| ဒီလို မြင်ကွင်းမျိုးတွေ နောင်မဖြစ်ရလေအောင် သက်ဆိုင်ရာမှ တားမြစ်ထုတ်ပြန် ပေးစေလိုပါတယ်.. Posted: 14 May 2012 12:26 PM PDT  ရွှေလင်းပင်စေတီတော် ဆင်းတုရှေ့ပေါ်မှာ ဖိနပ်ချွတ်ရကောင်းမှန်း မသိပဲ ဓာတ်ပုံ ရိုက်ယူနေတဲ့ တရုတ် ရေနံပိုက်လိုင်း ဝန်ထမ်း လူငယ်တဦး.. ဒီလို မြင်ကွင်းမျိုးတွေ နောင်မဖြစ်ရလေအောင် သက်ဆိုင်ရာမှ တားမြစ်ထုတ်ပြန် ပေးစေလိုပါတယ်.. ယနေ့ ဒီမိုဝေယံထံသို့ ရောက်ရှိလာတဲ့ ဓာတ်ပုံတွေထဲက တရုတ်မြန်မာ ရေနံပိုက်လိုင်း စီမံကိန်းပုံတွေနဲ့ အတူ.. အဆိုပါ စီမံကိန်းမှ တရုတ်ဝန်ထမ်း လူငယ်တဦးရဲ့ ဓာတ်ပုံတပုံပါ ရောက်ရှိလာပါတယ်...။ ယခုပိုစ့်ကို မဖတ်ခင် စကားဦး သန်းလိုတာကတော့ ကျွန်တော်တို့ အနေနဲ့ မိမိနေထိုင်ရာ တိုင်းပြည်မှ တခြားနိုင်ငံတခုကို အလည်အပတ်ပဲ ဖြစ်ဖြစ် အလုပ်အကိုင်ပဲဖြစ်ဖြစ် မည်သို့သော အကြောင်းအရာနဲ့ပဲ ဖြစ်ဖြစ် သွားရောက်ကြသည်ပဲ ဖြစ်ဖြစ် သက်ဆိုင်ရာ နိုင်ငံတွေရဲ့ အယူအဆမတူတဲ့ ဓလေ့ထုံးစံတွေကို လေ့လာမှတ်သားပြီး သွားရောက်သင့်တယ် ဆိုတဲ့အချက်ပါပဲ..။ ကျွန်တော်တို့ မြန်မာတွေ အတွက် သာမာန် အပြုအမှုတချို့ဟာ တခြားနိုင်ငံသားတွေအတွက် မနှစ်မြို့ဖွယ်ရာ ဖြစ်တတ်သလို သူတို့လူမျိုးတွေ အတွက် သာမာန်လို့ ထင်ရတဲ့ အပြုအမူတချို့ဟာလည်း ကျွန်တော်တို့ မြန်မာတွေအတွက် စိတ်အနှောင့်အယှက် ဖြစ်စရာ ဖြစ်တတ်ပါတယ်..။ တလောက ဂျပန်တက္ကသိုလ် ကျောင်းသားတဦး မြန်မာပြည်ကို သွားလေ့လာချင်တယ်လို့ ဆိုပြီး ကျွန်တော့်ဆီကို ဆက်သွယ်လာပါတယ်..။ သူတို့ ဂျပန် လူမျိုးတွေရဲ့ သင်ကြား လေ့လာထားမှု တခုကတော့ နိုင်ငံတခုကို သွားရောက်လေ့လာ တော့မယ်ဆိုရင် သက်ဆိုင်ရာနိုင်ငံတွေရဲ့ ရေမြေသဘာဝ ဓလေ့ထုံးစံတွေကို ရှာဖွေ မှတ်သားပြီး ပြည့်ပြည့်စုံစုံ လေ့လာပြီးမှ သွားရောက်ကြတာပါပဲတဲ့။ အဆိုပါ ဂျပန်တက္ကသိုလ် ကျောင်းသားလေး ကျွန်တော်နဲ့ တွေ့ဆုံစဉ်မှာ ဗလာစာအုပ်နဲ့ အပြည့် သူမှတ်တမ်းတင်ထားတဲ့ မြန်မာပြည်အကြောင်း သတင်းစာနဲ့ အင်တာနက် သတင်းတွေပါပဲ...။ ထို့အတူ အဆိုပါ ဂျပန်ကျောင်းသားလေး ပြောလိုက်တဲ့ စကားတခုကတော့ မြန်မာလူမျိုးတွေ ခြေထောက်ကို သုံးပြီး ခိုင်းစေတာမျိုးတို့ လမ်းညွှန်တာမျိုးတို့ကို မကြိုက်တဲ့အကြောင်း သူမှတ်သားထားတဲ့ အချက် အလက်တွေထဲကနေ ပြောပြနေလေရဲ့...။  တရုတ် ရေနံဓာတ်ငွေ့ ပိုက်လိုင်း စီမံကိန်းမှ အပေါ်ဆုံးမှ ဓာတ်ပုံရှင် တရုတ်ဝန်ထမ်း ဂျပန်အပါအဝင် အနောက်နိုင်ငံတွေမှာ တခြားနိုင်ငံတခုခုကို သွားရောက် အလုပ်တာဝန် ထမ်းဆောင်မယ့် သက်ဆိုင်ရာ ကုမ္ပဏီတွေက ဝန်ထမ်းတွေဟာ သွားရောက်မယ့် နိုင်ငံရဲ့ ဓလေ့ထုံးစံတွေကို ရက်သတ္တပတ် တပတ်တန်သည် နှစ်ပတ်တန်သည် လေ့လာ သင်ယူကြရပါတယ်...။ ဒါဟာ သူတို့နိုင်ငံတွေရဲ့ သက်ဆိုင်ရာ နိုင်ငံက ဒေသခံတွေ စိတ်အနှောက်အယှက် ဖြစ်စေမယ့် အပြုအမူ အလုပ်အကိုင်တွေကို မလုပ်မိ မကိုင်မိစေဖို့ ကြိုတင်ပြင်ဆင်တဲ့ ရည်ရွယ်ချက်နဲ့ သင်ယူရတဲ့ အင်မတန်မှ ကောင်းမွန်တဲ့ လုပ်ဆောင်ချက် ဖြစ်သလို အတုယူ သင်ခန်းစာ ယူသင့်တဲ့အချက်တွေပါ...။ စကားမစပ် တလောက မြန်မာပြည်မှာ အလုပ်လုပ်ကိုင် နေကြတဲ့ တရုတ်နိုင်ငံက ဝန်ထမ်းတွေတချို့ဟာ ကျွမ်းကျင်လုပ်သား မဟုတ်ပဲ အလည်အပတ် ဗီဇာနဲ့ ဝင်ရောက်လာပြီး စက်ယန္တယားတွေ တက်မောင်းလို့ သေဆုံးမှုတွေ ရှိခဲ့တယ် ဆိုတဲ့ ပြည်ထောင်စုဝန်ကြီး တဦးရဲ့ ဖြေကြားချက်ကို ကြားလိုက်ရသလို မီးလောင်မှု ဖြစ်တဲ့ တရုတ်ပိုင် စက်ရုံမှာလည်း ဗီဇာမဲ့ တရုတ်လူမျိုးတွေ စစ်ဆေးတွေ့ရှိတဲ့ သတင်းလည်း ကြားလိုက်ရမှာပါ..။ ပြီးခဲ့တဲ့ ဖေဖော်ဝါရီလ လောက်ကလည်း တကောင်းတောင် နီကယ်စီမံကိန်းမှာလည်း မိုင်းမှားယွင်း ဖောက်ခွဲမိလို့ တရုတ်တဦးသေဆုံးပြီး မြန်မာ(၃)ဦး ဒဏ်ရာရခဲ့ပါတယ်..။ အထက်ပါ တရုတ်ဓာတ်ငွေ့ ပိုက်လိုင်းမှ ဝန်ထမ်းရိုက်ကူးထားတဲ့ ဓာတ်ပုံပါ စာအရ ရွှေလင်းပင်စေတီတော် ဆိုတာကိုတော့ သိခွင့်ရပြီး မည်သည့်အရပ် ဆိုတာကတော့ ဖော်ပြပါရှိခြင်း မရှိပါဘူး..။(သိတဲ့သူများ စေတီတော်ရဲ့ နေရာဋ္ဌာနကို ရေးသား ပေးစေလိုပါတယ်..) အဆိုပါ ဓာတ်ပုံဟာ တမင်ရည်ရွယ်ချက် ရှိရှိနဲ့ စော်ကားရိုက်ကူးထားတာ မဟုတ်ပေမယ့် ဒါဟာ မြန်မာလူမျိုးတွေရဲ့ ဘာသာတရားနဲ့ ယဉ်ကျေးမှုကို နှံနှံစပ်စပ် မသိမြင်တာကို ဖော်ပြနေပါတယ်..။ ကျွန်တော်တို့ အမြတ်တနိုး ကိုးကွယ်ရာ ဘုရားဆင်းတုတော် ပေါ်မှာ ဖိနပ်နဲ့ဓာတ်ပုံ ရိုက်ခံနေတာ အင်မတန် အကြည့်ရဆိုးပြီး ခံပျင်း ဒေါသထွက်စရာ လုပ်ရပ်ပေါ.့..။ ကျွန်တော် မြင်မိတာကတော့ ဒါဟာဘာကို ပြသနေလည်း ဆိုတော့ ပြည်တွင်းမှာ လာရောက် လုပ်ကိုင်နေတဲ့ သက်ဆိုင်ရာ တရုတ်ကုမ္ပဏီတွေဟာ မိမိဝန်ထမ်းတွေအပေါ် မြန်မာဓလေ့ထုံးစံ၊ ကိုးကွယ် ယုံကြည်မှု၊ ယဉ်ကျေးမှုတွေကို သင်ကြားပြသထားခြင်း မရှိဆိုတဲ့ အချက်ဟာ ကောင်းကောင်း ပေါ်လွင်နေပါတယ်..။ ဒီနေရာမှာ ကျွန်တော် အပြုသဘောနဲ့ အကြံပြုချင်တာကတော့ ဒီလို သက်ဆိုင်ရာ လုပ်ငန်းခွင်တွေမှာ သက်ဆိုင်ရာ ဝန်ကြီးဋ္ဌာနများနဲ့ ဒေသဆိုင်ရာ အာဏာပိုင်များမှ ပြည်ပမှ လာရောက် ရင်းနှီးမြုပ်နှံတဲ့ နိုင်ငံတကာမှ ကုမ္ပဏီဝန်ထမ်းများအား ကိုယ့်လူမျိုးတွေ မျက်စိစကားမွှေးဆူးစရာ၊ စိတ်အနှောင့်အယှက် ဖြစ်စရာတွေနဲ့ ပတ်သက်ပြီး ဆောင်ရန် ရှောင်ရန် လက်ကမ်းစားစောင်များ ထုတ်ဝေဖြန့်ချီ သတိပေးဖို့ အင်မတန်မှ လိုအပ်နေပါပြီ။  ကျွန်တော်တို့ နိုင်ငံမှာ ပြောင်းလဲလာတော့မယ့် နိုင်ငံရေး အခြေအနေတွေနဲ့ အတူ မကြာမှီသော ကာလမှာ ရင်းနှီးမြုပ်နှံမှုတွေ ယခုထက် ပိုပြီးဝင်ရောက် လာတော့မှာ ဖြစ်ပါတယ်..။ လေကောင်းလေသန့်ကို လိုချင်လို့ အိမ်တံခါးတွေ ဖွင့်ထားမယ် ဆိုရင်တော့ လေကောင်းလေသန့်နဲ့ အတူ ခြင်၊ ယင်တွေ ပါလာစမြဲပါ...။ ထို့အတွက် မလိုအပ်တဲ့ ပြဿနာတွေ မဖြစ်ရလေအောင် ခြင်လုံဇကာနဲ့ တူတဲ့ နိုင်ငံခြားသားတွေ ဆောင်ရန် ရှောင်ရန် တားမြစ်ချက်တွေကို သက်ဆိုင်ရာ ဝန်ကြီးဋ္ဌာနတွေနဲ့ အာဏာပိုင်တွေမှ ကျယ်ကျယ်ပြန့်ပြန့် တားမြစ် ထုတ်ပြန်ကြေငြာ ပေးစေလိုကြောင်း ရေးသား တင်ပြလိုက်ရပါတယ်...။ ကျွန်တော်တို့ လူမျိုးရေးကို မကြည့်ပဲ ရုပ်ဝတ္ထုတွေ တိုးတက်နေပြီး လူ့အခွင့်အရေးတွေ လေးစားလိုက်နာခြင်း မရှိတဲ့ နိုင်ငံတခုရဲ့ မြန်မာပြည်တွင်း ရင်းနှီးမြုပ်နှံမှုမှာ ပါလာတဲ့ ခြင်၊ ယင်နဲ့တူတဲ့ အဖြစ်အပျက်တခုကို ရှုထောင့်တခုက အပြုသဘောဆောင် ရေးသားလိုက်ပါတယ်..။ ဒီမိုဝေယံ   |
| NLD-BG၏ လူမှု အကျိုးပြုလုပ်ငန်းများ... Posted: 14 May 2012 10:38 AM PDT  NLD-BG ပညာဒါနကျောင်းတွင် တတိယအပတ် ကွန်ပျူတာသင်တန်းနှင့် ဒုတိယအပတ်စက်ချုပ်သင်တန်းများဖွင့်လှစ်ခြင်း။ NLD-BG အသက်ကယ်သွေးအကူညီပေးရေးနှင့် အသိပညာ၊ အတတ်ပညာ၊ အသက်မွေးဝမ်းကြောင်း သင်ကြားပေးရေးပညာဒါနကျောင်းတွင် ၁၂.၅.၂၀၁၂ စနေနေ့၌ ကျောင်းတာဝန်ခံ ဒါရိုက်တာ ကိုညီညီ မှ ကွန်ပျူတာသင်တန်းနှင့် စက်ချုပ်သင်တန်းတို့ကို နေ့လည် ၁း၀၀ ၌ ဖွင့်လှစ်ပေးနိုင်ခဲ့ပါသည်။ ကွန်ပျူတာသင်တန်းသား၊သင်တန်းသူကျောင်းသားပေါင်း ၄၂-ယောက်နှင့်၊ စက်ချုပ်သင်တန်း သူ ၁၂-ယောက်တို့သည် အခန်းအသီးသီး၌ ကျွမ်းကျင်သောဆရာ၊ ဆရာမတို့ထံမှ ရင်းနှီးခင်မင်စွာ မိသားစုပမာ သင်ကြား လေ့လာနေသည်ကို တွေ့ရှိခွင့်ရခဲ့ပါသည်။ အထူးအားဖြင့် ကွန်ပျူတာသင်တန်းကို လာရောက်သင်ကြားကြသော ရပ်ကွက်အသီးသီးက ကျောင်းသားကျောင်းသူတို့သည် ပထမဆုံးစတင် သင်ကြားသောဒီနေ့၌ပင် ကျောင်းသား ကျောင်းသူ အချင်းချင်းတို့သည် တစ်ယောက်ထိုင်၊ တစ်ယောက်ထ မိတ်ဆက်ပွဲလေးကို လုပ်ပေးထားတာက စိတ် ၀င်စားဖို့ ကောင်းပါသည်။ NLD-BG ကျောင်းစာသင်ခန်းထဲ၌ ဒီနေ့မှစတင်တွေ့ကြသောကျောင်းသားကျောင်းသူတို့ပင် ဖြစ်လင့်ကစား ဆရာ၊ဆရာမတို့၏ သင်ကြားရေး စွမ်းရည်ကြောင့် ပျော်ရွှင်စွာရင်းနှီးစွာ ခင်ခင်မင်မင်နှင့် တချိန်တုန်းက မိတ်ဆွေဟောင်းတွေ ပြန်တွေ့လို့ ရှေးဟောင်းနှောင်းဖြစ်တွေ ပြောနေကြသလိုပဲ ဗိုလ်ချုပ်အောင်ဆန်း ငယ်ငယ်တုန်းကအကြောင်း၊ မေမေအောင်ဆန်းစုကြည်မိသားစု အကြောင်း၊ ကျောင်းသား၊ ကျောင်းသူတို့ နေထိုင်သင်ကြား နေဆဲဖြစ်သော ရပ်ကွက်ထဲက အကြောင်း၊ ကျောင်းဝင်းထဲက အကြောင်းတွေကို ကျောင်းသား၊ ကျောင်းသူအချင်းချင်း တစ်ယောက်မကျန် ပြည့်စုံစွာ အမေး၊ အဖြေပွဲလေးတွေနှင့် ဆွေးနွေးပွဲလေးတွေကို ယုံယုံကြည်ကြည်နဲ့ ပြုလုပ်ပေးခဲ့လို့ဖြစ်ပါသည်။  NLD-BG ကျောင်းတာဝန်ခံ ဒါရိုက်တာ ကိုညီညီမှ ကျောင်းသား ကျောင်းသူများကို ရင်းရင်းနှီးနှီး မိသားစုပမာ မိတ်ဆက်နေပုံ။  NLD-BG ကျောင်းတာဝန်ခံ ဒါရိုက်တာ ကိုညီညီနှင့် ကွန်ပျူတာဆရာ ကိုဟိန်းမင်းဦးနှင့် ဆရာမ မစုဝေထွန်း  ကွန်ပျူတာ ကျောင်းသား၊ ကျောင်းသူများ သင်တန်းမစခင် ဘုရားဝတ်ပြု ပူဇော်နေပုံ။  စက်ချုပ် သင်တန်းသူများ စက်ချုပ်နည်းပြ ဆရာများနှင့် အမှတ်တရရိုက်ထားပုံ  မြောက်ဥက္ကလာပမြို့နယ်၊ NLD-BG အသက်ကယ်သွေးအကူအညီပေးရေးအဖွဲ့ လေးလပြည့် အထိမ်းအမှတ် အစည်းဝေး ဆွေးနွေးပွဲပြုလုပ် NLD-BG အသက်ကယ် သွေးအကူညီပေးရေး (အခမဲ့) သည် ဒဂုံတောင်မြို့နယ်တွင် ကိုညီညီတို့မှ စ၍ ဗဟိုပြုကာဖွဲ့စည်းခဲ့ပြီး အခုဆိုလျှင် NLD-BG အသက်ကယ်သွေးအကူအညီပေးရေး (အခမဲ့) သည် ရန်ကုန်တိုင်းဒေသကြီးတွင် တောင်ဒဂုံ၊ အင်းစိန်၊ မြောက်ဥက္ကလာ၊ သန်လျင်၊ လှိုင်သာယာ၊ တိုက်ကြီး၊ ဥက္ကံ၊ မှော်ဘီ၊ မကွေးတိုင်းဒေသကြီးတွင်- ပွင့်ဖြူမြို့၊ ပခုက္ကူမြို့၊ စစ်ကိုင်းတိုင်းဒေသကြီးတွင်-မုံရွာ၊ မန္တလေးတိုင်းဒေသ ကြီးတွင်-မန္တလေးမြို့၊ ချင်းပြည်နယ်တွင်-ကလေးမြို့၊ ပဲခူးတိုင်းဒေသကြီးတွင်- ဖြူးမြို့၊ ကချင်ပြည်နယ်တွင်-နမ္မတီး၊ ဧရာဝတီတိုင်းဒေသကြီးတွင်- ဇလွန်မြို့၊ဓနုဖြူမြို့တို့၌ တာဝန်ခံအသီးသီးတို့က ဖွင့်လှစ် ပေးနိုင်ခဲ့ပါ သည်။ ယခုဆိုလျှင် မြောက်ဥက္ကလာပမြို့နယ် NLD-BG အသက်ကယ်သွေးအကူအညီပေးရေး (အခမဲ့)ဆိုရင် လေးလပြည့်လို့ သွေးလှူဒါန်းမှုအကြောင်း ဆွေးနွေးပွဲလေးတွေကို မြောက်ဥက္ကလာပမြို့နယ် NLD-BG အသက်ကယ်သွေးအကူအညီပေးရေးမှ နာယကကြီး ကာတွန်း ကိုအောင်၊ တာဝန်ခံဒါရိုက်တာ မသန်း သန်းနု၊ကိုအေးနိုင်၊ကိုဝင်းနိုင်၊ကိုအောင်သန်း၊ကိုဇော်မင်းဦးတို့မှကမကထဦးစီး၍ ပြုလုပ်နိုင်ခဲ့ပါသည်။ ထိုနေ့ နံနက်ပိုင်း ၉ နာရီမှ ၁၂ နာရီထိ ဆွေးနွေးပွဲအခန်းအနားသို့ ဒဂုံတောင်မြို့နယ်မှ NLD-BG တာဝန်ခံ ဒါရိုက်တာ ကိုညီညီ၊ အသက်ကယ်သွေး အကူအညီပေးရေး တာဝန်ခံ ဒေါ်သီတာဝင်းအောင်၊ မယဉ်ယဉ်တိုက်၊ မစုစု၊ ကိုဇာနည်တို့နှင့် ဧည့်ပရိတ်သက်ပေါင်း ငါးဆယ်ဦးခန့်တက်ရောက်ခဲ့ ကြပြီး ကြာဇံကြော် ကော်ဖီ တို့ဖြင့်ဧည့်ခံ ကျွေးမွေးနိုင်ခဲ့ကြပါသည်။ အသက်ကယ်သွေးအကူညီပေးရေး မြောက်ဥက္ကလာ NLD-BG မှ စတင်လှူဒါန်းသော ၁၀.၁. ၂၀၁၂ မှ ၁၂-၅-၂၀၁၂ ထိကို A အမျိုးစားသွေးပုလင်းပေါင်း ၁၆၀၊ B အမျိုးစားသွေးပုလင်းပေါင်း ၁၅၅၊ O အမျိုးစားသွေးပုလင်းပေါင်း ၁၇၀၊ AB အမျိုးစားသွေးပုလင်းပေါင်း ၄၅၊A- အမျိုးစားပုလင်းပေါင်း ၃ ၊ အားလုံး သွေးပုလင်းပေါင်း ၅၃၃ လုံးကို လေးလအတွင်းမှာ လှူဒါန်းနိုင်ခဲ့သည်ဟု သိရှိရပါသည်။ NLD-BG အရေးပေါ်အသက်ကယ် သွေးအကူညီပေးရေး အခမဲ့၊ မြောက်ဥက္ကလာပမြို့နယ်။ က၊ ၁၈၇၊ တုသိတာလမ်းမကြီး။ ဖုန်း-၀၉-၄၃၁၈၆၅၈၉။ ၀၉-၇၃၀၃၁၂၅၅သို့ ဆက်သွယ်ပြီးအရေးပေါ်အသက်ကယ် သွေးများကို လှူဒါန်းနိုင်သလို၊ လိုအပ်ပါကလည်း ဆက်သွယ်ပြီး သွေးအလှူခံနိုင်ကြောင်း သတင်းရရှိပါသည်။ မေမေ့သား လင်းဆက် (NLD-BG)     |
| တောင်ကိုးရီးယား သမ္မတLee Myung-bak ရဲ့ မြန်မာပြည်ခရီးစဉ် (ဓာတ်ပုံ) Posted: 14 May 2012 10:11 AM PDT      တောင်ကိုးရီးယား သမ္မတ Lee Myung-bakနဲ့ အဖွဲ့ဟာ ယနေ့ မြန်မာနိုင်ငံသို့ (၂)ရက်ကြာ အလည်အပတ် ရောက်ရှိလာပါတယ်..။ ယနေ့ နေပြည်တော်သို့ အလည်အပတ်ရောက်ရှိလာတဲ့ တောင်ကိုးရီးယား သမ္မတLee Myung-bak နိုင်ငံတော်သမ္မတဦးသိန်းစိန်မှ ဂုဏ်ပြုတပ်ဖွဲ့နှင့် ကြိုဆိုခဲ့ပါတယ်..။ မနက်ဖြန်မှာတော့ တောင်ကိုးရီးယား သမ္မတ Lee Myung-bakဟာ လူထုခေါင်းဆောင် ဒေါ်အောင်ဆန်းစုကြည်အား ရန်ကုန်မြို့ တက္ကသိုလ်ရိပ်သာလမ်းရှိ နေအိမ်မှာ သွားရောက်တွေ့ဆုံမှာ ဖြစ်ပါတယ်..။ ယနေ့တောင်ကိုရီးယား သမ္မတရဲ့ ခရီးစဉ်အတွင်း ရန်ကုန်မြို့မှာ လုံခြုံရေးများ အထူးတင်းကြပ် လှည့်လည်နေပါတယ်..။ ၁၉၈၃ခုနှစ်က အောက်တိုဘာလ ၉ရက်နေ့က တောင်ကိုရီယား သမ္မတ မစ္စတာချန်ဒူးဝမ်ရဲ့ မြန်မာပြည် ခရီးစဉ်အတွင်း မြောက်ကိုရီးယား သူလျှိုများမှ ရန်ကုန်မြို့ အာဇာနည်ဗိမာန်၌ ဗုံးခွဲတိုက်ခိုက် လုပ်ကြံခဲ့ပါတယ်...။ ထိုသို့ ဗုံးခွဲလုပ်ကြံတိုက်ခိုက်မှုကြောင့် တောင်ကိုရီးယား ဒုတိယဝန်ကြီးချုပ် အပါအဝင် ဝန်ကြီးလေးဦး၊ အဆင့်မြင့်အရာရှိများနဲ့ ဂျာနယ်လစ် သတင်းထောက်များ အပါအဝင် ၂၁ဦးသေဆုံးခဲ့ပြီး ၄၆ဦးဒဏ်ရာရရှိခဲ့ပါတယ်..။ မြောက်ကိုရီးယား သူလျှိုများအား ဖမ်းဆီးရမိချိန်မှာတော့ မြောက်ကိုရီးယားနဲ့ သံတမာန် အဆက်အသွယ်အား ဖြတ်တောက်ခဲ့ပြီး သံတမာန်များအား နှင်ထုတ်ခဲ့ပါတယ်..။ ၁၉၈၈ခုနှစ် နဝတအစိုးရ တက်လာပြီးသည့် နောက်ပိုင်း မြောက်ကိုရီးယားနဲ့ အဆက်အသွယ်များ ပြန်လည်ပြုလုပ်ခဲ့ပြီး တရားဝင် သံအဆက်အသွယ် ပြုလုပ်ခဲ့ပါတယ်...။        ဓာတ်ပုံများ Korea News Agency နှင့် သမ္မတရုံးဝက်ဆိုဒ်မှ   |
| You are subscribed to email updates from ဒီမိုဝေယံ To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
No comments:
Post a Comment