊ ထိုင်းလိုနိုင်ငံမှာကို စတီယာရင်က လမ်းနဲ့ ဗြောင်းပြန်ဖြစ်နေလျင် ကားလိုင်စင်ထုတ်မပေးတော့ပါ။ အမတ်မင်းအပေါင်းတို့  ဆိတ်ဖွားရှာတာတွေ ဘူးလက်တွေ ငံပြာရည်တွေ ခေတ္တရပ်ကြပါဦး။ တနေ့ တနေ့  ရန်ကုန်မှာလမ်းဖြတ်ကူးသူတွေ သေနေတာ တရက်ကို တစ်ယောက် နှုန်းကျော်နေပါပြီ။ ဒါဏ်ရာရတာတွေက ၄-ဆမကပိုသေး။ လွှတ်တော်မှာ ယဉ်တင်သွင်းခွင့်ကို စတီယာရင် ဘယ်လိုသတ်မှတ်ပါမလဲ။ စတီယာရင် နစ်မျိုးတော့ ခွင့်ပြုလို့ မသင့်တော့ပါ။ အမတ်မင်းတွေရဲ့  Capacity ကိုကမ္ဘာကို ချပြတာခံရပါလိမ့်မည်။ နောက်လမ်း ကူးသူတွေအတွက် နိုင်ငံတိုင်းမှာသုံးနေတဲ့  လူကူးမျဉ်းမှာ လက်နဲ့ နှိပ်ရသည် အချက်ပြမီးတိုင်လေးတွေ ထားသင့်ပါပြီ။ နိုင်ငံတော်က ဘတ်ဂျက်မရှိလျင် အလှုရှင်တွေ၊ ကြေငြာတွေကိုလက်ခံလိုက်ပါ။ တလအတွင်းအားလုံးရောက်လာပါမည်။ ယခုတော့ လူကူးမျဉ်းကြားမှာ ရပ်ရမှာ အရှိန်လျှော့ရမှာတောင် မသိတော့တာ တို့မြန်မာတွေရဲ့ ယှဉ်ကျေးမှုတွေလား။ မီးပွိုင့်တွေမှာလဲ လမ်းကူးသူကို ဦးစားပေးတဲ့ စံနစ်အတွက် လူကူးဖို့ အချိန်ပေးရပါမည်။ မီးပွိုင့်မှာ လမ်းကူးသူအတွက် ဦးစားပေးတဲ့ အချက်ပြမီးက မရှိ၊ ကားမောင်းသူအများစုက လမ်းစည်းကမ်းမသိကြတော့ ပြသနာပိုကြီးနေပါတယ်။ ယာဉ်ထိမ်းရဲကိုမေးလျင် စည်းကမ်းမဲ့ လမ်းဖြတ်ကူးလို့ ပြောပြန်တော့၊ ပြန်မေးပါမယ်၊ စည်းကမ်းကို လိုက်နာချင်ပါတယ်။ ဘယ်လိုစည်းကမ်းချထားလဲ၊ စည်းကမ်းနင့်အညီ လမ်းကူးနည်းပြပေးပါ ပြောလိုက်ချင်ပါသည်။ မေးပါမယ်။ ဘယ်နေရာက လမ်းကူးရမှာပါလဲ။ ယခုတော့ တံတားပေါ်မှာတောင် မရှောင် ကျော်တက် ကျော်ဖြတ်နေကြတာ။ မျှဉ်းဝါပေါ်ကနေ ပြေးရမှာလား။ မျဉ်းဝါ ပေါ်ယာဉ်တို်က်မှုဖြစ်လျင် အနည်းဆုံးထောင်ဒါဏ် ၅-နှစ်လောက်တော့ သတ်မှတ်သင့်ပါတယ်။ ယခုတော့ လူကူးမျဉ်းကြားမှာ ရပ်ရမှာ အရှိန်လျှော့ရမှာတောင် မသိတော့တာ တို့မြန်မာတွေရဲ့ ယဉ်ကျေးမှုတွေလား။ လမ်းစည်ကမ်းကိုတောင် ယာဉ်မောင်းတွေ မသိကြတော့ပေလား၊ လူသေသည်အထိ တိုက်မှုဆိုလျင် အနည်းဆုံး ၁၀-နှစ်ထားသင့်ပါတယ်။ နောင်မှ လိုအပ်လျင်ပြန်လျော့ပေါ့။ နောက် ယာဉ်မောင်းလိုင်စင်စံနစ်။ နိုင်ငံကြီးတွေမှာ ဥပမာ စင်ကာပူမှာ ယာဉ်မောင်းလိုင်စင်ကို အမှတ်ပေးစံနစ် (Points ) နဲ့ ထားပါတယ်။ ပြစ်မှုတခုကျူးလွန်လျင် လိုင်စင်ကဒ်မှာ ပေးထားတဲ့ အမှတ်ကို နုတ်လိုက်ပါတယ်။ ဥပမာ မီးနီဖြတ်လျင် ၆-မှတ်နဲ့ ဒါဏ်ငွေ။ သတ်မှတ် မိုင်နှုန်းထက် ကျော်မောင်းလျင် မိုင်းနုံးသိပ်များလျင် ၆ -မှတ်နုတ်။ တော်တန်များရုံဆ်ိုလျင် ၃-မှတ်နုတ်တာပါဘဲ။ နုတ်ထားသောအမှတ်တွေကို တနှစ်ပြည့်လျင် အလိုအလျောက်ပြန်ဖြည့်ပေးတာပါ။ အမှတ်ကုန်နေတဲ့လိုင်စင်နဲ့ မောင်းလျှင် ထောင်ဒါဏ်အထိချတော့တာပါဘဲ ။ ယခုတံတားထိုးနေတာလဲ လိုအပ်ပါတယ်။ ကုန်ကျမှုကြီးမားပါတယ်။ တံတားထိုးတာ အရှည် တောက်လျှောက် ထိုးနိုင်ရင် မကောင်းပေဘူးလား။ ယခုတော့ လူကူးမီးပွိုင့်လေးတွေကတော့ သိပ်မကုန်ကျနိုင်ပါ။ မြန်မြန်လဲ ဖေါ်ဆောင်နိုင်ပါမည်။ လွှတ်တော်အမတ်မင်းများခင်ဗျာ (၁) ပြည်သူလူထု တွေ နေ့ စဉ်ယာဉ်တိုက်မှုဖြစ်နေတာ အရေးကြီးသော ကိစ္စဟုတ်မဟုတ် ဖြေကြားပေးကြပါရန်။ (၂) လမ်းယာဉ်ကျောနင့် ကိုက်ညီသောကားများသာ တင်သွင်းခွင့်ပြုရန် အတွက်ပြဒါန်းပေးဖို့ အရေးကြီးမကြီး ဖြေကြားပေးပါရန်။ ကားတင်သွင်းမှုကို စတီယာရင် တစ်မျိုးထည်းသွင်းခွင့် ရွေးချယ်သတ်မှတ်ပေးရန် ။ (၃) လက်ရှိလူကူးရန်သတ်မှတ်ချက် မည့်သို့ လုပ်ဆောင်ပေးနိုင်ပါမည်နည်း။ (၄) ယာဉ်မောင်းလိုင်စင် အမှတ်ပေးစံနစ် ကျင့်သုံးမည် ၊ မကျင့်သုံးနိုင်။ (၅) လူကူးမျဉ်းကြားပေါ်မှာ ယာဉ်တိုက်မှုကို ပိုမိုအပြစ်ဒါဏ်ပေးရန်ရှိမရှိ။
အားလုံးကို လေးစားလျှက်
လှိုင်မြင့်  |
|
Posted: 09 Aug 2014 06:13 AM PDT
  
U-12 Berlin International ဘာလင်ဖိတ်ခေါ် ပြိုင်ပွဲတွင် အနိုင်ရဗိုလ်စွဲခဲ့သည့် မြန်မာလူငယ် (၂)ဦး ပါဝင်သည့် ဂျပန်နိုင်ငံကိုယ်စားပြု တိုကျိုလက်ရွေးစင် အသင်းမှ လူငယ်အသင်းသားများ ယနေ့ဂျပန်နိုင်ငံသို့ ပြန်လည်ရောက်ရှိ
တိုကျို ၉.၈.၂၀၁၄ ဂျာမဏီနို...င်ငံ ဘာလင်မြို့မှာ သြဂုတ်လ (၃)ရက်နေ့မှ (၆)ရက်နေ့အထိ ကျင်းပ ပြုလုပ်တဲ့ U-12 Berlin International ဖိတ်ခေါ်ပြိုင်ပွဲတွင် အနိုင်ရရှိခဲ့သည့် ဂျပန်နိုင်ငံကိုယ်စားပြု မြန်မာလူငယ် (၂)ဦး ပါဝင်သည့် တိုကျိုလက်ရွေးစင် အသင်းမှ အသင်းသား လူငယ်များအား ယနေ့ Haneda အပြည်ပြည် ဆိုင်ရာလေဆိပ်တွင် ယနေ့နေ့လည်ပိုင်းက တာဝန်ရှိသူများနှင့် မိဘပြည်သူများမှ သွားရောက် ကြိုဆို နှုတ်ဆက်ခဲ့ကြသည်။ မြန်မာလူငယ် ဂိုးသမား (၂)ဦး ပါဝင်သည့် ဂျပန်နိုင်ငံကိုယ်စားပြု U-12 တိုကျိုလက်ရွေးစင် အသင်းသည် အိမ်ရှင် နာမည်ကျော် ဂျာမာန် Hertha Berlinအသင်းနှင့် Berlin အသင်းများအား ဆီးမီးဖိုင်နယ်တွင် အနိုင်ရ ကျော်ဖြတ်ကာ အနိုင်ရ ဗိုလ်စွဲခဲ့သည်။ အာရှဘောလုံး အားကစား ထိပ်တန်းနိုင်ငံ ဖြစ်သည့် ဂျပန်နိုင်ငံ ကိုယ်စားပြု တိုကျိုလူငယ် လက်ရွေးစင် အသင်းတွင် မြန်မာနိုင်ငံသား မိဘများမှ မွေးဖွားသည့် မြန်မာနိုင်ငံသား လူငယ်နှစ်ဦး အရွေးချယ်ခံရကာ နိုင်ငံတကာ ပြိုင်ပွဲများ၌ ပါဝင်ကစားခွင့် ရခြင်းသည့် ပထမဦးဆုံးအကြိမ် ဖြစ်သည်။ ဝါသနာနှင့် အသက်မွေးဝမ်းကြောင်း ထပ်တူကျကာ ရပ်တည်နိုင်သည့် ဘောလုံးအင်အားကြီး နိုင်ငံတခုတွင် ဂျပန်နိုင်ငံသား ခြေစွမ်းခြေစ ရှိသူ အများအပြားအတွင်းမှ ဤကဲ့သို့ အနည်းငယ်မျှသော မြန်မာနိုင်ငံသား မိဘနှစ်ပါးမှ မွေးဖွားလာသည့် မြန်မာနိုင်ငံသား လူငယ်(၂)ဦးရွေးချယ် စေလွှတ်ခံရခြင်းသည် မြန်မာနိုင်ငံသားများအတွက် ဂုဏ်ယူဝမ်းမြောက်ဖွယ်ပင် ဖြစ်သည်...။ မြန်မာလူမျိုးများ ကမ္ဘာနှင့်ယှဉ်လျှင် မညံ့ကြောင်းကို သမိုင်းတလျှောက်နှင့် ယခုထက်တိုင်အောင် ပြသလျှက်ရှိသည်။ အောင်ပွဲရ တိုကျိုလူငယ် လက်ရွေးစင် အသင်းသားများအား ဂျပန်တာဝန်ရှိသူများမှ အလေးထား ဆက်ဆံမှု၊ ကိုယ်အားကိုယ့်ကိုးမှု ရှိအောင် စိတ်ဓာတ်ရေးရာ အားပေးမှု ဇွဲသတ္တိရှိအောင် ပြသလမ်းညွှန်မှု အားပေးအားမြှောက် ဂုဏ်ပြုမှုများသည် အတုယူစရာပင် ဖြစ်သည် အရည်အချင်းရှိသူများအား နိုင်ငံ့အကျိုးအတွက် ဆိုလျှင် နိုင်ငံခြားသားပင် ဖြစ်စေကာမူ စင်ပေါ်တင်မြှောက် အသိအမှတ်ပြုသော ဂျပန်နိုင်ငံနှင့် နိုင်ငံကြီးများ၏ လုပ်ဆောင်ချက်များအားလည်း အတုယူဖွယ်ရာဖြစ်ပေသည်။ ဂျပန်နိုင်ငံသည် အားကစားတွင် ထင်ပေါ်ကျော်ကြားသူ နိုင်ငံခြားများအား စင်တော်ကောက်ကာ မိမိနိုင်ငံသား အဖြစ် အသိအမှတ်ပြုလေ့ ရှိသည်။ ယခု U-12 Berlin International ဖိတ်ခေါ်ပြိုင်ပွဲတွင် သွားရောက်ယှဉ်ပြိုင်သည့် မြန်မာနိုင်ငံသား ခရီးသွားလာခွင့် လက်မှတ် မရှိသည့် မြန်မာနိုင်ငံသား လူငယ်(၂)ဦးမှာ ဂျပန်အစိုးရမှ ထုတ်ပေးသည့် ပြည်ဝင်ခွင့်လက်မှတ် (Re-Entry Permit)ဖြင့် သွားရောက် ယှဉ်ပြိုင်ရခြင်း ဖြစ်သည်။ အဆိုပါ မြန်မာနိုင်ငံသား Passport လက်ဝယ်မရှိသည့် မြန်မာနိုင်ငံသား လူငယ်(၂)ဦးနှင့် ခေတ္တခဏ အင်တာဗျူးတွင် မြန်မာနိုင်ငံတွင် လာရောက် ကစားချင်ပါသည်ဟု လူငယ်(၂)ဦးစလုံးမှ ဖြေကြားခဲ့ကြသည်..။ မြန်မာ့ဘောလုံး လောက တိုးတက်စေလိုသူ တာဝန်ရှိသူများ အနေဖြင့် ဤလူငယ် (၂)ဦး၏ ဆန္ဒအား ဖြည့်စည်းပေးနိုင်မည်ဟု မျှော်လင့်မိခြင်းနှင့် အတူ ဂျပန်နိုင်ငံကိုယ်စားပြု U-12 တိုကျိုလက်ရွေးစင် အသင်းသည်တွင် ပါဝင်ကာ မြန်မာ့ဂုဏ်ဆောင် ခဲ့သည့် မောင်ကောင်းဇံမရနှင့် မောင်သက်မျိုးရင်တို့အား ဂုဏ်ပြုလိုက်ရပါသည်။
သတင်း၊ ဓာတ်ပုံ ဒီမိုဝေယံ
 လာမည့် သြဂုတ်လ ၂၈ရက်နေ့မှ ၃၁ရက်နေ့အထိ ဂျပန်နိုင်ငံမှ အိမ်ရှင်အဖြစ် လက်ခံကျင်းပမည့် AC Milan၊ Barcelonaစသည့် နိုင်ငံတကာ အသင်းများနှင့် နာမည်ကျော် ဂျပန်Junior Club အသင်းများ ပါဝင်ယှဉ်ပြိုင်မည့် U-12 Junior Soccer World Challenge 2014 တွင်လည်း တိုကျိုလူငယ် လက်ရွေးစင် အသင်းပါဝင်ယှဉ်ပြိုင်မှာ ဖြစ်ပြီး Goal Keeper အဖြစ် မောင်ကောင်းဇံမရ ထပ်မံ ရွေးချယ် ခံရကြောင်း သိရှိရသည်။ ဆက်သွယ် မေးမြန်းလိုလျှင် ဦးမြတ်သူ- မောင်ကောင်းဇံမရ ဖခင် ( မြန်မာ့ ဘောလီဘော လက်ရွေးစဉ်ဟောင်း) ( 81+90-5521-3941 (Viber available) ဦးသက်လွင်- မောင်သက်ရင်မျိုး ဖခင် မြန်မာ့တင်းနစ် လက်ရွေးစင် ချန်ပီယံဟောင်း 81+80-5176-2421 (Viber available)  |
| You are subscribed to email updates from ဒီမိုဝေယံ To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
--
http://www.burmaburo.blogspot.com
No comments:
Post a Comment