ဒီမိုဝေယံ |
|
Posted: 01 Aug 2014 05:59 AM PDT
          ဂျာမဏီ လာမယ့် သြဂုတ်လ ၁ရက်နေ့မှ ၉ရက်နေ့အထိ ကျင်းပပြုလုပ်မည့် U-12 Berlin International အသက် ၁၂နှစ်အောက် နိုင်ငံတကာလူငယ် ဘောလုံးပြိုင်ပွဲ ဝင်ရောက်ယှဉ်ပြိုင်မည့် ဂျပန်နိုင်ငံ ကိုယ်စားပြု တိုကျိုလူငယ် လက်ရွေးစင် အသင်းသား(၁၈)ဦးတွင် ရွေးချယ်ခံရသည့် မြန်မာနိုင်ငံသား မိဘ(၂)ဦးမှ မွေးဖွားသည့် မောင်ကောင်းဇံမရနှင့် မောင်သက်ရင်မျိုးတို့သည် ယနေ့ လေကြောင်းခရီးဖြင့် ဂျာမဏီနိုင်ငံ ဖရန့်ဖတ်မြို့သို့ ထွက်ခွာသွားကြသည်..။ နောက်ဆုံးအဆင့် အပြီးသတ် ရွေးချယ်သည့် ဂျပန်ကိုယ်စားပြု GOAL KEEPER ၅ဦးတွင် မြန်မာနိုင်ငံသား မောင်ကောင်းဇံမရနှင့် မောင်သက်ရင်မျိုးတို့ (၂)ဦးစလုံး GOAL KEEPER အဖြစ် ရွေးချယ်ခံရခြင်းသည် ထူးခြားမှု ဖြစ်သည်..။ ထို့ထက်ထူးခြားမှုမှာ အဆိုပါ လူငယ်နှစ်ဦး၏ ဖခင်ဖြစ်သူများမှာ ယခင် မြန်မာ့ ဘောလီဘော လက်ရွေးစဉ်နှင့် မြန်မာ့တင်းနစ် လက်ရွေးစင် အားကစားသမားများ အဖြစ် နိုင်ငံ့ဂုဏ်ဆောင်ခဲ့ကြသူများ ဖြစ်သည်။ မောင်ကောင်းဇံမရ၏ ဖခင်ဖြစ်သူ ဦးမြတ်သူမှာ (၁၉၉၁ခုနှစ်မှ ၁၉၉၇)ခုနှစ်အထိ မြန်မာ့လက်ရွေးစဉ် ဘောလီဘော အားကစားသမား တဦးအဖြစ်ပါဝင်ခဲ့ပြီး မောင်သက်ရင်မျိုး၏ ဖခင်ဖြစ်သူ ဦးသက်လွင်မှာ မြန်မာ့တင်းနစ် လက်ရွေးစင် ချန်ပီယံအဖြစ် (၁၉၈၀မှ ၁၉၈၉) အထိ နိုင်ငံ့ဂုဏ် ဆောင်ခဲ့ကြသည်။ ဂျပန်နိုင်ငံတဝှမ်း ဝင်ရောက် အရွေးခံသည့် အသက် (၁၂နှစ်) အောက် လူငယ် လက်ရွေးစဉ် အားကစားသမား ၉၀၀ကျော်အတွင်း မြန်မာလူငယ် (၂)ဦးစလုံး GOAL KEEPERရွေးချယ်ခံရခြင်းဖြစ်သည်။ ယနေ့ ဂျပန်ကိုယ်စားပြု သွားရောက်ယှဉ်ပြိုင်မည့် တိုကျိုလူငယ် လက်ရွေးစင် အသင်း(၁၈)ဦးအား ဂျပန် ဘောလုံးအားကစား အဖွဲ့ချုပ်မှ တာဝန်ရှိသူများမှ တိုကျိုလူငယ်အသင်းအား အမှာစကားများ ပြောကြားကာ မိသားစုများမှ သွားရောက် နှုတ်ဆက်ပို့ဆောင်ကြပြီး ဂျပန်လူငယ်များ၏ တချို့မိသားစုများ ဂျာမဏီနိုင်ငံအထိ လိုက်ပါ အားပေး ပို့ဆောင်ကြသည်..။ အဆိုပါ ဂျပန်နိုင်ငံ ကိုယ်စားပြု တိုကျိုလက်ရွေးစဉ် အသင်းမှ လူငယ် အသင်းသားများ အနေဖြင့် ဂျာမဏီနိုင်ငံမှာ Homestay အဖြစ်တရက် နေထိုင်ရမှာ ဖြစ်ပြီး သြဂုတ်လ (၉)ရက်နေ့အထိ ဂျပန်နိုင်ငံ ကိုယ်စားပြု ဝင်ရောက် ယှဉ်ပြိုင်ရမှာ ဖြစ်ပါတယ်..။ ဂျပန်နိုင်ငံကဲ့သို့ အာရှဘောလုံး အင်အားကြီးနိုင်ငံမှ မြန်မာနိုင်ငံသား လူငယ်(၂)ဦးမှ ဂျပန် လူငယ်လက်ရွေးစဉ် အဖြစ် ရွေးချယ်ခံရခြင်းသည် မြန်မာနိုင်ငံသားများအတွက် ဂုဏ်ယူဝမ်းမြောက်ဖွယ်ပင် ဖြစ်သည်။ မှတ်ချက်.... မြန်မာနိုင်ငံသား ဂျပန် တိုကျို လူငယ်လက်ရွေးစဉ် (၂)ဦးဖြစ်သည့် မောင်ကောင်းဇံမရနှင့် မောင်သက်ရင်မျိုးတို့ မိသားစုများမှာ ဂျပန်နိုင်ငံသား အဖြစ်ခံယူထားခြင်း မရှိပဲ လူငယ် ၂ဦးမှာလည်း ဂျပန်ပတ်စပို့များ ကိုင်ဆောင်ထားခြင်း မရှိသည့် အတွက် မြန်မာနိုင်ငံသားများ အဖြစ်သာ ရပ်တည်နေဆဲ ဖြစ်သည်။ မြန်မာသံရုံးမှ အနာဂတ် မြန်မာ့လက်ရွေးစဉ် အလားလာ ရှိသည့် လူငယ်(၂)ဦးအတွက် မြန်မာနိုင်ငံကူး လက်မှတ်များ စီစဉ်ပေးလျှင် ကောင်းလေစွဟု ထင်မြင်ယူဆမိသည်...။ ဒီမိုဝေယံ ဆက်သွယ် မေးမြန်းလိုလျှင် ဦးမြတ်သူ- မောင်ကောင်းဇံမရ ဖခင် 81+90-5521-3941 (Viber available) ဦးသက်လွင်- မောင်သက်ရင်မျိုး ဖခင် 81+5176-2421 (Viber available)  |
|
Posted: 01 Aug 2014 05:55 AM PDT
  
ရွှေညဝါဆရာတော်နှင့် လက်ထောက်ဆရာတော် ဂျာမဏီနိုင်ငံသို့ ရောက်ရှိ..
မြန်မာနိုင်ငံမှ ပြည်သူအတွက်ဆိုလျှင် အချိန်မရွေး နေရာမရွေး မရောက်ရောက်အောင် သွားရောက် အားဖြည့် ကူညီပံ့ပိုးပေးသည့် ရွှေညဝါဆရာတော် (ဦးပညာသီဟ)နှင့် လက်ထောက်ဆရာတော် ဦးသူရိယတို့သည် ဂျာမဏီနိုင်ငံ ဖရန့်ဖတ်လေဆိပ်သို့ သြဂုတ်လ ၁ ရက်နေ့ နံနက် ၆နာရီမှာ ရောက်ရှိလာပါသည်။ သြဂုတ်လ (၁)ရက်နေ့မှ စ၍ သြဂုတ်လ(၃၁)ရက်နေ့ တိုင်အောင် ဥရောပနိုင်ငံများရှိ မြန်မာမိသားစုများအား တရားရေအေး၊ နိုင်ငံရေး၊ လူမှုရေးတရားများ ဟောကြားမှာ ဖြစ်ပြီး စက်တင်ဘာလ (၁)ရက်နေ့မှ နိုဝင်ဘာလတိုင်အောင် အမေရိကန်နဲ့ ကနေဒါနိုင်ငံတွေမှာ သီတင်းသုံး နေထိုင်မှာ ဖြစ်ပါတယ်..။ ဂျပန်သံရုံး ဝန်ထမ်းအချို့ရဲ့ နားလည်မှု လွှဲမှားမှုနဲ့ ဗီဇာ နှောင့်နှေး ကြန့်ကြာမှုများ ရှိခဲ့မှုကြောင့် ဖျက်သိမ်းခဲ့ရပြီး ဂျပန် ကောင်စစ်ဝန် ကိုယ်တိုင် ဗီဇာ အဆင်မပြေဖြစ်မှု အတွက် သွားရောက် လျှောက်ထားတောင်းပန် ခဲ့ရတဲ့ နာမည်ကျော် ဂျပန်ခရီးစဉ်ကတော့ အမေရိကန်နိုင်ငံမှ အပြန် ဝင်ရောက်မယ်လို့ ခန့်မှန်းထားပါတယ်..။ နောင်ခရီးစဉ်များမှာ ဂျပန်သံရုံးအနေနဲ့ ဆရာတော်အတွက် နှောင့်နှေးကြန့်ကြာမှု မရှိရအောင် ဆောင်ရွက်ပေးမယ် ဆိုတဲ့ ကတိကဝက်များ ရရှိထားပြီး ဖြစ်တဲ့ အတွက် ဂျပန်နိုင်ငံမှာ တရားပွဲများ စီစဉ်ထားပြီး မပြုလုပ်လိုက်ရတဲ့ ဂျပန်နိုင်ငံရောက် မြန်မာမိသားစုများနဲ့ ဆွမ်းကပ်လှူမယ့် ဒကာ၊ ဒကာမများအတွက်လည်း သတင်းကောင်းပါးအပ်ပါတယ်..။ ဒီမိုဝေယံ  |
|
Posted: 01 Aug 2014 05:51 AM PDT
     
ဒါတို့တိုင်း တို့ပြည် တို့မြန်မာပြည်..
ပြီးခဲ့တဲ့ ဇူလိုင်လအတွင်းက ဘုရင့်နောင်တံတား အဆင်း သမိုင်းကုန်းကျော် တံတားပေါ်မှ.. စည်းကမ်းမဲ့ မောင်းဝင်လာသည့် ကားများ၏ မြင်ကွင်း တချို့ဖြစ်သည်...။ ယနေ့ကာလ မြန်မာနိုင်ငံအတွင်း ယာဉ် စည်းကမ်း၊ လမ်းစည်းကမ်းကို လိုက်နာခြင်း မရှိမှုကြောင့် သေဆုံးရသူ၊ ထိခိုက်ဒဏ်ရာရသူများ နေ့စဉ်နှင့် အမျှစိတ်မကောင်းဘွယ် မြင်တွေ့နေရသည်။ ဂျပန်နိုင်ငံ၏ နိုင်ငံကြီးသား ပီသမှုနှင့် အသက်အသေခံပြီး စည်းကမ်းလိုက်နာမှုများကို နမူနာအဖြစ် တခုပြောပြလိုသည်။ ၂၀၁၁ခုနှစ် မတ်လက ဂျပန်နိုင်ငံတွင် စုနမိရေလှိုင်းကြောင့် သေဆုံးရသူ အလောင်းများအား ပြန်လည် ရှာဖွေရာ၌ ကားများအတွင်း သေဆုံးရသူများကို အများစုတွေ့ခဲ့ကြရသည် ဟုဆိုသည်..။ ဂျပန်လူမျိုးများ၏ စည်းကမ်းရှိမှုကတော့ ကြီးမားသော စုနာမိရေလှိုင်းများ ဝင်ရောက်လာသည့် အချိန်တွင် ကားဖြင့် ထွက်ပြေးလွတ်မြောက်ရန် ကြိုးစားကြသူ အများစုသည် နောက်မှ ရေလှိုင်းများ ဝင်ရောက်လာသည့် အချိန်၌ပင် ဘယ်သူသေသေ ငတေမှာ ပြီးရောဟူသော စိတ်နှလုံးကို မျက်ကွယ်ပြုပြီး အသက်ဘေး ကျရောက်နေသော တဒင်္ဂမျှတွင်ပင် ရှေ့ကားမှ နောက်ကားကို အတင်းဓမ္မ ဝရုန်းသုန်းကား ကျော်တက်ခြင်းမရှိပဲ စံနစ်တကျ တန်းစီကာ မောင်းနှင်ခဲ့ကြသည်။ နောက်ဆုံးမှ တန်းစီ လိုက်ပါလာသော ကားများမှာ စုနမိရေလှိုင်းနှင့်အတူ မျောပါကာ သေဆုံးခဲ့ကြရကြောင်း ထိုစဉ်က သွားရောက် ကူညီသူ တဦး၏ ပြောပြချက်အရ သိရှိရသည်။ (စံနစ်တကျ မောင်းနှင်ခြင်း မရှိပဲ ကျော်တက်ကျော်ခွကာ မောင်းနှင်ခဲ့ပါက ဒီထက် သေဆုံးသူများ ရှိနိုင်ပေသည်) ထိုစဉ်က အလောင်းများ ရှာဖွေရာတွင် သေဆုံးရသူများစုအား ကားများအတွင်း သေဆုံးလျှက် တွေ့ရှိခဲ့ရသည်ဟု အဆိုပါ ပုဂ္ဂိုလ်၏ ပြောပြချက် အရသိရှိရသည်။ ကမ္ဘာမီးလောင် သားကောင် ချနင်းဟူသော စကားကို ဂျပန်လူမျိုးများ စည်းကမ်းရှိမှုဖြင့် သက်သေ ပြခဲ့လေသလားပင်။ ယနေ့ မြန်မာပြည်၏ မြို့တော်ရန်ကုန်၏ ယာဉ်ကြပ်သိပ်မှု မြင်ကွင်းများနှင့် အတူ ယာဉ်စည်းကမ်း မလိုက်နာမှုနှင့် လမ်းစည်းကမ်း မလိုက်နာပဲ လမ်းဖြတ်ကူးမှု များကြောင့် တိုးပွားလာသည့် ယာဉ်များနှင့် ထိခိုက်သေဆုံး နစ်နာမှုများ အထူးများပြားလျှက် ရှိပေသည်။ မည်သည့်နိုင်ငံ မဆိုလူကူးမျဉ်းကြားမှ ကူးသူများအား အထူးအလေးထားလျှက် အရှိန်လျှော့ ရပ်တန့်ကာ မောင်းနှင် ပေးသော်လည်း မြန်မာနိုင်ငံတွင်မှာ အစဉ်အလာ မရှိဖြစ်နေသည်ကို နေ့စဉ် မြင်တွေ့နေရသည်။ ရန်ကုန်မြို့အတွင်း လူကူးမျဉ်းကြားမှ လမ်းဖြတ်ကူးသူ နိုင်ငံခြားသူတဦးမှ မြန်မာယာဉ်မောင်းများ၏ စည်းကမ်းမရှိမှု ၊ အတ္တကြီးမှုအပေါ် မချိတင်ကဲ ငြီးငြူပြောဆို မှတ်ချက် ပြုခဲ့မှုကိုလည်း ကြားသိခဲ့ရသည်။ ယခု ဓာတ်ပုံပါ သမိုင်းကုန်းကျော် တံတား အသွားတလမ်း၊ အပြန်တလမ်းပေါ်မှ အများနည်းတူ တံတားပေါ်မှ အစီစဉ်တကျ မောင်းနှင်ခြင်းမရှိပဲ သူထက်ငှာ အပြိုင် ဖြတ်ကျော် မောင်းနှင်မှုများသည် တဘက်ယာဉ်ကျောမှ လမ်းမှန် မောင်းနှင်သည့် ကားများအတွက် အင်မတန်မှ အန္တရာယ်ရှိသည့် မြင်ကွင်းတခုဖြစ်ပြီး မလိုလားအပ်သည့် ဆိုးကျိုးများကို ဖြစ်ပေါ်စေနိုင်ပေသည်..။ လူတဦးချင်း စိတ်ဓာတ်မြင့်မားမှ တိုင်းပြည် မြင့်မားပေမည်..။ ဂျပန်လူမျိုးများကဲ့သို့ အသက်အသေခံ စည်းကမ်းရှိရမည်ဟု မဆိုလိုပေ။ မေတ္တာတရားကို အဓိက သွန်သင်ဆုံးမသည့် တရားများ ရှိသည့် နိုင်ငံတွင် နှစ်ပေါင်းများစွာ ခေါင်ကမလုံသောကြောင့် မေတ္တာခေါင်းပါးမှု အတ္တကြီးမားမှုများ စိတ်ဓာတ်ပျက်စီးမှုများသည် လူမျိုးတမျိုးလုံး အရေးနှင့် သက်ဆိုင်လာသလို နောင်အနာဂတ် လူအဖွဲ့အစည်းအားလည်း ခြိမ်းခြောက်မှုများနှင့် ကြုံတွေ့နေရပေသည်။ သက်ဆိုင်ရာများ အနေနှင့် အဆိုပါ အန္တရာယ်ရှိသော အရေးကြီးသည့် နေရာများ၌ CCTV Camera များတပ်ဆင်ကာ လိုအပ်သည့် အရေးယူမှုများအား တိတိကျကျ အရေးယူသင့်ပေသည်။ လူကိုလူလို တန်ဘိုးထားသော အုပ်ချုပ်မှုနှင့် အတူ လူ့အသက်ကို တန်ဘိုးထားသော နိုင်ငံကြီးသားများ အဖြစ် စိတ်ဓာတ်များ မြင့်တက်လာသော လူ့ဘောင် အဖွဲ့အစည်း ပေါ်ပေါက်လာရေးသည် နိုင်ငံသားတဦးခြင်း၌ တာဝန်ရှိသည်ဟု ထင်မြင်မိသည်။ ဒီမိုဝေယံ  |
| You are subscribed to email updates from ဒီမိုဝေယံ To stop receiving these emails, you may unsubscribe now. | Email delivery powered by Google |
| Google Inc., 20 West Kinzie, Chicago IL USA 60610 | |
--
http://www.burmaburo.blogspot.com
No comments:
Post a Comment